فيه وحده سألت كيف يصير الوجه فيه لمعه صحيه مو جليتر..انا أعرف

بسم الله الرحمن الرحيم

السلام عليكم ورحمة الله وبركاته

يا بنات فيه وحده مره سألت عن طريقه جعل الوجه يلمع لمعه صحه مو لمعه جليتر مثل اللي

نشوفهم في التلفزيون و المجلات...

انا عرفت الطريقه...

شفت مره خبيره تجميل ماك في التلفزيون تتكلم عن هالشي و قالت ....

ان اهم اهم شي في المكياج انك ترطبين الوجه قبل لا تحطين الاساس

و انك تسوين للوجه مساج ترطيب بكريم لحد ما ينشفط داخل البشره و بعدين مره ثانيه

تقريبا لمده 5 دقائق .. و ان هذا الشي هو اللي يبين الاساس حلو اكثر من الاساس نفسه

و هي وجهها ما شاء الله فيه لمعه قلت خل اجرب..

و بالفعل...


ترا را راااااااااااااااااااااااا...



جربت مع اني ما حطيت الا كريم جرجنز هههه على وجهي ماشا الله و سويت مساج

و حاولت ان الكريم

احطه اكثر شي على الخدود لان بشرتي مركبه ما كثرت على الانف عشان ما يزيت

و بعدبن حطيت الاساس...

و كاانت المفاجأه..

و الله لاحظت فرق.. صار فيه لمعه بالبشره نفسها ...

و من ذاك اليوم و انا اسوي هالطريقه حتى يوم بديت دوامي الجديد

فيه وحده بس تمشي وراي و تقول لي .... منووووووره ...

اقول الله يعطيك العافيه مشكووووووره...

قالت لي 3 مرات ذاك اليوم ههههههههههههههه..

الزبده انا ما جربت كريم مخصص لترطيب الوجه بس ان شاء الله بشتري اذا جا الرااااتب هههه

----------------------

الشي الثاني اللي بهديكم اياه اليوم هو....




هاذي النصيحه:

شفت مره في قناة هي خبير تجميل حق غيرلان

اخذت منه نصيحه و فعلا رائعه ..

اللي هي:

اذا كنتي تبغين لون الشادو يطلع على عينك نفففففففففففففس لون اللي في العلبه

حطي قبله شادو كريمي بس لمسه خفيفه لا تكثرين عشان ما يتكتل و يتجمع الشادو

فوق العين...

راحت اختكم بالله و جربت..

و النتيجه....











ترا ررررررررررررررررررررا راااااااااااااااااااااااا......

طلع الشادو اللي جربته بالضبط مثل لونه في العلبه

و انبسطت لاني عاجبني كان هالشادو من ماك لكن يتغير لونه على العين

و فيه فايده بعد من انك تحطين الشادو الكريمي قبل..

و هو انه يطلع شكله و الله حلو مره و تحسين ان اليوم هو يوم مكياج ناجح..

تعرفين كيف احيانا يضبط مكياجك في احد الايام و تقولين في نفسك

اليوم يوم مكياج ناجح او بالعكس احيانا ما يضبط معاك الميك اب و تعصبين يوهووووه

وشفيني اليوم ههههه....

و الفايده الثالثه من وضع الشادو الكريمي قبل الشادو البودره هييييييي:

انك لما تجين تزيلين المكياج بمسسسسحه وحده من المناديل الخاصه لازاله المكياج يروح

يعني ما يتعبك و لا يعور عينك و انتي تفركين ..تعرفين كيف ااحيانا تحسين اللون دخل و انشفط

داخل الجلد و مهما مسحتي ما تحسين بشرتك نظفت تماما..

لما تحطين شادو كريمي و تمسحين يرجع جلد جفن العين مثل لونه قبل المكياج بسررعه..

يعني باختصاااااااااااااااااااااااااااااااااااااااااااار...

درسنا اليوم هو:

1- وضع كريم مرطب و عمل مساج ترطيبي للوجه قبل الاساس..

2- وضع شادو كريمي للعين قبل الشادو البودره..

الواجب:

اكتبي فوائد وضع الشادو الكريمي ؟

وش رايكم ؟؟



جرررررررررررررررربوا و الله ما تندمون...

و عاد يله ردوا علي ترا عندي تصحيح تاركه اوراقي و قاعده اكتب لكم..

وروني ارائكم...و اللي تجرب اليوم تعفى من الواجب المنزلي

ههههه