كيف ارتب زهبتي؟

السلام عليكم ورحمة الله وبركاته
كان ودي اقدر اسعادج اختي بس انا مو متزوجه واصلا ماعندنا بالكويت هالسوالف الله يعينكم عندنا بس يعرضون الذهب يجون الناس قبل العرس باسبوعين ويشوفونه بس الملابس والاغراض الباقيه نحطهم بشنط عاديه بس تكون حلوه ونوديهم قبل العرس بيوم او بيوم العرس
لكم تحياتي
حـــوريه

شهرزاد حبيبتي شوفي أفكاري في ترتيب الزهبة وأغلبية ربيعاتي سووون جيبي


اولا قمصان النوم خليهم بالكراتين أحسن ويوم العرس حطيهم في صندوق خشب كبير واعرضيهم بشكل منثور وحطي الورق الشفاف علشان الغبار واللمس وانثري عليهم ورد مجفف واكرستال وحركات

أو خليهم بالعلب مالتهم وافتحيها وسوي نفس الشيء اذا ماتبين صندوق

للمكياج انا عندي شنطة كبيرة من مكياجي ولها دروج حلوة وايد انا مرتبة اغراضي من الحين مع انه العرس يمكن باقي عليه 3 اشهور بس انا رتبتهم في الشنطة بشكل عشوائي ومنثور على الزوايا ماتقييدت بالمربعات والفراغات اللي في الدروج العشوائي يطلع احلى ... واذا تبين شنطة مكياج كبيرة روحي واشتري لج اتحصلين اظن عند مؤسسة نزيه للتجارة .

بالنسبة للعطور والبخور انا مفكرة ايييب صندوق خشب كبير واحط مخدة تحت في الفراغ واحط عليها ورق الهدايا مع ورد مجفف أو شيفون أحمر افرشه على الصندوق واحط العطور والكريمات بشكل عشوائي طبعا منثور عليهم الورد المجفف وناوية اشعل شموع صغيرة تحصلينها في أكيا أو بيتي اشكالهم حلوة واتحطينها في الزوايا ليله المكسار .


انييي للنعال لاتعقين الكراتبين مالتهم بطلي الكرتون واطلعي النعال واسكريه بالغطاء ماله علشان يدرون انج ماخذه ماركة :cool2:.. بعدها تأخذين النعال وتعرضينهم بشكل غريب يعني واحد داخل على الثاني وجي او فوق بعض بطريقة غريبة .. والشنط عدالهم وايكون تحتهم قطعة شيفون اي للون اتحبينه والشموع والورد المجفف لا تنسينهم :)



الجلابيات يفضل ايكونون بالشنط العادية تفتحين الشنط واتوزعين الجلابيات طبعا بيكونون مغلفين بالغلاف الشفاف اللي ايي عند الخياط لاتبطلينه عنهم ..

المغربيات والفساتين اعرضيهم على علاقي حديد اييج عريض وايد ومتحرك حلو شكلهم بيكون ..

المطارح والكفرات على جنب عادي خليهم بالعلب مالتهم بعد لاتلعبين فيهم وتبطلينهم :>

المنظفات في سلة كبيرة شرات اللي اتيي عند محلات الفواكة اشتري من عندهم سلل فاضية
الفوط في علبهم وبطلي الكرتون من الطرف مب لازم اتشلين الغطاء كامل ..
الاستشوار والامشاط حطيهم في في بوكس مال هدايا كبير وغلفيهم بورق شفاف


ولا تنسين الورد المجفف انثريه في كل علبه مغلفه مع الشرايط الصغيرة الورق مال الهدايا اتحصلينه في المكتبة


العبي بطلي غطاء الكرتون وخليهم مبينين والشيل بعد أهم شي ماتعقيين العلب مالتهم علشان ايبين شكلهم يديد ومرتب بالعلب وايد أحلىىىىىىىىىىىى

انا لو اتشوفين كبتي كله كراتيين كل شي يديد بكرتونه كشخة واحلى :up:


وبالنسبة للصناديق اذا انتي من بوظبي روحي سوق الميناء بتحصلينهم اشكال والالوان اتخبل


وفيه حريم يأجرون الصناديق ....


انا خذيتهم من سوق عدالنا :)

وأي خدمة أو سؤال ترى انا حاضرة :)

نحن الحين هالزمن عندنا مايعرضون كل اغراض العروس

فقط يعرضون الذهب في بيت العروس

وبعدين نوديه على بيت المعرس

وهناك بعد يعرضونه

وكل حد ينقط نقوط حلووو:D2

بس عايلتنا مايسوون هالشيء

safe_22
مشكوره والله اتلومت فيج وتعبتج معاي بس مشاء الله عليج صدق متعبله
ربشه
فديييتج مشكوره وايد ..... شكلي انا بسوي نفسج... بحطهن في كراتين... و اونه عشوائي:cool2:..... لاني متعايزه ارتبهن لوووول:D

العفووووووووووو اختي شهرزاد بالعكس لاتعبت ولا شي :) هاي مجرد افكاري وحبيت اساعدج فيها .. وترى بشكل عشوائي لاتفكرين انه مب مرتب بالعكس يطلعون حلوين وانا باجر بصور لج وبحطهم اذا رمت

هلا حبيبتي

اختي ربشه ماقصرت كفت ووفت في افكارها

انا حبيت اعطيج فكرة للنعول والشنط واللي هي انج اتيبين اشيرتين كبار الها افرع واتعلقين فيها النعول والشيره الثانيه الشنط

واتزينين الشيرة بشرايط من فضة او ذهبية او اتيبين اللمبات الملونة الصغار لو تعرفينها يستخدمونها في الحفلات ان شالله اتكون الفكرة واضحة

الله ايوفقج

[CENTER]بنات خبروني اكثر عن شنط المكياج والي تجي من مكياجي

بنات احنا عندنا عادي
تحطين اعراضك بشنط بس عشان النقل للبيت واهلك اللي يرتبونها لك
بس بعد انتي ماترتبينها قبل الزواج بكم يوم اكيد راح يجي اهل الزوج امه واخواته وبيشوفون اغراضك
وبصراحه انا ما ابيهم يشوفون قمصان النوم وملابسي الداخليه حتى زوجي ما ابيه يشوف هالشغلات الحين؟؟وهي مرتبة بالدولاب قبل الزواج بكم يوم

ايش رايكم وش اسوي

مشمش
انا خواتي بيرتبون اغراضي ويمكن اروح معاهم

وانا نفسك افكر بهالشي اني مابيه هو يشوفهم قبل الزواج .. استحي ..

