تحذير من نظام د/ حسين دشتي و د / اتكنز

السلام عليكم

هلا والله اختي chocolate_cake

بصراحه انا ضد الريجيم الكميائي بكل انواعه وطرقه لان مجرد تخلصين الريجيم وتاكلين وجبه عاديه يرد وزنج نفس ماكان هذا اذا مو زياده
شي ثاني الريجيم الكميائي حتى لو كان تحت اشراف الدكتور خطر لان الجسم يعتمد خلال فتره الريجيم على اكل معين ولانقدر نغير هالوجبات بس نقدر نحذقهم والاهم يعتمد على التفاعلات الكميائيه بالجسم بمعنى كل وجبه تحرق الوجبه اللي قبلها يعني الجسم مو قاعد يستفيد من الاكل ولا الفيتامينات.
شي ثالث الاجسام تختلف يعني اللي ينفع معاها الريجيم مو شرط ينفع غيرها وهذا صار لبنات اعرفهم وحده نزلت تقريبا 20 كيلو والثانيه 4كيلو مع انهم بادين بنفس الوقت وياكلون نفس الاكل
اما عن رابع نقطه الريجيم الكميائي اثبتت الدراسات على خطورته على الكلى وانه يسبب الفشل الكلوي .

والله كلامج عدل وكله صح شالفايده نسوي الريجيم ونخسر حياتنا وصحتنا بعدين؟؟؟؟؟

مافي احسن من الريجيم الصحي واللي يكون تحت اشراف دكتور ولا اخصائي والتخفيف مع الرياضه صج ياخذ وقت بس لو صار واكلنا بعد هالريجيم ماراح يضيع تعبنا ولا بيزيد وزنا مثل باقي الانظمه..

تسلمين حبوبه على المرور

تحياتي لج

نوارة قطر

اختي نوارة قطر الف حمد الله على سلامتج والحمدالله انج وقفتيه صدقيني اختي في هدنيا ماراح ينفعنا لا اهل ولا فلوس ولا جمال ولاشي غير صحتنا اذا طحنا محد بينفعنا

واذا ممكن تذكرين كل الاعراض اللي حصلتلج في المرة الاولي والثانيه حرفيااا عشان الاخوات اللي اتبعوا الرجيم ولاحظوا نفس اعراضك يوقفون على طول؟؟؟

وبغيت اسئلج بعد ما لاحظتي الاعراض رحتي شيكتي على روحج وخصوصا ان دورة جاتك مرتين ؟

وانتي قلتي ان هلج كانوا يتبعونه معاج هل حصل لهم نفس اعراضك غير صديقتك

السلام عليكم ورحمة الله وبركاته

هلااا أختــي نوارة قطر ..

وهلاااا بالبنااات ..

أنــا سوويته هالريجيم صرااحه فظييييع ..
وماصارت لي الاعراض الحمدالله اللي تتكلمين عنها

انا سويته شهرين ونزلت شي فظييييييع يهبل صار جسمي ويوم شافووه الناس تشجعوا وسووه معي حتى صديقاتي ..


بــــــــــــــس ....





















الناااااااس اللي بدوا فيه ماناسبهم ابداً..
وتعبوا منه ..

صديقتي جاتها دوخه من ثاني يوم ولا استحملته ..
والنااس الثانيه اللي سوته بعد ماستحملوا يكملون..

انا بقولك وجهة نظري ...::::

(( ان كل وحده او واحد له جسمه الخاص وكل واحد يختلف من شخص لشخص وبعض الناس عندهم امراض اذا سوو الريجيم تصير عندهم مضاعفات ومايصلح لهم بسبب انه عندهم بعض الامراض)) ..

وفيه ناس اذا سووه يناسبهم مثلي انا الحمدالله على كل شي ..

بنات هذا الرجيم لايناسب حق اللي عندهم امراض الكلي والقولون والحرقه وارتفاع ظغط الدوم والسكر سويت امس بحث ولقيته يعني اللي اسمله عليها مريضه لاتسويه لانه بعد فترة بيزيد اعراض التعب والاجهاد عليها

هلااا عزيزتــي .. عروس الدوحه ..

وهذا اللي اقصده بالضبط يعني اللي عندها هالامراض او مرض ثاني لا تفكر تسويــــــه ..

والله يشفيكم من الامراض .. وإن شاءالله تضعفون من غير شر ..

السلام عليكم


الغاليه عروس الدوحة

اول شي اسمحيلي على تاخيري بالرد ....

الله يسلمج الشيخه ويعافيج .... اما عن سؤالج عن الاعراض اللي حسيت فيها بالمره الاولى والثانيه

المره الاولى ماحسيت بشي ابد اللهم باول 3 ايام كنت احس بصداع ومن اشرب النسكافيه بدون الكافيين خلاص يروح على طول وكنت احس بنفسي مرهقه وهذي من نزول الوزن على كلام الدكتور لى لما راسلته .
المره الثانيه مثل ماقلت لكم البدايه الصداع زاد عن قبل وبعد احس بنفسي تعبانه ومرهقه اكثر من قبل ولا لي خلق للشغل كلش وودي كل يوم اخذ اجازه وحسيت بنفسي زادت عصبيتي ( بس هذا مو مقياس لاني انا فعلا اذا توترت اعصب بسرعه خصوصا بالشغل ) شي ثاني الدوره نزلت مرتين على وسببت لى فقر دم وتساقط شعري

انا من كم يوم رحت للعياده وسويت تحليل دم لوظايف الكبد والكلى والكلسترول والهمجلوبين والغدد ( نوعا ما تحليل شامل ) بصراحه خفت من ردود بعض البنات لى ولما اكدوا لازم اسوي هذي التحاليل وللحين ماطلعت النتايج بس شي واحد عرفت عنه وهو الهمجلوبين وكان عندي نقص شديد وعطاني الدكتور شي يزيد نسبته.وقالى سبب فقر الدم الدوره :(

اما بخصوص اهلى الحمدلله كلهم بخير ولا احد صار له هالشي غيري انا وصديقتي ... يمكن لانهم ماكملوا بالمره الاولى ولا استمروا على النظام كثري بس لاحظوا تغير بنسبه السكر والضغط (ماكانوا يحتاجون ياخذون العلاج والانسولين يعني خففوا من الجرعات )

تسلمين حبوبه على المرور



تحياتي لج وللجميع
نوارة قطر

السلام عليكم

اختي %Ju$T Me%

هلا فيج اكثر حبوبه

ماشالله عليج بس حاولى تحافظين على وزنج لايزيد :)

فعلا انا باول مره كنت مثلج تقريبا خصوصا اني استمريت على النظام شهرين ونص اذا مو اكثر والكل لاحظ على الضعف وملابسي وسعت على ( الله كان شعور حلو ) والكل لاحظ على هالضعف ...

بس مثل ماقلت لكم وقفت عنه بليله العيد واهني قمت اكل عادي وبعد فتره قررت ارد للنظام مره ثانيه بس للاسف ماقدرت اكمل :(

فعلا اختي اهم شي بالنظام التحاليل حتى الدكتور ذكر هالشي بالنظام لازم نحلل لوظايف الكبد والكلى والكلسترول وحتى السكر والضغط واللي يشتكي من الكبد والكلى والحامل والمرضع لازم مايفكرون يمشون على هالنظام لانه خطر عليهم ..

انا مستغربه ليش اول مره نفع معاي والمره الثانيه لا؟؟؟ خصوصا ان تحاليلي زينه والحمدلله

بنت خالتي لما مشت على النظام نزل وزنها تقريبا 15 كيلو وجسمها رد مثل قبل لما كانت بنت ( زاد وزنها مع الحمل والولاده ) وكانت تكثر من السلطه ( تقريبا بكل وجبه صحن كبير )
اما اختها ماقدرت تستحمل تمشي على النظام كم يوم وهذي يدل ان مو كل جسم ينطبق عليه نفس نظام...


انا معاج بان التحاليل مطلوبه قبل لانبدي باي نظام مو هذي بس واللي فيه مرض ولا شي لازم ينتبه لنفسه ولا يمشي على اي نظام لان هالشي راح يأثر عليه وعلى صحته...

تسلمين حبوبه على المشاركه واسمحيلي على التاخير


تحياتي لج وللجميع



نوارة قطر

مشكورة اختي على التحذير

انا سويته شهر يناير ونزلت تقريباً 4 كيلو خلال اربع اسابيع وطبعاً كان النزول بطيء حيل وقفته والحين رجعت سويته بشهر ابريل وانا الحين بالاسبوع الثاني

والله من قريت كلامكم خفت منه ..

بنات شنو الفيتامينات للشعر وتمنع تساقطه

السلام عليكم

الغاليه دموع الكويت

المشكله ان تأثير النظام يطلع بعد فتره من نسويه ...

مادري شاقولج بس انتبهي لنفسج ولاتنسين تاخذين الفيتامينات عشان تعوضين جسمج...الله يوفقج



تحياتي لج

نوارة قطر

السلام عليكم


اختي جفله

الفيتامينات كثيره ومتنوعه واحسن شي انج تروحين للطبيب واهو يكتب لج الوصفه على حسب النقص اللي عندج..لان اللي ينفع معاي مو شرط ينفع لغيري.

انا قبل كنت اخذ اي فيتامينات من الصيدليه ولاكنت استفيد وبالاخير رحت سويت تحليل دم ( الهمجلوبين) وكان اهو السبب في تساقط شعري لان طلع معاي فقر دم وحاليا اخذ حبوب الحديد ووقفت كل انواع الفيتامينات.



تحياتي لج

نوارة قطر

يابنات ترى وحده معانا بالدوام زوجها كان مسوي تحالييل وقاله الدكتور انت مافيك شي وسوى ريجيم دشتي وعقب فتره حس


بتعب وراح وقال له الدكتور سو تحاليل واكتشف انه الكوليسترول وايد مرتفع

انا مسويه ولحد الحين ضعفانه 11 كيلو ماجاني منه اي ضرراو اي تعب بسيط بعكس اختي الي تعبت من اول اسبوع يمكن هو يختلف حسب صحه الجسم

السلام عليكم

يمكن شوي ردي متاخر لكن حبيت اقولج مشكوورة على التحذير

و بصراحة او ما سمعت في هالريجيم ما دخل في بالي و عقب جم اسبوع سوو بالمدرسة محاضرة عن التغذية و قالو عن نظام اتكنز

و بينو شلوون انه يسبب التصلب بالشرايين

و ان اتكنز نفسه مات < بشي له علاقه باقلب و الشراين مو ذاكره بالظبط شلون مات >

و عقبها بعد قريت بالنت عنه و قريت عن مرض الكوليسترول

فانا قلت ادور على ريجيم سهل و كل شي فيه و مو مضر

لا حول ولاقوة الا بالله

يمكن موضوعج مكتوب من زمان اختي بس توني اقراه

انا نصحت البنات انهم يسووونه وانا سويته بعد بس الله العالم اني ما كنت ادري عن اي شي من مضاره

الله يحفظنا جميعا انشالله


والسموحه يابنات .. سامحوني احس ضميري مأنبني ..

بس ترى ما كان قصدي

مين عندها ايميل الدكتور أو الموقع تفيدني ...........
وماقصرتو

الله يشافيج اختي..

والصراحه انا بعد خالتي مشت عليه و ووصلت للمراحل الاخيره منه..
بس تعبت حييل..و الحديد قل عندها..

السلام عليكم

اولا شكر لج اختي على تنبيهك لنا ومتابعتك للموضوع والردود
وكذلك رحابة صدرج

امس شفت برنامج في قناة سما دبي كانوا يتكلمون عن هذا الرجيم
وذكر المعلق ان هذا الرجيم يخفض الوزن لكن الغريب فيه ان في امكان اللي يتبع هذا الرجيم ان ياكل كل شي حتى لو فيه دهون ما عدا الكيربوهيدرات والحلويات الخ... ومع ذلك ينقص متبع هذا الرجيم من وزنه
واكتشفوا ان سبب هذا النقص ان احراق الدهون او البروتينات يكون اسرع من احراق الكربوهيدرات بالاضافة ان البروتينات تجعل الشخص في حالة اشباع لمدة طويلة علشان جذي هو ياكل اقل من المعتاد

وعملوا اختبارات لمعرفة اذا كان هذا الرجيم يسبب امراض القلب بسبب الاكثار من تناول البروتينات المتوافرة في اللحوم والدجاج والذي يحتوي على الكثير من الدهون فاكتشفوا انه ما يسبب امراض القلب

لكن من المعروف ان الجسم يحتاج لجميع العناصر المتوافرة في الهرم الغذائي فلذلك حتى لو نقص متبع هذا الرجيم من وزنه فانه راح يعاني من امراض اخرى كامراض الكلى وغيرها والبواسير وذلك لان هذا الرجيم يستبعد الكيربوهيدرات اللي هي احدى عناصر الهرم الغذائي وبذلك الجسم ما راح يحصل على هذا العنصر فيتسبب له بالكثير من الامراض الناتجة عن نقص هذا العنصر

فافضل انواع الرجيم هو الرجيم اللي يحتوي على تناول جميع العناصر التي يتكون منها الهرم الغذائي لكن بالحصص المعينة لكل عنصر اي تناول العناصر بالكميات التي يحتاجها الجسم فقط والابتعاد عن الدهون قدر الامكان و التقليل من الحلويات

وانا جربت رجيم كيميائي استفدت منه لكن كان يحتوي على العديد من الاخطاء وجعل وجهي شاحب الخ....

فافضل انواع الرجيم هو الرجيم اللي اتبعته وكان من تنظيم مشرفتنا عذبة الاحساس فهو رجيم صحي 100% ونتائجه حلوة ويحتوي على جميع عناصر اللي يحتاجها الجسم .........والحمد لله استفدت منه كثير وانا ما زلت امشي عليه والنتائج حلوة
وانا من اتبعته الدورة الشهرية انتظمت تقريبا وراح عني الامساك


في امان الله

فافضل انواع الرجيم هو الرجيم اللي اتبعته وكان من تنظيم مشرفتنا عذبة الاحساس فهو رجيم صحي 100% ونتائجه حلوة ويحتوي على جميع عناصر اللي يحتاجها الجسم .........والحمد لله استفدت منه كثير وانا ما زلت امشي عليه والنتائج حلوة

اللي تعرف الرجيم هذا تحطه لي .....

ومشكورين