سؤال عن المهر ؟؟؟؟؟؟؟؟؟؟؟؟؟

حبيبتى فى اللة nardeen انا من رائيك ان دة فعلا اغلى واحسن مهر اللى من كتاب اللة انا بردة مش مع التغالى فى المهور الاهم الانسان لان المهر ممكن تعوضية معاة فى حياتكم ربنا بيكرم ويعيش ويجبلك لكن لو هو لو راح منك بسبب موضوع المهر دة مفيش حاجة ممكن تعوضة وربنا يوفقك ويهيديلك الحال يا رب ولى ولكل الاخوات

قال رسول الله صلى الله عليه وسلم ( إن أعظم النكاح بركه ايسره مؤونه )

وما أعظم مهرك ياعزيزتي وصدقيني بهذا المهر بإذن الله ستسعدين معه ومدام إنت مقتنعه ماعليك برأي صديقتك

إنت إلي بتعيشين معاه موهي وأسأل الله العظيم ان يوفقك وصديقتك قولي لها أنا راضيه

.,.
..,..
.,.

ارووع مهر ..مهرج عزيزتي ...


واكيد الله وياج ..دام اتأخذتي كتابه مهر لج ....


الله يوفقج ويسعدج ...وترى كلام الناس وااايد ...وخاصة الناس الدنيويه ...


.,.
..,..
.,.

بالتوفيق عزيزتي

مبروك عزيزتي ناردين وهذا اروع مهر

وانشاء الله ربنا يسعدك ويهنيك ولاتفكرين

بأي شئ موفقه

السلام عليكم ورحمه الله وبركاته
اختي الغاليه nardeen
الله يرزقك على قد نيتك وجزاك الله خير ومهرك اغلى من المال وتراه مو مهم المهر المهم التوفيق وان الله يطرح بينك وبينه المحبه وتنشئون بيت بطاعه الله ورضاه وفي محبته ومحبه رسوله صلى الله عليه وسلم
اما سالفه المهر فهذا شيء ثانوي وليس اسااسي ,,,
ومدامنك مقتنعه فيه ما عليك من احد ...
اما انا مهري ما شرطت ولا طلبت ولا اهلى من اللي يطلبون المهر ولكن جزاه الله خير عطاني مهر وشبكه ودبله ...
والله يوفقنا ويوفقك ونعيش حياه كله محبه وطاعه لله
مع التحيه واحترامي شديد لك
اختك
ام عبدالمحسن

موفقه اختي لا تهتمي بكلامها

مهرك من اعظم المهور

فياليتنا مثلك وياليت اهلنا مثل اهلك

يفكرون انه اللي مهرها قليل انه اهلها بايعينها بالرخص

مشكورات اخواتي العزيزات والله يبارك فيكم جميعا

حبيت اوضح نقطه هي آني سعيده والحمدلله بمهري ومرتاحه جدا جدا , وخطيبي >>>>> (زوجي) لان مالكبن بس للحين اقول خطيبي الحمدلله حالته الماديه جيده جدا لكن لا آني ولا اهلي طلبنا مهر وهذي باصرار مني ومن اهلي لا نحب المهور الماديه مع انه آني الابنه الوحيده لهم

الي يقهرني ليش صديقتي مو مقتنعه بمهرها رغم انه مهرها من المبالغ الكبيره ؟ وعند سؤالي لها قالت الرجال مالهم امان ,,,

هلا فيج حبيبتي

احنا عندنا المهر ما ينقص عن الـ 100 ألف بس بجد انا ما تهمني هالأشياء

ولا حتى الوالد فديته ما كان هامه موضوع المهر

تدرين زوجي كان يبي يشوف النبض ببداية الخطوبه وكان يكلمني عن المهر و جذي

انا قلت له والله احنا ابوي ما يساوم على بناته

قال لي يعني انت جم تبين ،، تهاوشت معاه وزعلت من سؤاله اللي ماله داعي

ورجع قال لي شوفي يابنت الناس احنا ما نعطي الا 30 الف

قلت له انت حر وانا ما يفرق الموضوع معاي

بس طلع بالنهايه كله انه يعرف مايتي اذا انا كنت ماديه او لا

وعطاني المهر 125 الف و بعدين رجع عطاني 30 الف

يعني هو و كثر ما يحب يعطي احنا ما تفرق عندنا

اي وفي سالفه تذكرتها بقول لكم عنها

اعرف وحده من رفيجاتي انخطبت واهل خطيبها سألوا من برا عن مهر اختها اللي تزوجت قبلها

و عرفوا انه كان 125 الف ،، تخيلوا انهم عطوا البنت 130 بس عشان يقولون ان خطاب البنت الثانيه احسن

مظاهر مالها داعي بعيد عنكم

حبيبتي NARDEEN والله عجبتيني
مهرج شي اكثر من رائع وصدقيني الله بيوفقج ان شاء الله
مافي احسن من كتاب الله
وماعليج من صديقتج
انا اعاني مثل ما انتي تعانين
انا ان شاء الله بتزوج واحد من الاهل
وهو طبعا موقطري>>>بحريني
واختي "عدوتي" طبعا مااقول هالشي الا لما تأكدت من مشاعرها اتجاهي ...المهم مابطول عليج
بس بقولج اشصاير ...البحرين معاشاتهم قليله مومثلنا بقطر بس الواحد يحمد ويشكر واختي للاسف دوم تنتقده مع انه متدين وخايف الله وهي اكثر انسانه تعرف هالشي عنه
المهم دوم تتمصخر ان مهري بيكون قليل وتقووول "اذا كان في مهر"

