قطعه كبير.. طبيعي ولا..!!

والله استخدمت كل شي ... مافي فايدة .. وخاصتا امس بالليل غمضني والله يتعصر ويلوي على عمرة .. شي يقطع القلب ..

وهو راقد يتويع ..

قلت في خاطري ان شاء الله فيه ولا فيه .. على الاقل انا اتحمل لكن هذا ياهل

أنا صار لي هالشي بعد ما ولدت ب20 يوم...

ونمت بالمستشفى كم يوم...

والسبب هو أنهم ما سووا لي تنظيف بعد الولاده..


وبالنسبه للياهل أغلي شويه يانسون وحليه بسكر نبات..

ونيميه على بطنه..

هذا اللي اختي تسويه...

معلومات جديده

ان شاء الله كلكم تكونون بصحه و عافيه

بالنسبه للتنظيف بعد الولاده السستر او الدكتوره تضغط على منطقة السره او الرحم ليما كل الدم ينزل وتحسين ان النزيف وقف او صار قليل حيل.

اما عن الادويه اللي تنظف الرحم وتنزل الدم كله انا عن نفسي جربت نصايح جدتي عسى ربي يخليها لي ويعطيها الصحه والعافيه. وهي كالتالي:-

خمس حبات تمر تشيلين النواة منهم وتخلطينهم مع شوية سمن وفلفل اسود مطحون يعني تعجنينهم مع بعض وتاكلينهم على الريج لمدة ثلاث ايام وكل يوم تسوين نفس الكميه وبنفس الطريقه وتشربين بعدها قلاص حليب دافي مخلوط بشوية مردود.

والطريقه الثانيه انج تفوحين ازعتر بماي وتصفينه وتصبين الماي اللي صفيتيه على الكوتكس وتلبسينها كل ليله بس لازم تكون حرارته معقوله مو بارد ولا حار حيل يعني الحراره اللي تلسع بس تقدرين تتحملينها وبعدين تمرخين بطنج بفكس وتدلكينه وتحطين جربة ماي حار فوقه وتلبسين ملابس ثقيله وتتغطين ببطانيه وتنامين....وانشاءالله راح تدعين لي...


اما بالنسبه لولدج فهذي غازات وعلاجها انج تنقعين شوية كمون بماي مغلي بس تنقيع لا تغلينها وبعد نص ساعه تصفينه وتبردين بس مو حيل يعني يكون دافي وتحطين فيه حبة سكر نبات وتعطينه مره او مرتين باليوم والاهم من هذا كله انج لازم بعد كل رضعه تشيلينه على كتفج لمدة ربع ساعه عشان يتجشأ وتمسحين على ظهره بشكل دائري مثل المساج..

وماي الغريب زين بعد اذا خلطتي مللي ونص مع مللين ماي وتشربينه بعد الرضعه بساعه او قبل النوم بنص ساعه بس لازم يكون بين الرضعه وبينه نص ساعه على الاقل عشان ما يرجع الحليب.
وانشاءالله مايشوف الا العافيه.واقلبيه على بطنه لمدة خمس دقايق باليوم ماراح يضره بس مو بعد الرضعه على طول يعني بع ساعه تقريبا.