السلام عليكم ورحمة الله وبركاته
خواتي الغاليات
تعالو شوفو أفكاري لحفلة ملجتي ان شاءالله بس ابيكم تساعدوني بافكار كم ومن وين ألاقي الخامات وكيف اسويهن
^_^
وعقبااااال كل اللي ما عرسو ياربي
اللهم امين اللهم امين اللهم امين اللهم امين اللهم امين اللهم امين اللهم
امين اللهم امين اللهم امين اللهم امين اللهم امين اللهم امين اللهم امين
اللهم امين اللهم امين اللهم امين اللهم امين اللهم امين اللهم امين
انا بقولكم افكاري اللي راح اسويها ان شاءالله .. وابي آراءكم
بس ابيكم تعطوني افكاركم ..بطريقة التنفيذ لهاي الأشياء لأني صج
ما ادري كيف بنفذها
ووراي كم شيء ابي اسويه
الملجه ان شاءالله عقب شهر ونص
ولا خيطت فستان ولا سويت ولا شيء ادعولي بس
طبعا اللون الطاغي ان شاءلله راح اخليه عنابي( عودي)
وادخل عليه شوي ذهبي ...من الفستان لين الاهداءات اللي راح اسويها
خلونا نبتدي ....
ان شاءالله راح اسوي كوشة صغيره مب كوشة قعده ( بالغت شوي سامحوني)
مكونة من كرسي مثل هاذا راح احاول ايب غطى وامده للأرض وعداله ورود طبيعه على شكل باقات و احس حركةالتنويع
بخامة القماش المستخدم حلوه تل على شيفون وبيب مثل هالليتات وبوزعهن على القماش .... نفس حركة الصوره
ما ادري كيف راح اسويه واسوي خلفيته
وجدامه طاوله فيها باقة ورد
وبجانبه مثل العمودين او طاولتين عليهم هم تنسيق ورد او باقتين مثل ها
ابي اسوي نفس هالستاره الذهبيه >_< ما اعرف كيف
او مثل هالستاره النازله
طبعا بتكون في عربه صغيره قوم المعرس يايبينها واللي بيكون بها الشبكه والقطع والساعه والعطور وهالسوالف ...( كانت في بالي ستاند صغير من الفلين كنت ابي اسويه واحط عليه حركات وكنت بحط اسمي واسمه وكلمة الف مبروك كلها من الفلين وخاتمين داخلين على بعض على شكل دبل وطبعا اللون عنابي بس الخاتمين ذهبي .. ومثل البرواز عليه بارك الله لهما وبارك عليها وجمع بينها بخيروطبعا كله من الفلين والوان الفلين والقليتر ... وداخل هالصينيه الشبكه ) بس ماشي وقت ابد ويوم قلت حق نسيبتي قالت لا تعب مع انه وااايد بخاطري المهم ابغي اسوي مثل الستاره على الكرسي بس ما اعرف من وين اييب الستاند مال الستاره ... وانزل منه مثلا خاتمين من الفلين الللي باللون الذهبي او قلوب صغيره او اسوي قلبين عليهم اسمي واسمه او اول احرف ....
وعلى جنب هالقعده في طاوله عليها كيكه بصورتي وصورته
وتحتها مكتوبه اسامينا وتاريخ الملجه وبتكون عليها الكاسات مالت العصير قلت بسوي فيهن حركه يا اني اكتب عليهم اول احرف من اسامينا او اسامينا كامله بمادة حرق الزجاج .... ولا اسويهن بفصوص الرمبو اللي لونها عنابي وعند المسكه ورده بيج ونازله منها اشرطه وحوالين الكاسات والكيكه ورود طبيعيه جوري عودي ووردي وبيج وبفرش الطاوله بقماش وبسوي عليه من الأطراف هالحركه ...
وبسوي فوق الطاوله مثل الحبل وبعلق عليهم ورود نازلة بفازات صغيره ومن نفس الورود الطبيعيه اللي بستخدمها حولين الكيكه و بأطوال مختلفه من نفس خامة القماش الممدود على الأرض ...
طبعا بيب مصوره ان شاءالله
وراح اسوي اناشيد ان شاءالله
3 اشرطه واحد لدخلتي وواحد لدخلته والثالث للمعازيم
الاهداءات ... راح اصممها انا بروحي
طبعا الوالده رفضت حكاية العلب ما العلب وانا عن خاطري اسوي اهداءات بسيطه
( كم مره الوحده بتعرس وبتفرح ^_^ مره وحده) قلت بوزع حلاوه عليها بطاقتين
من تصميمي جاري العمل عليها حاليا ^_^
بس ادعولي اتوفق والله ييسر علي ووفقني وانجز العمل
لأني روحي يالسه اشتغل
حابه اغير شوي من حكاية القعده
اسويلها باك قراوند وغيره
ها شو رايكم خواتي ساعدووووني غالياتي
ابي مشورتكم ورايكم
وكيف انفذ هالمشروع بروحي
ساعدوني الله يخليكم
ولا تخيبون ظني فيكم
اتريا تفاااعلكم ويا موضوعي
تحياتي
اختكم المحتاجه
غاليه