بليز وضحولي .. شرحولي .. وين ادق براسي ؟؟

السلام عليكم ورحمة الله وبركاته

لا بصراحة أختي ريم...كلامك كله عين العقل...و أنا اؤيده تماما...

انا اول مرة كتبت .. صدق ما كنا نعرف منو البنت .. ومن وين يات ..

لكن عقب طلعت الام الاصلية وتسال عن بنتها لكن عمتي خاشة عنا ...

المهم اذا امها موجوده انا ليش ارضعها واعطيها حق مو حقها .. هالكلام الي قلته حق عمتي ..

تعرفون شو ردت علية ...؟؟

عشان ما ياخذونها منا .. تكونين امها ؟؟؟!!

السلام عليكم

انا معكي اختي الريم 5 وموافقه علي كلامك
اما بالنسبه ليكي يا اختي مش عارفه اقولك ايه يا اختي دي الابتسامه صدقه فما بالك بالعطف علي الطفل الصغير وبعدين ممكن تكون ام البنت مريضه او عندها سوء تغذيه او معندهاش لبن في صدرها

واحتسبي النيه ومالكيش دعوه بنية حماتك

لعل رضعه واحده لهذه الطفله وهي جعانه وتبكي تدخلك بها الجنه

اختي الله الله في الطفله

وفي الاخر انتي حره وانتي اللي هتسالي وتحاسبي وممكن تسالي ليه البنت كانت تبكي وانتي ما ارضعتهاش

والله المستعان

صدقو يا بنات

انا اول ما قريت نص مشكلة الأخت بجعة تعاطفت معها

و لكني حبيت أكثر ردودكم في نصحها لكي تنال رضا الله و تدخل الجنه و انا موافقة معكن تماما و انت يا أخت ريم 5 كفيتي ووفيتي

اكظمي غييظك من حماتك

وانظري إلى ثواب إطعام المسكين و اليتيم بعدين يا أختي ليش أذا صارت بنتج بالرضاعة لازم تعيش عندك !!!

لا مولازم بس الفايدة انها بتصير محرمة على زوجك و ابنك و بتاخذي ثنت الثواب

انا مع الريم 5في كل كلمة قالتها ........
وانا اشوف عمتك انسانة طيبة وراعية خير كلنا نقدر مانسمع أغاني ونلتزم في طلعتنا ودخلتنا لكن من فينا اللي بيوصل معه الخير لدرجة انه يكفل يتيم_طبعا هي بمثابة اليتيم_والأعظم من كذا خايفة على مستقبلها وتحاول تأمنه عن طريق الرضاعة صدقيني لو عمتك هذي عمتي راح أحطها على رأسي وأكون فخورة فيها ............
أما من ناحية انها تغار منك واذا شريتي شي تشتري زييه فهذا شيء بسيط ما يبي له كل هالزعل واذا مضايقك خلاص قوليلها ما عرف اسم المحل او نسيته او هديه من وحده او وصيت اختي تشتريه لي من غير لا تضايقينها ولا يكون بينك وبينها حزازيات....
الله يسهل عليك ويسمعنا عنك الاخبار الطيبة.......

الحمدلله و الشكر !!!
هذي مينونة
شوفي أنا أعرف وحدة ما تييب عيال و تبنت واحد من أطفال الغزو اللي قطوهم بالشارع لا حول ولا قوة الا بالله
و خلت بنت أختها ترضعه علشان هي تصير خالته و يحل لها
هذي مسكينه ما ذاقت الأمومة
لكن خالتج هذي فيها غيرة مرضية مو صاحية كلش
زين شلون تتبنى وحدة ما تعرف اهيا شنو
احيانا الاطفال يكون لهم ملف مثلا اذا الأم متوفية او لقيطة الله يكافينا الشر هي على اي اساس خذتها و تبيج ترضعينها
؟!!

هي تبنتها وخلاص يعني الفاس طاح بالراس

هو شرعا المفروض تسمعين كلام زوجج اذا قالج رضعيها لازم ترضعينها بس من بعد ما تعرفين اصلها لكن اذا هي لقيطة وقالج رضعيها و امرج امر زوج حاولي تقنعينه و اذا ما اقتنع رضعيها بعد شتسوين هذا شرع الله و الله بيأجرج على العمل هذا
الله يكون في عونج
لج منا الدعاء بالتوفيق و بحياة حلوة خالية من المشاكل و بولاده سهلة

