بنات محتاجة لكم أرجوكم مابقى وقت ....ساعدوني ما أقدر أتحمل

السلام عليكم ورحمة الله وبركاته


حبيبتي cat girl

أنا قبل كم شهر أنخطبت لشخص وتمت الخطبة عن طريق الأهل، أهلي ما غصبوني على الزواج

صليت إستخارة وتيسر كل شي والأمور تمت على أحسن حال.. بس في فترة الخطوبة

بانت حقيقته وأنا أحمد ربي مليون مرة أني عرفت حقيقته قبل الزواج.. قلت بتحمل وبصبر

ويمكن هذا نصيبي وهذا إللي ربي كاتبه لي، ما بغيت أكلم أهلي بالموضوع لأنهم

كانوا فرحانين بخطوبتي وخصوصاً إني أكبر بنت.. والله العظيم أني كنت كل ما أشوفه ،

بالليل أقعد أبكي يا من كلمة أو من حركة سواها.. قلت يمكن أنا حساسة بس صدقيني

أن أي وحدة ثانية مكاني هم ما راح تتحمل وكنت أفرح كثير لما ما يجيني وأنبسط..

كانوا أهلي يسألوني عنه وأنا أكذب وأقولهم بخير ، طيب وما عليه كلام

وفي داخلي خنجر مغروز بقلبي وأقعد أبكي لحالي.. كان يجرحني بكلامه بس كنت أسكت

تدرين ليش؟؟ مو لأني ضعيفة شخصية ، بالعكس أنا شخصيتي مثل شخصية أبوي

وشوي عصبية.. لكن إللي كان مصبرني إني أقول يمكن يكون هذا نصيبي فلازم أحترمه

بس لما شفت نفسي خلاص بنفجر طلعت له إللي بقلبي وما همني مثل ما هو ما كان يهتم حق

مشاعري.. وقلت له أنا أحترمك بس أنت أبداً مو محترمني ولا حتى تعمل حساب لمشاعري..

شكيت لله والشكوى لغيره مذلة وهم صليت ركعتين إستخارة، مع أن والله قبل الخطبة

صليت إستخارة وربي ييسر كل شي لكن قلت أكيد في الموضوع خيرة ما يعلمها إلا الله سبحانه..

والله بعد ما صليت إستخارة موضوع إنفصالي مر بكل سهولة.. كنت خايفة شلون أفاتح أهلي

بالموضوع، لكن بعد ما صليت أبوي شافني وقال لي تعالي بسألج ، قلت له نعم

قال لي شفيج معاه.. قلت له يبة نبي ننفصل .. قال لي إذا اريح لج خليه يولي وفيه غيره مليون

فرحت لكلام أبوي تدرين ليش .؟؟ لأني خفت أن أهلي يقولون لي أستمري معاه عن الفشيلة

وعن كلام الناس ومن هالقبيل بس الحمدلله أهلي وقفوا معاي وأنفصلت.. والحمدلله أنا الحين

مرتاحة مليون مرة وإذا كان لي نصيب أني أتزوج راح أتزوج وإذا لا فمناي الجنة بإذن الله..

حبيبتي أنا شريت سعادتي وعشت مع أهلي معززة ومكرمة ولا يجيني واحد يذلني و

ما يحترمني وأنا الحمدلله مو قاصرني شي... أختي إذا تحسين نفسج مو مرتاحة من الحين

وبعد ما تصلين إستخارة هم تحسين نفسج مو مرتاحة أنفصلي الحين قبل الزواج..

ولا تقولين بعد الزواج يتغير لأن إحتمال يتغير وإحتمال لا، بس حطي في بالج إللي ما أحترمج

بفترة الخطوبة وهي أحلى فترة مثل ما الكل يقول، عيل متى راح يحترمج؟؟؟؟؟؟؟؟؟؟

والحين إذا أنفصلتي أسمه كانت خطبة وأتفركشت أحسن من أنهم يقولون عنج مطلقة..

وتعرفين مجتمعنا الشرقي مع المطلقات..


