هل هذا هو الزواج؟؟؟

وعليكم السلام ..



اختي الغااالية.. كيف حالك ..

حقيقه كووونية اختي الغاالية.. ان هذه من الطبيعه البشريه لدى بعض النااس.. وطبعاا تعرفين ان طبائع البشر ليست كلها واحده..

فترين الحار منهم والبارد هذه حقيقه الهية..

ولكن بخصوص زوجك والحركات اللي قلتي عنهاا.. تصير مثل كذاا وهذا شيء عاادي..

ولازم تعرفين ان الرجل مايعبر عن حبه بالكلام (موو كلهم )... والاستدلال على حبه لكي موو شرط بالكلام وانما بالافعاال..

وعلى حسب طبيعه كل رجل تحكمه المشاعر والاحاسيس..

بعض الرجال مرهفين بالاحاسيس ترينهم يعبرووون من ادنى ضائقه او احساس.. والبعض الاخر لايتكلم ولووو دخلت في يده ابره يمكن مايتلفظ بكلمه اي..

وطبعاا طبيعه الدوور اللذي لعبته التربية والتنشئه لها دوور عندما يكبر الولد.. واحتمال انها وراثه ..

فاختي حسبكي الله لاتقوولي مشاعري بردت تجااهه..

فياماا اناس متزوجوون لاكثر من 20 سنه ولم يمسك يد زوجته.. او لم يقل لها احبك.. او حتى لم يخرجاا للنزهه.. او حتى لم يقل لهاا صباح الخير..


فبعض الاسر ايضااا وهذه حقيقه ترى الرجل لايبتسم ابدااا.. وانما بخارج المنزل ليس كمثله شيء..


فرايي : لاحظي قبل ان تقولي شيئا تجتته وقبل ان تظلميه.. جربي ان تلاحظي كيفيه تعبيره للمشاعر.. او كيفيه تعبيره للحب..

لاتنتظري ان يشرح بدووره لان ربما لايعرف الشرح عن نفسه.. وانما يجب عليك والمفرووض اصلا انك فهمتي طريقته للتعبير..

وطبعا التعبير ليس بالكلام ايضاا وانما بالافعاال.. انظري هل هو مقصر تجااهك في شيء وللبيت.. هل هووو غير خلوووق مثلا!!..

اذا ذكرت هذه بالجابة ..

ربماا المشكله ليست به وانما يمكن المشكله انك حسااسه او مرهفه الشعوور وتبالغين في شعوورك تجااه..

جربي معااه طريقه ثاانية او اذا لم يغير من نفسه ابدئي انتي بالتغيير له..

وارجوو ان تبعدي عن جميع ماذكرتي قبل تجاوزك لاي حلوول ممكن ان تصلح الامووووور واعطيه فرصه ليثبت لك الحب ولان الحب ليس بسنه او اثنتين وانما بعد مضي عمر بينكما من الموده والرحمه..


والسمووحه.

اشكرك على ردك ولكنك لم تفهمين ما اقصد

انا كتبت المشكلة واعرف اني لست الوحيدة التي اعاني منها ليس لاني مرهفة او حساسة ولكن لانني امراة



وكتبتها وانا اعلم انه ليس لها حل ولكن احببت ان افضفض عن نفسي


وشكرا لكي اختي

انا فاهمه عن شو تقصدين بالكامل..

ولكن قلت ماهو مفيد مثلا او شو اللي حاصل.. ولكن بخصوص الحلوول طبعا لايوجد لها حلوول..

وهذه من بعض القضايا التي تدخل بنطاق الاسر العائلية..


وشكراا

ايه اختي جواهر والله انا اعاني مثلك وزوجي نسخه من زوجك

تصدقين اني تزوجت وانا صغيره كنت ابحث عن حب خاص عن الرومانسيه

بس ماعندك احد مفكره ان الزواج غير ليتني جلست ببيت اهلي ابركلى....

