قصتي معى حبيبتي وصديقي العزيز (( حقيقيه ))

مشكورين ولله على وقفتكم معاي ووقفتكم معاي ولله اهي إلي تعطيني الدافع على اني اواصل في دنيتي التعيسه الكأيبه

تحياتي للجميع
بحريني وسيم

السلام عليكم ورحمة الله

افا اخوي ليش دنيتك تعيسه وكئيبه

شرايك تردد بينك وبين نفسك عفا الله عما سلف والله يهدي محمد ويهدي البنت بعد ردد يالله قربهم من حلالك وباعد بينهم وبين الحرام


الحين احسبها بالرياضيات

شي بديته غلط +بعدي عن الله + رضيت حق بنت اللي ما ارضاه حق اختي (تتكلم مع غير محرم)+ما كنت اشوف في الدنيا غير وناسة الحب والمشاعر الرومانسية (نسيت ولهيت عن رضا الله والوالدين وهم احق بوقتك)+سينما وما ادراك مالسينما+انا شاب ومعظم الشباب حياتهم ماشيه هالشكل = يساوي شو
ادري اطول مساله حسابيه

الحين يساوي = الله سبحانه انهى الغلط بطريقه تخليك تعتبر منه ويذكرك بقدرته

ترى اخوي مب كل الناس يصير معهم مثل اللي صار معك يعني السالفه انتهت وانت بعدك حي ومعافى (الله يطول بعمرك ان شالله)

تخيل معاي وانت صارح نفسك قبل كل شي انا غلطان انا غلطان انا غلطان

تخيل اللي على غلط وجاه اجله ومات على غلط وحرام كيف بيواجه ربه




انا اشوف ان الله يحبك وما يرضى اتم على الغلط لهذا صار اللي صار معاك



الحين صفي قلبك ادري بتقول صعب وسنين الموضوع معاي ما بينتهي بسهوله من قلبي

لا ما بينتهي بس بيكون جدامك في كل امر تبي تسويه بتقعد تشاور عمرك هذا غلط هذا حرام ولا لا اذا صح بيوفقك الله ان شالله فيه

او بيبدله بخير عنه
واذا غلط وحرام انت الحين تعرف شو بتكون نهايته

يالله قول معانا لا كآبه ولا ضيق خاطر الله يهدي محمد واللله يهدي البنت


ســــــــــــــــــــــــــــــــــــــــــــــــــــامــــــــــــــــــــحـــــــــــت نفسي وســـــــــــــــــــــــــامـــــــــــــحتـــــــــــهم

مب شرط ترجع ويا رفيجك مثل اول بس جرب اذ شفته تسلم وتساله عن اخباره حتى لو وانت ماشي

السلام عليكم كيف الحال بتخجله منك وبتريحك

يالله عاد لا تستوي بخيل بعدين بتستوي دب ولا وسيم ولا شي

ترى احنا خواتك ما نرضى على حد من اخوانا يصير له اللي صار لك

وسلم على الوالده واطلب ريوق معتبر و قول اللهم لك الحمد والشكر على كل نعمك

وانطلق


شي اخير لا يغرك سوالف الحب والاغاني والشعر والافلام اللي تزيد المواجع طنشها وما معاه حق اللي قال مالحب الا للحبيب الاول كل المؤشرات ادل ان الحب للحبيب الاخير :bigsmile: والحب ما ينتهي لا بالاول ولا بالاخير الحب في الله ماله شخص ولا شخصين ولا عشره

الله يوفقك يا رب

لا تنسى تسامح نفسك وغيرك
تحياتي اختك في الله

أفا عليك يا اخويه

مافي داعي للكدر والضيق... العوض على الله .. هذي تراها الحياه!!!

على قولة الشاعر:

اللي يبينا عيت النفس تبغيه..... واللي نبيه عيا البخت لا يجيبه



استانس في حياتك مادام اقرب الناس لك خانوك وماقدروك.. ولا هم بهمه .. طب السالفه وانسى ولا تتعب نفسك وهم مستانسين ولا تعور راسك..

ترى نصيبك وقسمتك وأحلى أيامك موجودة ولا زم تعيش حياتك ... لأن الإنسان يعيش مرة .. وأي فرصة حلوة تجيك في هالدنيا لا تحرم نفسك منها............ اضحك للدنيا تضحك لك يا خويه... ودامك بين اهلك وتاكل وتشرب وترقد وتسير وترد ف على الدنيا السلام...

عيش لحظاتك.... لاتفكر في الماضي .. ولا تحاتي المستقبل..

وحاول تتذكر كل شي حلو .... واي يضايق بك الغيه من مخك.. حرام اللي تسويه في نفسك مايسوى عليك.. صح موقفك يحز في الخاطر ( لكن اللي مايباك لا تصيح تباه)..........

والسموحه

الله المستعان :( اليوم او بكره راح انسى صحيح انا للحين متأثر بالي صار بس الحمد لله انا احس روحي اهون من قبل بواااااااااااااااااااايد بس الشي إلي صار للحين مثر فيني للحين ثقتي بنفسي وبالناس جداً جداً ظعيفه اخاف اوثق في احد ويغدر......

ومشكورين على وقفتكم مع ولله وربي مستحيل انساها مهما حيت

تحياتي
بحريني وسيم

أخوي ما أدري ايش أقول بس صراحة قلبي تقطع ..
على العموم الله راح يعوضك ببنت الحلال اللي تقدر حبك ..
وانسى اللي صار ...

