مشكلتي في الحياه هي خالة زوجي..

المشكلة في زوجج
لانه في كل مرة يتفق وياها وانتي اللي تتفاجئن..... المفروض يخبرج
او انه يتفق في بداية معاج او يأخذ رايج على الاقل ( اذا تطلع وياكم ولا ..لا

المفروض تتكلمين مع ريلج في هذا موضوع وتعرفين رايه يمكن عاجبنه الوضع وانتي مب حاسة
وربي يسعدج

تزعلين ولا اتكلم ؟؟؟ والله من حرتي! (ابي امون عليك هالمره اسمحيلي تكفين)
انتي الي ماعندك احساس ولا غيره ...(اسفه )
انا فااااااااااااااااااااااااااااااار دمي من تصرفاتها وانتي ثلج!! لاتقولين انك مقهوره والله لو انا مكانك لاذبحها ذبحه الخروف اهي وولد اختها الله لايردها لاهي ولاهو بلا كلام فاضي
لو من الاول قلتيله انا يفور دمي من لزقه خالتك لنا في كل مشوار وانا ما اقدر اتحمل وصحتي قدامه وزعلتي منه كم يوم كان الحال تعدل من زمان بس انتي شاطره تصيحين عند امك يافالحه!!!! اف

نصيحتي لك تعتبرين علاقتك بزوجك حصن حصين وانتي المسؤله عن حراسته بكل ما اوتيتي من قوه (وخلي بالك مو كل مره ينفع اللين) احيانا يحتاج الانسان يكشر عن انيابه وان لم تكن ذئبا اكلتك الذئاب..............

السلام عليكم ورحمة الله وبركاته

لا حول ولا قوة إلا بالله

اختي لا حظتي أن أغلب الردود فيها غيظ من خالة زوجج وطبعا الكل يأيدج وإن كانت بعض الردود في تفاعلها تفوق تفاعلج انتي بمشكلتج

أما بالنسبة لي؟؟ البارحة لما قريت مشكلتج حسيييييييييييييييييييييت بأعصابي تفور وأنا أقرا بس فضلت اني أأجل ردي عشان ما يطلع ردي ظالم في حق أي طرف من الأطراف...

أشوف انج انتي وزوجج غلطانين مثلها هي بالضبط.

أولا زوجج:
باين ان زوجج علاقته قويه وايد بخالته بحكم التقارب في السن وكونها يتيمه...يعني أحس انها بالنسبه له أخته أكثر من خالته.....ومبين بعد ان صداقتهم قويه وهالشي طيب بس؟؟؟؟ المفروض مدام ملج يحط في باله ان في انسانه ثانيه بتاخذ اهتمامه وبتكون هي بالنسبه له صديقته وحبيبته وأم عياله في المستقبل....بس باين عليه ما استوعب هالشي...أكبر غلط ان يحرمج ويحرم نفسه من الخصوصية في احلى فترة من فترات الزواج...رياييل وايد مالجين ويتمنون حتى يتكلمون في التيلفون ويا خطيباتهم ومب قادرين...وماشالله على أهلج متفهمين هالشي..مب معقول يعني يعطي جدول أعماله حق خالته حتى قبل ما يسوي شي...شي طبيعي انها بتقول انها بتسير وياكم....وبعدين والله انها مب غاصبتنه على هالشي.....كل شي بكيفه........خليه يخبرها عن مشاوير لو حب بس عقب ما تكونون طلعتوا ورجعتوا البيت...وشوي شوي انصحيه ان الحياة الزوجية بتكون مختلفة تماما عن حياته ألحين...اطلبي منه بدلع الحريم أنكم محتاجين عقب الزواج تكونون بروحكم وما تخلون بيتكم مفتوح حق كل حد...اللي يزور لازم يسألكم ويتصل قبل سواءا من أهلج أو أهله...عشان ما يحس انج تتهجمين على أهله.....وصدقيني عقب العرس بيخلي الدلع حقج انتي وبس عشان بكل بساطه انتي دنيته ووياج بتختلف أحاسيه


