( زوجات الأعضاء ... نبي رأيكم )

صحيح لسه مو متزوجه ولكن في المستقبل
اولا ::
انا مو من النوع اللي مدمنه كثييير على النت الحمد لله ساعه او ساعتين تكفيني واغلب الاوقات ساعه واقل منه
وما احب زوجي في المستقبل يكون مدمن انترنت يعني يستخدمه لكن في حدود

ثانيا::
لو انتسب ماراح امنعه لكن في قرارة نفسي بحس اني مو مرتاحه لكن ببين له اني مستانسه في انتسابه و...و..و..
ولو اشترك ماراح احوس في ردوده اشوف شنهو كتب وايش تكلم فيه
اساسا لو انه بيسوي شي غلط كان ما انتسب في منتدى تكون زوجته مشتركه فيه وهذا دليل الثقه المتبادل .
مادام انه يبغي يشترك ماراح امنعه لكن اللي ابغي ابينه لكم اني ماراح ارتاح في المنتدى بكون اني مثلا بسوي مفاجأه له واستشير الاخوات في المنتدى .... وغيرها من المواضيع اللي تخص النساء

يعني خلاصة الكلام اني موافقه يشترك في عروس لكني ماراح اخذ راحتي :)

السلام عليكم ورحمة الله وبركاته
حلوه فكرة انه يسجل بس احنا يا معشر البنات او النسوان او اللي يبون يتزوجون مانبي ازواجنا يدشون ليش لاسباب منها
ان الرجال مرات مايفكر باشيا بسيطه احنا انفكر فيها مثل الاشيا الخاصه ولما يدشون البنات او النسوان هنا يبون الحلول مايبون الرجال يقتحم خصوصيتهم ويركز على اشياء يمكن هو مايركز عليها عند مرته مثل مثلا الابط انه اغمق من الجسم في نسوان يحسون انهم يبون يشيلون هالعيب بدون مايحس زوجها وفي نسوان ماعندهم مشكله انه اغمق وفي نسوان لا زوجهم قال لهم الفئه الاخيره عادي لو دش زوجها هالمنتدى بس ماتبي يعرف نكها لانها يمكن تسال عن شي خاص فيها وخبركم اللي يسجل ويبي يدش مره 2 خاصه من نفس الجهاز يطلع له النك نيم مالها ويمكن سالت سؤال عن مشكله بينها وبين زوجها ويجي يقراها؟؟؟ انا اشوف هالمنتدى للبنات فقط واسفه عالاطاله واعذرا للرجال

عزيزي صارع ليس بغريب عليك هذا الموضوع بفكرته المصرووووووووووووعه ...
أفضل ما استخلصته من جميع ردود الأخوات والزميلات هو التباين الكبير في ردة الفعل وبصراحة استنتجت حاجه مره حلوه بان الزميلات اللي اعرفهم من خلال كتاباتهم الموضوعية والمنفتحة تجد اسقاطات حياتهم الإجتماعيه حقيقة وبلا زيف ... فبعض الأخوات اللاتي ايدن دخول ازواجهم النت مؤمنين بالثقة المتبادلة اعرفهم من خلال مواضيعهم المنفتحة والواعية ... وهذا ليس انقاصا في باقي الأخوات اللاتي علقن على المقال ولكن هذا ما لاحظته ...

أنا شخصيا زوجتي تعرف بأني عضو في هذا المنتدى وتقراء مقالاتي وردودي وتشجعني على المقالات الإجتماعية (انا اصلا أكتب في المجلات والجرايد المحليه) ... :) فالمنتدى بالنسبة لي متنفس اخر للكتابه ... أما بالنسبة لإشتراكها لن امانع فيه ابدا ولكنها غير مقتنعة بفكرة المنتديات ...

بس بصراحة تعليقات الصبايا فطستني ضحك ...

اخوي مجدي عندي تحفظ كثير على تعليقك

تحياتي

شكرا لك اخي صارع علي الموضوع
انا وزوجي 24\24على النت واذا دخلت المنتدي اغلب الاوقات يكون معايا ..........
ويوجهني وينتقدني ويقرامعايا المشاكل ونحاول نتناقش فيها .......
اعتقد انه عادي جدا اذا اشترك ........
لكن هو مشترك في منتدي كله رجال ........