ففكرت اني احط قمصان النوم والاندر وير في صندوق واعطرهم زين وكل شي مضبوط وبعدين الف الصندوق برايبون حلو .. عشان اضمن انه مايفتحهم هههههههههه

ولا اذا على خواته واهله مساكين احنا ماعندنا هالشغله انهم يجون يشوفون اغراضك :) ولا هي من عوايدنا اساسا عشان اخاف ..

:)

حلوه فكرتك اختي fay
مالي الا احطهم بكرتون حق الهدايا كبير واغلفه واحط عليه قفل بعد

والقمصان اللي راح استخدمهم بعد مانرجع من السفر ان شالله شكلي بخبيهم بشنطه وبقفلهم
وبعد ما ارجع ابكويهم واصفهم

سلمتي اخيه

اختي safe_22
تسلمين الحقيقه اعطيتيني افكار رااائعه..

ننتظر جديدك ولاتبخلين علينا بصور عفشك..

وبعد ودي بفكره حلوه للملابس الداخليه كيف اضبطها لاني ابي فكره جديده وغريبه

غير العلبه او الصندوق..ننتظركم

[CENTER]السلام عليكم ورحمة الله وبركاته

لا شكر على واجب إحنا أخوات يأحلى القمرات المهم إني قدرت عطيك أفكار وإذا في شي أقدر عليه ماراح أتأخر بإذن الله
وبحاول أفكر في فكره جديده لقمصان النوم لأني أنا الصرحه حطيطهم في صندوق بس بحاول أفكر في شي جديد وإذا إنتي عندك فكره ومنتي عارفه ترتيبها قوليلي وإنشاء الله أساعدك

هلا اختي..

الحقيقه انا ما اقصد الاقمصه حقه النوم انا اقصد
الاندروير اللي هي الملابس الداخليه

كيف احطها بالدورب انا كنت ناويه احطها بعلبه بس ذي مستهلكه

وفكرت فالصندوق خاصه ان ماحد سواها عندنا..

بس كان ودي بشي افضل..

فكرت اني احطها بأكياس مثل ذا الكيس طبعا..



وبعد كذا احطها بصندوق وهذي بعض افكار الصناديق حتي يتفيدوا منها الاخوات





وفكرت الفها بهالشكل بتغليف او بورق جرايد انقليزيه يجي شكلها روعه وبعد كذا احط عليها شريطه

حمرا يطلع يقارب لذا




هاه قوليلي وش رايك؟؟

[CENTER]السلام عليكم ورحمة الله وبركاته
بصراحه الفكره الأخيره مررررررررررررره عجبتني بس أبغه أنبه على شي قبل لا تلوفيهم بالجرايد لفيهم بورق شفاف علشان الحبر حق الجرايد لا يعدملك الملابس

وألف مبروووووووووووووووووووك معليش متأخره

شوفي الخاص اختي

السلام عليكم ورحمة الله وبركاته
اخواتى العزيزات
تسلمون على الموضوع الحلو والافكار الجميلة جدا
بصراحةاحنا ما عندنا مثل هالسواف
بس يصفطون الملابس والاغراض بشكل مرتب بداخل جنط
وياخذونها على بيت العريس ليلة الحنة(يعني قبل ليلة العرس بيوم)
او يومين
وتكون معاهم اخت العروسة او خالتها او عمتهاويرتبون الاغراض في اماكنها الخاصة وتبقا غرفة العروسة شبه مفتوحة حتى اهل العريس وجيرانهم لما يجويباركولهم يشوفوا االاغراض

اما بالنسبة للذهب
ففي اليوم اللي يروحوا فيه لشراء الذهب وبعد ما يرجعوا من سوق الذهب
ياخذوا الذهب الى بيت العروسة حتى يشوفها اللي بالبيت وبنفس اليوم
العريس ومن معه ياخذون الذهب الى بيت العريس حتى اهل العريس يشوفوا الذهب وفي ثاني يوم يرجعوا الذهب الى بيت العروسة ويبقى عندها




اتمنى اكون ما ازعجتكم بكلامي
واسفة لاني طولت عليكم

تحياتي
اختكم المحبةلكم الاء

هذه صورة حقيبة المكياج ( انا خذيتها )

مبروووك

ما عندي شي

من جد افكااااااااااااار حلوة ويعلم الله اني استفدت من الموضوع
وان شاءا لله بسوي مثلكم حق زهبتي
تسلمووووووون يابنات
والله يوفقنا وياكم:)

دخلت الموضوع ادور افكار حق زهبة اخت زوجي ........ طبعا انا راحت عليه خلاص الحين بعيالي .......

بس المفاجأه حصلت العرايس حاطات شرايط الحمل اللي في السابع واللي في السادس ....... ماشاءالله ...

صحيح ان الايام اتمر بسرعه........

المهم نبغي نعرف اخر شي في الزهبه في الامارات...........؟؟؟؟؟

يالله يا بنات شدن الهمه....