ابي رايكم بمكياجي

مع ان شكلكم مليتوا من مكياجي بس بعد بكمل



69/ اربع ألوان شادو بنفسجي و درجات الوردي من شانيل

70/ اربع ألوان شادو من ديور

71/ اربع ألوان شادو من نوبا ،، الألوان ابداً ما تثبت حتى مع الماي

72/ علبتين من بدي شوب نفس الألوان ثنتينهم ،، العلبه الوحده مقسمة الى 3 اقسام بودرات فيهم لمعه،، كل قسم فيه لون :: صدفي ،، بني فاتح ،، بني غامق



73/ علبة شادوات ماركتها مب معروفه جابتها لي بنت عمي ومثل ما تشوفون عجبني اللون الأبيض والبرتقالي حتى التركواز وايد حلو

74/ ثلاث الوان شادو من Karaja

75/ علبة شادو فيها اربع الوان بس للأسف رفيحتي كسرتها وبقى البيج اللي فيه لمعه وايد حلو عشان جذي ماقدرت استغني عن العلبه

76/ شادو بنفسجي فاتح بلمعه من مكياجي

[grade="00008B FF6347 008000 4B0082"]واااااااااااو رعبوب
تسلم يمناج مكياجج ما عليه كلام نبي بعد<<< طماعة

عجبوني شادوات ديور رقم 71 و 69
جم أرقامهم؟؟ انتي عاد تحبين ديووور
شلون لونهم و ثباته؟؟؟[/grade]

السلام عليكم ورحمة الله وبركاته



الصراحه انا الوحيده اللى هقلك ربنا يسمحك
لانك عقدتينى المكياج يهبل

سؤالي يارعبوب ... كيف تثبتين هالشدو أو الجليتر البودره؟!! ودي اعرف طريقتج؟!!

Manary:
[grade="00008B FF6347 008000 4B0082"]واااااااااااو رعبوب
تسلم يمناج مكياجج ما عليه كلام نبي بعد<<< طماعة

عجبوني شادوات ديور رقم 71 و 69
جم أرقامهم؟؟ انتي عاد تحبين ديووور
شلون لونهم و ثباته؟؟؟[/grade]

حبيبتي مناير انتظري الباقي فديتج

الصوره رقم 69 علبة شادو من شانيل اللي بدرجات الوردي مع البنفسجي و اسمها :: Vanities

الصوره رقم 70 علبة شادو من ديور اللي بدرجات البني و هذا رقمه caliente 650

الصورة رقم 71 علبة شادو من نوبا بصراحه فاشله وانا انغشيت فيها وما تثبت مع ماي او بدونه
على العموم هذا رقمها : 606


بخصوص شادوات ديور اللي سألتيني عنهم روووعه وثابتين ،، انا امووت في ديور وبعد امووت في الدرجات الترابيه

سلسبيل مصر:
السلام عليكم ورحمة الله وبركاته



الصراحه انا الوحيده اللى هقلك ربنا يسمحك
لانك عقدتينى المكياج يهبل

وعليكم السلام ورحمة الله وبركاته

تسلمين غاليتي سلسبيل و يشرفني مرورج

ومن ذوقج يالغاليه

خليجية:


سؤالي يارعبوب ... كيف تثبتين هالشدو أو الجليتر البودره؟!! ودي اعرف طريقتج؟!!

هلا خليجيه ،، يسلم لي هالتواصل الحلو

فديتج ما حددتي لي اي واحد تقصدين ،، مو مشكله بقول لج طريقتي مع كل شادو فيهم

57 هو شادو سيفورا الكحلي اذا بتحطينه جذي ما راح يثبت واللون ما بيطلع كله بنفس المستوى يعني صوب فاتح وصوب غامق
اذا استخدمته مع ماي يطلع لونه حلو بس فاقع
غالباً احطه فوق شادو عادي او اي لاينر وادمجه ويطلع اللون واللمعه رووعه

85/ هذي اللمعه الورديه من سيفورا تنفع لتحت الحاجب ،، بس انا غالباً انثر منها شوي فوق البلاشر وتطلع اللمعه حلوه
للصبح اوزع منها على كامل الجفن و تعطيني لمعه ورديه خفيفه

59 / جليتر ذهبي من سيفورا ،، اللي عجبني فيه انه بودره وانا ماحب الجل او الثابت،، انثره على الجفن المتحرك ،، هو ممكن مع الوقت يخف لكن ما يروح نهائي ،، واذا خف ينزل على الجفن السفلي ويطلع المنظر احلى

60/ هذه الأضاءه من فور ايفر احياناً اوزعها بدون تثبيت ،، و للسهرات اذا ابي الأضاءة تحت الحاجب اقوى استخدم قلم شادو من فور ايفر و اوزعه هو كريمي بعدين انثر عليه هذه البودره و تطلع اقوى واثبت ،، تابعي معاي الصور وبتشوفين القلم اللي اقصده

61/ هذا الشادو الأخضر من مكياجي احب احطه على القوس بس لازم يكون تحته ظل اخضر وميزته انه يقوي اللون ولمعته خضرا تهبل
وبعد اوزعه فوق الأي لاينر الاخضر يعطي لون اغمق و لمعه تهبل و بعد يكون ثابت لأن تحته الآي لاينر

اتمنى اني وضحت لك طريقتي بالشرح

[grade="F4A460 00BFFF F4A460 00BFFF"]روعه رعبووووب

ماشاءالله اغراظج وايد حلوه

وعندي تفس علبة ماك وفيها نفس اللو نيلون...