مستحيل اخليه يشترك في المنتدى...اصلا هو يكره النت و ما يستخدمه الا غصبا عنه حق الايميلات و يوم يدور معلومات ولا شي..والصراحه دايما يحاول يمنعني من النت بس انا مدمنه :) خصوصا على منتدى عروس....وحتى لو كان يدخل منتديات و غيه طبعا ما بخليه يشترك لانه في اشياء خاصه الواحد يبغي يتكلم فيها براحته و ما باخذ راحتي لو هو في النتدى

زوجي ما يحب الكمبيوتر والنت بس هو يابه لي علشان اقضي وقت فراغى وبصراحه منتدى عروووس روعه وناديت زوجى اكثر من مرة ييى يشوف اللى فيه ما بغى بس من ناحيه الغيره انا اغار على ريلي وايد ولو اشترك مثلا باى منتدى اكيد بايلس وياه واشوف شو يسوى 0000000

زوجي مستحيل يشارك ف منتدى نسائي والسبب ان اهتماماته والحمد لله محصورة ف الاسهم والسيارات والتلفونات..
بعدين انا أحس ان مب حلوة الرياييل يشاركون ف منتديات حريم!!وماحب ريلي يشارك ف منتدىكله حريم !
يعني شو الفايدة ؟؟!!
وأحيانا استغرب من الحريم الي يكتبون عن أدق خصوصياتهم ف المنتدى وهم عارفين ان ف المنتدى رياييل والوحدة منهن اتقول محد يعرفني ؟؟ ماسوي شي غلط ؟؟ مالقى مكان افضفض فيه عن نفسي غير المنتدى!! مادام انتي جيه ليش عيل ترفضين ان ريلج يشارك أو يعرف النك نيم مالج؟؟!!
اسمحولي يمكن طلعت عن الموضوع بس بعض الردود تبين تناقض اصحابها..
وكل الشكر لصاحب الموضوع

السلام عليكم

بالرغم من أن أبو الوله دايم الجلوس على النت وخصوصاً التصفح إلا إني ما أحسه يحب الاشتراك بالمنتديات لأنه أصلاً ما يحب الحكره وباشتراكه راح يضطر انه يمر ويرد ويقرا كل المشاركات والردود وهذا بحد ذاته كبير عليه

بالأول كنت أتمنى انه يشترك معاي بعروس عشان في أشياء كثيرة ما كنت أقدر أقولها له مباشرة وتطلع بكتاباتي وردودي وكنت أبيه يعرفه من هالمجال لكن بعدها وفي أكثر من موقف خاص حصل كت أحمد ربي إنه مو معاي بالمنتدى لأني كنت واثقة من اللي راح يصير ويكون

وبالنسبة لأسألتك أخوي صـــارع بجاوب عليها من باب الفرض إنه بيحصل وبيشترك

ما رأيك بإنتساب زوجكِ لمنتدى عروس؟
حلو إنا نكون بنفس المكان مع بعض نتحاور ونرد ونقرا ونشارك الآخرين

هل يسبب لكِ ذلك نوعاً من الضيق أو الغيرة؟
أبداً بالعكس يمكن راح أعرف أشياء صعب إني أعرفها وأنا معاه وما يقدر يقولها إلا عن طريق القلم

هل حاولتِ في أحد الأيام تتبع ردوده أو السؤال عنه عبر الخاص؟
لو صار وأشترك يمكن أتتبع ردوده لأحاول معرفة أشياء خاصة (أسلوبه مثلاً) لأني عجزت وما قدرت أميزه

اذا كُنْتِ لا تحبذين دخوله للمنتدى، ماذا فعلت للحد من هذا الدخول؟
ولا شئ .. لأن الرجل إذا حط شي براسه ولا أي قوة بالعالم تقدر تمنعه .. طبعاً مو بكل شئ

شكراً لك أخوي صــــارع ع المشاركة الحلوة
مع إني متأخرة بس وصلت

بصراحة انا لو عرست

لايمكن اسمح لريلي انه يدش منتدى اغلب اللي فيه بنات

لاني كل مابشوفه يالس عند الكمبيوتر بركض وبيلس عداله >>>>>>>>>> من الحين بلزق هههههههههههههه

