بنات بلييييز ساعدوني.. مشكلتي هو زوجي؟؟

[CENTER]الله يعينج

بعطيج وصايا أبيك تخلينهم حلق تلبسينهم

الرجال ما يح الجدال في أمور متعود عليها مثل طلعته ويا رفجاه

خصوصاً أنكم توكم أول ولد يعني ( يليل مطووووووووولك)

لا تعاتبينه أبدا وما أقولج كتمي اللي بقلبج لا

عطيه أياه بأسووووووب دلع :shy:

( حبيبي والله لو تطلع أحس الدنيا خاليه )
وقبل لا يطلع
( بتوحشني لا تتأخر)
وإذا وصل
( :) مع أشتقت لك مووووت ليه تأخرت )


ومن ذا الحكي لأن الرجال جاههههههههههل

وقلبه يحن حتى لو قسى

لا تنبهينه بالمشكلة بشكل خاطئ

عطيه اياه بأسلووووب:up:

وتحياتي لج


(f)

مرايم السعودية

حبيبتي انا حاولت وياه بهل اسلوب بس شفت ما فاد معاه ...

اتخيلي انا فالتاسع .. وهو يعرف ان الحامل فالاشهر الاخيرة لازم تمشي .. ولا في حياته قالي تعالي نمشي شوية .. كله يقولي تبين عشى .. تبين غدا.. تبيت تاكلين .. هذا اذا كان هو يوعان بس

مع اني والله مو مقصرة معاه .. كل شي اسوي عشانه ..

لدرجه اني يوم اشوفه محتاج .. والله اسير ابيع الي عندي عشان اعطية .. بس عشان ما اشوفه مضايق ...

لكن منه مااحس في اهتمام

السلام عليكم ورحمة الله وبركاته
انا رايي من راي الاخت اللي سبقت انه لازم تتعاملي معه باسلوب مختلف بحنيه ودلال
بس السؤال انه من اول ما تزوجتي وهو هيك ولا بعد الحمل؟؟؟
لانه في رجال بيضايقها منظر المراة الحامل ما عليك الا انك تحاولي باسلوب لطيف وسلس معه وان شالله الله بيهونها

ياعمري يا حبيبتي تحملي


وإذا ما نفع معاه ذا الأسلوب خليك جافة ولا تهاوشينه وإذا سالج لا تقولين له

شي

وإذا ما ينفع صارحيه انك متضايقه وتعبانه مب منه طبعاً

قولي محتجة تشمين هواء

وإذا ما نفع

صبري بعد الولادة (علميه أصول الألتزام )


والله يعينج

تدرين أنا قاعده أدور حل لذي المشكلة ( قبل لا يطيح الفاس بالراس )

لني بعد 5 شهور زواجي يعني

أزهب الدواء قبل الوقعة

وطمنيني علييييييييج بلييييييييييز

قهر والله اتخيلوا من طلع الين الحين ما اتصل فيه مرت 4 ساعات .. وانا حالفة ما اتصل

خلية يسال بالاول ... والله عادي يجي يحط راسة وينام .. وهو ما كان هيك .. ما اعرف ليش هيك صاير مع اني والله احاول اني ما اقصر عشان ما يبتعد ....

قهر والله اتخيلوا من طلع الين الحين ما اتصل فيه مرت 4 ساعات .. وانا حالفة ما اتصل

مرايم السعودية

خلية يسال بالاول ... والله عادي يجي يحط راسة وينام .. وهو ما كان هيك .. ما اعرف ليش هيك صاير مع اني والله احاول اني ما اقصر عشان ما يبتعد ....

اختي الله يعينج
بس معروف ان الزوج او الزوجه تييهم فتره يملوا فيه من الروتين او حتى يحس بالجفاف وتعدي ان شاء الله
وبعدين يمكن هو يحاول انه يكون بعيد عنج علشان ما يتعبج او حتى يمكن لانه يتضايق لانه ما يقدر..بحكم انك بالشهر الاخير
حاولي تصارحيه او حتى قبل لا ينام جلسه جنبه وبوسيه من على الراس وقوليله ولدك يقولك تصبح على خير بابا وانا بجي انام جنبك قريب ومن ها الكلام اللي يخليه يفكر واختاري وقت الليل ولا تعاندي زوجك وتقولي ما رح اتصلله هذا مهما كان زوجك ولازم تسترديه
اتمنى اكون افدتك

:cry:

ليش هو ما يراضيني .. ليش انا ؟؟

حبيبتي اصبري علية وادعي الله كثير يمكن تكون فترة وتعدي وقولي الحمدلله انه يصير كدا ولا حاجة اكبر من كدا لو انتي تشوفي انه يستاهل انك تصبري علية وتتحملية ويحبك وانتي تحبية لا تتخلي عنة ولا تقولي بعاندة ولا شي وكلي امرك الى الله واتعاملي معاه بللي يرضي الله واكيد ربنا بيرضيكي ان شاء الله طمنينا عليك وان شاء الله يرجع زي الاول واحسن

السلام عليكم ورحمة الله وبركاته

أختي بجعة...

ما تزعلي...الأزواج يملّوا من المرأة الحامل صدقيني...

يحسّوا إنها ثقيلة و منظرها مش حلو...

