السلام عليكم ورحمة الله وبركاته
اخواتي الفاضلات كل واحده منكن لايخلو منزلها من كرتون البيض
وانا شفت مره في التلفزيون ايش عملوا فيه اشياء تحفه تحفه تحفه
تعالوا وشوفواايش سويت فيه :) اسمحوا لي الصور كبيره هذا الي قدرت عليه
مع انها في الطبيعه واضحه وحلوه
الادوات------اناء فيه ماي علشان تلينين ورق كرتون البيض
كرتون بيض ممكن تحصلينه الوان مختلفه وانتِ خذي اللي تبينه
اي تحفه نحاسيه ماتبغينها ومو شرط نحاس اي شي تبين تغلفينه
مطحنه علشان تطحنين ورق كرتون البيض
ممكن زجاج ملون على شكل مربعات
قلم لمّاع فضي
نشاء
الطريقه-----
ناخذ ورق كرتون البيض ونحطه في اناء فيه ماي لمدة 10 دقايق اذا حسيتي انه صار لين شيليه
وحطيه في المطحنه وطحنيه وبيصير لك ناعم مو لدرجة يصير بودره لالالالالالالالا بصير لك
مثل مقصص صغار
وبعدين نحضر اي شي تبين تغلفينه انا كان عندي مشمع نحاسي اخذت ورق كرتون البيض وحطيته
في طاسه فيها نشاء وماي شوي النشاء حطيت ملعقتين وفوقه ماي بسيط علشان نستخدمه مثل
الغراء لان عندي غراء ومانفع
المهم حصلت مساعده من اختي وغلفنا المشمع النحاسي بورق كرتون البيض
طيناه في الشمس وكانت شمس قويه ويبس طبعا انا مارحت اخذته من الشمس الا في اليوم الثاني
لاني قلت ابغي اخليه اطول وقت في الشمس
بعد ماجف حطيت عليه لمّاع لكن مو واضح في الصوره
وممكن انكم تحطون زجاج ملون او غيره وانتوا تشتغلون يعني قبل مايجف تحطون الزجاج الملون
وانتوا تغلفون المشمع النحاسي علشان ييبس معاه
وبعدين اذا جف حطيت الشموع فيه طالع تحفه لونه كأنه لون الرخام روووعه بكرتون البيض
على فكره كرتون البيض كان لون اخضر ومع النشاء صار يعطي لونين يجننن
طبعا اللي في التلفزيون تفنن فيه من اشكل سلحفاه ومشغولات حلوه لدرجة انه سواهم كانهم ابجوره وحط لمبه داخل علشان اذا شغلهم الزجاج الملون يكون كأنه نور ويطلع جناااااااان
ممكن انك تغلفين اي شي وحتى مو لازم تطحنينه سويه قطع كبيره وشوفي شلون بيطلع:)
ان شاء الله عجبكم موضوعي :)
واتمنى اتمنى اشوف تجاربكم فيها والله ماياخذ منكم شي :)