انا اقترح انج تطبعين هالرسالة على ورق منقوش مع اضافة المزيد من احاسيسك والتقليل (وحذف عبارات انة بارد او جامد) وفي يوم عادي مار مرور الكرام زيني طاولة وحطي عليها وردة و شمعة مع كاسة عصير مرتب وقطعة كيكة (لشخص واحدفقط) واختفي عن انظارة اما تكونين عند اهلة او اهلج او على الاقل نامي قبل ما يوصل...واطلبي منة رد في نهاية رسالتج...

ملحوظة...اغلب الازواج يحققون واحد من خمس الى عشر طلبات لزوجاتهم, فلا تياسي لان ذلك يكون بدون قصد منهم فهم لايتمتعون بنفس حواس النساء .

فيه كثير من هالعينه بس انتي حاولي معاه لا تشدين عليه بس بيني له انك مره تحبينه و دلليه احيانا الرجال يكونون مثل الاطفال
يبالهم معامله خاصه و بعد ما تدلليه قوليله انا من و انا صغيره كان و دي زوجي يكون يعاملني كذا و كذا و قوليله انت مشالله عليك قلبك طيب و انا فاهمه انك ما تقدر تعبر بس حاول لو شي بسيط و بالتدريج انشا الله تكسبيه و تحياتي هذه من مشاهداتي و قراءاتي و الله يوفق الجميع و يسعدهم

شكرا لكي اختي العزيزة ام مهير :flower:


شكرا للغالية رهههههههف :flower:


اختى الغالية nono748 اشكرك ع النصيحة الحلوة وانشالله اعملها :think: :flower:


الغالية مارشمللو مشكورة اختى وتحياتي لكي :flower:

هلا اختي والله وبكل صراحه وقبل لا اقرا كلام الاخت NONOخطرت لي الفكره
وانا اايد كلامها وجربي انت مب خسرانه بس لا تنسين اتبلغينا عن النتايج


ام عبدالله

سلام عليكم ورحمة الله وبركاته ..

الله يعينج ويصبرج على هذه المشكله ...

حبيبتي ... أنصحج بمشاهدة موقع جاسم المطوع .. لأنه يختص في المشكلات الزوجيه والعائليه

ويقدم لها أفضل الحلوووووووول المنااااسبه ... وربي يوفقج ان شااااء الله ويسرلج أمووورج

جـــاســـم المـطـــــوع

حبيبتي جواهر مب بس انت اللي تعانين فيه غيرج وايد وانا منهم هذا لو ماكنت اكثر عنهم من حيث ريلي نفس شخصية زوجك بالضبط كله عنده عيب وحرام مافي مجاملات من طرفه في المناسبات الحلوه لانه كله عنده لايجوز
الهديه انا اطلبها منه لين مااكره حياتي المطاعم مايوديني لها لين ماتحصل مشكله كبيره بعدين يجبرني اروح المطعم اللي هو يختاره ويسوي مشكله اذا مارحت كانه يعاند غير كذا انه متقاسم البيت مع اخوه وزوجته المتفاهمين الي يضحكون مع بعض اللي يسولفون مع بعض وانا ميته من القهر والغيره مب عذاب ياخواتي لوكنت بروحي كان اهون علي
احاول افهمه مايريد يفهم كل ماقوله عاملني مثل مايعامل اخوك زوجته يقولي روحي عيشي وياه احسن شورايكم؟

الله يعينكن والله يخليلي بو عيالي
لا تعليييييييييييييييييييييييييييييييييييييييييق

حبيبتي جواهر

ما أقدر ازيد على كلام الاخت ام مهير

بالنسبة لي تربية الولد في بيته قبل الزواج تأثر تأثير كبير على علاقته مع زوجته في المستقبل

بس الرجل يكون كالطفل قابل للتطويع مع التعود

بدل ما تتحسرين في نفسك وتحرقين اعصابك حاولي معاه ... ناقشيه .... فكرة الرسالة مرة حلوة وتنفع في كثير من الأحيان بس لا تتوقعين انه يتغير بين يوم وليلة ... كل شي راح يجي بالتدريج

انا في بداية خطوبتي حسيت ان خطيبي من النوع الخجول الهادئ وانا على العكس تماما

انا انسانة مرحة منطلقة والحياة دايما حلوة في عيني .. بصراحة هالشي ما ناسبني بس بعد عشرة اربع سنوات تقريبا الحمدلله زوجي تغير 180 درجة

