الي لها خلق تقرا علشان تساعدني؟؟

السلام عليكم ورحمة الله و بركاته

شلونكم وشخباركم

ان شاء الله مرتاحين

انا احب اطرح مشكلتي لكم واتمنى اني القى الاجابه الي تفيدني..وهذا من ثقتي فيكم وبمشورتكم ان شاء الله

انا مشكلتي اني متملكه من سنه وشوي بقولكم سالفتي من اول شي..واسفه لاني بطول شوي عليكم

انا تملكت قبل سنه وشوي طبعا يوم ملكتي ما شفت رجلي الا من الدريشه وهو طبعا ما شافني لانا بدو وما عندنا هالسوالف يعني عيب اول مادري شنو.. (طبعا انا بدويه وامي حضريه..وهذي مشكله بعد لانهم منفصلين) المهم ان جاني ابوي لانه متفتح شوي وقالي شفتيه وشرايج ..طبعا استحيت وقلت كيفكم وهو الرجال ما في شي حلو الحمدلله..ويمدحونه.. طبعا بعدها قالت امي بتسوي لي حفلة ملجه وعلشان هو يدش ويلبسني الشبكه,,طبعا ابوي ما اعترض على الموضوع وكان موافق على هالشغله ..(المعرس من اهل ابوي)ولما عزمو اهل ابوي علشان الحفله ..كل وحده ردت عن رجلها وشيشته ان عيب وما يصير وليش ...الخ وفي نفس اليوم الي عزمناهم دقو على ابوي وتحلفو اني ما اشوف ولا يشوفني كلش لين يوم العرس ..طبعا ابوي ما يقدر يرد اخوانه ومع اني كنت حاجزه كل شي ومخلصه ومتجهزه للحفله خربوها لي وما خلوه يدش وجاني تهديد من كل عم يا اني اسوي الحلفه من غيره ول ما تسوينها كلش واذا سمعنا بس ان شافج ثاني يوم يا بعباتج تروحين بيتهم ولا نطلقج منه..طبعا بجيب وحالتي حاله ..بس شسوي ما كنت ابي اخرب علاقت ابوي باخوانه ..وعلا العلم ان انا عاشه عند ابوي ومرته بدويه وكانت تقولي عادي ان اختها يوم ملجت كانت تطلق مع ريلها الي هو ولدعمها وتروح مطاعم وتتمشى بس ما تتطول وبحدود .. يعني الشغله عاديه .. طبعا جات اخته ولبستني الشبكها وكل شي وصارت الحفله الحمدلله بس من غير معرس ومن الحره ما عزمتهم بس اهلي واهله واهل امي..

يوم الملجه على نهاية الحفلة تقريبا كلم اخته وقال انه يبي يجي بيشوفني بسرعه وبيطلع ..بس انا خفت من المشاكل وقلت مابي وهو بعدين تردد وقال لا اخاف احد يشوفني من عمامي يكون مار ول شي..وكلمت اخته وقال ابي اسلم عليها بالتلفون على الاقل ..كلمته والله لا يوريكم شكلي يوم كلمته صوتي راح واعتفست بس تمت المكالمه وصكر..قالت لي اخته انه يبي يكلمني وما ماعرفت نو اقول استحيت وقلت لا اخاف وقالت لامي قالت كيفكم لو علي عادي بس اخاف يدون اهل ابوها وماشاء الله الحلف على كيفهم على كل شي..طبعا كان عرسي شهر 12 وتاجل توفى اهل من اهل المعرس من خوالهم تقريبا.. وبعده كان عرسي شهر 3 وتاجل علشان جدي ابو ابوي توفى .. وهو كان حاجز لنا تذاكر لامريكا بيعالج ابوه ومره وحده شهر عسل ..واخوه بيروح علشان يكون عند ابوه.. ولما توفى جدي ردو عمامي تدخلو قالو يتاجل العرس قال باخذها سكاتي من غير حفله ولا شي بس يذبح ذبايح وعشا عادي ودخله وحلفو قالو لا مع ان ابوي وافق اول شي وقال اوكي بعد شهر دخله ..بس من كلامهم قال لا ماكو شي قبل 6 شهور وبعد 6 شهور دخله عاديه من غير طقطقه..ولا عرس..طبعا كان الكل ضدنا وما قدرنا نسوي شي غير انا نرضخ للامر الواقع وتاجل العرس وصار شهر 9 والله يستر هههههه(شر البلية ما يضحك) انا قلت هالسوالف علشان تفهمون القصه معاي..

