ماذا تفعلين لو زوجك00000000000000

اقول له لا و لا و لا

طبعا اقوله لآلآلآلآلآلآلآلآلآلآ
:mad2:

انا داخله بالغلط

مو متزوجه:sad:

بس حبيبتي ابجاوبك

ابخليه يروح ليه اقعد اشك فيه وانا ماشفت شئ يس عشان الرجاجيل مالهم امان

بالعكس هذا بيخليه ينفر مني ومره ثانيه يدور الكذب بالسفره ومايقولي الحقيقه عشان ماانشب له

السلاااااااااااااااااااام عليكم ورحمة الله وبركاته


عزيزتي واخيتي في الله

الرجال لما يبي يسافر لحاله زين منه يقول لزوجته خاصة الزوج الشرقي >>>>>>>>>> يعتبرها من المرجله انه مايقول

فالحمدالله انهم يقولون لنا اللحين انهم بيسافرون مو يصفطونا ولا ندري وين أراضيهم ،،،،،،،

أخيتي مهما رفضتي او وافقتي مدام حط السفر في راسه ماراح يغير فكرته الا مارحم ربي
فليه اتعب نفسي معاه ،،،،،،،،،، واخلي الوساويس تلعب براسي ،،، واملي مخدتي دموع ،،،، واخلي اهلي يشيلون همي

الا
كيـــــــــــــــــــــــــــــــــــــــــفه ،،، ومالي الا ارسل دعواتي معاه ان الله يحفظه ويغنيه بحلاله عن حرامه


مااقولك انه مو قهر ـــــــــ ولا اقول اني قويه واقدر اصبر ،،،،،،،، ولا اقولك اني اثق كل الثقه

لكــــــــــــــــــــــــن اقدر أخفي حزني عنه واصفط له ملابسه وانظفهم واعطرهم واحط بين ملابسه صورة بنتي واكتب عليها ليه يابابا تكسر في خاطرنا وتروح وتخلينا ؟؟؟؟؟؟؟؟


اقـــــــــــــــــــدر افل سجادتي كل ليله وادعي الله انه يرده لي بالسلامه ويحفظه من شر اصدقا السوء واشكي همي لربي


اقـــــــــــــــــــــدر اخلي فترة سفرته وبعده عنا فترة راحه لي من هموم البيت ومشاااااااااااغل هالدنيا


اقـــــــــــــــــــدر اقوله روح حبيبي لكن منت لاقي وحده تبوسك مثلي ولا تضمك كل ليله ولا تدلكك ولا ولا ،،،،،،،،،،،،

هو الخســـــــــــــــــــــــران

مهما سافر ومهما لف مرده لك انتي زوجته

فاصبري عليه وادعي له بالهدايه وخليه يسافر ماراح يضرك شي ،،،،،،،،،،،،،،،،،،،،،،،،،،،،،،،،،،،،،،،،،،،،،


اهم شي انتي فكري في شي ايجابي ولا تخلين الغيره تاكل قليبك


كلنا حياتنا كذا





الله يهديهم يارب ويسخرهم لنا ياحي ياقيوم

البقرة الوحشيه حلوة ايجابيتك

اختي الحزينه اذا زوجك يسمع كلامك لاتوافقين واذا بينفذ الي براسه استسلمي

بس لاتوافقين خليه يحس بتانيب الضمير وشيني النفس عليه

واذا سافر خليه يدفع دم قلبه بالهدايا القيمه

عشان مايتعود لها

السلام عليكم ورحمة الله وبركاته

:cry: هذا الشي هو هم المتزوجات كلهن...
بعطيج رأيي لو اني بعدني مش معرسة:

رأي الوحدة المفروض يتوقف على أشيا وايده، ألا وهي؟؟

الدولة اللي بيسافر لها

اصدقائه (اذا هم من النوع اللي يسافرون حق الغلط أو لا)

شخصية الزوج (إذا كان لعاب وراعي حريم, أو من السهل التأثير عليه)

الأولى ان زوجته تسافر وياه وإذا الحالة المادية ما تسمح، يقدر يسافر وياها بالسيارة لدولة قريبة مثل صلالة في عمان (روعة) أو مافي داعي للسفر إذا تكاليفه غالية عليه ويسير لأي مدينة في دولتهم يحجزون في فندق حلو اسبوع او اسبوعين..

أما إذا الزوج أصر والزوجة طبعا أمرها لله، خليها تنصحه انه يتحمل على عمره ويبعد عن الغلط عشان لا يبتلي بالأمراض الجنسية اللي بعضها قاتل ويبلي زوجته وبيته….بسبب رغبة كلها حرام

أحيانا الزوج يحس بالملل من حياته ويا زوجته ( مب عشانه يكرهها) لكن الرجل معروف بشخصته الملوله..يمل بسرعة ومحتاج للتغيير بعيد عن الروتين وهذا نوع من التجديد يقوي علاقة الزوجين….لما يرجع الزوج من السفر يكون مشتاق لبيته بشكل كبير وخصوصا إذا لقى زوجته مبتسمة ومتزينة له (مب مبوزة وبدون زينة تخوف ريلها)

وإذا الزوجة أصرت ان ريلها ما يسافر وهو مصر على السفر، تقدر تربطه في البيت أو (انا أفضل هالحل) تلفق له قضية:cool2: ( طول فترة الأجازة بيحاول يثبت براءته)

وتسلمين:flower:

اقووووله

لا
و
لا
و
الف
لا
لالالالالالالالالالالالالالالالالا

ماتروح مع ربعك خلاص سافرت وشبعت والحين انت متزوج ولازم تستقر مع زوجتك في بيتك وعيالك
خلاص ماكو سفر