بس على العموم فكرتك وايد حلوة اخوي صارع

ودمتم سالمين

اخي الفاضل

اولاً اشكرك ويزاك الله خير على هالموضوع الحلو .. بالنسبة لى هذا اللى قدرت أناملى أن تخطيه



ما رأيك بإنتساب زوجكِ لمنتدى عروس؟
شي طيب إنه ينتسب ويشارك وبالعكس أنا بستانس ومن غير أصلاً راح ينفتح المجال أكثر ويصير الحوار والمناقشة على شي متميز وفيه تجديد في الحياة

هل يسبب لكِ ذلك نوعاً من الضيق أو الغيرة؟
اذا صار واشترك ما اعتقد إنى بتضايق او بغار لأنى احبه يتميز ومن غير انا اللى وجهت له الدعوه

هل حاولتِ في أحد الأيام تتبع ردوده أو السؤال عنه عبر الخاص؟

والله لو صار اشترك اكيد بشوفه ردوده وبشوف مدى رقيه في الكتابة والأسلوب ويمكن اطرش له رساله عالخاص من باب التغيير والموانسة وخصوصاً لو بغيت منه شي خارج النت

اذا كُنْتِ لا تحبذين دخوله للمنتدى، ماذا فعلت للحد من هذا الدخول؟
لين الحين ما دخل ولا عنده نيه يشارك.. لانه شخص ما يحب المنتديات رغم إنه تخصصه مهندس كمبيوتر .. بس شغلته يبرمج .. يعدل .. يبدع .. لكن يدخل ويشارك مستحيييييل

واذا كان لزوجكِ النيّة في التسجيل ... ما رأيكِ !!!
أقول له حياك الله وبياك .. حللت اهلاً ونزلت سهلاً

زوجي ما يحب شي اسمه انترنت :)

مشكور يا أخ هادي عالموضوع الجميل

بس تبا الصراحة أنا ما فكرت إني أسأل ريلي يدخل المنتدى وياي :think:

وبعدين أحس منتدى عروس أكثريته لسوالف النساء يعني ما يخص الرجال وايد

أكيد في منتديات أكثر لها خصوصية بالرجال ... يعني ريلي مشارك بمنتدى بس للأسهم مثلا

عشان هالشي من خصوصياته ... ويقدر ياخذ حريته بالكلام فيه ... :smile:

وبعدين ريلي ما أحس عنده وقت لهالأشياء كله ملتهي بدوامه إجازته بس أربعاء وخميس وجمعة .. :sad:

واختلاف الرأي لا يفسد للود قضية ... :up:

وتحيااااااتي للجميع

يااااااااااااااليت زوجي يرضي يسجل او بالاصح ماله علاقه بالنت ابدا لا من قريب ولا من بعيد ويضايق يوم يشوفني قاعده علي الكمبيوتر----

موضوع حلو
بس مااردي ليش ام محمد ماشاركت
يمكن تغار ..؟ :) والا تسوي نفسها مو مهتمه

انا زوجي سجل بالمنتدى ويمكن عنده مشاركة وحده
بس سجل من ناحية الفضول والكلام من 10 شهور تقريبا ودخل المنتدى مرتين ثلاث وبس الحين
مااشوفه يدخل بالمره

وانا من داخلي مت من الحرة ليش سجل بالمنتدى
بقيت انفجر بس الحمدلله مانفجرت
:)
لانه بطل والتهى في منتدى ثاني

ماحب احس انه المنتدى من خصوصياتي


دمتم سالمين
اختكم شريفة

انا ياجماعة تبون الصراحة انصدمت واااااايد لما عرفت ان ويانا اعضاء رجال في المنتدى

في بداياتي في المنتدى كنت ماادش الا ركن الجمال بس عقب لما فضيت وقمت ادش كل الاقسام صدمت من مشاركة الرجال في منتدى نصه خاص بالنساء

وعن نفسي لو في يوم زوجي تعلم يدش النت والمنتديات (( الحمدلله ما يحب هاي السوالف)) صراحة بكون واااااااااايد متضايقة فما بالكم لو سجل في عروس؟!!! ما استبعد اني اذبحه من خصوصية المنتدى للنساء

مرحبا اخوي هادي...
حبيت موضوعك وحبيت اشارك به..

