بنااااات الامارات ممـــــــــــــكن؟

السلام عليكم ورحمة الله وبركاته
حبيبتي ألف مبروك مقدما .. وبخصوص التجهيزات لازم تبتدين ترى ما شي وقت لأن الوقت يمر بسرعة .. وما تحسين فيه .. اسإلي مجرب .. الله يخليج طلعت عيوني .. صدق تعب .. بس تعب حلو وراح تتذكرينه دايما .. بس أنا أقول الأحسن إنج تبتدين لأنج لين تحصلين إلي تبينه بيدور راسج .. والأحسن تخلصين قبل على أساس ترتاحين قبل العرس وتهتمين في عمرج .. وبخصوص فستان العرس ... دام إنج من الإمارات ممكن تسألين عن أم محمود في الصفحات الصفراء لتأجير فساتيت الأعراس .. هي من الشارجة ..
وبالتوفيق إن شاء الله .. وإذا عندج أي استفسار ثاني ترى حاضرين إخت عزيزة وغالية
وسلامي

تسلمين اختى ع الرد وما قصرتي وخبريني عن ام محمود عندها اشياء حلوه ويديده

هلا اختي أم سلطان

مبرووووووووووووووك اختي
وانا بعد شراتج عرسي في بداية 7 والحين أدرس .. بس بديت على شوي شوي
الفستان الحمدلله افتكيت منه ..يبته من السعودية ^_^
شهر6 بخليه حق الذهب والميك اب والعطور والصوالين
الحين ببدا أفصل فساتين وجلابيات
واااااااااااااااايد افكر في الزهبة واحس ان مافي وقت >_<
الله يعين الكــــــــل

فمان الله

هلا خواتي
من تجربتي الخاصة لازم تبدون لانه انتو متأخرين بس انشالله تلحقون وعن أم محمود هاذي انا ما إرتحت لها من تجربة لاني انا فصلت فستاني عند أروشي اب 40000 ولما عرضته عليها حبت تتفلسف وتشتريه اب 10000 يعيني حتى لو عجبكم شي عندها انا متأكدة انها بتقص عليكم في السعر عشان جية لازم تكونون حريصين ولكلام بالنسبة لكوشه بعد. يالله الله يعينكم ويساعدكم بس هذي احلى فترة وطولو بالكم

متى اتجهز وخاصه اني ادرس؟ اترومين اتجهزين بالليل او العصر يوم اتخلصين دوامج .. واستغلي الويك اند وخلصي اكبر قدر من اغراضج

هل ااتشرا البدل والا اخليهن في شهر 6؟ طبعا ابتدي اتشري من الحين لان ابداااا وضعج ما يتحمل التأجيل

وخذيت قطع علشان اخورهن وهب عارفه وين اخورهن؟ اترومين اتخورينهم في الشارجه فيه منطقه ما اعرف اسمها كلها خياييط

ومتى اشوف لي فستان العرس؟ الحين طبعا ابتدي دوري الفستان وفيه اماكن وايده في الامارات يصممون الفستان او يأجرونه وان شاء الله الخوات يساعدونج

اخويتكم الصيدلانيه

اختي ام سلطان اذا تبغين المخاوير الزينه عندج فى العين الصراحه رووووووووووووعه

مرحبا اختي
اكيد لازم تبدين... انا عرسي اخر سبعه وخلصت تفصيل الفستان و المغربي.. و الجلابيات... واشتريت مجموعه لاباس بها من قمصان النوم.. وخذت جواتي وشنط بس ماخصلت... يعني خلصت اشياء وايد.... بالنسبه اللمخاوير.. اذا كنتي من العين للا تستعيلين وايد... خاصه انه كل فتره ينزلون قطع يديده... خليهن على شهر سته احسن
والخياييط.. عندج الوفاء.. قيوم.. سامر... هذلا احسن شي في الخوار
والله يتتم علليج بالخير..............
بس عندي سؤال:bigsmile:........ شو احسن محلات البدل... في العين ماعدنا ششي حلو غير برمود... وكل بدلاتي في الجامعه منه... ابا شي يديد احس اني عروس:sad:

الشوق ... بغيت اعرف من وين يبتي فستانج يعني اي مكان في السعوديه .. واذا في امكانيه تقوليلي بكم ..؟؟؟
عشان انا الصراحه يتني فكره اسير ... بس متردده ..؟؟؟!!!!!!!!

