بأي اسبوع من الحمل انتي؟

اختيه قوارير يزاج الله خير وعسى الله يجعله في ميزان حسناتج .. انا اخر دورة لي كانت 28 /11/2006 ممكن تحسبيليه بأي اسبوع انا ؟

اختي اثمد

اخر دوره 28- 11- 2005
موعد الولاده بيكون 5 - 9- 2006 بإذن الله

بتاريخ 5 يناير ان شاء الله بتكملين الشهر الأول و تدخلين الثاني بإذن الله
و تاريخ 5 من كل شهر تدخلين شهر جديد

عمر الحمل اليوم 5 اسابيع بالضبط و كل اثنين تدخلين اسبوع جديد بإذن الله

و هذا شريط الحمل الخاص فيج عزيزتي

السلام عليكم ورحمة الله وبركاته

الله يعطيك العافيه اختي

اختي حبيت تحسبين لي بس انا تاريخي بالعربي بالهجري مو الميلادي اذا تعرفين اللي هو اول يوم لي في اخر دوره هو 4/3 /1425هـ

اختي دمعة بحر

اخر دوره بتاريخ 4/3 /1426 (13-4-2005)

موعد الولاده بتاريخ 20- 12-1426 ان شاء الله 20- 1-2006

خلاص هانت كلها كم يوم عزيزتي و يشرف البيبي

عمر الحمل اليوم 37 اسبوع و 5 ايام

و هذا شريط الحمل هديه مني لج

فديتج حبيبتي قورارير .. مشكورة ويزاج الله خير ماتدرين اشكثر استانست:smile: ادعولي عسى الله يثبت لي حملي ويرزق كل محرومة آمين يارب العالمين

تسلمين اختي قوارير والله يجزيك خير

بس بصراحه تحطمت :confused: المستشفى قالوا لي في 18/12 وانتي بتاخريني يومين بعد:confused:

الله يجزيك الجنه يارب

اختك دمعة بحر

اختي أثمد

العفو عزيزتي
و الله يثبت حملج ياااااااااا رب
و يكرمج بشوفه البيبي سليم معافى


اختي دمعه بحر
شكلج مستعجله

الله يعينج

ان شاء الله يااااااااااااارب تولدين قبل موعدج
علشان ما تحاتين التأخير

و خلاص انتي دخلتي التاسع
يعني توقعي الولاده بأي لحظه مو شرط بموعد الولاده عزيزتي
الله يسهل عليج يا رب و طمنينا عليج اول بأول

صدقتي اختي قوارير مستعجله بالقووه

والله يسمع منك وأولد قبل موعدي

والله يجزيك الفردوس الاعلى

اختك دمعة بحر

تسلمين على الدعوه الحلوه
ولا تنسين تبشرينا بالولاده

هذا اول بيبي؟

انا في الاسبوع 22

انا الحين في السبوع 27

واتمنى اولد بسرعة

تحياتي

انا اخر دوره كانت 27 7 2005 متى بيكون موعد الولاده؟

الغالية ان عندي أخر دورة 28/11/2005 أريد أعرف متى موعد الولادة وأن في أى شهر
ومشكورة حبيبتي

خواتي
واحة الايمان
الشمعة الباكية

الله يثبت حملكم ويسهل عليكم الولاده يااااااااااارب


اختي لليان الحلوه
اخر دوره بتاريخ 27-7-2005
موعد الولاده بتاريخ 3-5-2006 ان شاء الله

بتاريخ 3 - 1-2006 كملتي الشهر الخامس و دخلتي السادس
عمر الحمل اليوم 23 اسبوع بالضبط

و كل اربعاء تدخلين اسبوع جديد ان شاء الله

و هذا شريط حملج عزيزتي

اختي أم خالد2020
اخر دوره بتاريخ 28-11-2005
موعد الولاده بتاريخ 5-9-2006 ان شاء الله

بتاريخ 5 - 1-2006 بتكملين الشهر الاول و تدخلين الثاني ان شاء الله
عمر الحمل اليوم 5 اسابيع و يومين

و كل اثنين تدخلين اسبوع جديد ان شاء الله

و هذا شريط حملج عزيزتي

تسلمين اختي قوارير

وبشري من هالدعوات

اي هذا اول بيبي عشان كذا يمكن مستعجله ابي اشوف إنتاجي:shy:

واكيد بنبشركم وان شاء الله عن قريب

اختك في الله

دمعة بحر

أنا موعد ولادتي 25/1/2006
لأن تقريبا آخر دوره كانت
20/4/2005
أو يمكن قبل
لأني ما أذكر
بس هم عطوني تاريخ الولاده بعد الفحص بالسونار



الغاليه احسبيلي تاريخ ولادتي التقريبي

اختي moonmoons5
اخر دوره بتاريخ 20/4/2005
موعد الولاده بتاريخ 27-1-2006 ان شاء الله

خلاص هانت يعني دخلتي التاسع ممكن تولدين بأي وقت
عمر الحمل اليوم 37 اسبوع بالضبط

و كل اربعاء تدخلين اسبوع جديد ان شاء الله

و هذا شريط حملج عزيزتي

أهلين اختي قوارير...

مشكوره اهختي على هالمجهود الكبير

ياريت تحسبين لي موعد ولادتي

اخر موعد للدورتي كان في 9/11/2005

متى موعد الولاده واول يوم ادخل فيه الشهر الي بعدو وكمان الاسبوع

تحياتي

مشكوووووووووووره حبيبتي
قوارير
والله يسمع منج و أربي بسرعه لأني مليت و انا أتريا