وحبيت اسئل وين ام محمد؟؟ مانشوف مشاركتها... ونبي انرحب فيها بيننا...

سلامي لها..(( وقولو لها الجوري بتعلمك للنت ,,, بخليها مدمنه خخخخخخخخخخخخخ))

وخطيبي مايحب النت كثير.. اصلا الشغل مايخليه يفضي مع ان توه صغير

بس تحمل المسؤليه وهو اصغير لانه والده متوفي الله يرحمه ويسكنه فسيح جناته..

وحلو الاعتماد على النفس..

وبصراحه انا مستانسه انه مايحب النت
بس متحسفه لاني بترك المنتدى بعدين <<<<<<<<شوفوا الانانيه

هناك عادة سلوكيات استثنائيه يختلف البعض حول مدى ملائمتها اجتماعيا

ورغم ان الوضع الظاهر لهذه السلوكيات امر عادي الا اننا نرى البعض يستهجنه حسبما ذكرت وروره

وكل انسان له مكنونه الخاص عند ممارسته لهذه السلوكيات .. ورغم انه ليس فيها شئ الا انه لايرغب ان يرى شريكه الاخر تصرفه

فمثلا عندما يخاطب زميل زميلته في العمل ... لاتذهب هذه الزميله الى المنزل وتحكي لزوجها ماقاله لها زميلها تفصيليا رغم انه قد لايكون فيه شئ ولكن مراعاة لشعوره


اذا طبقنا هذا الكلام على مشاركة اي رجل في منتدى عروس ... وعضويته في الموقع نجد انه دائما لايتفاخر كرجل انه عضو في منتدى عروس باعتبار انه منتدى نسائي ونحن في مجتمع شرقي ... وانا كنت اسميه في الفافورد المنتدى الاسلامي الى ان وجدت ان هناك معلومات واراء مفيده ومسابقات جيده فقلت انهم قد حولوا اسم المنتدى الاسلامي الى منتدى عروس واصبح الامر عاديا الان

لااريد ان ادوشكم واثقل عليكم بطول الكلام ... ولكن مع عروس الجميع يستفيد الصغير والكبير الرجل والمرأة على حد سواء

وقد لاتصدقونني اذا قلت لكم ان هذا المنتدى قد ساهم باسلوب او باخر في تهدئة عديد من المشاكل الزوجيه المستعره بحكمة اعضاؤه وعضواته وقبلهم الاداره والمشرفين زاد الله علمهم وبارك فيهم

ودمتم

أوافقك الرأي أخ مجدي
منتديات عروس مفيدة لكل صغير وكبير
و يوجد كثير من المواضيع تقدم نصائح للرجال في كيفية تعاملهم مع زوجاتهم

بصراحة ما احب زوجي يشارك في عروس لأني احب اني اكتب مشاراكاتي بحرية مطلقة من غير ما احس اني مراقبة، وهو اصلاً يشوفه ساعات مفتوح بس ما يهمه ان يتصفح لان مشغول بمنتديت كورة وغيرها من منتديات الشباب، بس في اوقات اذا ضايقني تصرف منه مثلاً في تعامله مع بنيتي وشفت موضوع في المنتدى يتعلق بهذا الموضوع أخليه يقراه، واحس بصراحه انه يقتنع ويصحح الخطأ

الصراحة اتمنى ان ريلي يشارك في المنتدى بالعكس هذا شي يشرفني اني اكون مشاركة ريلي كل شي

المشكلة ان ريلي مايحب النت والكمبيوتر ومايعرف فيه كثير بس انا احاول اعلمه عشان ابيه يكون خبير في كل شي ويتعلم كل شي ابيه يكون احسن واحد في الكون.

بصراحة انا لما اشوف مواضيع ولا اي افكار على طول اخليه يشاركني واحيانا احط ارائه هو مب ارائي انا

لان هو الارجح عقلا:)

موضوع حلو كثير تسلم على الطرح اخوي