هلا اختي جميرا

اشتريت الفستان بإجازة نص السنة من الرياض .. مو متذكرة اسم المحل بالضبط

الفستان ب2200 درهم جاهز و كامل مع النعال والطرحة ...والفستان والطرحة لهم ذيلة طويلة من ورا.... وايد رخيص وأحسن من الفساتين اللي لقيتها اهني

لا وسرت ووديته عند مصممة هني وقلت لها بكم بتسوين شرات هالفستان قالت بحدود 7000 او 8000 .. وقالت لي اييب القطعة من عندي

صراحة وايد غالي هني عندنا بالامارات .. احسن لج سيري السعودية في الرياض وجدة محلاتهم اوكي

تحياتي

اختي شهرزراد

البدل الروووعة في دبي و ابوظبي مول فيه محل اسمه DKNY بس وايد غالي .. شريت بدلة من عندهم ب700 درهم

في العين مول في محل الحريبي والجعيدي لابأس فيهم بس مايناسبون العروس وفي برومود اللي بكارفور >_<

للاسف حنا اهل العين ماعندنا محلات بدل حلوة

هلاااا الشوووووق حبيت اسألج محل DKNY وين مكانه في بووووظبي ؟

&#4326;روضـة بـوظبي&#4326;:
هلاااا الشوووووق حبيت اسألج محل DKNY وين مكانه في بووووظبي ؟

DKNY
موجود في بوظبي مول في الطابق الثاني على ما اعتقد ^_^
وفي محل ثاني بعد في الطابق الأرضي مو متذكرة اسمه .. انت لفي في بوظبي مول وبتلقين ان شاء الله ^_^

فمان الله

ممممممشششششكورة :)

آآآآآآآسفة أختي

نسيت بس هو في

الطابق الأول مو الثاني ...

سمحيلي

امممممم .... خوااااتي انا عندي فستان ومفصلتنه بـــ 32.000 ألف درهم ومن عند اروشي وابي ابيعه .....

أم محمود تشتري الفساتين ؟؟؟

ليش متأجرينه أحسن
اممممممم حبيت اسألج متى مسويه الفستان موديل كم يعني ؟؟


ومن رد وحدة من العضوات ان ام محمود ماتعطيج سعر زين !!

مرحبا بنات .....

بنااات بصراحه انا تعاملت مع أم محمود ... بالعكس حرمه طيبه وتراعيج بالسعر وايد بعد مب شويه ...

بنوتة الصفا ... هي الغاليه هيه تشتري الفستان ..


وبالتوفيق

مرحبا بج الغاليه ..

انا بعطيج نصيحة ..

المخاوير عندج في العين الوفا الصراحه لا يعلى عليه ..

اتمنى اختي يوم بتفصلين العربي ... لا تخيطينهن كلهن لأنه الوحده بعد العرس يتغير جسمها ..

وبعد اذا شاريه قطع الويل احسن تغسلينهن بماي بس علشانه الويل يقفط بعد الغسيل .. انا هذي

واايد اتمشكلت فيها بعد العرس كنادير وايد حلوه ويوم انغسلن .. اقفطن واتحسفت عليهن ..


وفي بعد محل اسمه lily يبيع فساتين .. انصحج تشترين من عنده كمن فستان .. اسعاره حلوه وقطعه حلوه ..

بس اخري لين قبل عرسج بشوي على اساس تنزل موديلات حلوه ..


وبعد ..

انا عندي فستاني مال العرس .. لبسته بس يوم عرسي ولين اليوم في كرتونه يديد ..

والصراحه وايد حلو .. وكله كريستال ..

وفستان مال الصباحيه .. بس ما لبسته .. ولين اليوم ما لبسته .. والله غميضه .. بذيج الحجيه مسويتنهن ..

اذا تبين تشترين ...


وهذا اللي اقدر انفعج به .. بعد لا تنسين دومج خلي عندج ورقه وقلم يوم تذكرين شي اكتبيه عن لا تنسينه من العيله عقب ...


والله يوفقج ويهنيج ..


تحياتي

خواتي الغاليات تسلمون عالرد وما قصرتوا....
وان شاء الله بسمع كلامكم ...

حد عنده رقم ام محمود؟
بغيته عالخاص