الحين منطلق ... يمزح طول الوقت ... عنده حركات حلوة ومفاجأت احيانا ما اصدق انه هو نفسه اللي عرفته قبل اربع سنوات

حتى زوجة اخوه دايما تقول لي بصراحة غيرتيه مرة ، ادري انها تقول هالكلام بدافع الغيرة لاني غيرته والحمدلله للأحسن وهذا اشي يسعدني

غيرته مو بس معاي حتى مع أهله صار يتكلم مع اخواته بحرية اكثر ويجلس معاهم عكس اول كان انسان انطوائي وخجول

حاولي معاه ... شوفي موقع جاسم المطوع كلامه يبرد القلب انا اشوفه على التلفزيون ما شاء الله عليه عنده حل لكل شي

انتي غيري من نفسك ... غيري لبسك اجبريه انه يعبر لك بكلام الحب على الأقل بينك وبينه

انتي احرجيه نادي بحبيبي ... عمري ... حياتي

مرة بعد مرة راح يتعود وبعدين اطلبي منه يناديك بنفس الطريقة

حاولي وحاولي وحاولي

بس اهم شي ما تسكتين لان طول الفترة راح يصعب المهمة اكثر

والله يوفقك ان شاء الله ويغير الحال

السلام عليكم ورحمة الله وبركاته

اختي // جواهر ..

اتبعي فكرة الرسالة على الطاولة .. وخليها تكون لافته للأنظاار ..

أو اذا تبين تحركين مشاعرة ..

عندي فكره حلوة :

يفضل تنفيذها في الليل ..

في يوووم من الأيام طرشيه يجيب لج أغراض ولااااااااااازم تكون الاغراض واايد عشان يتأخر شوي .. وقبل هاليوم اشتري زينه حلوة وأشياء رومانسية وعطر حلووه ريحته "رجالي" .. وباقة ورود .. وغلفي العطر بطريقة مبتكرة من عندج .. واشتري شمووع من اللي فيهم ريحه حلوه تنتشر بسرعه .. وحاولي ان الاغراض تكون لوونها أحمر أو ماارووني فاتح .. وبني يناسب الماارووني .. البني الغامج..وسوي كيكة انتي من عندج بايدج ولازم تكون حلوة وفوقها كريمه مثلاً أو مزينه ..وبرزي عشااء حلوو ودسم ..
وبعد ما يطلع من البيت قومي وبسرعه زيني المكان و حطي الكيكة على الطاولة وصوبها الورد .. وشغلي الشموع وخلي الريحه تكون فوااااحه..وخلي الشمووع على أطراف الطاولة واكتبي رسالة بخط حلووو وخليها على الطاولة يم الورد .. اكتبي فيها :

الى زوجي وحبيبي "فلان" ..

احبك كثيراً .. وأرجو ان تقبل هذه الهدية البسيطة تعبيراً عن حبي الفياض لكَ ..


زوجتك ..

فلانه ..

واذا وصل طفي المصابيح وخلي المكان بس على ضوء الشمووع ..

وخبريناا بردة فعله ..

وان شاء الله تهتز مشااعره

اختج

a witch

اختي الفاضلة انا تقريبا صارلي فتره متزوجه تقريبا سنتين .. وداشين الثالثه الحين ... زوجي نفس زوجج ايضا .. يستحي من اهله ويستحي من اهلي واذا كنت انا وياه ويا بعض يمسك الجريده ويقراها او يمسك الموبايل وهات العاب ... بس وانا بس اسولف بروحي ريجي ينشف من كثر ما اسولف واهو بس مستمع ... طيب .. وحبوب بس انسان كتوووم جدا جدا جدا ... لا يتكلم .. لايعبر عن مشاعره واحساسيه تجاهي .. نقدر نقول هذا الرجل الشرقي .. والخليجي بصحيح العبارة .. احاول اطلعه من العالم اللي اهو فيه .. بس مافي فايده شنو سويت ذاك اليوم كله انا اللي اتكلم انا اللي اعبر عن مشاعري انا اللي مليت من نفسي ... قلت ماكو الا اني احقر يعني مااتكلم الا بالقليل جدا اي لا صج والله اها بس ماقمت اسولف معاه ابدا بدا ابدا ...