الغالية بجعة

شفتي رد عمتج لج يوم قالت لج رضعيها عشان ما ياخذونها

هذا معناه ان في خاطرها يكون عندها بنت وشكلها تعلقت فيها وماتبي تفارقها وبالذات يمكن في سنها الحين ما تقدر تنجب اطفال وخاطرها تحس باحساس الامومة من جديد
ولا تنسين انتي قلتي انها ماهي لقيطة بس بنت ناس فقارة وامها موجودة

يا الغالية انا ما اشوف فيها شي وبالعكس احسن لج انج ترضعين البنت عشان تصير اخت لولدج وتصير محرمة عليه
وبعدين ربي يأجرج

واذا على كلامج ان الحليب هذا من حق ولدج انا ما اختلف معاج بالراي لكن على ما اعتقد ان عشان تصير اخته لازم 3 رضعات يعني انتي ما بتظلين ترضعينها على طول لين ما تكمل السنتين باختصار انه ما بينقص منج شيء وهذا الحليب رزق من الله


لو انا مكانج ما ترددت لحظة ان اسوي هالشيء يا ابركها من ساعة لمن استوي ام لطفل ما ولدته ويوم يكبر يناديني يمه



وهذي البنت بدال ما يكون عندها ام وحدة بيستوون 3 (امها اللي ولدتها ، وعمتج اللي تكفلت برعايتها، وانتي لانج رضعتيها)

وانتي وراحتج يا الغالية

تقبلي مداخلتي

اختج

نعنوووعة

انا عندي سؤال

كيف ترضعينها وانتي حامل؟؟؟ الي اعرفه الحامل ما فيها حليب

السلام عليكم

اناا رديت في الموضوع اللي بركن النساء والحمل والولادة

وابي أقول شي البنات ما تطرقوا اليه






اول شي ..شلون ما فهمت من مشاركتج يا بجعه .. البنت مرت عمج باقتها يعني أوو شلوون؟

وثاني شي .. اذا يبتي ولدج بالسلامة يا رب شلون راح ترضعين الاثنين بوقت واحد ؟!!

بس أقول الله يعينج وردي علي هذي البنت مبيوقة ؟

يعني مسروقة ؟

a witch

bj3a:
انا اول مرة كتبت .. صدق ما كنا نعرف منو البنت .. ومن وين يات ..

لكن عقب طلعت الام الاصلية وتسال عن بنتها لكن عمتي خاشة عنا ...

المهم اذا امها موجوده انا ليش ارضعها واعطيها حق مو حقها .. هالكلام الي قلته حق عمتي ..

تعرفون شو ردت علية ...؟؟

عشان ما ياخذونها منا .. تكونين امها ؟؟؟!!

اللي فهمته ان البنت امها تبيها


شلون تاخذها مرت عمج وهم يبونها

حرام والله حرام

انصحج :

أبداً لا ترضعينها لانه امها موجوده وتبيها

ولا تخضعين لاصرار مرت عمج اذا اللي فهمته صح

رديييييييي علينا ..

السلام عليكم ورحمة الله وبركاته

و الله أختي بجعة أنا مش فاهمة !!!!

صار زي كلام الأفلام...

ظهرت الأم الحقيقة و هي تطالب بابنتها الآن ؟

يعني البنت مسروقة واللا مخطوفة واللا كيف ؟

الله يكون في عونك اختي

لازم ما ننسى ان الاعمال بالنيات يعني اذا عمتج نيتها ان تربي الطفلة وتكسب فيها اجر او في خاطرها شي ثاني وخصوصا ان هي في الاول رفضت فكرة التبني

لكن تبين لي ان عمتج تبي بنت وترجت هذا من بطنج لكن الله كتب ان يجي لك ولد فهي خاب املها راحت تبنت بنت

وصراحة السالفة مو سهلة ان الوحدة ترضع احد مو من صلبها وخصوصا ان ام البنت عايشة وتبي بنتها وتقدر انها ترضعها لكن كلامنا لا يقدم ولا يؤخر فالاحسن انج تسألين شيخ في هذي المسالة ....هل تصير البنت اخت للابنك من اول رضعة وهل يحل لك انك ترضعينها وامها الحقيقية عايشة وتقدر ترضعها

لان الرضاعة لها شروط مو الواحد بكيفه يجي ويرضع

فكري بالأجر والثواب

والله يصبرك

يا جماعة انا بفهمكم .. بس خليكم معاي ..

الام ما تطالب بالبنت .. الام موجوده وتتصل فعمتي وتسال عن بنتها .. وهي عطتها لعمتي لانها ما تقدر على مصاريفها ..

وعمتي الله يزيد حسناتها خذتها بدل لا امها تحطها في مكان ..

