أباكم اتساعدوني والله مضايجه وااااااااااااايد.

الله يعينك..

بصراحة أحلى شئ قبل الزواج المكالمات !!!
طبعا قصدي بعد الملكة و بعد ما يكون زوجك على الورق !

الله يكون بعونك شكله رجال ما يحب الرومانسية

[CENTER] [CENTER]بسم الله الرحمن الرحيم

وعليكم السلام ورحمة الله وبركاته

يمكن خطيبك خجول شوى

المهم حبيبتى ,قرانكم معقود ولا لا حبيبتى؟

فإذا كنتم عاقدين القران اتصلى فيه انتِ وحركيه بمعنى ( انكشيه ) وارسلى له مسجات مافيها شى لو المبادرة كانت منك ...

لا حبيبتي ماعاقدين القران بس امسوين حفلة رسميه بوجود أقاربنا بس بوجود( الحجاب).

ماعاقدين القران وتين اتكلمسنه؟؟؟؟؟؟؟؟؟؟؟!!!!!!!!!!!!!!!! أنصحج انج ماتكلمينه واذا كلمتيه بحدود...يمكن هو نفسه مايحب يكلمج وايد لأنج للحين ماتعتبرين زوجته...

تمنياتي لج بنهاية سعيدة وزواج ناجح

اشدعوه كلميه قبل ما تعقدون يمكن تكتشفين فيه اشياء ما تعجبج

بنت ادم:
لا حبيبتي ماعاقدين القران بس امسوين حفلة رسميه بوجود أقاربنا بس بوجود( الحجاب).

والله ماشاء الله عليه خطيبك .. الصواب مافعله الله يبارك لكم ويسعدكم

وانتِ اصبرى وانتظرى لما بعد القران واعقدوا القران إذا كانت ظروفكم تسمح

لاتكونى عجولة .. كل شئ بوقته حلو :)[/]

توك بدري على المكالمات

بعد الملكه يصلح تكلمون بالتلفون قبل لا

مو زين لك لا بالدين و لا على سمعتك

اكلمه بحدود وانا نفسي اقوله نتكلم بحدود بس هو طبعه ما يحب يتكلم يعني هو بيتم جه لين العقد وعقب العقد وانا هذا اللي يهمني. هو مب امحسسني انه مهتم و يسأل عني. يعني مره وحده فاليوم والساعه 10لين 10 وربع بس يطفر خلاص ويبا يبندبسرعة. ومشكوووووووووووووووووووووره لانج تحاولين تساعديني

هو من أهلي وأهلي وايد يحبونه .
يعني استوت مشاكل بيني وبين أهله عشان جه ما ملجنا بس الحين الحمدلله.
لاتنسوني من دعائكم

اولا ... يا اختي انت بعدج ما مالكة ... يعني ممكن يكون عنده كلام وايد بس اهوه يحس انه ما يقدر يقولش هذا الكلام الا بعد ما يعقد قرانه عليش لانه ربما هذا الكلام يكون فيه خصوصية متزوجين وليس مخطوبين ... خذيها من اخت مجربة ... المهم انش بعد ما تعقدين قرانش او تتزوجين وتنتقلين عنده لا تيأسين وتوكلي على الله وانا متأكدة من انه الله سبحانة وتعالى بيوفقش وحاولى تحركينة بس بعد الزواج علشان تقدرين تمكنيين منه عدل وتعذبينة من هواش

يا عزيزتي

حرام اللي تطلبينه .. ما يجوز الكلام بالتليفون قبل الملكة

ودام إنه من أهلك يعني ممكن يكون في زيارات على مستوى العائلة وفي وجودهم ممكن الكلام بحدود

ولا تجلسوا معا لوحدكم إطلاقا

لا تبدأي حياتك بمعصية .. صدقيني ستكون المشاكل أكثر

أنوي الله يعينك لتبدأي حياتك بطاعة والبعد عن المعاصي وربنا راح يبارك لكم فيها

لو كان بنفس الأسلوب بعد العقد فهذا ليس شيئا خطيرا

الرجال ليسوا كالنساء كثيري الكلام .. زوجي لم يكن من هذا النوع وكلامه قليل جدا لكن هذا لم يكن مشكلة بعد الزواج

