ساعدوني ولدي ما ادري وشلون اتعامل معاه في هذا الوضع؟؟؟

السلام عليكم أختي ام القوقو

... لا تزعلين من كلامي لاكن أكبر غلط إنك تهاوشين ولدك .... بالعكس كوني معاه دايما وحاولي تحسسيه بالحنان لأنه كلما هاوشتيه كلما زاد في التبول على نفسه لأنه بيتعقد ... هي الشغله يبغالها وقت ويبغالها طولة بال


أنا بأقولك عن ولدي باقي له أربعة أشهر ويكمل ثلاث سنوات وماشاء الله تبارك الله الحين تمام وصار يروح لوحده وأنا ألحقه أشوف بيغسل وإلا لا طبعا إذا كان الشي البسيط ( البول ) أما الثاني فإني أغسله أنا لأني ما أطمئن أحس إنه باقي ما يقدر ينظف نفسه ....

لكن أنا بديت معه من سبعة أشهر تقريبا ومستمرة معاه مرة يصيب ومرة يخيب ولكن أول ما يعملها في الحمام طبعا أقوم أصفق له وأقوله كلمات ثناء مثلا يا بطل يا حبيبي هو الطفل يحب الكلام الي يحسسه إنه مثالي ....

المهم إنه لما يطول ما يروح الحمام أقوله أبغى أشوف إذا إنت صرت كبير وإلا لا تعرف تروح الحمام وإلا لا هو يبتسم وينطلق للحمام يعنني كبير بس أحس إنه تشجيع شوي ولما يطلع أقوله أبغ أشوف إنت تعرف تلبس وإلا لا أكيد إنت بطل وكبير زي بابا فيفرح الولد ويصير يحاول يلبس لمن صار يدخل ويطلع ويلبس لوحده ما شاء الله عليه بس طبعا أنا أنطلق وراه أتبعه علشان ما يسوي شي غلط ..... أكيد إني طولت عليك


بس إلا أبغى أقولك عنه إنك ما تهاوشينه أبدا لا نه ما راح يتجاوب وراح يخاف ... أكثر وعليك بالمدح وإعطائه هدايا إما لعبة أو حلاوة أو أي شي ...

المهم أختي أم القوقو ... الله يعينك .. الشغله زي ما قلت لك يبغالها طولة بال ...

أختك * بيلســـان*

بسم الله الرحمن الرحيم

اختي اشكرك اولا على ردك

ثانيا انا ابي اقول لك اني اسوي تماما مثل ما تقولين انك تسوين

اشجعه و احضنه اذا راح الحمام و العبه زياده و اعطيه شوكولاته و امطره بالمدح لين يتقطع

و انا هنا حاطه المشكله لاني اصلا انا مو اسلوبي اهاوش طفل لاني ادري انه طفل و ما قدر يتحكم بنفسه

لكن فيه حريم يقولون لي اني لازم اهاوشه عشان ما يعودها

و انا قلت اني هاوشته بس ما ارتحت حسيت انه غلط (ارجعي فوق شوفي الموضوع الاساسي)

عشان كذا طلبت مساعده ان احد يقول لي كيف اتصرف معه الحين

و انا عارفه ان الشغله يبغا لها طولة بال و هي فعلا اخذت وقت طويل على ما صار يعرف يضبط نفسه

لكن المشكله انه تعلم و من ثم انتكس فجأه بدون سبب و بدون ما اهاوشه او يصير فيه اي عارض او جديد

و لذلك انا اسأل اذا كانت فيه وحده تعرف ليش انتكست حاله الولد تعلم و صار تمام و فجأه انقلب..

هذا سؤالي... و ياليت اي ام ترد علي مو معقول كل الناس اللي دخلوا ما يعرفون...

شكرا لكم على مساعدتي ما قصرتوا

[frame="10 80"][CENTER]السلام عليكم ورحمة الله وبركاته..

عزيزتي انا بنتي توها داشه الشهر ال8.. بس تعلمت من الموضوع كثيرا ومن الرد الطيب من الاخت بيلسان بارك الله فيها..
بس نصيحتي كل شي بحب وتساهل..

قوليله كلما تروح الحمام واتطبق الصح.. بعطيك حلاوه او هديه او شي هو يحبه.. هذا رايي..[/frame]

بسم الله الرحمن الرحيم

مشكوره ام سعيده على الرد

بس انا هذا اللي سويته و مشى عليه زين بس فجأه الحين ما عاد يأثر ما ادري ليش....

الله المستعان...