شي غريب!! - منتديات عروس

M

Manary

مشرفة سابقة

28-03-2005 | 10:23 AM

شلونكم بنات؟؟!!
لاحظت شي غريب
امس و اليوم بشرتي ماقامت تطيح عليها بودرة ماااك
جنها قامت تزيت ويهي وقامت تصير رمادية
معقولة بشرتي تغيرت والا من بودرة ماك تغيرت والا شسالفة؟!!
والله ضايق خلقي ويهي الحين يلمع لمعة دهن مو لمعة صحية صاير شكلي مو نظيف جني مو غاسلة ويهي من جم يوم
شرايكم اغير البودرة أو خلاص اعلن ان بشرتي صارت دهنية :(

في احد لاحظ هالشي والا بس انا اللي تصير لي هالسوالف؟!
ملحوظة: بودرة ماك هذي يديدة توني استعملها من عقب ما خلصت الاولى..يمكن من التعبئة؟؟؟

س

سهورر

عروس برونزية

28-03-2005 | 11:19 AM

هلا فيج اختى،، اعتقد مش من البودرة المشكلة احتمال بشرتج تحتاج سكراب حاولى تسوين سكراب لبشرة وجهك باكريم المناسب لها وبعدين جربى حطى البودرة راح يكون لونها روعة لانة انتاجهم الجديد وايد زين

G

GIS

عروس رائعة

28-03-2005 | 11:23 AM

جربي غيري البودره ....... انا استخدمت بودره شانيل حلوه و ما تحتاجين و ياها كريم اساس
و اذا كنت من النوع الي لازم يحط اساس ... انصحج ببودره ميك اب فور ايفر السايبه .... اتجنن

M

Manary

مشرفة سابقة

28-03-2005 | 12:11 PM

بجرب اليوم السكرب

شريت بودرة سايبة من فوريفر بس بلمعه وعندي بودرة مضغوطة من هلينا و وحدة من ديور و وحده من جيرلان و كيك من هلينا بس استغربت ماك شلون صار على ويهي جذي

شكرا لمشاركاتكم

R

RoOoOmy

عروس ماسية

28-03-2005 | 12:57 PM

[CENTER]غريبة Manary انا استخدم بودرة ماك الكريم ومرة حلوة على بشرتي ( بشرتي مرة جافة ) وأحطها في المناسبات الكبيرة ولا تتغير الى آخر السهرة

يمكن انك مغيرة نظام التنظيف والترطيب ؟؟

بس اذا انت متعودة عليها من قبل غريبة انها تتغير معاك

M

Manary

مشرفة سابقة

28-03-2005 | 01:02 PM

اي والله غريبه :(
ببجي اصلا من ويهي اليوم جني حاطه زيت زيتون فوق الاساس :(
انا متعودة على البودرة من زمان و حلوة وايد
انا مو مغيرة شي مجموعة التنظيف مثل ماهي و الحماية نفسها
بس اتصدقين قاعدة اقرا بمواضيع النت ان الاكل اذا زادت نسبة الدهون فيه يبين على الويه!! شرايكم؟؟ يمكن علشان انا مغيرة نوعية اكلي؟؟ ( بيني و بينكم انا هالايام صايرة مينوووووووووونه على الكاكاو ) يمكن هذا السبب؟؟

أ

أشواق لا تنتهي

مشرفة سابقة

28-03-2005 | 01:03 PM

حبيبتي وارده جدا بسبب تغيرات الجو
بس فس سؤال انتي تستخدمينها بالماي؟؟؟؟؟؟
اذا بالماي....لاحظتي ان طلع عليها خطوطه او بقع يابسه؟؟؟؟؟

M

Manary

مشرفة سابقة

28-03-2005 | 01:06 PM

لا استخدمها ناشفة فوق الحماية عمري ماجربتها بالماي!! اول مرة ادري ان ممكن استخدمها مع الماي
منج يا ميمي بيبي نستفيد

هذي عدل؟ ستوديو فكس

ه

همساته

عروس مبدعة

28-03-2005 | 02:17 PM

[CENTER][grade="FF4500 FF6347 DEB887 DEB887"]مرحبا مناري :)

انا بعد من زمان لما بديت استخدم البودره ...طحت على كانيبو طيحه و انا مسافره ...