الله ييسر أمرج والله يريح بالج وسوي إللي الله سبحانه وتعالى إيسره لج


ولج أطيب تحية

الله يخليكم حبيباتي أنا من غيركم كنت مابقدر اسوي شي ، بس انا اقدمت على خطوة اني كتبت لخطيبي رسالة صرحت فيها عن رغبتي في الأنفصال طبعا كتبته باسلوب حلو يعني مافي تجريح او أهانة بس هو قال وش الأسباب طبعا انا مارديت
بس هو جاني البيت وجلس معي عشان يفهم وش السبب انا بعض الاسباب قلتها له بس في اشياء صعبة اني اقوله عنه وخصوصا انها فيها شوي تجريح له وانا ماتعودت اني اجرح شعور حد بس هذي المرة اضطريت اني اقوله عن قراري ومع ذلك رفض قراري وقال لي انا راح انسى الموضوع وانت بعد انسيه يقول لانك مااقنعتيني باسبابك وبعدين انا شراح اقول لاهلي انك تريدي تنفصلي عني خصوصا ان الزواج مابقى عليه الا 25 يوم بس وكمان اخوي راح يجبر خاطرها والكل كان مش معي في قراري ماعدا الوالدة بس والدتي بعد ماكلموها صارت معهم هم بالنسبة لهم عادي انفصل بس على الوقت اللي قررت فيه هنا عندهم هذي صعبةوانا استسلمت لقدري واللي مكتوب لي مع اني متوقعة انو بعد الزواج ماراح يستفيد مني شي لاني حتى مو قادرة اتقبله يلمسني وهالشي قلت له
وقال لي بعد الزواج راح يتغير كل شي ....وهذا اللي صار معي الفترة اللي راحت الى الان احس اني مكسورة ومهزومة خصوصا انو اخوي ضدي هذا الي جرحني يخاف على مشاعر الغير وانا لا بس مااقول الا الله يقدم اللي فيه الخير ومشكوررين اخواتي العزيزات
وجزاكم الله خير دعواتكم لي انا الله يحقق لي اللي في بالي
الله يوفقكم جميعا

الله يرزقك بالفرج اختي انتِ بس لصبري وشوفي وان شاء الله خير دعواتنا لك اختي وكل وحده في مثل موقفك الله يرسل لكم الفرج ان شاء الله .....

يعطيكم العافية اخواتي

هذا انا رجعت لكم بعد الزواج والان صار لي اربع شهور وانا لسه ماصار شي بيني وبين زوجي

وباين على الموضوع بينتهي بطلاق لان الامور تئزمت اكثر بين الاهل صدقوني يابنات ماقلت لك كاذبة اني حاولت وحاولت وتعبت ومافي فايدة ماقدرت اتقبله

وهذا انا الان رجعت الى بيت اهلي انتظر الطلاق وانا الى الان لسه بنت وهذا اللي مريحني بس اللي مضايقني اني راح ينطلق علي لقب
مطلقة والله كل ماتذكرت هذي الاشياء اللي حصلت ابكي على حالي ولو بدي شي اكثر من اللي سويت كان سويته بس محاولات فاشلة

والكل مو مؤيد الطلاق بس مع الوقت استسلم للامر الواقع بعد المشاكل اللي حصل بعد مع اهل زوجي

آآآآآآآآه شقولكم يابنات مرت علي ايام الله اعلم بحالي ماحد ابدا واقف معي بس الان الحمدلله تحسن الوضع والكل تفهم

اسفة طولت عليكم بنات بس انا بانتظار دعواتكم لي ان تعدي هالازمة على خير انشاء الله

ومشكوووورين على ردودكم ومساعداتكم

تحياتي

خلاص اذا مومقتنا في افصخي الخطوبة وتنحل المشكلة

اختي الغاليه ان شاء الله ربي بيعوضك خيرا منه
واذا انتي الان تخافين من لقب مطلقه ترى في ناس تزوجوا وعايشين بسعاده
اذا لك رزق الله بيرزقك اياه لاتنسين هذا الشي
وانتي غصبا عنك اخذتيه وترى متوقعه ان اهلك في داخلهم قالوا هم السبب حتى اذا ماقالوها في العلن
اختي الغاليه مهما طالت الايام وحتى السنين اذا لك رزق من رب العالمين سبحانه بيرزقك اياه
وعليك بالدعاء وكثري استغفار كثير وتصدقي
وان شاء الله الله يفرج همك وهموم جميع المسلمين ....