حطيت له شريط فاضي قلت له اسمعه وانت رايح الدوااام ... دق علي الصبح قالي هذا مافي شي فاضي قلت لا انطر على ماتوصل اسمعه .. دق معصب تكذبين علي الشريط فاضي مره وحده مافيه شي قلت اها شصار فيك وانت تسمعه قال تنرفزت هدوووووء ماكو شي طول الطريج وانا امشي ماكو كلام بالمره بالشريط .. قلت له شفت الشريط هذا انت ... انت لما تكون معاي تصير نفس الشريط ... ما اسمع منك شي ... ولا تعبر عن حبك لي ولا عن مشاعرك ولا تتكلم لي عن حياتك ... سكت ومارد علي ..
واستمريت على هالحالة تقريبا جم يوم لما اهو قالي شفيج انتي متغيره ليش كله ساكاته ماتتكلمين .. قلت له ماعندي كلام انا الحين ما اطلع مااروح ماشوف ناس انت اللي تروح الدوام وتروح الدوانيه وتتكلم مع ربعك .. انت سولف قولي الدنيا شفيها ... شوي شوي قام يتكلم اليوم صار جذي بالدوام وصار جذي ..

بس اقدر اقول يتكلم بالقطاره بس الحمدلله احسن من قبل ... يمكن انا السبب علمته اني انا اللي اهذر بعد تعرفوون بنات مانشبع من الحجي والحش والهذره :) وتعود انه يكون مستمع ومستمتع ...

وعلى فكره خواتي الناس اجناس منهم الحسي ... والسمعي .. والبصري ... الحسي اللي يحب يحس بكل شي حواليه يعني واهو يتكلم يلمس ايدج ريولج ... عينه بعينج ما يوخرها ...
السمعي اللي يحب الصمت مثل زوجي وزوجج يحب يسمع فقط ولا يقاطع ابدا ... واذا تكلم يقول سمعي اليوم صار جذي وجذي واذا حب يتكلم اهو مايبي احد يقاطعه بالمره لما يخلص كلامه ..
والبصري اللي يحب يشوف بعينه يعني حتى وهو يتكلم دايما يقول شوفي انا سويت جذي شوفي انا اليوم مريت فلان ... وينتبه للي حوالي وايد وكل شي يشد انتباه وعيونه ..

والله المستعان ،،،

واسفه نسيت نقطه ... وبخصوص اللبس ... اي شي يديد تلبسينه سأليه عن رايه شوف هذا شرايك فيه حلووو ...؟ شرايك بعطري ...يجنن صح ..؟ شرايك بمكياجي شوف شنو الحلو هاللون والا هاللون .. اختاري هالبدله شنو اللون الحلو هذا والا هذا ,,

اليوم معزومه شنو احلى شي انت تحبه اذا انا لبسته وتحس انه حلو وكشخه اختارلي من كبتي خل اصير جنان امام المعازيم ... اشركيه انتي غصب طيب ...

الله يعينكم والله
فكرة الرساله حلوه
والاخت شريفه عيبتني الحركه
الله يخلي لكم ازواجكم ويسخر هم لكم ان شاءالله

[frame="1 80"]اقدم شكري الى صاحبه الموضوع والله حاستك تتكلمين عني الظاهر مو بس انا عندي هاي المشكله الحمد لله على كل شي الحلو مايكمل . والله احس نفسي مثل العطشان لكلمه حب تطلع من زوجي المسكين على قد ماحاولت اغيرة صار ينحرج مني ويقول مافيه اغير من طبيعتي وهيك تركته بس انا اشكر الاخوات اللي ردوا بصراحه ارتاحيت لكلامهم الله يهنيهم يارب .انا رائي الرومانسيه شعور يمتلكه الانسان منذ الطفوله والتعبير عنه يحتاج جرءى مو كل انسان يمتلكه والله يهني اللي زوجه عنده هذة الصفه والله الست ماترتاح الا بكلمه حب صادقه راح تسوى عدها الدنيا ومافيها .[/frame]