طحت في الحمام (عزكم الله)

السلام عليكم خواتي ...

السالفة تقريباً عادية بس ...
بخبركم شو صار ..

من اسبوع تقريباً لما كنت في الجامعة دشيت الحمام (عزكم الله) عشان بتوضى وبصلي الظهر .. وكانوا الله يسامحهم مغرقين الحمام ماي وانا ما انتبهت ..

ولما دشيت وكانت ايدي بعدها على الباب .. انزلقت لكن كان يدار الحمام الثاني ساند ظهري لأن الحمامات شوي صغيرة وها الي نفعني ..

ايد وحدة على الباب والثانية على اليدار لكن ريلي اتبطلت كااااامل يعني اتفدعن ريولي ... :down: والله حسيت قلبي طاااااااح لو ما اليدار ساندني كان انا طحت على ظهري ...

والحمدلله الله ستر بس من عقبها حسيت اني ما اروم امشي وقلت يمكن من الخوف .. ولين ما رديت البيت وانا حاسة بتعب بين ريولي لانهن اتبطلن بهالصورة ... وخف الألم بعدها بيومين تقريباً

واليوم :down: او بالأحرى من 3 ايام وانا احس بالألم رجع لي .. وبالذات وانا راقدة احس انه ريولي من فوق خلاااااص منتهيه يعني احس انه العظام عندي متهتكة وضعيفة.. :sad:

وبعدني اقول من اثر الطيحة ... لكن في نفس الوقت خفت ليش الالم رد عقب كل هذه المدة؟؟

البيبي الحمدلله ما فيه شي بس انا مرهقة واايد من الطيحة حتى اني وايد اتعب في المشي او الجلوس ما اعرف شو اسوي .. وانا في بداية الثامن ...

شو الراي ؟؟ :sad: