تصويت (( هل توئيدين ضرب الأطفال )) موضوع هام للنقاش

اشكرج اختي الغاليه على طرح هذا الموضوع الحساس
انا لااؤيد الظرب لانه يؤثر على نفسية الطفل
وانا عقابي لعيالي هو اني احرمهم من الاشياء الي يحبونه

[grade="FF4500 4B0082 0000FF 000000 F4A460"]هلا عزيزتي أم مهاوي

وأسلوبك هو الصح مع أعيالج

والله يجعلهم اعيال صالحين بارين بوالديهم .[/grade]

السلام عليكم

موضوع حلو

انا طفلي من النوع العنيد جدا مايتنازل عن الشئ ومشاغب واحب يعفس في كل شئ:sad:

انا صراحة اضربه عمره سنتين بس ساعات يكسر خاطره

اعصبني مااقدر اتحمل فاضربه وفي نفس الوقت اسكته واحضنه

احيانا يحرجني لما اروح وياه مكان يحكم على اي شئ يبغاه

وبالمثل ابوه يضربه

بس الحين قررت اقطع عنه الضرب واكون وقت الضرورة القصوى :ok:

هلا خواتي أنا صراحه ماأأيد الضرب لكن أحياناَ ماينفع الكلام لازم أخوفم بالضرب واذا ماياب
نتيجه أضرب أشوي علشان ايخافون ومايعيدون الغلط بس بالمسايس أحسن

انا ما ااويد الضرب بولد العناد والحقد
بس استخدم معه اسلوب الحرمان وبهدوء بس ما اطول معه عشان ما يتعود ومجرد ما يهدى استخدم معاه اسلوب الحوار

انا ماأئيد ضرب الطفل لان مع الايام يصير الضرب عادي عنده ومايأثر فيه بس اوقات الوحده تفقد اعصابها بس شنسوي الله يهدي عيااالنا انشالله

يا ستي كلنا انضربنا واحنا صغار ايش صار معانا ؟يعني هو كل شي ياتينا من الغرب صح روحي وشوفي اولادهم وقله ادبهم على اهلهم وكيف الام تعاني الامرين من شقاوة وقله ادب اولادها وبتصير تبكي مش عارفه ايش تعمل خلينا واقعيين ما في بني ادم ماسك اعصابه طول عمره ..هذا لا يعني ان نؤذي الطفل عند الضرب ولكن حتى يخاف من الخطا ولا يعود لفعله..لااظن ان هناك شخص اكتر حنيه من الام حتى لو ضربت ابنها فهي تفعل هذا بداعي المحبه لطفلها كي يعرف الخطا من الصواب ونحن نعلم ان ضربه بسيطه لن تؤذيه .
مع تحياتي...

الموضوع جدا جميييل

انا ولدي عمرة سنة و 8 شهور وماحب اطقة لان اعرف وحدة دايما تضرب ولدها لما يسوي شي غلط والحين مسكيييين توديه حق طبيب نفساني الولد نفسيتة تعبت وصار وانتو بكرامة يوصخ نفسة واهوة نايم ومايقدر يسيطر على البول والخروج

فأنا اخاف اضرب ولدي بس مو معناتة اني اخليه يسوي الي يبيه لا .. انا اهاوشة واهددة اني بطقة على يدة اذا سوى شي غلط بس مستحيل اطقة على راسة ..

وبقولكم شي بعد .. انا من اسبوعين سويت عملية حق ولدي ابراهيم وفي الجناح الي كانو مرقدينة فيه كانو حاطين بوستر مكتوب فيه انواع الايذا للطفل واهوة نفسي وجسدي وغيرة

والطق نوع من انواع الايذاء الجسدي عشان جذي خطر انج اطقين ولدج او بنتج

وانا اعارض هالشي اكيد

اكيد ماايد بس الواحد وقت العصبيه مايقدر يتمالك اعصابه وكل مره نقول اخر مره بس لا نتيجه