وانا اسكت عنها وادري ان الله معااااااي ومثل ماقالت اختي النجم الساطع عن الرسول عليه افضل الصلاة والسلام: ( إن أعظم النكاح بركه ايسره مؤونه )
وانتي سوي مثلي ...انا المرة الجاية اذا قالت لي جذي بقولها "احنا نشتري رييال"
رييال = رجال

اوكي حبيبتي
ومبروووووووووووك والله يهنيج
وماعليج من حد وتذكري الله معاج
اختج
#رومانسية#

اهم شي الراحة

لآنه المهر يجي ويروح

لكن الراحة والإحترام والحب والتفاهم هم إللي يعمرون البيت

ايوه بس لازم ايضا - اذا كانت حالة الزوج الماديه ميسره - لابد ان يدفع تكلفة تجهيز الزوجه وهو مايقابل المهر .. اما الحديث الشريف فالمقصود به امكانية الزوج الماديه غير ميسوره .. والحمد لله لايوجد احد معدم هذه الايام ممكن يكون فقير ولكن حتى 20 الف والباقي يجعله مؤخر .. او حتى يكتب مؤخر مالي كبير وبدون مقدم مهر

هذا هو حق الزوجه .. والتساهل في هذا الامر يجعل كل شخص يذهب ويتزوج ولا يكلفه هذا شيئا

ونرجو ان لايكون ذلك بابا للبخل

نحنا عندنا عيب نتطلب المهر,
يعني العريس وامكانياتة والوالد اللة يخلية لم سالة الشيخ كم المهر؟ قال : المتفق علية وهو ما يدري كم ناوين يدفعون.
وقال لايبون اي شي للبيت , مع انة هذي عوايدنا واحنا يوم يعرسون الاولاد نودي اغراض للبيت ومير وفاكهة لاهل العروس.
والغينا حفلة الملجة لان ما كان لها داعي.
اما بالنسبة للموخر فكان........... FREEوهذا الي بصراحة زعلني لانة حقي شرعا, مهما قلنا ان المهم الريال.....!!
بس الحمدللة الي باركلي في تجهيزي الي ما نقصني فية اي شي, وصديقاتي ماقصروا معاي مع اني ما كنت متوقعة الهدايا الي يتني.
وعلى فكرة كنت دايما احرص على الصدقة, ويمكن بدعاء المحتاجين اللة اكرمني.

القناعة كنز لايفنى ...

ماشاءالله عليكم ياخوات ...

انا معاكم في كل كلمة قلتوها .. ولكن في هذا الزمن .. المادة ثم المادة ...

يعني إللي يدفع أكثر .. تكون قيمته أكثر .. وتكون قيمة البنت أكبر ..

لا حبيباتي ما أتفق معاكم أبي مهر
اصلا لازم آخذ مهر بعد هذي سنة الرسول ص (لأن علي بن أبي طالب لما خطب فاطمة كان فقير فزوجه رسول الله ص بدرعه التي باعها وقدمها مهر لفاطمة)
بس ما راح أشرط عليه وش كثر أبغي هو ويده إذا عطاني فلوس باتجهز بنفسي لكن إذا ما في مهر ولا شي كل مرة أشوفه أسحب منه فلوس مو حلوة في حقي لأني أستحي
بعد كل ناس حسب مجتمعهم واللي متعودين عليه يعني إحنا في البحرين مهورنه مو وايد من ألف دينار وأكثر ويمكن حتى العروس تقول بس تبغي 500 دينار هذي إذا بيجهز لها بيت الزوجيه فهي تساعده بهذي الطريقة

وأما عن عايلتنا فالقرآن لازم يجيبه مع الشبكة والمهر عشان تقرأ فيه العروس يوم الملجة (كتب الكتاب) عشان البركة ويظل معاها طول العمر وأما مؤخر الصداق فبالنسبه لي مو مهم لكن لازم ينكتب في العقد كضمان لو لا سمح الله وإنفصلنا بس ما يكون خيالي يعني في حدود 5000 دينار أو أقل وإلا إنتو تعرفون المطلقة شنو يصير فيها في هالزمن وعيب ترجع تاخذ مصروفها من أبوها.

ولكن انك تقولين يقدم القرآن كمهر فهذا غير وارد بتاتا وقد عرفنا عن الصحابة أن رسول الله ص زوجهم بما يحفظونه من كتاب الله يعني إشلون>>>>>>>>> يعلمها سورة من القرآن فتحفظها فتكون بذلك مهرها.

وسلامتكم

ألف مبروك عزيزتي ناردين ... والله يتمم عليكم على خير ومحبه وألفه ..

بصراااااااحه أنا أضم صوتي للاخت عذب القوافي

اهم شي الرضا والقناعة وراحة الباااااال ...المهر .. بييه يوم وبيرووح ومابيبقى منه شي ...

لكن الراحة والإحترام والحب والتفاهم هم الي بيعمرون البيت .. ومن ترك شيئا لله عوضه خيرا منه ..

بس هذا ما يمنع أنه يهديج ولو بالشي البسيط للتزين والتطيب له .....


وربي يوفق الجميع لما يحبه ويرضاه ..

مشكورين جميعا على هذي الردود الجميله
احب اقولكم اليوم عزمت صديقتي على احلى مطعم اسلامي في مدينتنا ودفعت مبلغ كسر ظهري ههههههه بس عشان تفتح قلبها وتقولي ليش مو راضيه على مهرها مع انه المؤجل والقدم مالها مبالغ كبيره

تدرون شنو قالت ؟؟؟؟
:think::mad2:

بسم الله الرحمن الرحيم

السلام عليكم ورحمة الله وبركاته

اعزمينى وانا أقول لك ماذا قالت

أكيد سووا فيها مقلب وماعطوها المهر خخخخخخخخخ