لو عرض عليك زوجك...........؟؟

نسمة الحياة رأيك سديد وأنا بأقول رأيي .......مادام مشروط على الزوج إن زوجته ماتترك وظيفتها خلاص ليش يغير رأيه

وبالنسبة لزميلتي بصراحة حالتها المادية ماشاء الله ممتازة ووجهة نظرها إن الوظيفة متنفس لها وماتحب تجلس بالبيت خصوصا إن أولادها

كلهم بالمدارس ماعدا طفلة عمرها سنتين ونص .......وعموما هي طلبت منه تكمل العشرين سنة وما باقي لها إلا القليل مايتجاوز الثلاث

سنوات.....عشان تتقاعد..

السلام عليكم ورحمة الله وبركاته

برأيي إنه من المهم تعرف ليش رغبة زوجها القوية إنها تترك العمل ؟!

أنا وحده ما اوافق حتى لو يعطيني راتب كامل ... ما أضمن شو الظروف وخاصه هالأيام لازم الاثنين يشتغلون ...
يمكن يقول مره ماعنده أو باخذ قرض أو بشتري سياره او بسلف أحد او السياره يبغيلها تصليح ... الخ ... و انا اقعد طول الشهر بدون مصروف طبعا لا
هالشي يتم بالتفاهم بين الزوجين ...

[CENTER]بسم الله الرحمن الرحيم
السلام عليكم ورحمة الله وبركاته

بالنسبة لموضوع الوظيفة على أختنا الكريمة أن تطرح سؤالاً بسيطاً على نفسها وهو ما هو هدفها للخروج إلى العمل
إذا كان الهدف مادي بحت فلا ضير من تركها للوظيفة مقابل راحتها وحصولها على مبلغ يسد إحتياجاتها
أما إذا كان هدفها إثبات شخصيتها وتكوين علاقات إجتماعية ناجحة فأعتقد بأنها سترفض هذا المبدء لأن الوظيفة تعتبر عنصر مهم في حياتها
أما إذا كان هدفها انتفاع الغير مما تحمله من خبرات وعلم نافع يفيدها كعمل صالح ويكتب لها الأجر فأعتقد بأنها ستمضي قدماً نحو هدفها ولن تتخلى عن تحقيقه
فعلى المرأة أن تحتسب الأجر والثواب عند الله في خروجها من بيتها وأن تسعى جاهدة لن تكون داعية بعملها فالمجتمع بحاجة إلى عمل المرأة حتى تصل الرسالة الصحيحة للدين وتكون في متناول العنصر النسائي

هذا من وجهة نظري القاصرة

أختكِ
المرتحله

عني انا ما بوافق

مو مسألة عطاني راتب او لا

احنا متفقين من قبل اني اكمل دراستي و اشتغل

لكن هم اتفقنا ان اذا الشغل جا على مصلحة البيت و العيال بلاش منه افضل

وان اذا كانوا الأولاد صغار ما بعد دخلوا المدارس مافي شغل ،، و ارتاح في البيت

غير كذا مافي مانع من الشغل

بصراحة انا لما تزوجت كنت موظفة
و رفض زوجي تماما اني أكمل ...تضايقت شوي.. بس لقيت نفسي مرتاحةنفسيا وووقتي منظم و اهتمامي بزوجي اكثر و صار بالي مرتااااااااح من اني اجمع بين بيت ووظيفة...
بس المهم انه مايقصر عليها بشي .. وتفهمه انها مستعدة تجرب ( تأخذ اجازة مثلا) بس ما ينقصها شئ ابد تماما مثل أول..

و كل شئ بالتفاهم حلو

السلام عليكم
انا من رأييي ان الزوج والاولاد أهم شئ في الحياة طبعا راح أترك الشغل:smile:
بعدين المرأة ليش تشتغل اذا كان الوضع الاقتصادي جيد
لكن ماذا لو كان الزوج بخيل ما يصرف على الزوجة والأولاد مثل زوج اختي بس شاطر يدز لأمه وأبوه واخوانه:mad2:
والله يا أخواتي مرات أختي تبكي من شدة بخله تقول حتى الفلوس اللي تاخذه من الحكومة أقصد يجيلها عل اللحساب مالها اللحق تطلع منها فلس
ياترى هل يسحق مثل هذا الزوج تضحين علشانه؟؟؟؟؟؟؟؟؟؟

[CENTER]

بسم الله الرحمن الرحيــــــــــم
السلام عليكم ورحمة الله وبركــــــــــاته

أنا مع الأخوات اللي يقولون التفاهم ثم التفاهم
مافي شئ يجي بالعناد أو هذا شغلي
تشوف وش اللي ناقص زوجها ؟؟؟؟
تفهم أسبابه ومن هنا تحل المشكله
وإذا كان كلها 3 سنوات وراح تتقاعد أشوف أنها تتفاهم وتتفق معه أنها تكمل فقط هذي السنوات وبعدها تتفرغ للبيت
وإذا ستعصى الأمر مالها غير زوجها
وربي يسر عليها أمرها

ولكم فائق تقديري وإحترامي
دمتم بخير

السلام عليكم ورحمة الله وبركاته

انا من رأيي انها تطيع زوجها

ومو حلوه انها تساومه على الراتب

يعني هو اذا يحبها ويعزها مابيقصر عليها


الشيء الثاني..من راي قبل تقدم على اي خطوه...ممكن تاخذ استثنائي 6 شهور
وتجرب نفسها وتعيش هي وزوجها هالوضع


والله يوفقها وياكم جميع

انا اعتقد لو خبرتينا شو الي خلا زوجها يطلب منها هاذا الطلب كان ساعدناج أكثر

اذا هي لها علاقات اجتماعيه جيده وعندها اطفال بالمدارس

وزوجها بيتكفل بمصاريفها كلها مو يقولها اصرفي من الي عندج ووضعهم المادي زين وساكنين في بيت مستقل

تترك الشغل وتقعد بالذات ان كان الراتب ما يسو

اما اذاكان الراتب عالي وهي تصرف ثلثينه على الاقل في كل شهر فاضن المسئله شوي صعبه

اهم شي لو قعدت يكون الي بيعطيها اياه ما يلزمها تصرف منه شي فكذا تمام

اما بيعطيها جرء من المرتب وبيقولها انتي اصرفي على كذا وكذا هاذا ما يصير

واهم شي يكون عند كلامه مو يومين ويغير رايه

وكان الله بالعون

إذا كا نربع الراتب يكفي حاجاتها

ولن يبخل عليها بشيء فلا مانع

والله اهم شيء رضاء زوجها وانا اتوقع انه ماطلب منها هذا لشيء الا اكيد حاس بنقص

يمكن موقادره توفق بين العمل والبيت صراحه زوجها الزم حتى لو ماعطاها شيء