بالعكس مع العشرة بيصر الموضوع أفضل صدقيني

أتمنى لك التوفيق .. ولا تخلي الشيطان يلعب براسك واتركي الأمور تسير على طبيعتها

طمنينا عنك عزيزتي

أنا رأيي من راي بنت فلسطين معا أني ما أيد المكالمات الهاتفيه قبل الزواج نهائيا
شو الظامن انج بتاخذينه كل شي يا ختيه في علم الغيب والحرمه لها الخجل فلا تحاولين
من الحين تبينين للريال أنج قوية الشخصيه من هالناحيه وبيسير تفكيره لبعيد مادامه من
أهلج وخاطبنج معناه يحبج والرمسه في التيلفون ما بتبين أكثر ما هو باين الله يهديج
ويوفقج

ليش ما تكلمه؟؟؟؟ اذا كانوا مخطوبين ويقول انه يحبها تكلمه في حدود الشرع والدين.. على الاقل علشان تعرفه وتعرف طباعه يعني هي الحين اكتشفت انه مو رومنسي وانه ملتزم دينيا وحده حلوه والثانيه لا... واذا هو ما يريد يتكلم او يخجل او معتبر الموضوع حرام فعلى الاقل رساله يحسسها فيها باهتمامه .. بصراحه انا معاها في قلقها...
تبي مني انت اللي اثقلي عليه لا تكوني ملهوفه على اتصاله وما في مانع انك تطنشيه يومين ثلاثه واذا عتب قوليله احسك ما تريد تكلمني وقلت ما بغصب عليك وبسيبك براحتك.. اذا ما حس عاد وتصلح فالله في العون

[CENTER] السلام عليكم ورحمة الله وبركاته

حبيبتي لج عندي نصيحه

خليج ثقييييييييييييييييييييييييله وخصوصا انكم مالجين بسسسسسسس
يعني كلمة حبيبي وحبيبتي وأي تنهيده أو أو أو أو حرام


وحتى عقب الملجه خليه هو اللي يتوله ويشتاق أكثر .....تدلعي وتمنعي....بتلقينه كل شويه يتصل ويسأل وانتي طبعا لا تقصرين في الكلام الحلو والرزين بعد....وعقب ما تنزفون انشالله لا تخلين كلمة حلوة إلا وتقولينها له...


والله يوفقكم

مرحبا للجميع
ولج بالخص يا بنت ادم

في نظري انج مدام انخطبتيله المفروض اتكلمينه...بس طبعا في حدود الشرع .. عشان تتعرفين على شخصيته ...وهذا شي ضروري من دام انج بعدج على البر...خاصة ان الحياة الزوجية مب كلها وردية يعني ياما ناس حبوا بعض قبل الزواج و انصدموا عقبه لان.. اطباعهم مختلفة. وياما ناس ما كان بينهم حب وتناسبو لان اطباعهم اتناسبة و صار في حب و غيره.. فالموضوع نسبي خاصة في هذا الزمن الغريب العجيب..

احتمال ايكون ما ايكلمج عشان ايحس انج تبينه يقولج او هو يبا قولج كلام غزل وهو شخص مستقيم ما يبا يقول هذا الكلام قبل الملجة..

فا انتي ممكن تبداين وياه الحوار يعني تتحكمين في المواضيع اللي تنقال مثل تسالينه عن رايه في اشياء.. عن شغله عن طموحاتج و غيره.. يعني كانج تتكلمين ويا صديقة توج متعرفة عليها..
بس بثقل ..

انشالله اكون افدتج

شكرا على كل الردود كلها والله ايسرها .
شكرا اختي (الامل المستحيل ) بسمع نصايحج انتي والخوات وببشركم.
"على فكرة هو مايزورنا وايد ".
مشكووووورين وجزاكم الله الف خير.

شكرا عزيزتي ليموونه.
لاتنسوني من دعائكم.

وعليكم السلام ورحمة الله وبركاته

اقولج شي آنا بنت ما احب اتكلم بالتلفون وايد املللل

بس انتي ادعي ان الله يسخره لج

[frame="10 80"]الله يكون في عونج
مع ان الريايل ترى وايد طيبين
واللي مو متعود على مخالطت البنات
ترى مايعرف يكلمهم او بالمنطق
يستحي يكلمهم [/frame]