@@@ إهداء من ذكريات ثائرة للركن الأدبي@@@

[frame="7 80"]







مشاعر نادمة وتقصير في ذات الأم

قصيدة تنزف ألما من الأعماق

هديتي إلى الركن الأدبي

واتمنى انها تعجبكم



يمـه منتهـي جيتـك وطالـب مـنـك الغـفـران

أقبـل قـاعـة أقـدامـك وأغسلـهـا بدمعـاتـي

يا يمـه كـل مـا فينـي ينـادي لـك أنـا ندمـان

طلبتـك قولـي سامحتـك وردي لوجهـي بسمـاتـي

أنا أدري قلبـك الطيـب كسرتـه بصدمـة النكـران

غلطـت وغلطتـي هـذي تعيـر كــل غلطـاتـي

تشوف الشيب يا يمه تـرى مـا جـاء وأنـا فرحـان

ورب إللـي رفـع ذاتـك ونـزل للـردى ذاتــي

فقدت الراحة من بعـدك فقـدت الطيبـة والتحنـان

بدونـك راحتـي غايـة بيدينـك هـذي راحـاتـي



أنا ... أنا بعدك ولا حاجه أنـا بعـدك تـرى عميـان

أشـوف ولا أشـوف إللـي يوريـنـي مسـاراتـي

أنا وسيد الشقاء والهـم مـن بعـدك غدينـا إخـوان

يجـيـب هـمـوم هالعـالـم ويرميـهـا بمتاهـاتـي

صدقتي يـوم قلتـي لـي تديـن اليـوم بـس تنـدان

رميتـك فـي بدايـاتـي ورمـونـي فــي نهايـاتـي

أنـا مـن شالـك بأيـده ورمـاك بأسفـل البركـان

نخيتيـنـي وطلبتيـنـي ولا حصلـتـي نـخـواتـي

مثـل مـا هنتـي بعيونـي عليهـم قلبـي يمـه هـان

رمونـي وضعفهـم فزعـه وأنـا الدمعـات فزعاتـي



يـا يمـه لا تظنينـي أنـا مـن فعلـهـم زعــلان

سـواتٍ فيـك سويتـه وسـووا فيـنـي سـواتـي

يـا يمـه يـا الله ضمينـي ودفينـي بيـن الأحضـان

أنـا أدري فيـك مشتاقـة وهمـك بـس ملاقـاتـي

يا يمه ... يا يمه حيل ضميني أبـي أرتـاح أنـا تعبـان

تعبت أهرب مـن ذنوبـي أبـي أجـا خـر مسافاتـي

أبسمع منـك أي كلمـه لصوتـك مسمعـي ولهـان

أبسمـع يمـه بصوتـك أبذكـر فيـهـا نشـواتـي

أشوفـك ساكتـة يمـه غفيتـي ولا أنــا غلـطـان

غفيتـي يـا بعـد عمـري تعبتـي مـن مواسـاتـي



يا يمه ... يا يمه ... يا يمه طالبك قومي إذا لي بعيونك شان

أشـوف المـوت بعيونـك عساهـا تخيـب هقواتـي

تعالـوا يـا بشـر شوفـو أنـا محتـار أنـا تلفـان

أنا أمي ما أدري وش فيهـا أنـا مـدري أنـا أحاتـي

شنو ... شنو أمي أنـا ماتـت لا .. لا تـرى غلطـان

أنـا أمـي مـا تخلينـي عـلـى حـزنـي وونـاتـي

أنـا أمـي قلبهـا طيـب ولا يمكـن تبكـي إنسـان

أنـا أمـي مــا تبكيـنـي ولا تتمـنـى آهـاتـي

يا يمه صح مـا متـي وصـح المـوت تـو مـا حـان

إذا متـي أنـا بعـدك أبقـضـي ويــن ساعـاتـي



يـا يمـه.... قومـي وقولـي المـوت لا مـا كــان

أنـا جيتـك وأنـا نـاوي أبـدل فـيـك جنـاتـي

تركتينـي ومتـي ليـه تركتيـنـي وأنــا غـرقـان

ولا مسمـوح يـا وليـدي ولا تلعـنـك لعنـاتـي

أنا الجاني.. وأنا المجنـي وأنـا المخطـي وأنـا الندمـان

وأنـا بيـدي رميتـك إيــه وبعثـرتـه ملفـاتـي

وجيت من الهناء مفلس وقلبي مـن الضنـاء خسـران

تركتينـي علـى نـاري أعــدد فـيـك زلاتــي

ولا نيـب مرضـيٍ ربـي ولانـي تابـع الشيـطـان

أنـا بعـدك... تـرى مابيـن نهايـاتـي وبدايـاتـي

يـا يمـه منتهـي جيتـك وكلـي مرتجـي غـفـران

وشفـت النـاس تلعنـي وتحذرنـي مــن الآتــي



القصيدة للشاعر نهار الظفيري (منقووووووول )

والى الملتقى [/frame]