اش الموقف الحلو او المحرج اللي صار في حفلة زفافك\خطوبتك\ملكتك ...

هههههههههههههههههه

الله يوسع صدوركم ضحكتوني والله قريت الموضوع من اول صفحة لين اخر رد

الله يهنيكم يالمتزوجات ويسعدكم .. ويرزق كل البنوتات ازواج صالحين :$

حلو الموضوع

انا موقفي لما نزلت عشان اقص الكيكه

ما احد كان جنبي عشان يمسك لي الفستان

فأنا نازله بغيت اطيح ومن الفشله ما عارفه كيف اتصرف
بس هو حس اني فقدت توازني فمسك ايدي وما قصر نادى اخته عشان تساعدني

والموقف الثاني اني كنت جوعانه قبل زفتي غريبه صح

طبعا لان الربكه تجوعني فمرينا مقهى وطلبنا سندوشات وعصير والهندي مستغرب من هاذي اللي لابسه ابيض في ابيض اكيد جنيه ومنتفخه

منووري

هههههههههه حلو الموقف عروس توقف مقهى تاكل .. :D ..

المفروض يعطيكم ببلاش ..


.. بالنسبة لي .. ملكتي 1/1 .. يعني تقريبا بعد شهر .. و ان شاء الله ما يصير لي موقف محرج .. :o

اضحك الله سنكم

موتوني من الضحك والله


ياااارب ابعد عنا كل المواقف المحرجة <<والله خوفتوني باقي على ملكتي اسبوعين بس

يااااااااااااااااااارب سترك


والف شكر لصاحبة الفكرة الظريفة دي :)

اما عن موقفي

في الملكه

طبعا انا مرتبكه وقاعده ع الكوشه وارتجف من الارتباك وابو الشباب اول مازفوه لي اول ماقعد على كرسي الكوشه شرب العصير على طول واحنا مسوين حركه ان كل واحد يشرب الثاني وضحكوا اهله وانحرج وانحرجت معاه ..

خخخخخخخخخخخخخخخخخخخخخخخخخخخخخخخخخخخخخ

بس جد كان موقف ماينسى الى الحين ههههههههههههه

ههههههههههههههههههههه والله مواقفكم تحفه تجنن بس الله يستر لاتصير فيني

انا مو متزوجه ولا مملكه مخطوبه والله يتمم على خير بس بقولكم سالفة اختي يوم زواجها كانت الكوشه بالبيت وكان جايبين مع الكوشه كاميرا تصوير فديوا وقال عمي انا بصور خلوها علي وجلس يصور من دخل العريس لين راح وخلال التصوير ياحليله عمي كان متحمس يصور ويرقص شوي ويرجع يصور والمفاجأه كانت بعد الحفله يوم شغلوا الكاميرا طلع فاااااااااضي الكاسيت هههههههههه عصب عمي وصار يسب باللي جابها يقول ماضبطها الله ياخذه بس الحمدلله عمتي كانت جايبه كميرتها وصورت وخلال الزفه كل شوي يخرب عليهم المسجل ويطفى ههههههههه صاروا كل اللي يرقصون متفشلين كل شوي يطفى وانا كنت اطالع بختي وعريسها ميتين ضحك على اهلهم وكمان موقف صار لهم يوم راحوا الفندق سوا العريس رومنسي بيشيل اختي وكان مطفى النور يعني في نور بس شي بسيييييييييط وهو الله يكفله مايشوف زين وشوي الا بممممممم ضرب بالسرير وطاح هو والعروس ويوم شغلوا النور صار هو بصوب واختي بصوب ثاني وعدت عليهم الليله ضحك كلها وكمان موقف صار معي انا كانوا ناس جايين يشوفوني وكنت ميته من الخجل وجالسه قدام ام العريس وكنت كل مارفعت راسي اشوفها تقز فيني ويوم رفعت راسي مره ثانيه لاهي تضحك وكانت حاطه روج احمممر وكان ملزق على اسنانها انا هذيك اللحظه مت ضحك عليها ومن بكره جا العريس يبي يشوفني وكنت انا مابيه المهم كنت جايه من المدرسه ونايمه ومقفله علي الباب عشان مااطلع ويزعجوني خواتي قومي يالله جا العريس خخخخخ تدرون وش سويت كنت نايمه ببجامه قمت لا مشطت شعري ولامكياج ولاهم يحزنون لبست عبايه ع الكتف وطرحه ونزلت قالوا يالله ادخلي قلت لا خايفه المهم دخلت معي العصير حطيته على الطاوله وطلعت ماامداه يلمحني هههههههههه قال لاخوي نادها ماشفتها زين والله طلع مايستحي وانا عصبت قلت نووو ماراح ارجع وينشبون في حلقي الا ترجعين لاتفشلينا ورجعت ودخلت عليه وانا اضحك من تعليقات خواتي على شكلي ووقفت عند الباب واهز وحده من رجولي يعني اخلص جلس يطالع فيني وانا اطلع فيه عااااااااادي مااستحيت منه لاني اكتشفت انه مايستحي وهو ضعيف قال جزاك الله خير تدرون وش قلت له قلت خلصت يعني اروح قال ايه هههههههههه وجهي قوي ويوم رجعت قالت امي وش رايك قلت بالله يخرع مابيه ان اخذته بتخرع فيه عيونه كبااااااار وطالعين برا ههههههههههه استغفر الله اسفه طولت عليكم بس حمستوني اكتب لكم وان شالله ربي يتمم علي الخطبه الجايه على خير قولوا ااااااااامين وعقبال البنوتات كلهم يارب

