كثرت علاقاته إيش أسوي

مشكورين ع نصايحكم الي أقدر كل وحده فيهم خير تقدير.بس انتوا ما تعرفونه هو يعرف اني مستحيل أنزل من قيمته وأحرجه لأني من النوع الي يحافظ ع رضاء ربه في المقام الاول. وزوجي يعرف إنه سبب مهم لرضاء الله عزوجل. وانا ما أزعله حتى ع حساب نفسي صحيح أناقشه وأبين له أخطائه بس احاول أنهي الحوار ع خير.في مره هددته بأهله وإني بتركه لا وكلمت صديقاته جدامه وهديتهم وهو وعدني بأنه ما يكررها بس بأقل من أسبوع كان عنده غيرهم.
أنا أستجير بربي هو بيده الحل لكل مشكله وهو القادر ع كل صعب.

الله يعينك حبيبتي والله مشكلتك عوده الله يهديهم بس هالريايل

بسم الله الرحمن الرحيم عزيزتي جربي طريقة جديدة معاه يمكن زوجك من نوع اللي يحب يحسس حاله ان لا زال مرغوب من الجنس اللطيف فأنتي سووي هالشي له يعني استخدمي نفس الأسلوب لما يطلع من البيت طرشي له مسجات علي موبايله فيها كلام حب وغزل وتفني في اختلاق الكلمات الحلوة مثل احبك يالغالي وحشتني من هالسوالف اللي طايحين فيها في المسجات كثري من المس كولات يعني اكثري من الغزل والحب واكيد اشوي اشوي بيكتشف اشقد انتي انسانة اتحبه وتخاف عليه ويمكن الله يهديه ويحس ويصحي ضميره جربي ما بتخسري شي يمكن يجيه يوم يعرف من اللي يستاهل اهتمامه ومحبته ودعائي لج بالتوفيق والهداية لزوجك وشي ثاني لا تكلمينه عن التلفونات اللي تييه او عن اي شي من علاقاته خلي كل شي علي الله واتكلي عليه ومن يتق الله يجعل له مخرجآ ويرزقه من حيث لا يحتسب صدق الله العلي العظيم

السلام عليكم

اللة يعينك حببتي بس انتي كثر تي من اسفك لة هذا الي خلة يزيدوالغيرة الزايدة تزيد من حدتة زعلي علية وقولي لة انت غلطان بحقي بعد مايجيك لا تجينة انتي خلية اهوة الي يجيك خلي نفسك قوية وكلمية بحترام وقوة حتي يعرف انك مو هينة وانك مو ضعيفةالشخصيةوانتي مرآة بمعن الكلمة وانك ماينقصك شيء وألي تكلمها انها انسانة موزينة لك ولغيرك وانا لك وحدة أحترمني في كل وقت حتي تكون انت مرتاح في حياتك ومابيكون بيننا خصام انت الي تجيب الصداع لنفسك احفظ بيتك ونفسك اللة بيعيشك في احسن عيشة وذكرية ان اللة فوق مطلع علي كل حال واللة بيبلك في خواتك وأهلك وانا لي رب بياخذ حقي منك عاجل ولا اجل وقوي عزيمتك باللة وتجاهلية وطنشية فترة بس لا تهملي نفسك من ناحيت شكلك وكل شي شوفي الي يعجبة هو سوية وزيادة واللة بيرضي عليك انشاللة وادعي اللة يقوي إيمانك ويزيدك صبر وان اللة مع الصابرين
والتمنالك السعادة يارب وبالتوفيق انشاللة

:shy: آآآآآآآمين

بدعي لج حبيبتي وأصبري والله يرفع عنج البلاء

أنا افكر حاليا أقول لأخوه الكبير عساه ينصحه خاصه أن أخوه حاس إن زوجي عنده سر.
بس ما تعودت أفشي أسراري لأحد وأخاف زوجي يطلعني أنا الغلطانه كالعاده.
والمشكله الاكبر إن أخو زوجي يحب الوحده تتعدل دوم وما عنده حرام إذا كانت متحجبه ومتبرجه وأنا العكس تماما.الله يستر أحسن أصبر

عليج بالدعاء له ولا تيأسين من رحمة الله .. وسبحان الله تحسين ان هذا بلاء من رب العالمين .. ورب العالمين اذا احب عبدا ابتلاه وعليج بالصبر والصلاة ..

كلنا نمر بضروف اشد عن جي بس سبحان الله نتقرب من الله اكثر ونكثر في العبادات والطاعات ولازم نحمد الله لانه غيرنا لاهي في الدنيا من كثر الراحه ناسي ربه والعياذ بالله

الله يبعد عنج الضيق والهم ويهدي لج ريلج ابو عيالج ويسعدج دنيا وآخره