بنات الخبر والدمام ... ابي مساااااااااعدتكم لو سمحتوا

شدعوووووووووووووة بنات .. ردوا علي

:( :( :(

هلا والله اختي .. وحياك الله بالشرقية ..

نبدا بالمجمعات اللي بالخبر ..

1- عندك مجمع الراشد .. فيه تقريبا جميع الماركات بتلاقين كل شي تبينه من ملابس وجزم وعبايات ..
وبالنسبة لمحلات العبايات اللي فيه عندك ( لمسة موجود بالطابق الارضي مقابل ميجاستار عنده اشكال حلووه من الطرح والعبايات وان شاء الله تلاقين اللي يعجبك - وفيه محل الاختيار الاول في الدور الاول وبرضوا عنده تشكيلة حلوة - وفيه فاشن توب ) هذا بالنسبة للعبايات ..
اذا تبين الشنط التقليد بتلاقينها في مجمع الراشد موجودة في كشكات يبيعونها في واحد قدام توب شوب - واحد قدام مورني .. وفيه محل موجود بالطابق الثالث ناشية والله اسمة بس موجود جنب ( لي كافيه )

2- عندك مجمع الظهران .. هو توه فاتح جديد .. فيه ماركات جديدة توها فاتحة ومحلات جزم اول مرة تفتح عندنا ..
3- اذا تبين محلات اقمشة للسهرة عندك مجمع الخبر مول .. وفية برضوا شارع اسمة السويكت موجود فيه اقمشة واحلى محل موجود منصر العيسائي .. وفي نفس هالشارع فيه محلات ملابس وسبورات للبيت اسعارها مناسبة وبرضوا عبايات ..

4- بالنسبة لملابس السهرة ..
عندك محل ميموزا - وباكو.. تلاقينهم خلف فندق الخليج مريديان اللي على شارع الكورنيش ..
وعندك برضوا مجمع صغير اسمة الثريا في كم محل للسهرات تلاقينه موجود على شارع البيبسي (شارع 28)
هذا اللي اتذكره حاليا في الخبر ..

بالنسبة للدمام :
1- عندك مجمع ابن خلدون .. ومجمع الواحة فيها ملابس وعبايات وجزم وكل شي تبينه .. هذا اللي اعرفه في الدمام ..

وبس .. واي شي تحتاجينه من عناوين او شي انا في الخدمة .. ارسليلي على الخاص .. وبساعدك ..

هتـــــــــان

اعتقد ان أختي هتان كفت ووفت و ماتركت شي :clap::clap::clap:
مشكووووريييين

بعد عزيزتي لا تستهينين بسالفه الاسواق المفتوحه
يعني سوق الحب وسوق الخبر " السويكت " ترا عندهم اشياء حلوه والله
عندك المحلات الرخيصه اتوقع بتستانسين على طابا فيه بجامات وشغلات تشبه حقات ايتام ولاسنزا باسعار تافهه ..
بعد بالدمام فيه الواحه بس انا ماحبه ،،
اذا جيتك بعد شهر اتوقع يكون المارينا مول فتح وقتها وبيكون على كورنيش الدمام وعلى مالاحظت ان بتفتح فيه محلات تجنن ،،
عندك الحياه بلازا بالدمام فيه شغلات حلوه والله مع اني مو حيل احبه بس تلقطين منه اشياء عجيبه احياناً ،،
بعد فيه مجمع الكورنيش بالخبر
فؤاد سنتر بالخبر
الجمعه سنتر بالخبر فيه ملابس سهره جاهزه وحلو

بالنسبه لمحلات العبي والطرح عندك اذا كنتي تبين شي فخممممممم ويجنن بس بصراحه ابد ماينفع تلبسينه باماكن عامه لانه والله يفتن ،، كله الوان وشغلات تجنن ،، المهم اسم المحل فاشن توب .. فيه بابن خلدون له فرع ،،، وعندك بدون اسم ولو اني مو حيل احبه لان اسعاره تقهر ..
الشنط التقليد بتلقيناها بكل مكان بصراحه ،،
الملابس الداخليه اوصيج روحي محل افتر ايت بسوق الدمام العادي .... هالمحل رهيب يجيب اشياء عجيبببببببببببببببه بقوه ،، وعندك محل روز " الله يدوم الرخص " هههههههههههه

مادري اختري تحيرت .. فيه كثير كثير بس على حسب ماتبين ،، عموماً حاولي تجين على شهر 6 و7 لانهم اشهر التخفيضات ووقتها اسواق السعوديه ترقص رقص من رخصها ..

وموفقين :)

البنات ما خلو مكان الا ومرو عليه

أختي البنات ساعدوك في كل شئ
بس في شئ ما اذكروه هو (الذهب والمجوهرات) وهذا اكيد بتلاقينه في سوق الدمام المعروف بسوق الحب

وأفضل محل عندهم للعرايس محل زفاير للمجوهرات الصراحة محل شيك وكل شئ بتلاقينه عندهم جميع الموديلات الجديدة

وأي استفسار عن الذهب والمجوهرات أنا حاضرة

بعد عمري بنات ...

مشكوووووووووووورين ما قصرتوا :)

بس ممكن سؤال ----->> الاخت طمعت :)

وين القى ماركة سماش بوكس ..

وزهور الريف .. ونكتار

لأن هالماركات مو عندنا بالكويت :(

وااااااالله يعطيكم العافية

سماش بوكس ..

راح تلاقينه في محل السواني اللي في الراشد اللي عند بوابة 8 .. ( الخبر)
وبرضوا على مااعتقد انه موجود في محل وجوه بابن خلدون بالدمام ..

زهور الريف + نكتار ... موجودين تقريبا في كل مجمع .. في الخبر بتلاقينهم في الراشد وفي الظهران مول وفي جمعة سيتي سنتر ..
وفي الدمام راح تلاقينهم في الواحة وابن خلدون ..

وحياك الله .. واي استفسار انا بالخدمة ..

هتــــــان

مشكوووووووووورة هتان ..

ما قصرتي يا عمري .........

وهذا العشم فيكم يل بنات السعودية ..

طيب ممكن سؤال بعد :(

اسفة ازعجتكم ...

القى هالماركات في مكة لأني بروح العمرة بعد ...

والله يعطيج العافية هتان :)

تلقينها ليش لااااا

شوفي المجمعات الكبيرة وبما أنج رايحة هناك ما يمنع تروحين جدة ترى تحصلين هناك

كل شي ببالج

ممكن اعرف اسم المجمع :)