ممنوعة من الكلام ويا زوجي وابغي نصايحكم

يا اختي زوجك ليس له ولايه عليكي

بعكس ما قالت لك اخت دار زايد

انتي الان ببيت ابوكي وبعد ما قام زوجك بالبناء بكي ووالدك له حق الولايه وليس الزوج

ولتعلمي انه في حاله خروجك خارج المنزل زوجك ليس له ان يقوا اذهبي او لا والدك هو المتحكم في ذلك

واعتقد ان كلامك مع زوجك من خلف والدك في شبه حرام

ولذلك عليك بسؤال اهل العلم الثقات

ولا تاخذي فتوه من اي احد

حتي لاتقعي في اثم

أنا رأيي من رأيي نجلا دبي يمكن من نفس الطينه ومعا أحترامي لج أختي العزيزه بس نحن لين
اليوم عندنا هالشي عيب ولين باجر ولو يطلبون أهلي مني أكلمه أنا برفض أني أكلمه كيف أكلم
ريال لين ألحين ما خذني مالج صح بس ما دخل عليج وهاي العلاقه ما يعترفون بها الأهل ألا بعد
ما ياخذج لبيته عزيزتي معروف عن المره منذ الأزل حيائها وهي الشي وايد بيكبرج بعينه هاي
نصيحه من أخت لج متزوجه وعارفه بها الامور فلا تكلميه ولاتتصلين عليه تحملي أنا زوجي من أهلي
ولين تزوجنا ما كلمته ولا شفته وعشينا أول فتره كأننا أغراب بس كانت فتره فيها خجل وذكريات
وايد حلوه أتوقع لو كنت أكلمه ما بيمرن هالأيام الحلوه
ومبروك والله يتمم على خير

أولا انا أحترمت فيك حرصك على رضا أبوك ..لكن ياعزيزتي هذا زوجك كلميه خصوصا إنه مسافر

خلي صوتك يرن بإذنه وعشان يتعلق فيك وما يطالع غيرك إنشاء الله......وربنا معاك

حبيبتي
الاهل دائما مع مصلحة البنت فاتمني انك تتطيعي ابوكي ما تكلميه وصدقيني هو لو اشتقلك موت راح يسوي المستحيل عشان يكلمك يقدر يتصل علي البيت كل يوم ........................ يسمع صوتك ماراح يزعل ابوكي اذا رديتي عليه .
الله يعينك ويوفقك اصبري واعتبري هذي اخر الايام............... عند ابوكي احترميه وطعيه ولاتزعليه منك.
ربي يسعدك ويرزقك الذريه الصالحه...................
انا اعرف انها صعبه لكن اتحملي شويه راح تلاقي نتيجة تحملك

آآآآآآآآآآه يا عـــوار القلب!!!!!!

نصيحة أخويه.....

لا تكلمينه أحسن لج!!!!!

مستعيله على شوه الله يهداج؟؟؟؟

على عوار القلب؟

على التطنيش؟

على الجفاف؟

على لوعة الجبد كلها؟؟؟؟؟؟؟؟

الله يوفقج بس نصيحتي لج ولو هو حلال انج تكلمينه بس ...

لا تكلمينه

اختي انتي بنت عاقله وواعيه وعرفين الصح من الخطا

طبعاا انتي وقناعاتج ومباديئك

صح نحن نعطيج راينا بس في الاول والاخير القرار لج انتي

تكلمينه او لا !!!!!

واقول لك ليس دائما نكتشف الشخصية بالهاتف فكل من الزوج والزوجه

يظهرون حسناتهم وشيخصتهم الايجابيه

وتنكشف الاقنعه بعد الزواج

واحيانا اذا لم يكلموا بعض تكون صدمة فجائية باسلوب الثاني

والبعض عندما يكلموا بعض في الملجه يتعرفون على اسلوب كل واحد منهم

ويعرفون ماذا يحبون وما ذا يريدون وما لا يريدون وبالتالي هذا يخفف من صدمات اخرى اثناء الزواج

