مين اللي بتولد هذا الشهر May

jami والله انتي نفس سالفتي .. كل يوم ايني ويع واقول لو مشيت شوي بربي .. وامشي لين ما اتعب مع انه ما اكمل ساعة .. واتم لين ثاني يوم تعبانه .. لكني ما ربيت للحين .. صح بعده بدري علي لأني بأول اسبوع من التاسع وموعدي 8-6 لكن ان شالله اربي قبل عشان الامتحانات ..

وغير جي الرحم 1 سم من يوم كنت انا في الثامن .. والله يعلم متى يشرف ولي العهد .. وصار لي 5 ايام اشرب زعتر مغلي .. الصراحة ما اعرف اذا له دخل بالولادة بس حسيت انه لين لي بطني لاني كنت اعاني من المغص ..

الله يسهل علينا ..

عيون لا تستعيلين على قوله عمتي الياهل بروحه يحسب حق عمره يوم بيطلع بيخبرج خخخخخخخخخخخ

انا ابا افهم ليش الم المغص هذا و شو سببه لانه وايد ضايقني صراحه و اتعبني

و احس فيني خمول و كسل فضيع
و بصراحه انا سويت حركه ما ادري شو تنصحوني
انا توقفت عن زياردة الطبيبه و قلت مب سايرة الا يوم ايني ويع الولاده
ما ادري اللي سويته صح او غلط بس تعبت من الدكاترة اخر مرة الطبيبه ضغطت على بطني بالقو زاعجت من الالم و عيوني دمعت و كرهتها و قلت مب سايرة مرة ثانيه

لا حبيبتي لا توقفين عن سيرة المستشفى الله لا يقول لو كان في شي واللا شي يتلاحقونه .. انتي شو يضمنج ؟؟

على الأقل بتسمعين نبضات الجنين .. وممكن تسوين صورة يتطمنون على الجنين .. والحبل السري .. وهالأشياء ..

سيري كل السالفة ما تاخذ ساعة ولا تسوى .. اللا هيه مراجعة عادية ..

دام انج صبرتي هالشهور لا تخربين كل شي على هالشهر الي باجي لج ..

وياويييلج ان ما سرتي ..

هلا حبيبتي جامي

الغالية ضروري ترجعين الدكتورة بالشهر الاخير
لانه تصير تغيرات غير متوقعه و قد تكون خطيرة عليج و على البيبي
مثل فقر الدم - ارتفاع ضغط الدم - و تسمم الحمل>>>
العوارض قد تكون بسيطة و غير ملاحظه او تتوقعين انها من الحمل
بس العكس صحيح..لانه قد تسبب وفاة الجنين من غير شعور او اعراض مؤلمة

ربي يحفظ نونواتكم و تربون بالسلامة

عيون و فوانيس و الله ما ادري انا انقهرت من اسلوب الطبيبه و قلت مب سايرة و الحينه حتى لو خذت موعد ما اظمن يعطوني قبل اسبوعين على الاقل و انا في اسبوعي الاخير

و الله اني اسير المستشفى مب من خاطري و لو فيني شي اقولها ما فيني شي ما ادري ليش حظي زفت ويا الطبيبات كل مرة وحدة نفسها اخس عن الثانيه

و دايما اقول ان شاء الله يوم بربي اتيني وحدة عدله مب تذبحني من القهر فوق التعب اللي انا فيه

ان شاء الله باخذلي موعد عن قريب او بسير لعياده خاصه اكرم لي

انا كنت اعاني من نفس السالفة في مستشفى الكورنيش كنت اطيح ويا الدكاترة الهنديات وكل وحدة نفسها خايسه ..

صرت لما يكون عندي موعد .. اطلب دكتورة عربية والحمدلله مشى الحال .. بس دام انج في التاسع ما اظن بيعطونج بعد اسبوعين .. اتوقع بيجدمونج المهم لازم اتابعين

اهلين بالحوامل شخباركم

انا موعد ولادتي الاسبوع القادم في 18 /5 الله يسهل إن شاء الله

والالم ذابحني صاير في كامل بطني ويمتد لخواصري

فهل هذا بدايه طلق ولا شنو ؟؟؟؟؟

انتضر الرد ...

الغالية مع اني في اول اسبوع من التاسع بس اشتكي من نفس الي فيج .. الم في بطني مع خصري .. وظهري ..

