اول عطر واول مكياج استخدمتوه شو كان..خلونا نفتكر الذكريات

نوووسة
كخخخخخخ بودرة جونسون
عموما بودرة التلك بتمتص الدهون ياللا ..

fay fay
تسلمي حلوة ذكرياتك
كريستال عطر حلو
يمكن قصدك عطر بي بووب ...؟؟؟

الجادل
حلوو انا شانيل 5 كان يعد من العطور الممنوعة علينا احنا الاطفال يعني بس للمدامات والعرايس والصبايا


سارونة
هلا وغلا
كخخخخخخ طب ماحكيتي شو اول عطر كان

أنا أول مكياج كنت ابوق من عند أمي وهي ماتدري وهات بوق لين خلصت مكياجها هههههههههههه البنت حرامية درجة أولي ههههه

أول عطر عطر جدتي ورد هههههههههههههههههههه أمزرح بس مأأذكر بس كان بولغاري

تسلمي منال المنولة

الله يسلمك راح اضيف قصتي مع المكياج بس بكرة والله ضحك على كيف كيفيكم

بستناها منولة

الموضوع يجنن مثل صاحبته رجعتينا ورا وخليتيني اضحك على عمري يا ياسيما



الله يسلمك اول مابديت احط مكياج كنت في الصف الرابع>>>>>>>>>>>>>>>>تخيلو وطبعا كان كحل وروج الوالده وكانو خواتي اكبر مني ولا وحده كانت تتجرا تعمل جذيه وكنت اخذ الروج واحد في خدودي بلفيت بلاشر هههههههههههههههههههههههههه
وبعدين كانت الجمعيه ورا البيت وكان في بوتيك يبيع مكياج فكانت قطريه كل يوم تروح الجمعيه تطرشني امي اقول لها مافي الغرض الي تبينه واروح اشتري لي شي من البوتيك
واول مره شريت بودره شريت من بودي شوب كان عمري 12 سنه وكنت احب اسوي نفسي كبيره واتمكيج لدرجه ان الناس يحسبوني انا اكبر خواتي وانا اصغرهم من كثر ماكنت احب المكياج كانو يسموني صباح ههههههههههههههههههه على الشحروره صباح
اما من ناحيه الهواش فما كان يأثر فيني ولين اليوم
واول عطر هو اكيد عطورات الوالده بس كان اول عطر لي هو عطر اماريج من جفنشي

قطرية ..كخخخخخ
حلوة ذكرياتك
ياللا فاتكري وتعي احكيلنا

هههههههههههه قطريييييييييييية وناسه عيل كانوا ايسمونج صباح


حليييييييييييله أماريج على ايامنا اظن كان توه نازل

ماشاءالله كم وحدة من العضوات اشوف بدايتها مع أماريج

حلو الموضوع .. يردنا لأجمل سنين العمر ..

ايام الطفوله والشطانه .. :D2:D2

انا اول عطر استخدمته كان Dune من Christian Dior

وكانت هديه غااااااليه من امي الحبيبه..

و اول ميكب كان Estee Lauder و Yev Saint Lauren

اذكر الروج الاحمر الغامج والبلاش البرونزي.. عجيييييييييب ..:D2:D2

روضه بوظبي لين الحين يسموني والسبه حبي للمكياج
هههههههههههههههههههههههههههههه

موضوع حلو وجديد ويسعدني أني أشارك معاكم
عاد ربطو حزام الآمان واستعدو لقصص أم أنوار

أذكر لمن كنت بالصف الثالث الإبتدائي كانت هوايتي تجميع علب المكياج اللي مخلصة واللي بعدها فيها شوية أشحتها وكذا وهي ماشية كان اللي يدور شي يحصلة بكبتي كنت مخلية كبتي بوتيك من كثر الأغراض غرش عطور فاضية أو انصاص حمر وأي شدو وبودرة خدود وأذكر أول المكياج كان يجي سات واحد وعاد يكون كلشي فيه من حمر وبودرة وأي شدو بكل الألوان وكحل وماسكرا ومحدد شفايف ومحدد حواجب المهم أم انوار هاوية مكياج.

