التصوير الملون.. او ربعاي الأبعاد.. والله ما اعرف شو اسمه

انا اضم صوتي للاخوات واقول وين يسووووووووووووونه في بوظبي

اختي دهن عود معتق ... انا سألت وطلع اغلب شي في المستشفيات الخاصة .. يعني انا سألت وحصلته في دار الشفا ومستشفى النور ...

واذا سألتي عن باجي المستشفيات الخاصة اتوقع بتحصلين ..

[CENTER]السلام عليكم ورحمة الله وبركاته... والله عيبني الموضوع وايد وحبيت أعرف بكم يسوونه؟

ممكن حد يجاوبني؟؟؟؟؟؟


تحياتي


umm 7azaa

شوفي اختي .. اذا انتي من بوظبي ...

في مستشفى النور قالوا لي ب 250

ودار الشفاء قالوا ب 300 وبعد على حسب الدكتورة يعني ...

انا اتوقع انه في اي مكان ما بين 200 الى 300 والله يعلم لو كان ارخص في مكان ثاني او اكثر ...

:smile:

احنا بعد اسعارنا مثلكم
احنا يسوونه بعشرين او واحد وعشرين دينار.

بنات شكله هالتصوير يخرع لأنه اتشوفين البيبي واضح يعني بالدم وغيره والله اشلون طمنوني لاني يمكن اسويه علشان اعرف جنس الجنين.

[QUOTE=3yoOon_AD
]
السلام عليكم ورحمة الله وبركاته

والله يالغاليه هي موجوده في عمارة الهايبر ماركت بس ما عرف اسم الشارع في المركز الطبي اتصلي الاستعلامات وطلبي المركز وكلمي النيرس ألي هناك بدليج عدل..لاني ما دل بصراحه

اسفه على التاخير

حبيبتي selen..
وين سويتي التصوير الرباعي بجده لأني بموت واسويه أبغى اشوف ملامح البيبي..

تدرون شي ؟؟ :sad: انا سويته اليوم ...

والله كنت وايد متشوقة ومستانسة بس ... :down: ما شفت شي ...

لاني انا ببداية الثامن يعني البيبي ماشالله كبير .. ماقدرت الدكتورة اتشوف عدل لأنه وضعيته ما تساعد ..

اول مرة كان حاط ايده على ويهه :down: وثاني مرة انجلب وخلا نفسه في وضع السجود فديته ,, :smile:

فما قدرت اشوف اي اشي ..حتى انه الدكتورة ما كملت قالت لي لو ياية قبل كان قدرنا نشوف .. وكل ما يكون البيبي اصغر كل ما يكون احسن ..

يعني اللي في الاخير لا اتعبون عماركم واتضعيون فلوسكم على الفاضي ...
انا ما استفدت شي والله مقهورة لكن ماعليه ...

وقالت لي انه البيبي وزنه 1.600 وانه طبيعي وكل شي اوكي الحمدلله

انتي في اي شهر الحين؟؟

انا عقب يومين بدش الثامن ان شالله ... يعني نهاية السابع ..

هلا اختي عيون...

فديت النونو كان يلعب.. الله يحفظه و يخليه لج يااارب...

شوفي الغاليه.. انا سويت الاشعه في الثامن وقلت للدكتوره ابغي اشوفها تولهت عليها بالحيل ..ومن بدت اتسوي السونار الثلاثي
وانا قلبي يدق..طبعا انا كنت ادري انها بنوته..من حطته طلع جزء من وجها لانها كانت يا عمري لافه الحبل السري على ايدها و تمصه..وما طاعت اتصد صوبنا اقصد تغير وضعيتها..ولزمت الدكتوره الا اغير قعدتي وشوي اتحركت وقدرت اشوف ملامحها على جنب و كانت واضحه سبحان الله...عرفت انها تشبه ابوه....فديت عسولتي...وسجلت على شريط فيديو وخليته مفاجأه و نفس الوقت هدية لزوجي كتبت عليه من (شهد الى بابا)يوم عطيته قال هذه احلى هديه...
والحين ولدت وبعدني في الاربعين وطلع شكلها نفس السونار.... خاصة يوم اشوفها على جنب.


ادري شوقتج زياده...صح....

الله يسر لج امورج يااارب

سبحان الله .. الله يخليها لج ان شالله وتسلمين الغالية ..

والله انا بعد كنت متولهه ابا اشوف ولدي لكن ما صار نصيب ... شكله يبا يسوي لي مفاجأة ...

وتدرين اليوم الي بعده كان عندي سونار عادي في المستشفى الي بولد عندهم وكان قاعد عدل على جنب شكله يبين ... انقهرت ...

لكن قلت ماعليه فديته يتغلى على امه ...

3yoOon_AD
اخيييييييييييييييرا سويتيه مبروك حبيبتي
والمهم انج تطمنتين على البيبي وعلى صحته.
بس فعلا.. انا بعد انقهرت يوم كتبتي انه ما بين شي
يعني ماااااا عرفتين جنس البيبي ولا شنو؟؟
صج خساره لفلوس.
انا باقيلي جم يوم وادخل السادس خلني اتلاحق
على عمري واسويه قبل لا يكبر البيبي بعدين ما فيه
فايده اسويه.

هلا عسووولة..

لا حبيبتي انا من قبل اعرف جنس المولود من نهاية الثالث .... قالوا لي ولد .. :)

انا كنت بسويه بس عشان اشوف شكل البيبي ... فضوول ...

ما ادري اذا كاميليا عندها ثلاثي الابعاد او شو بالضبط
بس انا سرت اسوي فحص عادي و عطتني الصورة و كان ويه البيبي فديتها والله معلقتنها على منظرة التسريحه

و انا في السيارة و مبوزة اقول حق ريلي تشبهك ما احبها
يغيض عليه يقولي و انا شو فيني
وراح خبر امه و امه ما صدقت تقول كيف تشببه
و خوات ريلي شافوا الصورة و يالسة اقولهم شوفوا تشبهكم صوب خدودها و يبهتها و هم مستغربين و كل يوم اقوله مب حلوة تشبهك ههههههههههههههه

و انا سويته في نهايه السابع .. بس صج احس ملامح البيبي واضحه تقريبا بسير اشوف الصورة ههههههه

الله يتمم لج على خير ان شالله .. ماشالله بعد قدرتي اتشوفين لكن انا لا ياحسرة
يالله هانت ان شالله كلها شهر ونص واشوف البيبي على الطبيعة
ادعوا لي