وبالنهاية فكري وقرري

وكان الله بعونك

ياقلبي هذا رجلك .. لسه محتاره .. لازم تكلمينه بس حاولي مايبين عليك


كمان الموضوع خليه سر لا يبين عليك .. لا تتصربعين أو ترتبكين على أي شي


لا تفضحين عمرك ولا تخسرينه ضروري تكلمينه وتوافينا بالتفاصيل اول بأول



نسيت أقول مبرووووووووووك

الله يعينج اختي انا ماودي اعصيج على ابوج والصراحه انتي تقولين مالجه بالقوة الله يهدي ابوج شوفي اذا تبين رايي لج حق انج تكلمين زوجك الصراحه هذي موسالفه ان ابوج يقولج ماتكلمينه ؟؟؟؟؟؟

شوفي كلمي زوجك بس بينج وبينه تحملي تقولين حق حد او تبينين حق حد اذا عرف ابوج بياخذ جوال حتي امج وخواتج لاتعلمينه انصحج هنصيحه لاتعلمين حد تحملي

وانتي لج حق تكلمينه تعرفين اطباعه تعرفين طريقته وخصوصا انكم ماتشوفون بعض لازم تتعرفين على شريك حياتج بس خلي موضوع بينج وبينه

اذا ملجه يعني فترة خطبه بطول كلميه لكن اذا مده شهر او شهرين مابسوي لاتكلمينه لانها بتمر بسرعه

وهذااااا رايي اذا فترة طويله كلميه بس بينك وبينه ولاتعلمين حد

اختي مافيه هذا مايصير وهذا لا انتي طرشيله مسج وهو بيتصللك شنو من اولها مايصير انا ابتدي ومااعرف ايش

حبيبة عمري الزوج والزوجه مابينهم كلافه

اتصلي او طرشي مسج انه يتصللك وبس انتهي موضوع

مشكلتج إختي مركبة لأنج تحت إمرة أبوج و في نفس الوقت مملوج عليج يعني بذمة ريال.... ما دري شلون يمنعونج من الكلام مع واحد هو المفروض يكون زوجج و حلالج !!!! و بعدين فهمي إبوج و كلميه بحنيه إن هدفج من الكلام معاه مو المياعه و الدلع لا بس تبين تعرفين شخصيته و تختبرينه و تحججي بالبلاوي إلي نسمعها كل يوم و فهميه إن لين فات الفوت ما ينفع الصوت أو بهذا المعنى .. بصراحه هذا الشيء من حقج و العادات ما زادت إلا البلاوي أهم شي الشرع و العادات المعقولة تكون مأخوذه بعين الاإعتبار... مادري هذي رايي الشخصي و الله يعينج و يعين زوجج إللي ماراح تتلاقون إلا ليلة عرسكم و هذي الليله حسب ما أعرف صعبة على الطرفين و راح تصير أصعب لو في بينكم حاجز كبير و :انكم غرباء أول مره تشوفون بعض و مره وحده تختلون ببعض بصراحه الموقف بالنسبة لأي بنت صعب و إحنى في زمن غير عن زمان أبهاتنا ..

الله يهدي أبوج إن شاء الله و يوفقج و يجمعكم على خير و يرزقكم الذرية الصالحة

[align=right][size=7]كل البنات الللي ردوا علي
اقولهم :
مشكورات وما قصرتوا
واللي ماعرست اتعرس انشاءالله ولمعرسه الله يوفقها [/size]
5]واخيرا بعد مشورات بنات المنتدى :: قررت اني ما اكلمه احسن خله يشتاقلي وانشاء الله بعوضه بعد العرس ومابقصر وياه
والله يخليلي ابوي ويحفظه لاني مااقدر على زعله

ووالله يوفق الجميع

[grade="00008B FF6347 008000 4B0082"]انتي زوجته وحلال تكلمينه و تقعدين معاه بدون محرم والأهم ان
من واجبج تطعينه حتى لو هالشي يغضب والدج
وطاعتج له هي اللي بتدخل أبوج الجنة باذن واحد احد
وهذي خلاصة الموضوع
بالتوفيق [/grade]

ياقلبي ..انا مو ضد قرارك بس صدقيني .. لو تفاهمتو من اليوم وعرفتي شي من طباعه وهو عرف عنك شي


بيخليه يفكر شلون يتعايش معك .. صدقيني الكل يقول أحلى أيام العمر هالأيام .. وكون إن أبوك مانعك مش تزمت أو

دكتاتوريه .. هذا مثل حالاتنا أمي وأبوي .. أحيانا يتشددون حتى في اهون الأمور .. لكن ماتنفع الشده في كل شي

أبوك خايف لا تنجرفين معاه .. يعني أعذريني في هالكلام .. للحين مو مصدق إنك صرتي على ذمه رجال ..