ثانيا انتي:
خجلج خلاج ضعيفة الشخصية في فرض رأيج بخصوص حياتج وانتي تشوفين خالته كيف تتصرف.....يعني مب معقول أبدا تسمحين لأي شخص يحاول يتدخل في الاختيار ويفرض رايه حتى لو ذوق هالشخص أحسن عن ذوقج عشان في النهاية هاي حياتج انتي مب حد ثاني....وصياحج مامنه فايده اذا انتي ما غيرتي تصرفاتج...كوني قوية بس حكيمة وهادية مب تتضاربين ويا زوجج أو حتى وياها هي....هدي أعصابج وتقدرين تردين بمنتهى الذوق وتقولين لها مثلا, ذوقج حلو أكيد بس أنا ذوقي مختلف عنج...عطيها العذر انها يتيمه وأصغر وحده يعني دلوعة شويه وولد اختها مدلعنها....ويمكن المسكينه محد مراعنها غيره...صح ماشالله عايلتهم كبير بس يمكن ولا حد منهم مهتم بها أو قريب منها وفاهمنها.......ومثل ما ذكرن بعض الخوات جايز انها حست بالغيرة لما لاحظت ان في انسانه بتحتل مكانها....يمكن عشانها عارفة ان خلاص ماباقي لها وقت وخصوصا ان زواجكم قريب وخايفة انك تبعدينها عن ولد اختها..........لا تنسين انهم من سنييييييييييييييييين ويا بعض يعني مب بسهوله عليها بتتقبل هالشي.............تصرفي بحكمة وياها وبمنتهى الهدوء وحاولي تكسبينها وتحسسينها ان لها مكان في قلبج انتي بعد...بس خلي حدود عشان ما تمصخها وتخلي بيتكم المقر الرسمي لها...خليها تفهم انها لو بغت تزوركم لازم تكلمج انتي أولا وتشوف ظروفج...


وأخيرا الخالة العزيزة:
مثل ما ذكرت قبل ان عوامل كثير ساعدت في تكوين هالشخصية مثل اليتم وآخر العنقود يعني دلوعة ومحتاجه الاهتمام.....مب شرط ان العايله الكبيره معناتها انها تقدر تلقى اللي يفهمها....وفي بعد شي مهم.....مبين عليها انسانه فاضية ماعندها اللي يشغلها....يمكن تحاول تتقرب منج انتي عن طريق تصرفاتها ويا ريلج....يعني تبا تراويج انها تحبه وبتحب حرمته...يعني بطريقة غير مباشرة: حبيني انتي بعد يا زوجة ولد اختي ولا تبعدوني عنكم....يمكن ما عندها اسلوب وذوق في توصيل هالشي لكم.....أكيد هي مب غبية وعارفة انها بتعاني من الوحده وهالشي خلاها تتصرف تصرفات تضايق بج بدون ما تلاحظ....اطلعي وياها بدون ما زوجج يكون وياكم....حسسيها انج بتكون صديقتها وبتشوفين ان اتصالاتها بتكون لج انتي أكثر من زوجج...وقبل ما تمل منج ان شاء الله بيكون ياها نصيبها وبتنشغل بحياتها اليديده ويمكن....


أدري اختي اني طولت في الكلام واسمحي لي على هالشي....هدي أعصابج يا عروس ...ترا كل ما قرب العرس كل ما احترقت الاعصاب أكثر... يعني لا تنكدين على عمرج بسبب مشكلة ممكن تكتشفين بعدين انها تافهه وما تسوى.....................واذا لاحظتي عقب العرس ان زوجج بيخرب طلعة رومانسة وبيعزمها، تدلعييييييييييييييييييييييييييييي عليه وبتشوفين كيف بيتصرف...............ومبرووووووووووووووووووووووووك مقدما

[CENTER][شكرا لك أختيwestar & Runway Bride على ردك....

وإنتي تقريبا ما اختلفتي عن ردود البقيه كلكم تقريبا نفس الرد...

والحين صارت المشكله إن كل الناس فاهمه إن اللي تسويه غلط إلا هي الوحيده مع إنها تعرف إن الشيء اللي سوته غلط....

بس فيه شيء ثاني هي مش قريبه من سنه مثل ما قلتي لأن هي أصغر من زوجي بسبع سنين....