وعشان تتسجل البنت لازم يسوولها فحوصات عن طريق الشرطة وسالفة طويلة .. عشان ما يطالبون الام بانها ترجع البنت وتربيها عمتي قالتلهم انا لقيت البنت عند المسجد .. ما قالتلهم خذتها من الام .. وفالبداية قالتلنا نحن نفس الشي ..ليما بالصدفة عرفنا انها ماخذتنها من الام الاصلية واعترفتلنا .. عرفتوا ..

الله يفرج كربتك ويقومك بالسلامه

اختي اعذري عمتج.. تراه الام تحس بالغيره اذا يت الزوجه.. لازم تتقربين منها.. هيه حرمه كبيره و انتي ما شاء الله فيج البركه.. عامليها زين و اكسبيها خلي الغيره وراج... كلكم في بيت واحد لازم تتعاملون بالمودة..

البنت لو رضعتيها زين.. مثل ما قالوا بتكون محرم لعيالج و زوجج.. خذي اجرها و هاي طفله لا تفكرين شو اصلها و فصلها.. الله بيعطيج الاجر على رضاعتها ان شاء الله.. توكلي على الله و رضعيها.. و زيدي المودة بينج و بين عمتج..

نصيحه: دايما اعذري الناس على سلبياتهم خليج اكبر عنهم في التفكير.. و التمسي لهم بالعذر قال تعالى: ( ادفع بالتي هي أحسن فاذا الذي بينك و بينه عداوة كأنه ولي حميم)

والحين يوم قربت ولاتي .. راحت وتبنت بنت عمرها 3 شهور

؟؟؟؟؟

:eek::eek::eek::eek::eek:

ليش عمتج تسوي مسلسل مدبلـــــــج لو متأثرة بالمسلسلات المدبلجة؟؟؟؟

صراحة ماأقول إلا الله يعينــــج حبيبتي

الحمدلله البنت طلعت موو مخطووفة

والله صار فلم من نوع آآآخر

بس أناا أقول شلون بترضعين اثنين ؟

حراام والله تتعبين

لكن أناا أأيد رأي الريم ه

بتحصلين فيها أجر واايد هذي البنت خصوصاً ان امها ممووب قادرة تكفلها

a witch

بعد ما فكرت وقررت وشاورت زوجي واهلي (مب اهله) .. :smile:

زوجي يوم قلتله ان امها موجودة وتسال عنها والمفروض حتى لو ما تباها تجي على الاقل ترضعها ما بتدفع شي .. لو انها فقيرة .. وطبعا بعد شوية مقبلات وغيرها .. اقتنع قناعه تامه ..

اما اهلي ... رفضوا من البداية لانه احنا عدنا فالعائلة كلنا خبصه كل وحده مرضع عيال الثانية واللي مرضعتنها بنت الجيران والي مرضعه يعني ما نعرف منو الي يستوي اخونا ومنو عيال خالتنا

لا حول ولا قوة الا بالله..

سبحان الله .. في الزمن هذا حتى عمل الخير ما قمنا نقدر نسويه..

مشكلتنا احنا اننا دايما ناخذ الجانب السلبي من الامور..

يعني مثلا

اتخيلوا احس انها تغار ..

قبل فترة غيرت تيلفوني ..راحت خذت نفس الشي ..

طيب الغالية غيرتي تليفونج.. وهي يابت نفس مالج.. وين المشكله؟؟ مية ألف واحد عنده نفس هالتليفون صح؟؟ يمكن ما كانت حاطة في بالها انها تييب واحد.. بس يوم شافت مالج عيبها ويابت مثله.. انا ما اشوف انه فيه شيء.. على العكس.. اذا صارت لي استانس.. لأنه هذا معناته انه اختياري عيبها..

واليوم سرت خذت سرير وطقم كامل وعقب كمن يوم بييبونه .. صدقوني يوم بييبون بتسالني من شريتي وبسير تاخذ ..

لاني لاحظت عليها اي شي اشتري وتشوفة تسالني من وين خذتي ..

ارد واقول عن نفسي بستانس لأنه اذا حد سألني عن شيء من وين ماخذتنه.. معناته ذوقي حلو.. صحيح كلنا نحب نكون مميزين.. ونييب أشياء مميزة ما تكون موجوده عند غيرنا.. وهذا الشيء يقلل من احتمال انه حد ييب الشيء نفسه بالضبط.. يعني اتوقع حتى لو قلت لهم المكان.. وساروا له.. بياخذون شيء ثاني قريب منه بس مش نفسه بالضبط.. ما اعرف اشرح بس ان شاءالله المعلومه وصلت..

