الله يوفقج يا اختي المقهوره ويرزقج الزوج الصالح اللي يعرف قدرج ويحميج من كلام الناس
ويرزق كل بنات المنتدى الازواج الصااااالحين والذرية الصالحه :)
الغاليه انا اغبطج على اخوج المتفهم اللي سمع كلامج وما عصب عليج الله يخليه لج ويخليج له
عزيزتي غيرج ما يدور الزوج كثر ما يدور اخ يسانده وقت الضيج
اخ يكون له عون اذا الدنيا اظلمت في ويهه
عزيزتي هذي انا جدامج الله حرمني من نعمة الاخوان وابوي توفى واعمومتي بعد
ممكن صح انخطبت ووافقت على خطيبي الحالي ..لكن تعتقدين بيحل محل الابو والاخ ؟ اتمنى هذا الشي
لكن كل هذا بعلم الغيب والله سبحانه وتعالى اعلم باللي كاتبنه ومقدرنه لكل وحده فينا
فلا تعتقدين الزوج هوه كل شي .. صدقيني امج واخوانج ابقالج من الف زوج لمجرد زوج فقط
دوريلج على وظيفه واشغلي وقتج باشياء اتحبينها وابعدي عن الوساوس
وطدي علاقتج ويا اخوانج اتقربي منهم اكثر حسسيهم انج محتاجه لهم
كثري قعداتج وياهم قوي علاقتج ويا زوجاتهم .. اخلقيلج جو انتي ترتاحين فيه وتحسين بالجو العائلي فيه
وايد اشياء ما ننظر لها باهميه الا اذا فقدناها
وخلي موضوع الزواج بايد الله سبحانه وتعالى ولا عاد تفكرين فيه ابد
واذا احرجوج الحريم في سوالفهم قوليلهم الله يخلي اخوي ما بيقطني على اي واحد انا غاليه عليه واكيد بيختارلي اللي يستاهلني
وبجذيه بيعرفون انج غاليه عند اخوج .. وبيشوفون انج ما تنحرجين بسهوله ووثقي بنفسج ترا كل وحده حلوه صدقيني
90% من الجمال الثقه و 10% المظهر الخارجي ^_^