مـالي بعد الله غيركن أخواتي .. محتاجه للنصيحه

الأميره الأولى (f)
أختي مشكوره على مرورك الجميل ... وصدقيني من الاسباب
اللي مخوفتني من القبول ,, هو مسألة الاطفال صحيح انا حبوبه
والصغار يحبوني وما ينفرون مني .. بس سبحان الله الواحد ما يقدر
يضمن نفسه صح ... يعني يمكن الحين اقول لا انا بخاف ربي فيهم وهذا هو
تفكيري الحالي .. بس ياربي كيف لو قصرت بحقهم ولا جرحتهم بدون قصد هذولاء ايتام
صح ... شكرا مره اخرى

مرايم السعودية (f)
مشكوره على مرورك ..
أما سبب زواجه بالضبط ما أدري ..يمكن مرض زوجته
والله للحين ما أدري

العــــــــــــنيده :shy:
مشكوره حبوبه على مجاملتك اللطيفه
مسأله إني ماني بكبيره هذا الشئ يمكن بالنسبه لك ولي
لإننا متعلمات وعارفات إن هالعمر هو انسب عمر للزواج .. بس تعالي
نفكر بالمجتمع ... تعرفين نظرة المجتمع للي وصلت لهالعمر ولا اعرست ..
اكيــــــــد يقولون عنها عانس .. صح ولا لا

ومن ناحيه موافقتي بسبب عمري .. صح جتني فتره فكرت بهالطريقه
احس اني كبيره .. وخلاص ما بيتقدم لي شاب مهب متزوج .. فقلت يا بنت
هذا الشخص وبكل مواصفاته احسن من شاب توه ببدايه حياته .. ما شاء الله
عليه ما ينقصه شئ شاب وسيم الله معطيه خير .. معروف .. يخاف الله .. ناجح بالحياه
وكلن يمدح منه ... بس مسأله انه متزوج هذي بس اللي متعبتني .. وانا اعرف وش كثر المراءه
تخاف على زوجها وتخيلي مرته الحين مريضه الله يشفيها .. فأنا ما أدري ان كانت تعرف ولا لا
على العموم العنيده .. صدقيني بآخذ كلامك بعين الاعتبار مشكوووووره

النــــجم الســـاطع :ok:
الـــــــدعاء بالفرج والخير .. هو ما أحتاج له
شكرا على الدعوه الصادقه

آخر العــــــــــــــنقود :shy:

ربي يسلمك يالغاليه .. والله يرحم والدينك ويجعلهم الجنه اللهم آمين
ويرحم موتى المسلمين .. ويشفي مرضاهم
اختي جزاك الله خير لمرورك ونصيحتك الثمينه .. اللي اكيد بفكر فيها
وانا مثل ما قلت للأخوات ما اعرف ضروف الرجال .. يمكن مرته هي اللي طالبه
منه أنه يتزوج .. او يمكن للحين ما عندها خبر ... ما اعرف ايش وضعه بالضبط ..

على العموم الله يوفقك ... ومشكوره على الدعوه الصادقه

مفـــــــــــــنوده (f)

شكرا على مرورك ونصيحتك
وصدقيني من كثر ما سمعت منك
ومن خواتي الغاليات .. اني لازم ما استعجل علشان للحين
أنا صغيره .. بديت افكر اكثر بعقلانيه وتركت مسأله العمر على جنب

Rosa Jamal
اختي شكراً لمرورك ونصيحتك الغاليه
والاستخاره مثل ما قلتي هي افضل شئ

Mothehela :shy:

مذهله وانتي مذهله .. شكراً على مرورك
ونصيحتك الغاليه .. بس مثل ماقلت لك وللخوات
الحين تركت مسأله العمر على جنب شوي :o أقنعوني البنات
أن للحين ماطافني قطار الزواج .. والله يكتب اللي فيه الخير

دلعوعه زوجها :shy:

شكرا لمرورك والنصيحه الغاليه
وهذا اللي بسويه الاستخاره ثم الاستخاره
والله يهديني للخير

بدري ماوصلتي لسن انك تقولي والله برضى بواحد متزوج

اصبري وادعي ربك

:. الله يسهل عليك يارب ..
ولا تنسين صلي صلاة الأستختاره ..
والله يكتب اللي فيه الخير ..


.. والله يرزقك ويرزقنـا .. الزوج الصالح ..

السلام عليكم ورحمة الله وبركاته

حبيبتي هبوب برجع وأقول نفس كلام البنات انتي مب عانس وهذي أولا ،، وانا مثلك ما أنخطبت ولا مره وانا اقرأموضوعك في البدايه حسيت و كأنك تتكلمين عني بس في فارق ان عمري انا 24،، والله اني مريت بحالة غريبه وكنت دائما مكتئبة ومتضايقةودائما اسأل نفسي واقول انا ليه ماانخطبت وكل الللي بسني عرسوا وعندهم الحين عيال ودائما الح وأدعي ان الله يرزقني بالزوج الصالح بس الحين الحمدالله بديت افكر بجدية بالموضوع وهو هل انا قادرة على تحمل مسئولية بيت وزج وعيال فوجدت اني غير قادرة على تحمل مسئوليتي ؟؟!!! فكل شي في هذي الدنيا هو خيره من الله سبحانه وكل تأخيره فيها خيره ان شاء الله ( كاني شتيت عن الموضوع )

انا اوافق الاميره الاولى في كلامها هو : اذا تزوجتى هذا الرجل ؟؟؟؟وتوفت زوجته لو قدر الله تقدريت تتحملين اولاده وتخدميهم وتعامليهم كما يرضى الله ؟؟؟؟؟؟

وثانيا : لاتنسين الاستخارة ...........

والله يوفقج وقدم لج بما فيه الصلاح ان شاء الله

اللهم ارزقني وارزق جميع بنات المنتدى وبنات المسلمين بالزوج الصالح اللهم آمييييييييين


آآآآآآآآآآسفه على الاطاله

حبيبتي لي نقطتين
اولا انتي لسا صغيره
يعني الطريق قدامك يعني لاتشوفين اي واحد وتقولين يله المهم اتزوج

ثانيا
لانتي محسوده ولاشئ بس نصيبك لسا ماجاك
انا معاك باحساس ان الواحد يشك ليه احد ماجاه وانا مريت بهالمرحله

بس النصيب ماجا
وعليك باخر الليل وربي ماانفتحت لي الدنيا الا لما صرت احس ان صلاة الليل واجبه علي
وقربتني من ربي
واجاب لي ربي
اشياء كثيرررررررررررررررررره ولله الحمد بس الواحد يخلص النيه ويثق بربه

انا وحده من قريباتي لا مو وحده ثنتين كلهم بالثلاثين وربي وفقهم وتزوجوا ووحده الحين عندها عيال الله يخليهم لها

السلام عليكم
بالبدايه احب اقول الله يوفقج انشاء وتلقين ولد الحلال الى يسعدج انشاء الله وانا من وجهه نظرى انج ما تاخذين واحد متزوج وعنده اطفال لان هؤلاء الاطفال يحتاجون انهم يعيشون بين امهم وابوهم وفى حاله زواجك من هذا الرجل يمكن اتكونيين سبب فى هدم هذى الاسرة ولكن ايضا اقول اذا الله كاتب ان هذا الرجل راح يكون من نصيبك فراح تزوجيين بإذن الله والله يوفقج انشاء الله ويكتب لج الخير