يؤؤؤؤؤؤؤؤؤؤؤ مواقف كثييييير مااذكر ها من كثرها

لاني من النوع اللي ابي كل شيء يكون مثالي وتعرفون مع الرجال مايصير شيء مثالي ابد بحفلتي كنت طول الوقت خايفه يصير شيء ويخرب الحفله بس عدت الحمد لله

أما مواقف ايام الخطوبه لحد ما تعودت عليه كثير

انا دايم مسويه اني شديده ومره كنا طالعين في السياره المهم هو جالس احم احم يتغزل وانا اقوله شوف دربك احسن لك ونضحك عادي

قام حط ايده اليمنى ورا كتفي واليسرى مسك ايدي وترك الدركسون وانا اقوله انت بتذبحنا وهو يضحك

ويقولي امسكي يدي بقوة شدي بكل قوتك وانا عاد عاندت وقبلت التحدي لا شعوريا وشديت على ايده وعيني بعينه اشوي ويقولي ايدي اتركي ايدي الدركسون وانا مو مستوعبه وش يقول من الموقف ولحد يومكم يضحك علي يقولي ماكنت اتوقع انه تأثيري عليك كبير اعترفي انك تموتي فيني

لنا الان سنتين تقريبا مع بعض ولسا يضحك علي خلاني اخر شيء اعترف اني احبه كثيييييير

اذا تذكرت شيء برجع لكم

انا يوم خطوبتي صادتني مواقف سخيييييييييييييييييفه لاقصى درجه
اول شي عند زفتنا تيمعو اهله عند الدخلة وتمو يصفقون ويات امة لزقت فية وتمت تبوسة جنها ماجفتة من الف سنة قهرتني وعقب لزقت فية واحنا ننزف و اهله ورانا وتمت تقط علينا فلوس واليهال يلقطونهم وداسة على طرحتي وشدو شعري وكنت حدي متنرفزة وفيني الصيحة لدرجه اني يوم وصلت المسرح ياو ربعي غطو علي وتمو يهفون على ويهي عشان ما اصيح ويقولون لي لاتصيحين تخربين مكياجج:mad::mad:


كل ما اتذكر خطوبتي اموت من القهر:ss:(n)

عاد في العرس اذا سو هالحركات بعد بيروحون وطي مني انا اصلا حاجزة منظمة افراح عشان تنظم العرس ومحد يتحرك من مكانة في زفتي

hehe
up

:4 up

ههههه مواقفكم اضحك

ههههههههههههههههههههههههههه
مواقفكم حللللوة مت من الضحك الله يضحك ايامكم


انامواقفي وايد .. بالشوفه يوم يااا ولد عمي زوجي بيشوفني سطرت اخواني كلهم بصاله الاستقبال وابوي وعمي ولما دشيت مارضيت ادش الا مع امي ماشيه وراها وماسكة صينية العصير ومنخشة ورا امي ما اتذكر شفته الا اول ما دخلت الصاله عقبها عيوني كلها بالصينيه ولما وزعت العصير عليهم كلهم عطيتهم كلهم ولما يا دور زوجي عطيته الصينيه بكبرها هههههههههههههههههههههه حط الصينيه على الطاوله وخذا عصيره ههههههههههههههههههههه
ولماقعدت مسكين بيسلم علي يحاجيني ماارد عليه ولا اطالعه ولا جنة موجود اصلا بالوجود معطيته طاااف ماابي ارد عليه حااقرته كيفي من الحياااا ههههههههههههههههههههه ..
و صارت حفلة الملجة لما قعد يلبسني الشبكة بيلبسني الخاتم بايدي اليمين ولا امي تقوله غلط لبسها باليسار جان يقول يسار هذي يبيلها قلم وورقه عشان احفظها هههههههههههههههههههههه
ويقوم يحاول يطلع الخاتم يطلع ويطلع مو راضي معلق الخاتم باصبعي ولا يقول شكلي بقطع اصبعج مع الخاتم مو راضي هههههههههههههههههههه
بس اشوه طلع ولبسنياه ..............
يينا نقص الكيكة مسكت انا السجينة وايده اهو فوق ايدي بنقصها ولا الكيكة قاسية من برا ويقوم يضغغغغغغط على ايدي اصاابعي راحت فيها ودي اقول اصرخ بوجهه وبااااالعة الالم وابو الشباب ماخذ راحته بالضغط وانا اتعور لما خلص قمت طالعت ايدي ولا نقش السجينة بايدي وحمرااا و اقول بقلبي شفيه هذا عمره ما قص كيككه