بس اليوم زايد علي الم الظهر وايد .. يعني نفس الدورة و أزيد شوي

عن تجربتي انا ..
اقولكم هذه تمارين احماء ههههههه لا اكثر ولا اقل

يعني سبحان الله .. الله يهيئج حق الالم من الحين و كل ما اقول حق حد عندي الم بهذه الصورة يقولون لي لا اصبري و كل يوم بيزيد عليج لين ما يصير الالم الولادة الحقيقي

---------------------

عيون انا اراجع في الرحبه .. لو تصادفني هنديه بستانس عندهم هنديه روعه و ايرانيه بعد فنانه بس يوم اتجابلني بنقاليه بمووووت منها ودي ازغدها ودي اظهر من المستشفى ولا ارجع

السلام عليييييييييييييكم أنا في التاسع ولادتي في تاريخ 28/5 وهذي ثالث ولاده بس هلامره بنت إنشاء الله اللي قبل عيال الله يخليهم ويصلحهم بس هالحمله مرررررررررره ثقيله مثل الصخر ودي أولد من الشهر السابع بصراحه وخدامتي الخايسه إنحاشت وأنا في الرابع ولما ألحين ما قدرت أجيب خدامه علشان مشاكل أندونسيا الله لا يبارك فيهم وألحين نحاول نغير الفيزه علشان اجيب وحده بسرع وجب وحده مؤقته بس ما تبرد القلب بس نص العمى ولا العمى كله المهم فيني آلالالالالالالالالالالالام تروح وتجي والكل يقول لي ما ولدتي وعيونهم علي وأقول لهم بصوت عالي لاحد يناظرني علشان أخلص وبصراحه خلاص وصلت معاي من التعب:confused::confused::confused::confused:

آآآآآ والله انا موعد ولادتي يوم17-5 واحس اني خاااايفه مرة من هذا اليوم

اخاف يجيني الطلق وزوجي مو عندي لانه يداوم بجدة وانا في مكة والله اني خايفة ومرتبكة

هو دايم يقولي اهلي واهلك قريب بس اناابية يكون يمي

اما بالنسبة للوجع والألم شي ثاني ما ينوصف
احس اني مايجيني نوووووم احس بشي يعصرني >>>>>> منجد

يالله ادعو لي

الله يقومنا كلنا بالسلامة ان شالله ..

jami تدرين شي .. انا سمعت عن مستشفى الرحبة .. الكل يقول انه صدق يقعدون الوحدة ملكه هناك لأنه ماشي زحمة وايد ويمدحون خدمتهم بس كله اسمع انه ماشي خبرة في هالمجال .. والله اعلم ...

يالله ما عليه هانت ان شالله ..

:smile:

بنات جبيت اقول لكم امس بعد ما سكرت من النت جاني ألم خفيف المهم صديقتي قالت لي حطي فحم مرررره حامي وحطي عليه عود وقعدي تبخري من تحت من غير ملابس بس فستان يغطيك وخليك فتره وإذا كان طلق بزيد الوجع إما اذا كان الم عادي بروح وفعلا راحالوجع ونمت هذيك النومه المستحيل الحامل بالتاسع تذوقها بصراحه جربوها

«®°·.¸.•°°·.¸¸.•°°·.¸.•°®» هلا بيكم حبايبى
انا موعد ولادتى كان يوم 12/5 بس انا ولدت قبلها يوم 4/5 وكنت خايفه شديد لانها اول ولده لى تعبت شديد بس بقولوا البكريه كدة بس الحمدلله شفت بنتى وكل التعب راااااااااااااااااااااااااااااااح وسميتها لميس وعقبالكم بنااااااااااااات .«®°·.¸.•°°·.¸¸.•°°·.¸.•°®»

الحمدلله على السلامة
و مبروك عليج لميس
و ربي يجعلها من الذرية الصالحة

مبرووووووك عليج لميس

يا حظج ( حاسده الفقيرة على الويع ) هههههههههههههه

عيون انا شفت الكورنيش و شفت الرحبه لو يعطوني مليون ما بربي في الكورنيش الرحبه اهون بألف مرة بس انا فيني وسواس من كل شي بس ان شاء الله اتيني دكتورة سنعه طيبه حبوبه عشاني انا دلوعه ابا كل شي على مزاجي ههههههههه


عندي سؤال اذا طاف الموعد اسبوع هل فيه خطر على الجنين او لازم اسير المستشفى ؟؟

لا ما اظن انه في خطر لاني اعرف انه عادي لين اسبوعين ...

لكن مادري اذا المفروض اتسيرين لهم او لا ... اكيد هم بيعطونج موعد ...

صدقج الكورنيش ترا يلوع بالجبد والله المستعان عليه ..

السلام عليكم ياحوامل ياحلوات

بصراحة اشكر لكم تفاعلكم مع الموضوع وآسفة على التأخر في الرد بس فوانيس ماهي مقصرة كانها انا

وابغى اقولكم اني ممكن اتأخر في الرد وانقطع لفترة بسيطة بحكم اني سافرت عند امي ولمن تتوفر لي فرصة بدخل المنتدى :shy:

الحمد الله علىالسلامة يا ام ربى

الله يخليلك لميس وابو لميس