امس تكلمت مع مشرفتنا مناير عن كولكشن استي لاودر الجديد و خصوصاً القلوس الأزرق الجديد
وهذا اللي خلاني اتحدى ظروف الأفلاس و ادبر لي مبلغ صغير على الاقل اجرب شي من الكولكشن الجديد
قبل لا يصيدني احباط و امووت
المهم رحت محل وجوه
بس شفتهم يركبون اعلانات كولكشن لانكوم الجديد
و الخبير عادل كان توه يصف الكولكشن الجديد تسبهت ورحت له
و رواني روج وردي يهبل
كنت اول وحده اجربه فديتني
المهم اللون وايد حلو
درجته حلوه قريبه من الفوشيا بس هاديه
مع اني نادر ما احط روج و عادة يكون اللون فاتح او قريب للشفايف
بس بجد استخفيت عليه
لأني بالأرواج ماحب الصرعات والاشياء الغريبه
واللي شجعني اكثر انه مع حماية ضد الشمس 15
و مرطب بنفس الوقت مع اني احب المات اكثر بس هذا غير
وبعد خذت منه بيز للروج يثبت الروج و يمنعه انه يطلع برا الحدود و يحمي من الشمس و يرطب و ينفخ الشفايف شوي
ما لقيت لكم الصوره بالموقع
بس هذا رقم الروج
391
وهو اغمق من هالروج بدرجة او درجتين
و شكل الروج من برا نفس الموجود بالصوره
صج انا ما تلفتني الأرواج وايد واخر شي افكر اشتريه بالمكياج هو الروج
بس هذا وايد حلو و لفتني بقوه
و سعره اممم 85 مع انه ما كان نازل على الكمبيوتر عندهم بس مكتوب على العلبه