في مو قف شفته بالفيديو واحنا منزفين بس انا وياه حق البوفيه والمعازيم كانوا بصاله ووحدة ملقوفه قاعدة لابسة نظاراتها و تطل علينا واحنا ماشيين زوجي شافها تطل جان يمسك الباب ويصكه بوجهها ههههههههههههههههههههههههههههههههههههههههههه
مت من الضحك انا واهلي لما شفنا الفيديو
والله كل ما اتذكر هالمواقف اموت ضحك عليها ...


الله يرزق كل بنت ما تزوجة بالزوج اللي الصالح واللي متزوجة الله يسعدها في حياتها
واللي يقرا يقــول آميـــــــــــن ..

موضوع شيق وممتع ولكن الردود أتمنى أن تكون بالفصحى حتى نعرف نقراها لآنه كما تعلمون بأننا من دول مختلفة فصعب علينا نترجم جميع اللغات .
طلب ثانيا وعسى لا أكون ثقلت عليكم على أن يكون الخط كبير نوعا ما .

هههههههه ..
المواقف تجنن ..
ملقووفة وداشة :p
حبيت ارجع الموضوووع عشان نشووف المواقف الجديدة ..

هههههههههههههههههههااااي امااا شكل ابو الشباب يوم الملكه يضحك مرتبك ومستحي اكثر مني لحد الحين وقت مااتذكر اموت من الضحك من كثر ماهو مرتبك لبسني المحبس باليساااار

ولا رفع ضغطي نزع فستاني يوم اكلني الكيكه قهررررررررررررررررررررررني 8o|
بس والله شكله فله

هههه اشلون نزع فستانج خيتووووو ؟؟

:lol::lol: في مواااااااااااقف تضحك ونايس


باقولكم موقف صادني يوم الملجة


طبعاً كانت ملجة اخذ وكاله من بيتنا ( المغرب ) وبعدين يملجون الريايل في بيت المعرس وهما منطقتهم بعيدة شوي عن منطقتنا فكنت انا بالبيت قاعدة على اعصابي أنطر اييون ويات الساعه 12 محد وصل البيت لحين :(

امي اتصلت في أبوي وينكم محد يا البيت لا انت ولا اخواننك ولا المعرس


المهم نطرنا نطرنا وبعدين وصلوا خخخ انه ماكنت مسويه شي بالملجة شي بسيط جداً وكنا متفقين نطلع نتعشى برا البيت أنه وخطيبي

دخلوا وآشوف اوادم وحريم وايدين انصدمت ماتوقعت ايون اهله كلهم جذي
ماتم احد ما وصل

وانه بمووووووووووووووووت مب عارفة شسوي قمت شفت ياهله تتمشى بالطريج وسحبتها وحملتهاههههههههههه :worn_out: صج هبولة وامها تقولي لا انتي عروس خليها وروحي قعدي هههههههههههههه


سلموا علي وباركوا لي وجذي وقعدنا انا والمعرس بصوب يحاجيني وانا ماارد ماارد صمت رهيب مخيم علي

بعدين كنا حاجزين مطعم وطلعنا انا وهوا

بالسيارة أحلى موقف

كنت تعبانة من الكعب الي لابسته وطول الوقت انطرهم واتمشى فيه بالبيت هههههه ه

كان ظهري يألمني هو حس فيني وقالي تعبانه رجعي الكرسي على وراء شوي أريح لج

قالي ارجعه حقج ؟؟؟ قلت بكل ثقة لا أنا برجعه هههههه ه


ارجع فيه ارجع فيه لين صار سرير الله يهداني وانسدحت ههههههههههههههههههههههههههههههههههههههههههههههه

قام يضحك ويضحك ويقول موب جذي عااااااااااااد وانا بموت فشلة ياربي


صج أحراج :o:o

هههههههههههههههه
الموقف حماااااااسي ..
والله يسعدكمـ ياااااااااارب ..