مهملة لدرجة ماتصدقونها

شوفي حبيبتي خوذيها يوم وسوي لها نيو لوك
يعني قصي شعرها واصبغيه وحطي لها مكياج ما قد حطته واشتري لها لبس حلو يبين انوثتها
شي ضيق او عريان شوي بس يصير كله في يوم واحد
يعني ما يشوفها زوجها الا اخر شي يعني مثلا تنام عندكم في الويك اند او اذا سافر رجلها او اي شي
بس لا يدري عشان يتفاجأ
بعدين اذا شافها بتعجبه وبيمدحها وهي بتستانس وبتكررها كثير

بس فيه مشكله اخاف زوجها قنوع ومقتنع فيها كيذا نقوم نخربه عليها

ماشاءالله البنات ما قصروا
واعتقد الحين العيال بيخلصون المدراس في هالوقت يعني مالها عذر تقول العيال والعيال
الله يوفقها وويوفقج ان شاءالله

حياكم الله
والله البنات ما قصروا يعطيهم العافية
والله يعينك عليها ويساعدك يارب

شوفي اختي اناراح اقترح عليكي شي
ممكن صح وممكن غلط وهو
اتفقي انتي وزوج اختك انو تسوا مثل الكذبه عليها
انو تقولي له انه يبي يتزوج عليها ويجي يواجها لانها مهملة
وما تهتم في هو هذا السبب الي خله يتزوج عليها وانو لسه
امامها فرصة للتغير عشان ما يضيع زوجها منها ويجي هو يقول لها
هالكلام مو انتي وشوفي اذا تناسبك هالفكرة ولا لا

بعدين فكرة ثانية انتظري لما يخلصوا العيال المدارس وخديهم للبيت معكم
يعني بيت الاهل خليهم عندكم اكيد كدا راح تحس بفراغ وراح تحاول تهتم بزوجها

او ممكن توريها كل صورها لما كانت بنت وكيف كانت حلوة ومهتمة بنفسها
وذوقها راقي كثير

انتي حاولي كمان تشتري لها اشياء وتغريها وتوريها البنات الحلوين
اكيد ودها تكون حلوة ومنظمة انتي بس زني عليها ليل نهار

والله يوفقك ويسعدك ويسعدها ويعطيك العافية

أختك أميرة الإحساس

اول شي نبيهها قوليليها زوجج راح يضيع منج اذا ضليتي جذي نبدأ فيها بالاول اخذيها الى اقرب صالون خل تتنظف وتتسنع وتقص الشعر وتصبغه وتعدل بشكلها .. بعدين طلعوا من الصالون روحوا السوق اشتروا ملابس لها جديده من الملابس الداخلية وقمصان النوم وملابس البيت وملابس للخروج ثالثا .. مروا محل للمكياج والعطور وخل تتجهز كانها عروس جديده ومن ثم محل للبخور والعطور العربيه وبعدين اقرب محل للكفرات وفرش جديد للفراش ... روحي معاها البيت لما يكون زوجها بالدوام غيروا ديكور غرفة النوم وحطوا الفرشه الجديده اللي شريتوها مع الكفر وبعدين عطروا الفراش والغرفه وبخرووها وافتحي دولاب ملابس اختج وارمي كلشي قديم فيه بالقمامه وبعدين اهي تكون كاشخه توها راجعه من الصالون والمكياج والعطور السنعه ولابسه الملابس الجديده والغدا يكون جاهز وراح يرجع زوجها من جديد الى معرس جديد بس تكون كل يوم على هالحال كل يوم شي جديد .. والله يعطيج العافيه انشالله ،،

صحيح والله تصير مثل هالامور انه الوحده تهمل نفسها
بس اختي انصحج لاتقصرين معاها
والله يسعدنا ويسعدكم:)

أنا كنت أعرف وحده بنفس الصفات إلي فيها أختك وما تعدلت إلا لما زوجها بدأ يبين لها إن هذا الحال

ماينسكت عليه وبعدها حست بالخطر وبدأت تغير من نفسها خافت حست إنه ممكن يدور غيرها

وبصراحه انا اشوف إن الرجال المفروض ما يسكت على الفوضى من اول يوم يوضح لها إن بيته هو مكان راحته

ولازم يكون مريح وهادئ إسمعي كلامي الحل عند زوجها مهما سويتو بتقول زوجي راضي ومحد له دخل وعمره

ما كلمني ....وبالتوفيق

خوفيها ان زوجها بيتزوج عليها


هذا الشي الوحيد اللي ممكن يغيرها

مناير.. ترا أنا حاسه بأختك ووضعك.. حماتي عندها سته ماشاء الله والسابع في الطريق وماقد شفت عليها شي حلو.. همها عيالها وبيت يبنيه زوجها.. لا عطر صاحي ولا كحل صاحي ولا ثوب صاحي..
حتى لما ترضع ماتشتري ثوب فيه أزرار لا تشق صدر اللي عندها وتستخدمه حتى والله ماترتب الشق وتحط أزرار؟!؟!؟!؟! جننتني وزوجها دخله ممتاز جدا جدا
وش أقول غرفتها من عهد جدة جدتي وحتى جلسة للحريم مافيه تجلسهم في صالة البيت من شدة التوفير