انا الحين مليت من القعده وخصوصا اني متخرجه وما توظفت لين الحين ومن قعدت البيت بروحي ومحد حاس فيني.. طبعا 4/5 كملت سنهوقبل 4/5 قلت بتحرش فيهم يمكن اقدر اكلمه لان هو بغى هالشغله وانا صديته وسكتو ..كلمت اخته وقلت لها اني ودي اني اهديه هديه بس ما جبت طاري اني بكلمه ولا شي قلت اذا اهما تكلمو اوكي ول لا الله مو كاتبه وخيره ..طبعا انا استخرت قبلها بثلاث ايام والحمدلله اول ما فتحت الموضوع معاها قلت ابي اهديه قالت والله انه يبي يكلمج من اول شي بس انت الله يهداج ما بغيتي وما حبينا نضغط عليج وهو ما حب يضايقج علشان سوالف عمامج..قالت اني نطرتي سنه انطري بعد هالكم شهر انا سكت قلت والله مادري شنو اقولج ..قالت شوفي انا بكلمه وبقولج..طبعا دقت عليه ودقت علي قالت شوفي ..راح تصر لج مفاجأه ..!! قلت شنو اخترعت قالت مالي شغل انت انطري مكالمه ..قلت لها شنو سويتي قالت انا ما مداني اقوله عن الهديه وهو قعد يقول عطيني رقمها واكلمه اقوله اسمعني وهو يقول عطني اياه انا اتفاهم معاها .. وطبعا بعدها بشوي دق..
والله لا يوريكم الخرعه الي عشتها ههههههه المهم سلم وقالت انه كان نايم واخته يوم دقت ونسته وعلى طول دق وجذي وسوالف ما طول طبعا 37 دقيقه وكانت اطول مكالمه لين اليوم .. وبعدها دق ثاني يوم 14 دقيقه تقريبا وهو يطلب اني لما اعطيه الهديه انه يشوفني وانا قلت اخاف احد يدري ونتمشكل مره ثانيه ..قال انا بجيكم باجر اكلم ابوج وانا قلت احس علشان ما اطيح من عينه ويقول مدام قدرت من ورا اهلها تحاجيني بيطري عليه شي ثاني.. وجا كلم ابوي وابوي رفض وطبعا هو تضايق وقال خلاص ير بالج على نفسج وانا بين فتره والثانيه بدق عليج يعني بالاسبوع مره .. طبعا انا تضايقت وسكت ..وبعدها دق ادزله مسج يرد علي ومره ما يرد علي وطبعا انا مو اكثر من مسجين ادز باليوم علشان ما يقول هذي لزقه وما اضايقه طبعا قام يدقو كل يومين تقريبا يسلم ويقول بس حبيت اسلم عليج تامرين بشي ؟؟ ..طبعا انا لاعت جبدي مفروض انه اول الفتره تطول مكالماته مثل ما اشوف مع باجي الناس بس اهوا دايما مشغول وما يفضى يدوب يكلمني ويمه ناس ويكلمهم ويقول خلاص يالله باي ..حتى 4/5 دقيت انا وباركت له وقال توني كنت بدق بس انت الظاهر ساعتج سابقه ساعتي ..قلت مو مشكله قالي اوكي تامرين بشي ..يعني مفروض يسولف يقول أي كلمه أي شي لا هذا ماكو اسلوب او مادري شنو..المهم وعلى هالحال ولين الحين يدق 4 دقايق يسلم ويصك وجذي ومات يرد على المسج ومرات لا وانا اول ما يوصل مسج منه ارد على طول قلت خلاص بشوفه وبعطيه الهديه يمكن لما يشوفني يتغير..وشوفته وكل شي وانا الحمدلله زينه وهو بعد زين ..لما طلع كلمني يمكن ربع ساعه وبس ..طبعا زهقت وقلت انا بحقره شوي بتغلى بشوف يسال ولا لا وقعدت 4 ايام ما دزيت شي والاخ ماسال ومع انه اتوقع لقى موضوع انه شافني يعني يقدر يسولف ولا شي بعد الاربع ايام دز مسج قال الحلوه مالها حس يومين شخبارها ..وشكله عادي عنده رديت قلت وانت الصادق 4 دق وقال انا سافرت ويومين وجذي وانشغلت سكت ما حبيت اناقشه علشان ماياخذ فكره ان لساني طويل ..وجذي يوم يدق ويوم لا ومره يرد ومره لا قلت له انت نص مسجاتي ما ترد قال ماعندي مسجات ول اكون نايم ول مشغول واكون برد وانسى (اتوقع لو نا بقلبه جان حاتاني) المهم انا رفيجتي تعرف ناس على الجوازات مادري شنو قالت لي انه ما سافر ..يعني جذب علي وخصوصا اني انا ما ازعجته يعني كان اول الفتره وكنت بالكثير مسج باليوم وما ادق كلش بس مادري ليش جذب علي وما سالته ولا شي مع انه سولف لي انه مسافر ..بس انا الحين مادي شلون اخليه يتحرك ..مادري اتم جذي ول انا اكلمه مع انه يقول انا احب انج تهتمين فيني وتسالين عني وقلت له مفروض هالشي يبدى منك بس هو قال لا عادي مره مني ومره منج بس انا احس كل شي مني انا اقول يمكن من اسلوب اهلي معاه ..عمامي يعني وردت فعل ابوي لانه ما توقع انه بيرده ويمكن هو ماعنده اسلوب ..؟؟

مادري انا ادري اني طولت بس فيدوووونني الله يخليكم شنو اسوي؟؟