اقوم من النوم و الطخ وييهي بالكانيبو طبقات طبقات وبدون اي كريم تحته و اطلع برع ساعه ساعتييين 4...6 ساعات

كل ما احس انه قطع و دهن ازييييد طبقه فوقه !! و انا بشرتي كللللش مش دهنيه بس من ذيك الفتره حسيت اني انا اللي خربت بشرتي :(

منطقة الوسط اللي بشكل T صارت دهنيه ومسامات .....ترى الاستخدام الخاطئ للبودره يخرب البشره انتبهي عزيزتي اذا كنتي

تستخدمينها بطريقه عشوائيه [/grade]

f

fay fay

عروس برونزية

28-03-2005 | 03:22 PM

مناري حبيبتي الاكل والجو كل هذي الاشياء تأثر
بس مستحيل يكون السبب من البودره ..

مادري بس اتوقع لو تروحين صالون تسوين فيشل لبشرتك وتوقفين فتره عن استخدام الاساس والبودر .. اكتفي بكريم حمايه وقلوس واشياء بسيطه وخلي لبشرتك فرصه تتنفس .. مع الاهتمام والفيشل وتركك للاساس والبودر فتره راح تتعدل بشرتك .. ايه واتركي الكاكاو عنك حبيبتي ادري حلو بس ترى مو مخربنا غيره ..

بعد فتره بترد بشرتك طبيعيه وبترتاحين :)

وعلى فكره ،، ترى وقت الدوره وهالسوالف البشره تصير فيها تغيرات كثيره مثلا تصير دهنيه او جافه بزياده او تعبانه .. فيمكن الدوره بعد قريبه :)

يعني شغلات احنا نغفل عنها بس هي الاساس .

موفقه

م

ملاذ الحب

مشرفة سابقة

28-03-2005 | 04:00 PM

حبيبتي مناري انا عندي ماك وعاااديه استخدمها مره بالماي ومره من غير ماي وووروووعه على الويه مازيت بس انا احط فوقها كانيبو جربي تحطين بودره من البودرات اللي عندج
ومثل ماقالوا البنات يمكن الاكل ماثر عليج

~

~"مناير الكويت"~

عروس رائعة

28-03-2005 | 04:25 PM

يمكن مثل ماقالوا البنات من الأكل او الجو او تغييرات بالهرمونات بسبب الدوره

سوي تنظيف بشره وحطي مرطب مناسب ولا تستخدمين مكياج هالفتره وان شالله

يصير اوكي او جربي البودرات الثانيه اللي عندج ..

تبين الصراحه انا من صرت احط كريم حماية من روك يدهن وجهي خصوصا منطقة الـT

بس مع المرطب يصير حلو ومضطره استخدمه عشان يحافظ على بشرتي من الشمس.

M

Manary

مشرفة سابقة

28-03-2005 | 10:53 PM

همساته
انا بس احط مرة وما ارد ازيدهااا بس شكرا لمشاركتج يا روحي منورة مواضيعي دايما

fay fay
ماشاء الله عليج فعلا الشيسمونها قريبة!! يمكن من جذي مع الكاكاووو ساعد انه يزيت بشرتي
و خذيت موعد فيشال باجر شكرا لج حبيبتي

ملاذ الحب
بجرب باجر احط فوقها جيرلان أو يمكن ما احط بشوف شسالفة ويهي يمكن صج تغيير هرمونات مع الاكل انا صايرة مينونة كاكاااو امبيه والله ما تتخيليون شكثر قمت اكل كاكاو يعني بالمرة الوحدة اخلص 2 آرو و كتكات بو 4 اصابع بس بخفف

مناير الكويت
شكرا لج انا استخدم حماية من ماك و مرتاحة عليه وايد بس الحين مؤثرات وايد ساهمت الاكل والهرمونات و اني من زمان مو مسوية فيشل بعد كل هذا ساعد يدهن ويهي

شكرا لكم حبيباتي مشاركاتكم اثلجت صدري

ا

الجادل

عروس رائعة

29-03-2005 | 07:31 AM

هذي اكيد تغيير هرمونات او من الجو...