وأنا اللي أصغر منها بسنه وناس واجد من عيلتنا انخطبوا قبلي وأنا ما سويت ولا شيء من اللي سوته هذي...

وأختي انخطبت قبلي ب سنتين وأنا كنت بعمر صغير يعني المفروض البنات اللي بهذا العمر يسوون سواتها وأكثر بس أنا كنت فاهمه إن هذا الشيء غلط ولا عمري طلعت معهم إلا إذا أختي بتروح زواج وأنا في نفس الزواج راح أروح وإللي بيوصلها زوجها فأروح معها وأنا أحس إني فشلانه إني رايحه معاهم أحس إني لصقه....

السلام عليكم ورحمة الله وبركاته

اختي العزيزة


خواتنا في المنتدي عطنج حلول كثيرة وترواحت من الشدة والاعتدال بس ما أدري انتي ليش مصرة انج تنكدين على عمرج............الظاهر ان مشكلتج انج مب عارفة تختارين الحل اللي يريحج ويمكن خايفة من أي تصرف تتصرفينة وتكون له نتايج عكس اللي تتمنينه.....

وفرق العمر بينهم مب كبير لهالدرجه وما يمنع ان علاقة طيبه تكون موجودة بين ريال وخالته وكل السالفة انه زوجج يعطف عليها ويراعيها ويحترمها في نفس الوقت

انتي محتارة عشانها مثل ما قلتي طيبه في تصرفاتها وياج بس اسلوبها غلط...وفي نفس الوقت قلبج حارقنج من تصرفاتها............

استهدي بالله وصلي على النبي.........عرسج قرب وانتي بعدج يالسة تكبرين النكد في حياتج...تأكدي انها فترة مؤقته وغالبا بتنتهي عقب العرس...هي بتتأكد ان ولد اختها استوى ملك وحده ثانيه وبتتأقلم ويا الوضع اليديد...لا تخلين أمج وأهلج يحاتونج وخايفين على حياتج الزوجية من ألحين...

يعني معقول مثلا حتى في حفلة عرسج بتراقبين تصرفاتها خصوصا لما يدش المعرس ويكون عدالج؟؟ يعني بدال ما تكونين عروس وملكة متوجة في يوم عرسج والابتسامة على ويهج بتبوزين يوم يتشوفينها أو بتلاحظين مثلا تصرف يصدر منها؟؟ طنشيها وعطيها ابتسامة عروس واثقة من قدرها ومكانها في حياة زوجها...

نصيحة: النكد يأثر على البشرة والويه بكبره يا عروس.....

اختي انا شايفة المشكلة الفعلية هي زوجك شلون فاتح لها المجال بأنها تتدخل في حياته اولا وحياتكم الزوجيه ثانيا
حتى لو هي يتيمه ما توصل بها المسأله لهذا الحد
ولو كل يتيمه سوت الي تسويه خالة زوجك محد بيعطف على اليتامى
حاولي اولا تكلمين زوجك بهاي المسالة واذا ما تجاوب معج كلميها بنفسج

مشكوره أختي عيون وساع على ردك علي....

هذا هي هو اللي عاطيها فرصه وعاطيها وجه بزياده بس هذا قدري إللي أي إنسانه في الدنيا ما ترضى به....

وسام عزيزتي

الآن ما بقى على عرسك ولا شي

الأفضل لا تشوفينه ولا تكلمينه علشان يكون يوم العرس له بهجة خاصة حتى مجرد الشوفة

وبعد العرس لكل حادث حديث

إياك أن تقسي قلبه على أهله واعني خالته

لكن يجب أن تناقشيه بهدوء أن لكل شيء وقته ولكل شيء حده ولكل إنسان حقه

وعلى كل إنسان أن يعرف ما له وما عليه

أتمنى لك التوفيق

بارك الله لكما وبارك عليكما وجمع بينكما في خير

أشكرك أختي بنت فلسطين على رفع معنوياتي....

