سؤال بخصوص خلطه الزيت مع الحلبه

[font=Tahoma][size=9]سمعوني يا عرايس

آنه إستخدمت زيت جوز الهند مع الحلبة، أخذت الحلبة طازجة ودقيتها مو لازم ناعم وحطيتها في علبة مع الزيت وسكرتها بإحكام وخليتها في الشمس لمدة إسبوعين لاحظت إن لون الزيت صار أخضر يعني أكتسب فوائد الحلبة وبعدين قمت وصفيتها بالمصفاة وحطيتها في علبه نظيفه وتقدرون تستخدمونها مرة في الأسبوع تخلينها طول الليل وتغسلين شعرج بالشامبو الريحة مأساه للي ما إتغطي شعرها فلازم تغطينه آنه أستخدم القبعة البلاستيكيه وأنام والصبح أغسل شعري

والنتيجة مضمونه صدقوني شعري ما يتساقط إلا ثلاث أربع شعرات في اليوم بعد ما كان يتساقط بالمئات حتى ملمس الشعر تغير

أما بالنسبة لزيت الزيتون فلا تفكرون تستخدمونه في الشعر لأنه يقصف الشعر وريحته تكرهج في الفتوش والحمص

وزيت الخروع مب زين لأنه ثقيل على الشعر لما تستخدمينه تحسين كأنج حاطه طبقه عازله


ماذا تفعل الحلبه

حبيباتي الحلبة مادة ماصه للدم شلون يعني بصيلات الشعر تحتاج للدم عشان تتغذى فالحلبه تساعد البصيلات على إمتصاص الدم وبالتالي يساعد على وقف التساقط لأن الشعر يقوى ويرجع ينبت من جديد وبسرعة ويطول بعد أهم شي.

وعلى فكره كل الكلام اللي كتبته عن تجربه شخصية وسلامتكم[/font][/size]

اختي قطاف
يعني زيت الخروع ما يناسب الشعر؟؟؟ انا فكرت استخدمه لان كثير من البنات قالوا ان الخروع ينبت الشعر عشان كذا يستخدموه حتى ف الرموش!!
بنات انصحوني استمر مع الخروع ولا ايش؟ :cry:

أختي infs
معنى كلامج إنج تستخدمين زيت الخروع الحين، هل تحسين في تغيير في شعرج
يعني هل تغير ملمسه أو قل التساقط

على العموم أستخدمي أي زيت يناسب شعرج بحيث ما يخليه يتساقط ولا أحد يقول لج إن الشعر الضعيف يتساقط من أول أسبوع لأن هذي خطأ إذا تساقط شعرج بعد ثالث إستخدام تركيه على طول ترى ما فيه فايده

وسمعي لا تستخدمين الزيوت المخلوطه يعني زيت الثوم + بصل + جرجير + بعوض وما أدري شنو
إستخدمي كل نوع لوحده لين تعرفين اللي يناسبج

وفي حركة حلوة أول أسبوعين غرقي شعرج زيت خلي يبين كأنج طالعة من الحمام والصبح غسليه بالشامبو وحطي شوية زيت ومشطيه. على فكرة هذي الطريقة شفتها بالمنتدى من أحدى العضوات ونجحت معاي

وهذي الخروع إستخدمته على رموشي ولا تغيير ولا بطيخ كثافة الرموش ما تتغير

عزيزتي قطاف..
مشكووووووووره عالنصيحه و المرور وبالفعل اقتنعت كثير ب اللي كتبتيه..
انا استخدمت الخلطه مره وحده بس و بشوف النتيجه بعد ثالث استخدام اذا استمر التساقط بغير الزيت ل جوز الهند..
تعرفي انا حتى بديت استخدم الخروع على رموشي لانهم كانوا غلاظ بس صاروا الحين ضعاف و لاحظت ان رموشي تساقطوا!!! قلت ف نفسي يمكن رموش جديده تريد تطلع او ان الرموش لسه بعدها ما متعوده ع الزيت!!
ترا والله بالفعل تعبت من شعري ومفكره بعد استخدم حبوب فيتامينات قرأت وحده ف المنتدى كاتبه عنها اسمها Viviscal بس اريد اسأل الطبيب عنها فبل لا استخدمها لاني اخاف انها تزيد شعر الجسم بعد

الخلطه جيده مره مره مره بس للاسف انا ما استمريت عليها
وراح ارجع لها ان شاءالله ... بس بعطيج نصيحه وهالنصيحه من امي
ترا هالخلطه مرررررره تجنن وتطول وتكثف الشعر
بس اذا تركتيهاااااااا ... شعرج يطييييييييح ويرجع مثل ماهو
فحاولي قد ماتقدرين ماتتركينها

مشكوره عزيزتي ام غزلان ع النصيحه وان شاء الله استمر عليها

مشكورة أختي infs على التوضيح ..وحسب علمي أن الخروع مفيد جدا للشعر ..لكن كل شعر حسب نوعيته ...
راح اجربها إن شاء الله مع زيت حبة السوداء أو زيت السمسم سمعت الدكتور جابر القحطاني يقول أنها أنسب
زيوت للشعر وأكثرهم فايدة ..

والله المستعااان

حبيبتي infs

لا تفكرين في حبوب الفيتامينات آنه أستخدمتها وما فادتني بس النوع اللي أستخدمته غير يجي في علبه زرقه ويقولون لج يطول الشعر ويغلظه ويقوي الأظافر ويصفي البشرة وآنه من الخرعه رحت وشريته واستمريت عليه شهرين ولا فاد ولا زاد

وأفضل لج لو تستخدمين خلطات خارجية بدل الداخل تركي الدعايات عنج تراهم يجذبون علينا عشان يمشون بضايعهم

الصراحة عورتي قلبي على رموشج، زيت الخروع سأليني عنه هذي إستخدميه حق تدهن الجسم والمساج بس

ان شاء الله اختي قطاف ومشكوره ع التوضيح والنصايح.. الله يوفقك عزيزتي

انا جربت الحلبة والخروع مره ممتازة