اخوي ابقولك عدة نقاط وتحملني واعتبرني اختك

اولا بداية معرفتكم غلط والي صار صار

ثانيا انت داخل في صديقك بعلاقه قويه وانا ماالومك عليها بس تظل فيه اشياء بين الشخصين حبيب وحبيبه زوج وزوجته ماتنقال لاقرب قريب

ثالثاانت بيدك الي سمحت ان هذا الشئ يصير
لانك رضيت انها تكلمه

رابعا اعرف وثق انها خيره عشان يبين معدنها يعني افترض لو تزوجتها وصارت ام عيالك وجاء اي احد بالساهل وقالها زوجها متزوج عليك بتطلب الطلاق

وخامسا
الجى لربك واعرف ان هذا طريق الخطا وابحث عن الحب الحقيقي بالحلال

والله يسهل امرك

اخوي بحريني وسيم ..

الصراحه و انا كنت اقرا قصتك قمت اصيح لانك عورت قلبي

بس ما شاء الله عليك اسلوبك حلو و شيق في الكتابه

الصراحه صديقك اتدخل جدا بحياتك و انت السبب .................................:think::think:

الله يكون في عونك.......

ولكن راح تنسي في البداية صحيح صعبة لكن بيدك تنسى لا تخلى في بالك خمس سنين كذا راح تجلس طول عمرك فيك هم وبس متضايق بس انته عيش حياتك وبس لازم تاخذ درس ما توثق في احد انته على نياتك طيب.. كون طيب ولكن بحدود وحذر ولك تحكر نفسك في دائرة المشكلة وكيف صديقك خانك هي صح صعبة لكن هذه الحياة ما كل شة فيها حلو وسهل وانت لازم تفكر في حياتك تكون احسن وأحلى وكلها أمل وعيش حياتك وبحذر



بتووووووفيق بإذن الله

الله المستعاااااااان
البداية غلط وكل شي غلط مصيره الفشل
الله يعوضك بالحلال ان شا الله

السلام عليكم ورحمه لله و بركاته

اخويه ...

قصه بالفعل محزنه و صدج انى بكيت و لله

اصلا هذا الزمن مافيه حب و لله يعوضك بغير

عسى ان تحبوا شى وهو شرا لكم و عسى ان تكرهوا شى و هو خيرا لكم

الله يكون في عونك ويسهل امورك

لكن لا تقول انا تعيس وانا محبط ترى راسك راح ينشحن بهذي الافكار وبعدين راح تشوف كل شي قدامك ماله طعم
وبعد عن الاغاني والافلام البايخة وخصوا اغاني الهجر والخيانة لانها راح تقلب مواجعك على قلة الفائدة وراح تزيد همك لانها اولا تتكلم عن حب وخرابيط وثانيا لانها حرام

ولا تقول احس ما فيه ثقة وما فيه ناس عدلة اثق فيها ....ترى اللي يرافق شباب غلط لازم تكون النتيجة غلط وفاشلة
يعني مو معقولة ترافق صبي خلوق وملتزم وفي الاخر راح يطلع خائن!!!!!!

صديقك خائن لانك ما عرفت اخلاقه عدل وهذا لان من يوم انت صغير معاه وما كبرت الا وانت معاه علشان جذي تشوف طباعه عادية ويوم تعرفت عليه كنت صغير ما تعرف وش تعني الصداقة او الاخلاق او الوفاء
ونفس الشي حبيبتك السابقة اخترتها غلط ولا عرفت وش يعني الحب الحقيقي او الحبيبة الحقيقة علشان جذي هي خانتك لانها مو خلوقة والبنت اللي سمحت نفسها تكلمك راح تسمح لنفسها تكلم عشرة غيرك

يعني الاثنين النتائج والافعال كانت متوقعة منهم

فالحين اذا بغيت تختار صديق لك اعرف طباعه وشخصيته عدل ولا تقول ما فيه ثقة عند احد لانها قاعدة خاطئة

فمثلا لو انت تربي اسد ويوم من الايام هجم عليك هل تستغرب اكيد لاا اااااااااااااا لان هذا شي متوقع منه ومن طباعه فمو معقولة تقول وثقت فيه وخان الثقة لان في الاساس الاسد لا يؤتمن ومو معقولة تقول ما فيه حيوان اليف!!!! صح لان فيه الاليف وفيه المفترس لكن عليك تعرف تختار صح ................نفس الشي للاصدقاء عليك تختار صح

والحمد لله يوم الله فكك منها تراك محظوظ

وخل عندك قاعدة البنيان اللي اساسه خطأ لازم في يوم ينهدم

والله يسهل عليك واشغل وقتك بالدراسة والعمل الصالح والتوبة وابعد عن هذا الطريق ولا تقول يا ما ناس تزوجوا عن حب تراها يا تصيب او تخيب وفي الاغلب تخيب
وعن تجربة اعرف ثنتين في العيلة تزوجوا عن حب والحين كان مراة ورجل يكرهون بعض وتزوجوا ولا كأن كان في حب وغرام
وحتى لو تزوجوا مو شرط الزواج يدوم لان ايام الحب ما فيه مسؤوليات على الاثنين فما ينكشف الغطاءو القناع عنهم وخصوصا ان الحبيب يشوف حبيبته في نظره ملاك وما تظهر له العيوب الحقيقية له لانه نظرته الحلوة لها مليانة عينه ومشكلة غمامة عليها فما يقدر يشوف عيوبها الاخلاقية وحتى لو شافها يقعد يبرر لها بعدة اسباب ونفس الشي للبنت تنظر نفس النظرة للولد اللي يحبها وما ينكشف الستار الا بعد الزواج لما يكون على كل واحد تحمل المسؤولية فترى الزوجة ان حبيبها السابق لا يستطيع غير الحب والهوى ولا يستطيع تحمل المسؤولية ونفس الحالة للزوج يرى زوجته الا وهي حبيبته السابقة لا يمكنها الا التفوه بالحب والخرابيط ولا تستطيع تحمل المسؤولية وحينها لا مجال للحب دون ترجمته للواقع