و زوجك كمان خايف من المسؤولية اللي جاية عليه...علشان هيك تلاقيه بيبعد...

بكرة بس ييجي البيبي راح تلاقيه دايما في البيت يلاعب إبنه و يلعب معاه...و راح يحس بالأسرة و الإنتماء...

الله يقومك بالسلامة يا رب

:bigsmile::bigsmile::bigsmile::bigsmile:

ابشركم .. امس رجع البيت الساعة 1 بالليل .. ووانا سويت عمري راقده .. ياني وباسني على راسي .. فتحت عيوني (يااال الهول ) اتخيلوا جايبلي هدية وقالي البسي ملابسك ابا اوديج مكان .. طلعنا وداني عالبحر تمشينا وجلسنا نتكلم عن المستقبل وعن الشهر الجاي يوم بيشرف ولي العهد وكيف بيربيه ..

مرموم..... جنة^_^ ....

والله اني عارفة مكانتي وقدري عنده .. وهو عارف مكانته وقدرة عندي .. ولا انا ولا هو نقدر نبتعد عن بعض يوم كامل .. والله اتية حاله لدرجة اني سافرت ويا اهلي للبحرين ياني ثاني يوم الين اهناك .. يقولي ما اقدر لازم اشوفك احس شي ناقصني ...مع ان كنا متهاوشين قبل لا اسافر..

بس اتي فترات انا ما استحمل خاصتا الحين في الاشهر الاخيرة من الحمل .. احس اني ابا اصيح يوم اسمع منه او يتصرف بتصرفات مو حلوه من ناحيتي ..

خلاص عرفنا المشكلة الحين

انتي اللي صايرة حساسة وايد ويمكن متوترة شوي في الفترة الاخيرة للحمل وعشان جذي تفكرين انه يبي يزعلج

على العموم انشاء الله تولدين بالسلامة وتبشرينا

والله لا يفرق بينج وبين ريلج ابد انتي بس قولي امين

ويلا شو قررتي تسمين المولود عشان انا مستعجلة اناديج بأم فلان :)

ان شاء الله محمد

[CENTER]بسم الله الرحمن الرحيم
السلام عليكم ورحمة الله وبركاته
أختي الغالية
زوجكِ ليس عقبة في طريق سعادتكِ
فالسعادة هي مفتاح في يد كل شخص هو من ييجلبها ويحقهها لنفسه وهو من يحرم نفسه منها
ليست السعادة وحدها في البقاء إلى جوار زوجكِ وقضاء الأوقات السعيدة معه ولكن السعادة الحقيقية في إدراككِ لماذا وجدتِ وخلقتِ في هذه الحياة

لعلنا نتذمر دائماً ولا نتذكر أن هناك لحظات رائعة مررنا بها خلال مشوار حياتنا مع هذا الرجل

أختي الغالية

لو استخدمتي بدلاً من الكلام أسلوب العمل بحيث جهزتي نفسك وأعددت جواً رومانسياً لزوجك ثم طلبت منه قضاء اليوم معكِ فهل تضنين أنه سيرفض ذلك

وجربي مرة في أن ترتدي ما يشرح بال الرجل ثم تعطري وضعي مكياج بسيط وقولي لزوجكِ بأنك تدعينه لدعوة على العشاء فهل تتوقعين أن يرفض

وأولاً وأخيراً ............أختي الغالية

عنما تضيق بكِ الحياة تذكري أنها دار زوال فاقضي وقتكِ في حفظ جزء من كتاب الله أو الصلاة والدعاء وسرعان ما ينكشف كل غمامة وتنفرج أساريرك
دعواتي الصادقة لكِ بسعادة الدارين الدنيا والآخرة

أختكِ
المرتحله

ما شاء الله و الله يا خوات نصايحكم رائعة أنتو مو خوات انتو امهات

يا الله يا ام محمد ديري بالج على نفسج ولا تنسين تطمنينا عليج

موفقة يارب

العناد و الجدل ما ينفع ابداااااااااااا مع الرجل استخدمي الاسلوب الحلو و الرقيق معه دايما و بدلع مثل ما وصت اختنا.. ان شاء الله يطلعج و يعطيج وقت و لا تنسين لازم الريال بعد ياخذ وقته و حريته فيه حريم وايد يتعلقون ويى رياييلهم المهم عطيه وقته و الله يهديه

نسيت اقول شي صدقيني الريال يتغير اذا الحرمه غيرت اسلوبها تراهم يقولون الريال انتي تخبزينه- ما نقلل من شانهم بس الاسلوب الزين معاهم يسوي العجب!!!!!!!!!!!!1

توكم تو الناس ... انتم بالالف والباء ... ويبيله وقت الرجال على مايتعلم ويتأقلم مع الحياة الجديده بس انشالله راح تلاحظين الفرق لما يصير عندكم بيبي صغير ... ويبدأ هذا البيبي يناغي ويلعب راح ياخذ قلب الاب ويحس اشوي بالمسؤوليه وانه الحين متزوج وعنده زوجه وبيت وصار بعد عنده اطفال .. الله يهديه ولا تحنين عليه مايحب الحنه ... ويمكن مايبي يتعبج مع الحمل الطلعة شوي صعبه عليج ...