وبعد ماسكارا مابيلين xxl فعلا اللون الاسود يجمع الرموش..

واحسن تستخدمين الابيض مع ماسكارا سوده ثانيه..وبعد حلو لتثبيت شكل الحاجب ^_^

وظلال سيفورا اللي عندج عذااااب تهنيتي فيهم يالغلا :)

ولي خلصت ماسكرا ديور جربي ماسكارا لاش كوين من هيلينا روبنشتاين فظيعه ..[/grade]

هلا حياتي رعبوب عليج بالعافيه فيهم عيوني

بس بغيت اسئلج كيفيه استخدامج لكونسيلر ميك آب فور ايفر

همساته هلا فيج حبيبتي

تسلمين لي يا قلبي على الرد الحلو

ومثل ما قلتي ماسكار XXl

صرت استخدم الجنب الأبيض مع ماسكارا ديور و لانكوم

و ماسكار لاش كوين ،، نصحني فيها البياع عند وجوه بس انا قلت اجرب ديور اول ،، امس اختي خذتها و تقول لي انها من حلاتها خلاص كنسلت لانكوم ،، ان شاء الله لين خلصت ديور بجربها..

عروس الدوحه:
هلا حياتي رعبوب عليج بالعافيه فيهم عيوني

بس بغيت اسئلج كيفيه استخدامج لكونسيلر ميك آب فور ايفر

الله يعافيج يا قلبي

كونسيلر ميك آب فور ايفر ،، استخدم اللون الاخضر نادراً وحق الحبوب بس
بعد ماحط طبقه منه احط فوقها طبقه ثانيه من الكونسيلر وبعدين الفاونديشن عشان ما يبين اللون الاخضر

الثلاث ألوان اللي بالنص استخدمهم بالتدريج فوق بعض بداية من اللون الغامق لين الفاتح للهالات السودا تحت العين ،، لأن بجد اللي عندي يبيلهم تغطيه قويه

وممكن بعد بنفس الطريقه لتحت الحاجب

افتح لون استخدمه لتحت الحاجب يعطي اضاءه و يثبت الشادو والاضاءة لتحت الحاجب

و ممكن احطه على الجفن السفلي اذا بحط ميك آب ثقيل ،، او بسوي لوك برونزي يبين احلى لو كان تحت العين فاتح

تسليمن ياقلبي .. والله انج ماقصرتي ..


كفيتي ووفيتي بالشرح .. لا خلا ولا عدم عيوني ...


وعساج تتهنين فيهم يارب ...


وبإنتظار البقيه ..

هلا فيج حبيبتي خليجيه

اسعدني تواصلج العذب ياعمري

77/ شادو بنفسجي فاتح من سيفورا

78/ شادو اورنج من سيفورا ،، لووول كسرته عشان يطلع لونه اقوى و اثبت

79/ شادو شريته من مكياجي لونين مع بعض برتقالي فاتح مع فوشيا كسرتهم وخلطتهم وطلع لون جديد يهبل ،، ماركته :: GOSH

80/ شادو خذته من مكياجي لونه يهبل وثابت ،، ماركته :: JAVICO

81/ شادو باودر ماروني من لايف ستايل

82/ شادو اسود بلمعه من سيفورا ،، لونه احلى مع الماي


اذا حابين تعرفون الأرقام ،، اذكروا لي رقم الصوره وانا حاضره

83/ 3 ألوان شادو من بورجوا

84/ لونين شادو من ديور ،، الابيض حلو لتحت الحاجب ،، عموماً اللونين رووعه لنحت الأنف.

85/ 4 ألوان شادو من radiant

86/ 3 ألوان شادو من ماركس آند سبنسر

87 / شادو كريمي من ميك آب فور ايفر ،، روعه لأخفاء الشعر الزائد من الحاجب ،، ويعطي لمعه قويه وحلوه للسهرات

رعبوب


عجبتني فكرة كسر الظل عشان يعطي لون اقوى

انا عندي لون مشمي من ماك وكلش مب واضح بجرب طريقتج

لاني اصلن مب مستفيده منه فأذا اخترب مب مشكله

ويسلمووووووو ع باقي الصور

حلو ماكياجك

تتهني بيه

كوكو شانيل

تسلمين ياعمري

جربي و قولي لي عن النتيجه ،، بس حاسبي وانتي تستخدمينه لا يتنثر :shy:

suzi

عيونج الاحلى حبيبتي

تسلمين اختر رعبوب على الصور الحلوووووه ومكياجج يهببببببببل

وعلى فكره
مب لازم تكسرين الشدو ... بس بحركه بسيطه بطرف ابره او دبوس تحكين فيها الشدوو ..وبيطلع لونه حلوووووو

تحياتي لج

غاليه