بس أول روج حطيته طبعا هذاك الروج اللي يجي لونه اخظر ومن تحطية على الشفايف يصير أحمر وعاد يجلس أسبوع ما يروح من شفايفك يعني انام واقوم والروج بشفايفي حشي عن اكون بالحلم معزومه وأنا مو بكامل أناقتي:smile: المهم كبرت وكبرت معاي الهواية هذي وصار مجالها اوسع صار عندي مصروفي الخاص وكنت أخشة عشان خاطر العطور فكان اول عطر أذكرة شريته كان دهن عود رشاش من أجمل وكان غالي بالنسبة لي كنت عاد يوم أرش منه الصبح للمدرسة ويوم أمشي كأنه يا أرض انهدي ما عليك أدي بس أذكر مرة كنت بالثالث الأعدادي وكنت شايفة نفسي كبرت عاد صرت حرمه وكنا رايحين زيارة بأيام العيد لبيت ناس قرايبينا وكنت متكشخة من ساسي لراسي كان هذاك الزمان عباية الكتف اللي من ورا من الظهر تكون شفافة وشيلة خفيفة وحاطة روج أحمر فاقعععععععععععع وحاطة بودرة بيضاااااااااااااااااااااااااا وأن لوني حنطي وحاطة كحل أسوااااااااااااااااااااااااااد وراسمة عيوني بالأي لينر رسمة فرعونيه وحاطة اي شدو وصابغة اظافري وعاد الجدله على صوب هذي ضروري أكيد تخيلتو الشكل بس والله كنت طالعة حلوة مره وبعدين كان أيام عيد وكنا في أيام العيد مسموح لنا نحط كل شيفي وجهنا وأيدنا ونلبس و أمي ما كانت تمانع . المهم القصة ما انتهت في شي قهرني وفور لي دمي ولحد الحين اللي قالت عني كذا اكرها كره العمى وحده من البنات الكبار سألت امي بنتك عروس متزوجه عاد انا كنه حد ضربني على راسي تفشلت فشيله هي صح من شافتني كذا أستغربت بس هي شو يخصها يعني هي كانت وقحة بسؤالها ومن عادها تأدبت وصرت أختار المناسبة اللي ممكن ينحط فيها مكياج والكمية . من كبرت زيادة ودخلت الكلية صرت أخذ عطر جادور من ديور والمكياج من نيفيا ومن ديور والبقية مخلط من كذا وكذا . ومن تزوجت صرت أدقق أكثر بالشي اللي أستخدمه يعني يستحيل أحط شي بوجهي أو جسمي من دون ما يكون ماركه معروفه مثل أدوات العناية بالبشرة من كانيبو والعطور من ديو وأيف سان لوران والمكياج من ديور وجيرلاند وراح زمان أول اللي كان كل شي وأي شي ألخه بوجهي بس الحمد لله الله حفظ لي بشرتي برغم البلاوي اللي كنت أسويه فيها .

بس الحين لو بنتي كبرت وبغت أتعدل من عمرها بحاول أنصحها وأساعدها بشو اللي يناسبها واللي لا وبعدين كان على وماني كان المكياج اللي كل شي بلونه بس الحين اللي دارج المكياج الترابي اللي الوحده تبان طبيعية كانها ما حاطه شي .
ها شرايكم بقصة حياتي

ام انورا ههههههههههههههههههههههههههههههههه ضحكتيني بالروج الاخضر الي يقلب لون هاحمر ذكرتيني كنت روح بيت جيرانه عشان احطه اخبر بنتهم الكبيره كانت تستخدمه

هههههههههههه

انا وحدة من ربيعاتي ايسموونها ...... ألماس من كثررررررررر ماتحب الالماس:D2

[grade="FF4500 4B0082 0000FF 000000 F4A460"]اول عطر شميته اكيد كلونية الليمون القديييييمة فاكرينها مافي غيرها قبل مية سنة


واول عطر حطيتة اظن شئ كان اسمة شرير2 واللة ماني فاكرة من اي ماركة



ومن اول مافي احلي من ماي الورد في المرش ياسلالالالالالالام عليها[/grade]