أحنا بالسعوديه عندنا قبائل .. تحرم هالأمر رغم إنه حلال وأمر مشروع من عند الله .. يعني هو الزواج إيش ..

بمجرد ما ينكتب العقد خلاص خرجت من ذمه ابوك إلى ذمه زوجك ..

لا كلمتيه ماراح تخسرين ..شي .. ممكن راح يغير فكرته عنك .. أنا ما أبى أأثر عليك أو أحدك على شي ماتحبينه

بس تأسفت لوضعك .. وأنفعلت شوي جايز


بس في النهايه القرار لك .. وعليك بالإستخــــــــــــــــــــــــــــــــــاره

هلا حبيبتي

صراحه مشكلتج غريبه عجيبة

بس تبين نصيحتي كلميه لانج ما تسوين شي حرام بالعكس هذا زوجج يعني ابوج ما يقدر يسوي شي وان ضربج مالج غير ريلج وما اعتقد ان ابوج بيسويها


وبعدين ما دام انتي ما تسوين شي غلط ما عليج من احد


واقولج شي لا تخلين ابوج يتدخل بينج وبين ريلج لان الحين يمنعج تكلمينه باجر وانتي متزوجه وعصب من ريلج عادي يقولج تسيرين وياي البيت وما تتمين وياه ذيك الساعه شو بتقولين بتسيرين ويا ابوج


او مثلا قالج اطلعي من ورا زوجج او لا تكلمينه او او قالج اتطلقي منه بتوافقين طبعا لا


انتي لازم يكون لج شخصيتج المستقله صح ولا لأ يعني انتي الحين وحده متزوجه


وعلى فكره لو هو يباج الحين ياخذج ما عليه من احد لانج الحين صرتي زوجته



ولا تنتظرين لاين ما يحصل وحده ثانيه تملي عليه وقت الفراغ والعاطفه المفقوده وبعدين يوم يفوت الفوت ما ينفع الصوت حبيبتي




تحياتي

خواتي برا الطابور وعسولة الخليج مشكورات على ردكم

وصح انه زوجي ويحقلي اني اكلمه بس مب الفروض هو اللي يبتدي ويتصل مب انا بعدين اخاف اطيح من عينه

صح هو لازم يبتدي ويطلب انه يكلمج مب انتي تبتدين

فاهمة عليج انتي روووحج تبين تكلمينه وكل بنت تتمنى تكلم ريلها وقت الملجة ونفس الشيء بالنسبة لريلج ......

لو انا مكانج بكلمه بس بقول لامي والباجي لااااا وخاصة اللي معارض وبكلمه في وقت ابوي مب موجود :up:


فانتي بترضين ريلج وبنفس الوقت ابوج بيكون رااااضي عليج وبيقول بخاطره ((( فديت بنتي تسمع الكلام وما تطلع من شور ابوها ))) لنه كل اللي بتسوينه حلال بحلال......



والله يوفقج يارب ويسعدج ويا ريلج ..........

عزيزتي انا جيت ابنصحك نصيحة ولقيت محبة للخير طبق الاصل من منطقي
عشان كذا سوي اللي قالته محبة للخير لأنه عين العقل وهو الصحححححح

هذا جوزك على سنه الله ورسوله

بكل أمانة اتصلت لك في إدارة الدعوة لأسأل عن موضوعك هذا

واستفتيتهم في الأمر

قالوا لي نصا: ليس من حق الأب أن يمنع البنت من الكلام مع زوجها بالهاتف

لكن عليها أن تتصرف بالحكمة بمعنى ألا تثير حفيظة والدها

وإن استطاعت أن تتكلم مع زوجها دون علم والدها فلا حرج في ذلك

انتهى كلام الشيخ

لكن عن نفسي أقول لو كان زوجك من النوع اللي ممكن يشيل في قلبه لو كسرتي كلام والدك فلا داعي لعمل ذلك

وما دمتي مقتنعة بعدم الكلام معه فنسأل الله لك التوفيق والسداد