بس كلام الاخت البقرة الوحشية روعه بس ماراح اقوله لا
و
راح ادعيله بالهدايه من كل قلبي


دمتم سالمين

اختكم شريفة

خواتي رجاجيل الحين ما يسمعون كلام الزوجة
انا زوجي كل سنة يسافر مع اخوانه وربعه
وكلسنه اقول لا لا تسافر ما يسمع رمستي ويسافر بس الحق انه يوميا يكلمني مرة او مرتين
وغير الي اطلبه منه يشتريلي
الحمدلله تعودت على سفراته

تسلمي البقره الوحشيه علي ردك الرائع
بس عاد تعرفي احنا الحريم عقلنا صغير ومانقدر الا مانزعل

السلام عليكم ورحمة الله وبركاته

شوفي أختي هذا الموضوع...

من هنـــــــــا

بالفعل تعتمد على معرفتك اليقنية لعدة أشياء

أخلاق زوجك

أخلاق أصدقائه

الجهة اللي بيروحون لها

والله لو إنه طالع دورة من العمل مع زملائه .. الله يوفقه

لو طالع يجاهد هو وإخوانه المسلمين الله يوفقه

لو رجل أعمال ورايح مع أصحابه وشركاه في العمل لعمل معين بعد الله يوفقه

لو كل سنة ماخذني ومسفرني وعيالي وهذه السنة فقط حب يغير الله يوفقه

لو رايح حج مثلا وما قدر ياخذني معاه ولا حالته المادية مش بزيادة الله يوفقه

لكن لو إني متأكدة إن السفرة هذه لها تأثير سلبي لازم أقول رأيي فيها حتى لو بالنهاية ما سمع كلامي ومشى اللي في راسه

هو بالنهاية شوره مب عندي .. بل من راسه .. يعني لو اقتنع بعدم السفر خير وبركة لكن لو ما اقتنع ما راح أقول إلا ربنا يوفقك بالخير ويبعد عنك الشر على إني زعلانة ..

اتق الله في السر والعلن حتى ربنا يوفقنا في حياتنا

يعني هذا رايي ونتمنى ايضا سماع آراء الأخوات

اذا كان لعمل او لشئ طارئ واكون متأكده انه لهالشئ اوكي يمكن بعد اوافق ........؟؟

اما مع اصحابه لا والف لا .........؟؟

والله ما عندي ثقة باللي بيروح معهم وحتى لو كنت عارفتهم ؟؟

وانا لما كنت مالكه على زوجي خبرني بعض البلاوي اللي يسوونها اصحابه في السفر ؟؟

والله العظيم شئ يشيب الرأس ما تتوقعين ؟؟ ولا من ناس متدينه بعد ؟؟

يعني لا يغرك مظهر اصحابه ؟؟ وحتى لو قالك عنهم زينين ؟؟ الرجال مالهم امان في الديرة اشلون بره ؟؟

الله يستر على جميع المؤمنين والمؤمنات ؟؟

عشان جذي احنا لحد الان متفقين انه ما يسافر مع احد غيري وانا ما اسافر مع احد غيره ؟؟؟

الا للشئ الضروري ؟؟

بس بعد الواحد يخاف من هالسفرات ؟؟

انا اقول اختي لا اتوافقين واذا سواها وسافر لا ترضين عليه ؟؟؟؟

خذيها مني نصيحه لله ؟؟؟ لان ................؟؟؟

ما ابي اشيشك على زوجك لكن الله يهديه ويرشده للطريق المستقيم .......

أنا بعد الخطوبة بـ 7 شهور قال يبي يروح يصيف بلبنان مع أخوياه

قلت عادي

بعد ما رجع بأسبوعيييييييييييييييين

رحت تعمرت وصار العين بالعين

والسفرة بالسفرة

ولو بيكررها عااااااادي

السلام عليكم ورحمة الله وبركاته
اناكان زوجي مايحب روح اي مكان لين ماطلع اليه اصدقاء السوء
الحين صار من النوع الي يسافر دائما بروحه او مع اصدقائه
واذا قلت له انسافر معاك خاصة اذا كانت اجازة من حقنا حنا انسافر
يقول لي مصاريفي لحالي مو مثل مصاريفي اياكم
و صرت مااثق فيه بعد ماعرفت انو لها علاقه بوحدة من دولة عربية
لكن مايحب يسافر الا مع اصدقائه اوبروحه الحين ماعدت اهتم سافر ولا لا
ولا يهمني اي شي اسويه لانو كلمة والثانية يقول لي اذا مو عاجبنك الباب يفوت جمل
لكن مااقول الا الله يهدينا جميعا

[grade="00008B FF6347 008000 4B0082"]هلا....
اكييييييييييييد بقوووله لااااااااااااااااااااااااااااااااااااا......
واذا ما سمع كلامي بخبر علييييييييه اهله ههههههه....
انا يمكن بأمن عليه ( في المستقبل) لكن مب ربعه .......[/grade]

بصررررررررررررررررررررررررراحة انا خطيبي بلغني انه بيسافر قبل اسبوع وماأنكر اني تضايقت وانفجرت (6)
بس قلتله اهم شئ ترجعلي بالسلامة
والصرااااااااااااااااااااااااااااااحة هو انبسط كثير وصار كل شوي داق علي يطمني عن اخباره
والصرااااااااااااااااااااحة انا نفسي انبسطت يوم شفته مستانس وانا حبيبتي سويت كذا علشان احسسه ان الزواج حلو مو سجن