العناية بالبشرة مع The Body Shop
Marshmallows
05-05-2005
97 رد
16,946 مشاهدة
بنتكلم الحين عن مجموعة Africa Spa
بصراحة هالمجموعة احلى ما جربت من بدي شوب
اول شي السكراب المقشر

هذا روووعه و مفعوله يبين من اول استخدام ومع الاستمرار عليه راح تحسين بفرق كبير
انا استخدمته لكل مناطق الجسم لتفتيحها ،، وجربته هم للوجه لكن بكميه بسيطه وخلطته مع ماي لان حبيبات الملح اللي فيه خشنه وممكن تجرح بشرة الوجه ،، لكن الحمدلله عدت على خير
طريقته انج اول شي ترطبين الجسم بالماي يعني مو مبلول ولا انه ناشف بعدين تمدين عليه من هالمقشر و تسوين تدليك بحركات دائريه او بأستخدام هذا القفاز

تستمر عملية التدليك لمدة عشر دقايق بعدها نظفي المنطقه بالماء الفاتر
و اهم شي بعدها ترطبين المنطقة بلوشن غني لأن المقشر ينشف البشرة وايد
جربي المرطبات اللي مع المجموعه ،، رووعه
زبدة العسل

تطريبها قوي جداً مع ذلك الجسم يمتصها بسهوله ،، رووعه لبعد المقشر كذلك للأقدام الخشنه و الجافه
لوشن مرطب

هذا هم ترطيبه حلو لكنه يفرق عن الزبده انه اخف بكثير لكن ترطيبه وايد حلو
طين الشعر والجسم

ميزته انه مو لزج يعني ما يلزق بالجسم والشعر
مكون من الطين المغربي مع العسل
و هو ممتاز لمعالجة البشرة والشعر
بخاخ الزيت

يعتبر الخطوة الاخيره في المجموعه يرطب و يحمي البشرة من الجفاف و يمنحك ملمس حريري
حقيقه هالمجموعه اروع ما جربت من بدي شوب
اتمنى انها عجبتكم
رعــبـــوب
تسلمي الغالية وبصراحة قاعدين نستفيد من تجاربك وكملي
الله يسلمج يالغاليه
و مشكوره على التواصل و التشجيع