انا من راي البنات انك تتجاهلينها لكن اذا تدخلت عطيها بوجهها الرفض بس بدون جرح لها

يمكنها متعلقه بخطيبك عشان كذا تحس بفقدته

بس صدقيني راح تتعود والله يسهل لك

أيوة يا أحلى عروس أسعدتيني برفع معنوياتك

وتوقعي يوم العرس كل شيء .. كل شيء

وإياك تبوزي وتطلع صورك مش حلوة حتى لو هي قاعدة في كل صورة وقاعدة لكم على الكوشة طول العرس

ابتسمي ولا على بالك

أنت العروس وهذا يومك وكوني سعيييييييييييدة قد ما تقدري

هو يوم لن يتكرر .. فلا تتضايقي فيه ولا حتى بنسبة 1%

أنت الملكة وهذه مملكتك وسيعينك الله على بناءها لتكون أحلى مملكة

وستكوني أجمل ملكة .. ثقي بالله عز وجل وسوف يسعدك في الدنيا والآخرة

لا تنسوا كل ما يمكن أن يساعد في زيادة البركة هذا اليوم

عرس يرضي الله .. وبداية بذكر الله .. الأدعية الواردة في هذا اليوم

صلاة ركعتين وبداية طيبة لحياة أطيب

ربنا يوفقكم .. ذكرتيني بيوم عرسي

أجمل يوم بالحياة

تذكرينا بعد العرس

مشكوره أختي بنت فلسطين على نصايحك وإن شاء الله هي ماتسوي شيء زايد عن حده عشان لا أضطر أبوز بوزي....

شكرا لك عاشقة الجوري على ردك.... والله يوفق لك إن شاء الله...

ويوفق كل من رد على مشكلتي...

والله قهر

لا تعطينها وجه ونبهي زوجك انها غايرة منكم وتبي تتعسكم

واذا كانت بتطلع معكم قولي يا انا ياهي بالطلعة

الله يعينك وان شاء الله يتغير كل شي بعد الزواج وادعي لها يجي نصيبها وترتاحي وهذي ما تعتبر مشكله كبيرة هونيها وان شاء الله تهون المهم كوني صريحة مع زوجك ولا تسكتين حتي ما يتعود على هذا الشي وبعد هي اذا شافتك راضية زودتها

الله يلوع جبدها :down: سامحيني بس صج صج بطت جبدي ..

وماقول الا الله يكون بعونج ولازم خطيبج ينتبه شوي يمكن هو مو منتبه لانها خالته

بس الشغله كبيره ولازم ينتبه ..وخاصه انها مو متزوجه

الله يهديها ان شاء الله ..:eek2:

:o

سوري عى الرد السريع بس صج صج صج جصج ججج باااطه جبدي :pain:

نصيحتي لك

نبهي زوجك واقلقيه وقولي من حقي اغار عليك

واذا تبي اول ليله تكون نكد بسبتها بكيفك

صدقيني بيسفها ويهتم فيك واذا سوت لك اي شي يوم زواجك يا اكرشيها انتي

اذا كان زوجك موموجود جنبك والاقولي لزوجك مع شويه تمثيل اذا ما ابعدتها عني بصيح

هذا يومي انا وانت وبس مو انا وانت وخالتك بالنص

واكيد بيقلعها عنك وبتنبسطين مرررررة

وسوي نفسك بتصيحين وما راح تصورين وماتبين تتزوجين لانك بتتزوجين خالته معه

وهو بينفذ لك طلبك لانه مايبي ينكد على نفسه وعليك بهالليله

طبعا هذي الطريقة مجربه

اما اذا زوجك صار ضعيف قدامها انتي اكرشيها او امك او وحدة من خواتك

السلام عليكم ورحمة الله وبركاته

الله يتمّم لك على خير يا رب و يفرّح قلبك إن شاء الله

مشكورين خواتي... أم فرح وجوري 2 و مرموم وغيثه...

والله إن شاء الله يوفقكم دنيا وآخره....

أنا مؤمنه بقدري ونصيبي وأدري إني إبتليت بهذي الإنسانه بس إن شاء الله لما أتزوج يتغير الحال....

وإن شاء الله يجي لها نصيبها عن قريب....

اامين يارب ..بس انتي لاتسكتين ..

لان الزوج ان تربيه صدقيني ...لو شافج ساكته بمشي على كل الامور بنفس الطريقه

:pain:

يارب يوفقج يا حبيبتي ويزوج الخاله