وممكن وهذا احتمال وراد .. ان وحدة شافت مكياجج وسألتج عن الاساس او البودرة عساس عجبها

عساس جذي خرب

انا من اطيح على كريم روووعة واقول للي عندي عنة يصير يقطع ويخرب من وجهي

لذلك صرت كتومة نوعا ما

واقرى الاذكار دايما

:

::بحيرة البجع::

عروس جديدة

29-03-2005 | 07:36 AM

ممكن تكون من بشرتك محتاجة سكرب او تقشير متل ما قالولك البنات بس اصلا بشكل عام اكبر غلط انك تحطي البودرة او كريم الاساس بدون كريم قبلهم متل جونسون للعناية بالبشرة

M

Manary

مشرفة سابقة

29-03-2005 | 08:45 AM

الجادل
امممممممممممممممممممم اللي معاي بالدوام عينها ناااااااااااااااااااااار ما اتخيلين شكثر بس ما سالتني عن البودرة يمكن شافت و سكتت ام عيون فتانة ( نظراااتها مرعبة غير مريحة كلش مرة شفتها واختي معاي واختي لابسة جوتي من الحذاء المريح ب 86 دينار( كانت توها معرسه)واحنا ماشين جان يطيح الاكسسوار اللي فيه وهذي اول لبسة لهاااا و تناجرت مع ريلها على سالفة تافهة ثاني يوم بالدوام جان تقولي فلانة اختج جوتيها اينن و شكلها مع ريلها سمن على عسل ( اهيا هذي اللي معاي بالدوام بس متزوجة وعندها خواتها وايد ثلاث او 4 مو متزوجات و كل ما تسمع عن وحدة متزوجة قالت مصيبة!!! )انا طلعت عيني قلت بلللللللللللللللللللللللللل وحدة بوحدة يابتها اهيا و ريلها ارض ... ياربي ليش الناس ما قاموا يذكرون ربهم مايدرون ان اذا صفوا نياتهم الله بيرزقهم!؟
انا قمت اشك بكل شي لان غريبة البودرة كل يوم شزينها علي.... مشكوووورة

بحيرة البجع
انا احط كريمات عناية و بسوي اليوم فيشل شكرا لمشاركتج

ع

عذب القوافي

مطرودة

29-03-2005 | 08:51 AM

[frame="6 50"][CENTER]هلا منور

اقولج احيانا الهرمونات تلعب دور

وهذا يعتمد على سنك ... واحيانا الزواج يكون علاج حق الدهون ((واضح))

والأكل الغير صحي ايضا سبب لوجود الدهون بالبشرة والشعر وعدم ممارسة الرياضة

لأنه المسأله مش مسألة مكياج وبس

لا يا عيني .. المسألة اكبر من كذا

يعني ايش فايدة اني اغطي وجهي بكيلو من الأساس وتحتها مشاكل وعيوب

لذا انصحكم بشرب المياه + اكل السلطات+ الفواكه والعصائر الطازجة

والرياضة يا بنات اهم شي

وآآآآخر شي منور عليك بالماء البارد غسلي وجهك فيه تراه شي رهيب[/frame]

M

Manary

مشرفة سابقة

29-03-2005 | 08:57 AM

عذب القوافي
اي خلاص من اليوم بعدل نوعية اكلي و بسوي فيشل اليوم و بعود روحي على الماي البارد يقولون ان الفلبينيات ما يغسلون ويوههم و اجسامهم بماي دافي كلش و هذا سر بشراتهم وشعورهم!!شرايكم بهالكلام؟؟
انا بشرتي ولله الحمد مافيها عيوب بس مجرد اسمرار خفيف عند الفم و بس
شكرا لمشاركتج

a

angel eyes

مشرفة سابقة

29-03-2005 | 02:55 PM

انا طووول عمري هاي مشكلتي مع بودره ماك....نفس الاعراض اللي قلتيها مناري.....شاريتنه و طايح في جبدي

ا

البــندري

عروس رائعة

29-03-2005 | 03:32 PM

لووول مناااري سكتي امس حطيت بودره مااك ورحت السووق يك يك يك لاعت جبدي من شكلي ... طالعه البودره لووعه ... وخاطري من القهر ... ماقط الغشووه حتى داخل المحل من القهر...

والله احلى من جيرلان مافي ..

وماك هذي توني ماخذتها :(

قهررررررررر الحين عندي علبتين جدااد من مااك