مواقف لاتنسى........

أخواتي .. ........ فعلا من خلال مواقف لاتنسى عرفنا إن في ناس مهما بان عليهم الإنبساط إلا أن قلوبهم

مليانه بالهموم والحزن وإنشاء الله نقدر نخفف على بعض ولو بكلمه طيبه

وأسأل الله ان يكفينا ويكفيكم شرور الدنيا

السلام عليكم...........بصراحه الموضوع وايد شدني وجذب انتباهي وقرأت كل المواضيع الي كتبوها البنات وتأثرت فيها وايد:cry:
أما اصعب موقف مر علي في حياتي كنا نايمين يوم الخميس الصبح وكان عمري وقتها 14 سنه وطبعا الخميس عطله مانداوم.......تفاجات في امي تقعدنا من النوم ووجهها مخطوف وكانت تقول لنا بنرح نزور بيت جدكم........بعدها بشوي جا ابوي وكان وجهه مخطوف وكان يقول لنا يالله قوموا بنروح الشاليه........آنا قمت مفزوعه وارجف من الخوف لان امي وابوي كل واحد قاعد يقول لنا كلام غير عن الثاني يعني الموضوع فيه شي مو طبيعي........المهم صعد ابوي السياره ورحت صعدت معاه وتدرون شنو شفت بالسياره؟؟؟؟؟؟؟؟؟؟
شفت شوزن(المسدس الطويل الي يستخدمونه بالصيد).........اهني طاح قلبي ببطني وقلت لا السالفه خطيره والحيت على ابوي الا يعلمني شنو صاير؟؟؟؟؟؟؟
فقال لي ان الجيش العراقي دخل الكويت........شعوري لحضتها مزيج من الخوف الشديد والذهول الشديد.......وبصراحه اول ثلاث ايام ما ادري شلون مرت علي كنت دايم اتغطي باللحاف وامسك القرآن بايدي وادعي ان الله يحفظنا........ورحنا كلنا قعدنا ببيت جدي اول شهرين لان عندهم سرداب وبعدين ردينا بيتنا والله حفظنا سبحانه الى يوم التحرير السعيد

أختي نور الإسلام ..........أيام كانت بالفعل صعبه كلنا عانينا معاكم لكن الحمد لله المؤمن مبتلى

بصراحه مواقفكم كلها أثرت فيني ........

ولكن المواقف الحزينة كثيرة والواحد شنو يذكر ولا شنو .......

موت عمي بعد اصابته ومعاناته بالسرطان كانت من أشد الايام علينا جميعا الله يرحمه ......

ولا موت جدي ........ولا جدتي .....صراحه مواقف كثيـــــــــــــــــرة ......

بس أكثر شئ أثر فيني وااايد ........

انا لما كنت في الإعدادي كان صفنا البنات اللي فيه كلهم حلوين وشخصياتهم مرحة وكنا مثل الخوات مع بعضنا ....

وكنت انا والبنت اللي جالسه جنبي وصديقتي والبنت اللي جالسه جنبها علاقتنا موطدة جدا .....

وفي الامتحانات النهائية كنا أذكر في امتحان الرياضيات لما قرأوا أسماء الغائبات كانت زهرة غائبة وهي البنت اللي كانت جالسة مع صديقتي ورانا .....

لما طلعنا من قاعه الامتحان كنا خايفين عليها ليش غابت عن الصف ؟؟ سألنا عنها قالوا انها مع خواتها صدمتهم سيارة وبعضهم رضوض بسيطة ولكنها الوحيدة فيهم في العناية المركزة ....

احنا بكينا عليها ومتنا من القهر لفراقها عنا .....وكنا على أمل ان نشوفها مرة ثانية ......حتى كنا على طول نسأل عنها عند بيتهم ..

وجت الاجازة الربيع اللي بين الفصلين وكنت مبيته في بيت امي العوده وكنت سهرانه مع خالتي نسولف ننتظر آذان الفجر عشان نصلي ؟؟

الا نسمع صوت واحد ينادي من المسجد يقول انتقلت الى رحمة الله تعالى زهرة بنت فلان بنت فلان ...........وانا عرفت انها هي ؟؟؟؟

وجلست أصيح عليها وما قدرت أستوعب اللي صار ؟؟؟؟ ونمت من التعب وقعدت الصبح كنت أظن انه حلم قلت لخالتي وأكدت لي ان الخبر صحيح ....

كنت في صدمه كبيرة .......وذهبنا لعزاء اهلها .......

لكن بعد ما خلصت الاجازة والتقينا كلنا بالصف صار اول يوم يوم الحزن الفجيع الكل قام يصيح والكل كان حزين ؟؟ بس خلينا مكانها فاضي وما خلينا احد يقعد فيه بس المعلمة قالت لنا خلو احد يقعد مكانها لاني من اشوف مكانها خالي ما اقدر اتمالك نفسي ....

وبعد وفاتها حلمت فيها حلم وقالت لي في الحلم ولهم مافي السموات والأرض .......حتى لحد الان أتذكر شكلها وأتذكر صوتها ومشيتها كنا انسميها صاحب الظل الطويل .........لانها كانت وااايد طويلة ......وكانت اخلاقها حلوة ومرحه .......الله يرحمها ويرحم جميع المؤمنين والمؤمنات ........

ايوت فعلا المواقف كثيره لكن الحمد لله دائما رحمة ربنا واسعه والله يرحم أمواتنا وأموات المسلمين أجمعين

موضوع مؤثر للغــــــــــايـــــــــــــة ،،،
نعم
مؤثر



مثل ما قالت أختي النجم الساطع ، انه في ناس مهما بان عليهم الانبساط ،،
الا ان قلوبهم تحمل همووم لا يعلمها الا الله سبحانه و تعالى




بصراحة ،،،،،
حسيت أني عشت قصة كل وحدة فيكم ،،،
كل قصة بكلللل تفاصيلها ،،،،،
:confused:

و الله العظيم أني بكيت و أنا أقرأ الموضوع ،، بكيت و سكرت الكمبيوتر و النت
و رحت أنام من كثر ما أنا متأثره ،،، كله و أنا أفكر في أحداث القصص
اللي حكيتوها لنا ...

الحلم الجميل .. جلست مدة افكر بقصتك ، اشوه انك لقيتك ولدك ،، تخيلت
لو أني مكانك ،، و الله مدري ويش بيصير لي

ناردين ..صرراحة موقف عصيــــــــــــب ،، اقشعر بدني و أنا أقرأه ،،
و الله من جد هالموقف مستحيــــــــــــــــــــــــل ينسى ،،
الله يكفينا من شر الحروب ، و يحفظ بلادنا و بلاد المسلمين اجمعين .

فتاة الجبال .. الله يحفظك يا عمري ، و يعوضك عن السمع

شرفه القمر ..قريت قصتك ، و قريتها مرة ثانية و ثالثة و رابعة ،،
و الله بعذرك ما نسيت القصة ، و ما أعتقدر راح تنسينها

لاقارد .. :confused::confused::confused:
و الله بكيت و بكيت و بكيت و أنا اقرأ قصتك ،،
يا حبيبتي ،، الله يرحم أبوكم ، و يجمعكم معاه في في جنات الخلد ،،
و يعافي أمكم حبيبتكم و يخليها لكم ، و يرزقكم برها ،،
و يالله يا رب لا تفجعنا بفقد كل عزيز غالي علينا ..

ايوت حبيبتي ،، حسيت بموقفك ،،،
و بكيـــــــــت
من جد احس موقفك محززززززززن و صح مواقف ما تنسى ،،