مشكلة المشاكل في السعوديه

الله يعينكم..

:eek2:

هي فعلا مشكلة اختي الماضي الجميل ...

يعني هم يتخلفون بعد موسم الحج والعمرة .. ويسرحون ويمرحون في البلد منها جرايم وبلاوي سواء كانوا رجال او حريم

بس انا اول مرة ادري انه يتم استخدام الشغالات بهالطريقة

انا مستحيل اجيب شغالة بدون اقامة وفيزا اخاف يصير عليها شي وانا اللي اطيح فيها بعدين اي شي مو قانوني الواحد يخاف منه

اختي المكتب احسن ... بعدين حتى لو هربت المكتب ملزون يجيب لك وحدة خاصة قبل فترة الثلاثة شهور التجربة

بس نصيحة لا عمرك تفكرين تجيبن شغالة بدون فيزا عشان الراتب اقل ترى اقل شي عندها بتشيل اغراضها وبتطلع ولو ضرتك لو ضرت بيتك لا سمح الله ماعندك اثبات عليها مثل صور من جوازها او فيزتها

الله يعين انا كثير اتضايق لمن اشوف الآسيوين او الأفارقة في الشوارق خاصة المتسولين ... مشوهين منظر البلد

مستغربه والله

مشكلة الخدامات صارت اكبر واهم من مشكلة العراق وفلسطين ,,, وما ادري ليش لازم وجود خادمه في كل بيت وشنو دور ربة البيت في بيتها والف علامة استفهام في رأسي
؟؟؟؟؟؟؟؟

آآآآآآآآآآآآآخ يستاهلون ال....................

لا حول

والله صدقتين

بس شنسوي ؟؟

مع انه بالشرقيه ما فيه هذي المشكلة بقدر ما هي عندكم

[grade="00008B FF6347 008000 4B0082"]هذي المشكلة بيعانوا منهاى فقط اهل مكة وجدة والمدينة

بس ليش نطلع فضايحنا ( اذا بليتم فاستترو )
مالو داعي نخلي احد يتشمت فينا .................. صح ؟[/grade]

RoOoOmy_M

ترى رواتبهم اعلى بالفيزا تاخذ 600 والعمره تاخذ الف

واذا هربت الشغاله المكتب يعوضك غيرها ايه بس تدفعين الفيزا مره ثانيه

فعلا يامرايم هذه المشكلة بالمنطقه الغربيه لان مكه الله يعمرها قريبه مننا

وفعلا شنسوي

فرفوحه حبيبتي

هذي ماهي فضايح احنا لازم ندور حل ونعلنه للجهات المسؤوله

ونعاون بلدنا لأن الشعب والدوله واحد

وياما كتبت الجرايد عن ها المشكلة

عزيزتي ناردين الشغاله هم لابد منه للموظفات

وين نودي عيالنا الصبح بالذات لا صارت الجده بعيده وماهناك احد يعاون

الله يساعدنا وينصرنا عليهم

نورس الله يسمع منك بصراحه بلوه وحلت على روسنا

حاسوا اقتصاد الدوله وبهذلوها

بسم الله الرحمن الرحيـــم
السلام عليكم ورحمة الله وبركاته

أهم شئ أنكم ماستخدمونهم ولاتدخلونهم بيوتكم
حتى ماتتسببين بمشكله لك ولبيتك لو جرى شئ عليها لاسمح الله
أختي فرفوحه هذي موفضيحه هذي مشكله ولازمها حل قبل مايطيح الفاس بالراس
ربي يكون في عونكم وبصراحه أول مره أسمع عن هذي الظاهره عندكم

ولكم فائق تقديري وإحترامي
دمتم بخير

شكرا لك مملكة القلوب

والمشكلة هذي مؤرقة الدوله مالقت لها حل نهائي لأنها ماتقدر تمنع الحجاج والمعتمرين

من بيت الله وبنفس الوقت ماتقدر تتابع اكثر من 2 مليون كل سنه غير رمضان طبعا

لأن معظمهم يجون بفيزا العمره وأول ما يوصلون مكه هربوا من المكتب المسؤول

الله يعطي رجال الأمن الصحة تعبوا مساكين كل يوم ترحيل وبعدها رجعه

السلام عليكم ورحمة الله

اختي الله يعينكم ويحفظ دولتكم من هالبلوه

احنا هروبهم بعد كم يوم يسبب لنا ارق كيف المشاكل اللي عندكم الله يساعدكم ويحفظكم


ترى مناقشة المشاكل احسن من التستر والخجل منها لا فضيحه ولا شي والنصيحة بجمل على قولتهم