السلام عليكم ورحمة الله وبركاته


أختي cat girl

إن كان الطلاق أريح لك فتوكلي على الله ولا تفكرين في كلام الناس

أهم شي سعادتك وراحتك وبإذن الله ربي بيعضوج خير

فكري في راحتج وفي الأيام الياية وخلي كلام الناس ورا ظهرج


الله يوفقج ويرزقج كل الخير


طمنينا عنك

حبيبتي باسألك سؤال و أبيك تجاوبين عليه بينك و بين نفسك و بعد تفكير

أختي أي أفضل تنفصلين قبل الزواج أو تنفصلين و انتي حامل أو عندك أولاد؟

انتي فاهمة قصدي طبعا.
و هذي حياتج مو حياة غيرج انتي اللي راح تتعذبين.
في رأيي انفصلي من اللحين و الله يرزقج بولد الحلال اللي أحسن منه.

حبيبتي انتبببببببببببهي من هالزواج وبعدييييييين كلام الناس اتركيه ورا ظهرك لأن الناس مب هي اللي بتعيشك اذا تبعتيهم

وبصراحة انا كنت بكتب رأيي لكن تفاجأت ان اللي بكتبه نفس كلام الأخت RoOoOmy_M بالضضضضضضضضضضبط

والله يوفقك يارب ويهونها عليك ويسعدك

اختي الكريمه السلام عليكم ورحمه الله وبركاته

والله مادري شاقول لج والله كسرتي خاطري .. يعني الحين الناس راح تفهم انك مو بنت وان لقب مطلقه راح يثبت عليكي بس اهم شي راحتك وراحه بالك والله زين الي ما خليتيه يقرب منك طول الفتره الطويله هذي الله يكون في عونك اختي الكريمه .. ,اتمنى ان امورك تتسهل امين ان شاء الله ويرزقك بالي احسن منه مشكله الاهل دايم يفكرون في كلام الناس وينسون ان بنتهم لها مشاعر واحاسيس ودايما دايما دايماً استيعابهم للموضوع يكون متأخر جدا جداً .. للأسف وفي ناس مع فوات الاوان وجود اطفال .. او حالات حمل .. الله كريم ...

تحياتي وبشرينا عنك والله يصبرك

أخـــــــــــــــــتي العزيزه

كل واحد أبخص بضروفه .. وأعرف بوضعه ...
وأنتي أكثر وحده عايشه المشكله ... ..
وتقدرين تحطين الحلول المناسبه لها ...

دام أنك شايفه بإنفصالك عنه .. وطلاقك
هو بدايه حياه سعيده لك إن شاء الله ..
فتوكلي على الله ... وأرمي كل همومك عليه
وإن شاء الله ما بتخسرين شئ ....
وأكثري من الأستغفاااااااااااااااااار ...




وأذكرك .. بشغله مهمه ::

إذا حصل الطــــــــــــــــلاق ...
أول ما تتـــطلقين ... قولي
(( إنا لله وإنا إليه راجعون ،، اللهم أجرني في مصيبتي وأخلف لي خيراً منها ))

وربنا راح يعـــوضك .. خيراً إن شاء الله ..


اختك
هبوب

السلام عليكم
اوختي العزيزة هذن مصيرك مو مصير اهلك وانت الي راح تعيشين معه مو اهلك هو قبل الزواج بيسب اخوات كيف راح يصير بعد الزواج لما تكونوا في بيت واحد نصيحة مني اعملي المستحيل وبعدي هذه حياتك وانت الي مسؤولة عليها .


شوفي اقرب الناس ليك واشرحي ليهم الموضوع قبل ما يطيح الفاس على الراس
واتمنى ليك الخير

الله يكتب لك اللي فيه الخير انشاء الله وتوكلي على ربك000