والله اتوا عسولات و كربوجات وحبوبات
وسوالفكم حلوة

هع هع هع
عاد انا غير
انا مجنووووووووونة مكياااااااااااااااااج درجه اولى
من ايام الروضه كنت داااااااايما غايبه
اقعد بالبيت وادخل الجنه(غرفة امي وابوي)
كانت احلى مكان بالدنيا بالنسبه لي
وكنت اشوف المكياج بدهشه وتعجب
احس انه احلى شي بالدنيا
ودوم اطالع امي وهي تتمكيج
المهم كنت اغيب واحط روج
كنت امووووووووووت بالبيج وللحين كل شي عندي بيج بس بديت امل واغير
المهم كانت اكتفي باني احط لنفسي كنت اسحب اخوي الصغير واحط له روووووووج
كان عند امي روجين من نفس الماركه مادري اي ماركه كنت بعدني صغيره بس هي شرته من فينا
ومن شرته بالمحل وانا عيني علييييييييييه
كنت احط لنفسي بيج واحط لاخوي اورااااااانج تخيلو
ومره حطيت لولد خالي مناكير كنت مينونة مناكيييييير
وبالابتدائيه طلعت الموضه كل ضفر بلون عاد تخيلو
واروح بيت يدي اوني كااااااااشخه ومحد قدي
ومطوله الاظافر بعد لووووووووول
وطبعا مكياج يوم العيد ما اوصف لكم كانت امي تحط لي كحل خفيف من فوق العين وروج
واحيانا مع الصياح والحنه بلاشر
ومن ادش عليهم انفخ عمري جني عروووووووووس
عاد مره يوم العيد بعد الغدى خف الروج شوي
وكان ابوي بيرد البيت بياخذ الكاميرا ناسيينها
وانا بمووووووووووووووووووووت ابي اروح ومحد يدري شسالفه
المهم رديت البيت واحط لي من روج كلينك مال امي(امي للحين مغرومه بهالماركه) كان لونه وردي
وكنت بالابتدائيه طبعا انا اقول السوالف حسب الترتيب الزمني
عاد حطيت الروج وانا خايفه حد ينتبه اني عدلت عليه لى رجعت بيت يدي
واول مادخلت امي تقول لمرت عمي من جذي كانت تبي ترد البيت حاطه روج هااااااااااه
وانا اصير الوااااااااااااااااااان خاصه ان مرت عمي قاعده
وبعدين امي قلبت علي لما كبرت شوي
وكنت اتحسر واتعذب وانا اشوف المكياج
ولما احطه احس اني ملكت الدنياااااااااااااااا
عاد لين وصلت اول اعدادي
ورحنا محل عطور انا وامي واختي الكبيره
وانا حنيت على امي تشتريلي جلوس
كان لونه بيج(ماقلت لكم انه غرامي البيج)
عاد امي قالت لي انه لي ولاختي
وصرت احط منه حزات بس اكون مستحيه شوي
عاد لين ثاني اعدادي تجرأت وصرت احط وامي تخليني امسحه كل مانطلع لووووول بس مرات تطوفها
وبثالث اعدادي بديت اشتري جلوس طبعا بدون شور ههههههه قويه البنت
وبعد كل ماحط امي تخليني امسحه واتحطم وتخترب كشختي
عاد بأول ثنوي كنا مسافرين السعوديه ودخلنا محل مكياج عادي
واشوف السعوديات يشترون سمر كيك جان احن على امي وشوي والدمعه تنزل وتقولي مب زين وانا ابييييييييييييه لين شريته ووقتها كان عندي ارواج وجلوسات وكحل
يعني مابقى شي وتكمل عدة المكياج
ومستااااااااانسه ان عندي بودره عشان اغطي فيها الحبوب اللي طلعت لي من كثر البلاوي
عيل ياهل من اعدادي ماخلت خضره ولا فواكه ماحطتها بويهها يزعم ماسك ولاخلت كريم بالجمعيه ماشرته
عاد اقولكم بأول ثنوي اكتشفت ان البودره اللي احطها مب شي وتخلي الويه جنه عليه يص
وطبقات بعد
جان اروح لماركة امي المفضله واشتري بودره من كلينك
وعقبها كريستيان ديور وكانيبو
وبأول ثنوي بعد تعلمت اساسيات المكياج وبثاني وثالث صرت خبيييييييره
والحين خلصت الثنويه

والعطور من كنت ياهل امي دوم تشتريلي عطور
المهم هذي قصة حياتي مع المكياج اللي هو حبي وغراااااااااامي للحين

انشالله ماكون مللتكم

دلوعه قطريه سوووووووووووووووووووووالفج حلوووووووووووووووووووة والله

فديت عمرج انتي الاحلى والله وعندي قصص ومغامرات وايد
كلها عن المكياج بس مابي امللكم بخليها لمره ثانيه
لوووووول

الموضوع واييييد حلو .. وذكرني بطفولتي

انا من صغري وانا احب المكياج والعطور .. و انا اصغر خواتي واخواني .. كنت احب استخدم اغراض خواتي الكبار.. مرة اختي الكبيرة جاها عطر هدية من صديقتها.. لما روحتة اتخبلت عليييييه.. كان تريزور من لانكوم وكان مركز.. وكان هاك الفترة يعتبر غالي .. عاد انا من روحتة تميت طول الوقت أتعطر فيه .. كانت اتخبيه عني .. واحصلة واتعطر فيه .. وتفتن علية واتقولي هذا مب عطر للاطفال.. بس انا كنت عنيدة .. ارجع واتعطر فيه.. ولين هذا اليوم انا اتخبل عليه .. ايلس اتشمشم العطر ..

عن اول مكياج.. اذكر كان عمري تقريبا 7 سنوات ... اشتراه لي ولد جيرانا .. كان ماخذ اختة الصغيرة وانا معاهم عشان يشتريلنا هدايا.. رحنا محل ألعاب.. اختة شافت لعبة وخذتها.. وانا شفت علبة المكياج من باربي قامت عيني اتزغلل واشتريتها.. وتميت اتمكيج من هالعلبة لييييين ما خلصت.. بس والله كانت احلى علبة مكياج خذتها في حياتي .. هههههههههه


والله صراحة الموضوع وايد حلو.. وعندي قصص وايد عن صولاتي وجولاتي في المكياج .. وطرق وضعة..

اول عطر استخدمته بنفسي كان اورجانزا بس قبلها امي كانت اتعطرني وما احيد شو اسامي العطور

واول مره حطيت مكياج كان في الصالون :shy: وما احيد اي ماركة حطتلي بس احيد اول مكياج استخدمته كان كحل لانكوم


اخويتكم الصيدلانيه