بالنسبة للاخت ناردين اعتقد انج عراقية عايشه بالسويد وموضوع انج تقولين انا نهتم بمشكله مثل هذي وننسى العراق وفلسطين

شي اعذريني غير صحيح ومب بمحله كلامج

يعني لو الكلام عن نسيان العراق وفلسطين والتخلي عن اللي يصير هناك كنتي انتي اول وحده تنلام يعني تاركه بلادك والحين على النت بدل لا تكوني مؤازرة للعراق او لفلسطين نعرف ان الهجرة احيانا غصب عن الواحد او ظروف العمل او هناك عذر اخر وحب بلاد المسلمين شي بقلوب المسلم ما يقدر يتخلى عنه كلنا جسد واحد

العراق وفلسطين الله يعلم شو مكانتهم بالنسبة للخليجيين يا ناريند وبالنسبة لي حتى لي خواطر احتفظ فيها كتبتها عن حبي للعراق

والله يحفظكم واهلكم يا رب وينصركم على عدوكم

ترى والله نحبكم يالفلسطينييين والعراقييين ما بينا وبينكم فرق

وبالنسبة للخادمة او الشغاله

الشغاله بالبيت علشان ربة البيت تبي عون في شغلات علشان تهتم هي بشغلات اهم حتى الي عايشة بروحها مع زوجها بدون عيال احيانا تكون الشغاله كمؤنس يعني تعرفينا احنا البنات خوافات ومب معقوله بتعتمد البنت على اهلها كل يوم مع انه احيانا الاهل ما يمانعون

وفي ربات بيوت ما تستخدم شغاله لانها متحكمه او تكره وجود شخص غريب بالبيت

ونوعية تحتاجها لان بالبيت اشخاص مسنيين لهم احتياجات خاصه تحتاج الوحده منا مساعده فيها

هذا غير انهم من بلاد فقيرة ويتعيشوا من المعاش الي ياخذوه ويعيشوا اسرهم
وميزاينة دول احيانا تعتمد على عدد العماله خارج دولتها

والاخت قالت انها من اكبر المشاكل بالسعوديه لانها مش بس تخص البيوت والشغالات بعد تخص الموجودين بدون صفة قانونيه بالبلد

وتخص امن البلد وراحة الحجاج والمعتمرين وانا وحده من اللي تاذيت نفسيا بسبب وجود النوعيه هذي بالسعوديه يعني غير جرايم
السرقة والخطف تلقينهم يستغلون اطفالهم بالتسول تخيلي طفله يمكن بعمر الطفل اللي يحبي بنص الشارع ما تردد غير مفردات مالها معنى وماده ايدها والشمس بالصيف تموت الجمل كيف بطفله

يمكن تقولوا بعدتي عن الموضوع بس اقول ان المشكله تجر وراها توابع الله اعلم فيها

وبالنسبة للمشكله هذي اظن معاقبة مكاتب توظيف الخدم بتكون الحل يعني لو هربت الشغاله ملزومين يوظفو لكم شغاله ثانيه بدون اخذ اي مال والحل هذا وحدها الدوله تقدر عليه

وانتي مثل ما قالوا الخوات لا توظفي وحده موجوده بصفه غير قانونيه سبحان الله المشاكل احيانا ما نتوقعها وهي على الباب


ادعي ان الله يحفظكم وعيالكم من كل شر يا اهل المملكه

على البال

بصراحه اخجلتيني بكلامك الرائع وحبك لبلدنا نابع من حبك للإسلام وأشكرك لأنك وضحتي معنى موضوعي أكثر

لأن هذي مشكلة تعاني منها الدوله والكل قاعد يدور حل لها

وكلامك صح 100% وماازيد عليه ولاحرف بالنسبه لفلسطين والعراق الله العالم كيف نعاني معاهم

ونساندهم بالمال والدعاء وهذا اللي بيدنا

والله يسعدك ويحفظك ويحفظ الإمارات من كل شر ويعلم الله كيف بكينا دم بدل الدموع يوم مات ابوكم

زايد الخير الله يرحمه ويجعل مثواه الجنه

ويارب مثل مازرت كثير من الدول يكتب لي ربي ها السنه ازور الامارات

السلام عليكم

حياج الله اختي تشرفونا وبلادكم وبلادنا واحد


امين الله يرحم المسلمين والمسلمات والمؤمنين والمؤمنات الاحياء منهم والاموات ويغفر لهم يا رب

تسلمين ياغاليه وانتم دايم على البال وفعلا مثل ماقلتي بلادنا وحده