السلام عليكم ورحمة الله وبركاته

مشكورة حبيبتي على مشاركتكِ الرائعة المتميزة
وربي يعطيكِ العافية .. والى الامام دائما .. نترقب المزيد من المشاركات المتميزة
تقبلي شكري وتقديري
ام عدول
أ
أشواق لا تنتهي
مشرفة سابقة
17-06-2005 | 01:44 AM
فعلا افريقا اسبا رووووعه جربت منها الملح المقشر والزبده حمستيني للباقي بروح اخذ المجموعه كامله تسلمين وعلى فكره سعرها فيها
أ
أشواق لا تنتهي
مشرفة سابقة
17-06-2005 | 01:54 AM
بس شنهي فايدة الطين المغربي
روعه ما ادري لما اروح البودي شوب ما اتشجع اخذ افريقا سبا ما ادري ليش بس انتي شجعتيني
اكثر شئ يعجبني عندهم واخذه دايم منتجات الفانيلا المعطره للجسم رووووووووعه من بديت استخدم اللوشن او حتى بس معطر الجسم تبع الفانيلا من عندهم والكل يسالني شو تستخدمين ريحتج حلوه وهذا من غير ما تستخدمين عطر وتطلع ريحتج حلوه
تسلمون حبيباتي على الردود العطره
اشواق لا تنتهي
مثل ما قلتي المجموعه سعرها فيها
والطين انا جربته للجسم وهو يشد البشره و ينظفها ،، لكن ما جربته على الشعر
elmaha
هلا عزيزتي ،، جربي المقشر الأول من افريكا سبا و بتدعين لي وبعدها انتي بنفسج بتتشجعين تاخذين المجموعه كامله
وعن عطورهم أكثر شي حبيته مجموعة أنانيا
حبيبتي اليوم رحت البودي شوب وشريت افريقا سبا ومعاه الكوكا بتر(زبدة الكوكا) قالت لي البائعه اشتري اي شئ بقيمه معينه ونعطيج هديه وانا طارت عيوني وشريت شاور جل كنت محتاجتنهالمهم وعطوني شنطه صغيرونه وفيها لوشن لليد ولوشن او سكراب للرجل وكريم شاور بنكهلا النارجيل وبعد فيهم حمرة شفايف!!!!زين اني رحت اليوم وسمعت كلامج يا عسل عشان اخذ الهديه(وحده ما احد هداها في حياتها÷÷÷÷)ههههههههههه
المهم بجرب المقشر والمرطب الحين وارد لج الخبر يا عسل
مشكوره
هلا فيج حبيبتي
فديتج فرحتيني بردج
بس قبل ما تستخدمين المقشر تأكدي ان بشرتج رطبه
تحملي تستخدمينه على بشره ناشفه
جربي وبشريني
جربت وجايه اقولج النتيجه
والله اكثر من روعه
وانا استخدمت المقشر مو نفس اللي بالصوره هو نفس الشئ بس مكتوب عليه بالخط العريض من فوق افريقا سبا بس اتوقعهم نفس الشئ لاني شفتهم محطوطين بنفس المكان بالمحل
سويته وبعدين بعد ما شطفته بالماء الفاتر مثل ما قلتي لنا حطيت :rivh coca body plam ريحته جنان بصراحه
والمقشر يخلي الجلد نااااعم
تسلمين يا قمر وشكلي بجيب المجموعه كامله بس عاد لما تيجي الفلوس.ههههههههههه
بارك الله فيج يا عسل ورزقج ربنا كل اللي تتمنيه.
مشكوره اختي رعبوب وانا جربت منتجات وايد منها مثلا مجموعه افريكا سباوالفراوله والباباياوالوايت مسك والمون فلاور ومجموعه العنايه بالاقدام حلو السكراب والكريم اللي بالبيبرمنت بس مايكفي للي يعانون من الخشونه الزايده...
اما بالنسبه للوجه جربت اللي بفيتامين eوناسبتني بس انا احب التغيير وقناع الشوفان هذا مالي غنى عنه اماالتي تري تستعملها اختي لحب الشباب اماالمكياج ماشريت منه الا عقب مامدحتي الكحل السائل والبودره والصراحه رووعه جزاك الله كل خير<<< قلت قصة حياتي:o
elmaha
الحمدلله ان النتيجه عجبتج
طبعاً المقشر و حتى المرطب اللي خذتيهم بس للجسم اوكي ،، لأن بشرة الوجه ما تستحملهم
اهم شي لما تحطين المقشر يكون التدليك بحركات دائرية لمدة 10 دقايق وبعدين اشطفي
بس بذمتك ما لاحظتي البياض من اول استخدام؟؟
noumas
مثل ما قلتي حبيبتي منتجات البدي شوب كلها رووعه ،، وانا حبيت مجموعة العناية بالأقدام
لو تحبون نتكلم عنها هنا بالموضوع اكثر؟؟ ماعندي مانع
وللي تعاني من خشونة قوية بالأقدام مالها الا المرطب مال الاقدام من همالايا
حبيبتي فعلاً الآي لاينر مال البدي شوب روووووعه
واي بودره تقصدين ؟؟ العلبه اللي فيها 3 ألوان وبلمعه؟؟
اكيد لازم
بس بشرط
انك تقولين لي تجربتج
فديتج اتبعي نصايحي للبنات في استخدامه
لأنه قوي على البشره
اهم شي ترطبين بشرتج بالماي قبل الاستخدام ،، وتحطين كريم مرطب قوي بعد الأستخدام
لاحظت نظافه يا رعبوب يا عسل والبشره تصير ناعمه تدرين انا شو سويت بالضبط عشان اضمن اعرف النتيجه لاني ما راح الاحظ الفرق لاني خبله شوي.ههههههه سويت المقشر في اغلب الجسم الا في مناطق معينه حطيتها بدون استخدام المقشر وشفت الفرق نعوووووومه ولا احلى صراحه. شئ حلو وما كنت اتوقع انه ريحته بها الحلاوه ومره ثانيه راح اشتري نفس صورة القشر اللي انتي حاطتنه عاد لما يخلص ها المقشر اللي معي.
م
مرموم
نائبة المشرفة العامة
19-06-2005 | 12:37 AM
السلام عليكم ورحمة الله وبركاته
ما شاء الله أختي أم خالد على مواضيعك الروعة :)
عارفة...كل مرة أروح البودي شوب و أوقف أمام المنتجات...ما أعرف شو أشتري...و ألاقي البائعة جت لي...تقول لي : أقدر أساعدك ؟...و أنا أكره هذه الحركة...ما أحب حد يراقبني...أقوم أطلع من المحل بدون ما أشتري :(