انا لاايد الضرب لكن في اوقات يضطر الوحد يضرب غصبا عنه وبعدها يندم على تصرفه فمثلا انا عندي ولد الا ن عمره سبعة عشر عاما ابوه استعمل معه عادت الضرب منذ الصغر والا ن حسه تبلد اوصار عصبي المزاج ولا يحترم
ولايسمع الكلام ودائما يفع صوته ويتلفض بكلام بديئ ويسهر برى مع اصحابه وابوه اوقات يغضب ويقفل الباب عليه
وانا بين نارين بينه وبين ابوه الي دائما يهدد ويتوعد واوقات يحرمه من المصروف وماني عارفه ويش الحل
والان هو في ثالث ثانوي ونسبته متدنيه مع انه كان من المتفوقين وانا اقترح عليه اعادة السنه وهو يرفض
لان مجموعه ما بيدخله الجامعه

اني ضد الضرب لكن لما اعصب ما املك نفسي لكن من كثر تانيب الضمير والعداب الي احسه بعد الضرب


وبعد تفكير احس اني ضربتهم على امور ما تستحق الضرب


ولاني عصبيه مع ان ابوهم بارد ويحب ياخد كل شيء باسلوب التفاهم على فكره هو مرشد طلابي


تعهدت مع نفسي اقلل الضرب لين تنعدم عندي العصبيه الي ما ليها داعي

والحمد لله الحين الكبار ما ينضربو الا نادرا وضرب عادي امكن في السنه مرتين ثلاث

والصغير ه عمرها ثلاث سنوات ما ضربتها الا قبل شهرين ضربه وحده


اما الصريخ اني اصرخ وهم يضحكو يعني ما يفيد


لكن الحمد لله تحسن كبير اعتبره

الصراحه انا احاول قد ماقدر انمي اضربهم بس اهمه تصارفاتهم اتخلي الواحد يطلع عن طوره ...بس الاسلوب اللي استعمله هو الصارخ وهو الاسلوب الاخس في التعامل مع الطفل واللي يهدينه ويهدي عيالنه ....

انا حاسه انه الكل يؤيد الضرب لكن غير المؤذي لاني لا اظن انه واحده في كل اللي ابدوا رايهم ما قالت عند ما اعصب يعني في الاخر الكل ضرب اصلا ما في حدا بيحب الضرب محبه فيه كل الموضوع بيحصل بع التعصيب.
والسلام عليكم.

بصراحة اؤيد الضرب لكن اذاماجاب الحرمان معاهم نتيجة استخدمت الضرب

الله يعطيكي العافية على الموضوع والله يجزاكي خير

انا عن نفسي للحين ماعندي اطفال وانا الحين حامل حبيت اتعلم منكم كيفية تربية الاطفال والموضوع وايدحلو ومفيد انا يوم كنت في بيتنا واخواني الاصغار يسون شي غلط احرمهم من الاشياء اللي يحبونهاو اعطي الهادئ هديه والمشاغب ما اعطيه ويه ومااكلمه وهاي الطريقه تجيب نتائج حلوه انا مو مع الييضربون عيلهم ومثل ما قالوخواتي الضرب يؤثر في نفسية الطفل

وعليكم السلام ورحمة الله وبركاتة

انا ضد الضرب

الضرب مايربي ولا يجي نتائج في الاطفال عليينا بالحنيه والكلمة الطيبة والمعاملة الحسنه ..

وما ننسى انهم أحباب الله تعالى ..

لو الضرب بخلي الطفل يمشي مستقيم جان كل الاطفال امكسرين من شطانتهم

السلام عليكم
انا ما احب الضرب وما احسة مفيد وبحكم اني مدرسة ابتعد عن الضرب
لكن للاسف مع بنتي استخدمة بصراحة انا عصبية جدا علشان كذا احس اني اعاملها بقسوة واندم بعدين
بس احسها تعبتني عنيدة بقوووووووووووة
يارب تصلحها وتهديها