وبعدين انتي روحج ممكن تسوين شيء يخليها ما تييب شيء نفس اللي انتي يايبتنه بالضبط.. كيف؟ مثلا لا تحددين اسم المحل.. قوليلها والله يبته من محل في المكان الفلاني.. مب شرط اسم المحل.. او الاحسن مثلا انك تقولين.. انا شفت سرير في المحل الفلاني.. وايد عيبني بس ما يبته لأنه ريلي ما عيبه.. او مثلا بعد ما يبت هذا شفت واحد ثانيه وايد عيبني.. بس خلاص كنت اولريدي شاريه.. اذا ناويه تيبين واحد شو رأيج نسير واراويج اياه.. جذيه يعني.. ممكن تاخذينها مكان ثاني وتختارون واحد ثاني..


اما اذا حسيتي انها تبا تييب نفس مالج بالضبط.. تهربي من السؤال بذكائج..

وللأخت اللي قالت اكذبي عليها وخليها تتعب وهي تدور.. أقول اتقي الله.. الكذب حرام أول شيء.. وبعدين كيف وحده تسوي هالشيء في وحده في مكانة امها؟ وين الاحترام؟؟ اذا ما تبي تحترم ام ريلها.. تحترم ريلها ... أو على الأقل نفسها.. يعني هالشيء ما يقلل الا من قيمة الانسان نفسه..

وفيه وحده ترضى هالشيء على أمها؟؟ ترضين أختي الكريمه.. ان مرأة اخوج تسوي جذيه في امك؟؟؟؟؟؟؟؟؟؟؟



* أختي الغاليه.. ممكن بين فترة وفترة تشترين لج شيء.. وتيبين لها نفس الشيء بالضبط.. بتتقربين منها.. ويمكن مع الوقت تحس انه ما فيه داعي تيي تسألج عن أي شيء تييبينه..

يا جماعه كيف ارضع بنت واخليها تصير اخت ولدي وهي لا من لحمنا ولا من دمنا

الصراحه كلامج يالغاليه وايد غريب.. اذا الله شرع هالشيء.. وين المشكله؟؟

.. والله يعلم شو اصلها وشو فصلها .. وهل هي بنت حرام ولا حلال

طفلة.. طفلة.. هذه اللي يالسه تتكلمين عنها.. طفلة بريئة.. حتى لو بنت حرام .. هي طفلة مالها ذنب ..


الاخوات romancia والريم ه وطالبة الجنة وn3noo3a .. ردودكم وايد عيبتني .. بارك الله فيكن والله يجزيكن الخير..

وانا اشوف عمتك انسانة طيبة وراعية خير كلنا نقدر مانسمع أغاني ونلتزم في طلعتنا ودخلتنا لكن من فينا اللي بيوصل معه الخير لدرجة انه يكفل يتيم_طبعا هي بمثابة اليتيم_والأعظم من كذا خايفة على مستقبلها وتحاول تأمنه عن طريق الرضاعة صدقيني لو عمتك هذي عمتي راح أحطها على رأسي وأكون فخورة فيها ............

الاخت wgd .. بارك الله فيج.. عيبني هذا البارت من ردج ..

وعن الرضاعة .. انا قلبي ما يطاوعني اعطي حق ولدي لشخص ثاني ... واذا افترضنا اني رضعتها وصارة بنتي .. وعقب فترة استقليت في بيت بروحي .. البنت صارت بنتي بس بتكون بعيده عني ... وكيف بربيها وانا الصراحة مب واثقة على اني مقدورة اربي 2 في نفس العمر

شوفي الغاليه.. انا عقلي صغير وساعات ما استوعب.. اعذريني.. بس انا للحين مش فاهمه ليش انتي مكبرة الموضوع.. اللي اعرفه انج ممكن ترضعينها كم مرة بس.. ... . طيب هي 5 مرات اذا ما تبين اكثر.. .. يعني ما اعتقد الحليب بيخلص.. والا ولدج بيتأثر.. والشيء هذا اصلا في مصلحتج.. اتخيلي باجر بتكبر وهي في بيتكم.. وغريبه على ريلج وعيالج.. ؟

بعدين شو دخل التربية في الموضوع؟؟؟ انتي بترضعينها كم مرة وخلاص.. ما بتربينها.. مع انه الاجر كبير.. بس انتي مش ملزمه بهالشيء.. واللي فهمته انه ام ريلج هي اللي بتربيها..

المهم اذا امها موجوده انا ليش ارضعها واعطيها حق مو حقها .. هالكلام الي قلته حق عمتي ..

