يابنات تكفون((كدمة بالمشيمه))احد سمع بهالشئ؟؟

ألف سلامة عليكي يا غايبه

حبيبتي يمكن اللي عندك هو انفصال في المشيمة

و فعلا علاجها الراحة التامه

الراحة التامه يعني الراحه التامه

ابد ما تتحركين من على السرير
( فقط تكرمين للحمام ممكن)

و يا رب يثبت البيبي و تشوفيه بأحضانك

الله يثبتلك جنينك وتقومين بالسلامة ان شالله
وما تشوفين شر

ماتشوفين شر يا الغالية
حتى الجلوس للنت ممكن انه يظرج
ارتاحي على السرير

ما سمعت عن كدمه فى المشيمه

بس سمعت عن انفصال المشيمه مثل ما ذكرت

الغاليه فوانيس وهذي علاجها الراحه التاااااااااااامه وبس.

الله يثبته ويتمم لج على خير يا رب.

مشكورات على دعواتكم لي

وانا راجعت دكتورة ثانيه وقالت لي ان حجم الكدمه 4سم ووممكن تتسع

بس تقول لو عرفنا السبب ممكن نعطيك دواء وتتقلص وطلبت مني راحه تامه

بالاضافه لتحاليل لاجسام مضاده ممكن تكون السبب فيها

بس ياليت يابنات اللي تعرف شي عنها تطمني

ومشكورات مرة ثانيه ردودكم السريعه علي خلتني احب المنتدى

مرحبا أختي لاتحاتين ولا اتخافين تقريبا هالشي يصير مع معظم الحريم اللحين وهو عباره عن نزف بسيط خلف المشيمه بسبب توسع الرحم فاحيانا يحصل مثل تمزق فبعض الاوعيه الدمويه ودايما يخافون انه يحصل انفصال فالمشيمه بسبب هذا التجمع الدموي انا صارلي وانا كنت بالشهر الرابع ونوموني فالمستشفي لين ما راح عني وكنت ممنوعه عن الحركه بس تكرمين لين الحمام وارجع وكان حجمها 4سم بعد وخوفوني وايد لاني كنت حامل بتوأم فكانو حاطيني تحت الملاحظه بس الحمد لله رب العالمين انها اختفت وعليج بالراحه والدعاء ودوووم اقري علي بطنج ودوووم كنت اشرب ماي زمزم وكان عندي يقين انه الله بيسر امري وبيروووح عني وبعدين تدرين اهم شي الراحه انا الموضوع خذ معاي شهر والحمد لله الجسم يمتص هذا الدم مع الوقت بس انتي اهم شي انج اترحين عمرج وماتجوفين شر والله ايسر امرج يا رب ويفرحج بشوفت ولدج يا رب

الله يعافيج و يثبت حملج يا رب

انا بصراحة ما افهم لهالأمور بس انصحج تريحين عمرج على الآخر و ما تتحركي أبد على الأقل صبري عمرج شهر لين ما توصلين للسابع و بعدين لا سمح الله ان احتاح الأمر يولونج و يكون البيبي سبيعي

بس انشاء الله يتمم حملج للتاسع

ام حمدان وريم

مشكورات حبيباتي على ردودكم

وماقصرتوا