اذا امها موجوده..هي المفروض تكون عند امها.. وامها اللي المفروض ترضعها.. اما انتي ليش ترضعينها.. انتي بترضعينها 5 مرات عسب تصير اخت لولدج.. وريلج يصير محرم.. اما كلامج.. اعطيها حق مو حقها.. غريب.. الرضاعة يالغاليه مشروعه في الاسلام.. اذا هي مشروعه كيف تقولين انه حق مش حقها؟ يعني اذا رحتي تتصدقين .. بتقولين ليش اتصدق والفلوس من حق عيالي؟؟؟

هي سوت هالشي لان هي ما عندها بنات عندها 4 اولاد .. ويوم عرفت ان انا بييب ولد .. سوت هالشي عشان تقهرني ..

معليش.. مثل ما قلتلج انا استيعابي بطيء.. احم ما فهمت.. الحركة هذه كيف بتقهرج؟؟ وليش؟؟

انا الصراحه ما اعتقد سوت هالشيء عشان تقهرج..

انتي تقولين عندها 4 اولاد وما عندها بنات.. يمكن خاطرها في بنت.. كانت حاطة امل انك بتيبين بنت... بس يوم عرفت انه ولد .. سوت هالشيء..

وبعدين ما وضحتي.. هي راحت دورت على طفل... والا الام تعرفها ويت كلمتها؟ يمكن صدفة الموضوع صار في هذا الوقت..


الحين نيي لأهم سؤال.. شو رأي الدين في الموضوع؟؟ يعني البنت أمها عايشة وموجوده.. عادي تاخذها ام ثانيه وتربيها جذيه والا فيه شروط؟ والا المفروض هي تنفق عليها وبس من غير ما تاخذها؟ اسألوا بارك الله فيكم...

شفنا ناس فقارى.. وعايشين.. بس ما يتخلون عن عيالهم .. غريب والله.. طيب اذا تخلت عنها المفروض ما تبخل عليها بحليبها.. هذه امها..

وفيه شيء بعد.. اللي سوتها عمتج.. مخالف للقوانين؟ لأنج تقولين انها جذبت للشرطه ؟ ؟

اذا مخالف ما اعتقد بيكون مسموح في الشرع..

(الحين بتقولون ما عرفنالج مرة مع مرة ضد.. بس الكلام اللي قبل اخر سؤال .. كان بشكل عام.. واذا الشيء هذا مش مسموح في الدين.. ف الموضوع ما يتحمل النقاش .. وانا اوني احاول انظر للموضوع من كل الجوانب..)

اما اهلي ... رفضوا من البداية لانه احنا عدنا فالعائلة كلنا خبصه كل وحده مرضع عيال الثانية واللي مرضعتنها بنت الجيران والي مرضعه يعني ما نعرف منو الي يستوي اخونا ومنو عيال خالتنا

هذه مشكلتهم هم.. مش الطفلة البريئة.. والمفروض اي وحده ترضع طفل غير طفلها تسجل هالشيء في ذاكرتها وتكون متأكده كم مرة رضعته.. وهل هم اخوان ام لا.. لأنه الموضوع خطير.. في المستقبل العيال هم اللي بيتأثرون خاصة في حال رغبوا الزواج ومحد عارف منو اخ لمنو ومنو اخت لمنو..


بالاخير ما اعرف شو أقول بس اذا هذا شعورج تجاهها من الحين.. وماخذه الموضوع تحدي وعناد (هذا اللي انا حسيته ويمكن اكون غلطانه) .. فأعتقد الافضل انك ما ترضعينها.. لأنك ممكن تحقدين عليها المسكينه بعدين..

او يمكن بعد ما تربين.. وتحسين بالامومه .. يمكن يومها بتحسين بالياهل..

بس الصراحه كسرت خاطري البنية.. وحتى عمتج.. وصح اضايقت يوم قريت الموضوع والردود.. بس عقب استانست..لأنها عالاقل بتكسب حسنات..

ولكل البنات وخاصة للي سمحت لنفسها انها ترد عالموضوع وتغلط على ام ريلج .. اقول اتقي الله.. واستغفريه.. الكلام اللي قلتيه مش هين.. وما اعتقد انه يرضى الله..


في النهايه.. اسمحولي.. عالاطاله وعلى اسلوبي.. بس اذا رديت على موضوع احب اقول رأيي بصراحه..

اسمحيلي أختيه جان غلطت..

كلنا بشر وكلنا نغلط..

عسى الله يهدينا ويهديكم..


اعتذر مرة ثانيه.. والله يسهل عليج ويعينج.. وربي يوفقكم يميع.. ويعطيكم على قد نياتكم



تقديري واحترامي لكم

:flower: :flower: