بقولكم عن تجربتي في علاج الليزر لازاله الشعر..

الليزر وووايد اوكي انصح فيه للجميع

يخفف الشعر بشكل ملحوظ

انا كنت قبل مثل الريال بس الحين الحمدلله استوى خفيف واللون اللي كان في الجلد يوم اشيل اللحية

راح

وانا سويت عند الدكتور النميري

الوجه ونصف الرقبة 1250
وبالاصل كان 1500

وعطاني كريم واقي للشمس وكريم تفتيح البشرة وايضاا مقشر خفيف للبشرة استخدمه قبل الليرز باسبوعين
وبعد يومين من الجلسه لين الجلسه البثانية

بس لازم اللي فيها اضطرابات هرمونات اول شيء لازم تتعالج بعدين تسوي لليزر لانه ماراح ينفعها

وانا الحين احس انه هرمونات ردت تخترب لانه الدورة تتاخر عندي وعندي سمنه

بسوي تحليل وان شاء الله ببدء بجلسات ثانية

وشكراااااااااااا

نوووسه

قوليلنا كيف طريقه الليزر اللي سويتيه؟؟؟ و كم جلسه ؟؟؟؟ وكم المده بين كل جلسه والثانيه؟؟؟ هل كانو يحلقون لج؟؟

بنات

البارحه لاحظت شي....بدا الشهر في النمو شويه..لكن.......................................

يطيح بكل سهوله اذا سحبتيه بيدج.....الله احساااااااااااااس رائع....الشعر يطيح بسحبه بخفه....:)

مشكوووره عزيزتي angel eyes على هالموضوع المهم ..

بصراحه الليزر يشغل الكثير من النساء .. والكل وده يجربه

عشان يفتك من الحف والشيل المتكرر !!!

بس شو بنقووول الله المستعااان !!!


المهم ... نحن بنتابع وياج العلاج بالليزر وان شااااء الله تكون هناك نتايج طيبه ومثمره ..

وعشان نحن نتشجع ... ونسوي الليزر وندعيلج من ظهر غيب ..


وبالتوفيق للجميع ..

نوسه
كم الفترة بين الجلسه والثانية؟

الصراحه 1250 وااايد
بس اذا هو صدق مفيد ليش لأ ..
والدكتور النميري شاطر اتوقع ماشاءالله عليه

أنالم اسمع انه مضر لكنه لايختفي تماما كما الناس يقولون

صح هو مايختفي تماما بس يخف بشكل ملحوظ جداا من حيث السماكلة واللون وفترات الظهور
واحيانا بعض الاماكن مايظهر فيهااا الشعر

انا الحين كملت تقريبااا ستة او ثمان جلسات مااذكر بالضبط
لانه الممرضة اللي تسوي حقي تقول لي من كثر الشعر اللي بويهي انه كله الشعر اللي بجسمج متحمع بويهي
وخاصة اللحية والله ارف


وكانت المدة بين الجلسات تتراوح بين الشهر او حسب طلوع الشعر بالنسبة لي
بس الجلسات الاربع الاولى ضروريه واذا حسيتي انه خلاص بس نوقف
واذا حسيتي انج محتاجه جلسات تستمرين لين تقولين بس مثل حالتي انا والله مليت مابي احس بالوخزات مرة ثانية:sad:

اول شيء انظف ويهي بالماء والصابون علشان اذا انتي محطيه كريمات او مكياج

بعدين يحلقون الشعر بالموس علشان اذا كان فيه شعر واايد بتطلع ريحة الشعر يوم يحترق
وتطبع على ويهي مثل المربعات علشان تقسم كل الوجه
وتبدا بالشغل والاماكن اللي فيها وايد شعر وسميك مثل اللحية اللي عندي الوخزات تكون مؤلمة اكثر
وبعض الاماكن مااحس فيها ابد راحة

وكل ماتخلص منطقه تحط شاش مثلج علشان يخفف الحرارة
واخر شيء تحط ثلج على كل ويهي واتم اشوي
وتغسل هالمربعات اللي على ويهي واترش علي مااعرف ماي ماادري والله شو هو
واخر شيء تحط حقي كريم ميبو
واتم احطه لمدة يومين واتجنب الشمس

بس ويهي بعد الليزر يستوي مثل البالونة ينتفخ شكلي يتغير

لانه بشرتي ووايد حساسه بس بعد يومين يخف

بس حاولوا يا بنات قدر الامكان ما تتعرضون للشمس وايد وتهتمون بوضع الكريمات
وخاصة واقي الشمس

لانه وايد بنات بشرتهم بقعت بعد الليزر لانهم ما حافظوا على وضع واقي الشمس اثناء خروجهم
او حتى اثناء الطبخ

[CENTER]انا ودي قبل ماعرس بس المشكله انا بالرياض وابي دكتووووووره

شاطططططططططططره بس معرف


ياليت يابنات الرياض تدلوني على وحده شاطره واكون شاكره لكم


وانا معك ياقلبي ابي اعرف وش بيطلع ويسلمو على الموضوع العسل زيك
تحيه ازفها لك

خواتي أنا عملت ليزر لليدين كاملين والرجلين وبصراحه روووووعه وعملت جلستين بس وكل جلسه أخذت على 2800 ريال بس بصراحه الساق خلاص ولا اي شعره فيه واليد شي خفيف ومايذكر لدرجه لما اجي اعمله بالصالون يقولون لي مافيه شعر ليه تسوينه وابي اعمل جلسه 3 بس لليد وبالنسبه لبنات قطر أنا عملته عند الدكتوره / ألما الرفاعي ....

السلام عليكم

انا بيني وبينكم

امووووت من الخوف من الليزر ووااايد اخاف

وايني وسواس لووووول

بس اتمنى اني اسوي
لانه بشرتي واااايد حساسه وبسرعه يطلع الشعر

ويوم يطلع احسس بويع مب طبيعي والشعر بتم تحت الجلد فريولي يكون شكلها قبيح وهذا غير البقع

وعلى فكره دكتور علي النميري الله يوفقه ممتاززز

وفي دكتوره سمعت عنها اسمها سعاد لطفي اظن
اللي تعرف عنها تخبرنا

الله يوفقج الغاليه والكل ان شاءالله

تحياتي

شكرا بنات عالمشاركه....والله افدتونا...

واللي ناويه تسوي ترا انصحها تسوي قبل العرس....والله فكه :)

تجربتي مع الليزر


انا سويت فوق ال 20 جلسه :(

في البدايه كان عندي الشعر كثيف واسود وبعضه غليظ وايد


الحين الحمدلله ناعم وايد وخفيف

طبعا اسوي الوجه كامل مع نصف الرقبه ب 1000 ريال
هو في الاساس ب 1500 بس لان نعرف الدكتور مسوي لي خصم

وبشرتي وايد حساسه وتنتفخ بعد جلسة الليزر وتبقع :down:

بس الحين جابو جهاز جديد ما ينفخ الوجه والمفروض انه ما يبقع البشره بعد

بس انا بشرتي وايد بيضا وحساسه

الحين اعاني من البقع بسبب الليزر فوقفت استخدامه بنصيحه من الدكتورة اللي سوت لي اخر جلستين

وسألتها لو اقدر استخدم الخيط كحل بديل ونصحتني فيه عشان الليزر يحسس بشرتي :(


بس الصراحه الصراحه

ارتحت من الشعر.. ما صرت احتاج اشيل الشعر الا مره كل شهر او اثنين على حسب النمو

ويكون ناعم وبعيد عن بعضه وما يبان الا للي يدقق :up:

باقي مشكلة البقع وان شاء الله راح تنحل لان الدكتورة اللي اتابع معاها الحين عطتني مقشر + كريم تفتيح للبشرة

مشكوره عالمشاركه وطن :)

ماقصرتوا على الموضوع...

بس حبيت اعرف مين احسن دكتورة في البحرين و قطر ؟

مرحبا بنوتات
ممكن وحده تدلني على دكتوره بالكويت
و ابي اعرف كم سعر الجلسه الواحده؟؟
بانتظاركم

بالنسبه لأحسن دكتوره بقطر وأنا نفسي جربتهاااا وروووووووووعه بصراحه ...
هي الكتوره / ألما الرفاعي
في الهلال عيادتهااا

انزين بالنسبه لبنات بوظبي منو جربت الليزر....................؟
وياريت اذا البنات يعرفون دكتوره في بوظبي أو عياده ادلني عليها...............
بسرعه فيدتكم

فهد الباكــــــــــر

وين ليش محد دخل......يرد علي

انجل ايس.....شو صار بالشعر ماخبرتينا

في بوظبي في عياده كوسميسرج......يعني اروح وانا مغمضه والا شو.......؟؟؟

:smile:

مشكورات على الافاده

انا تعاملت مع الدكتورة عايدة الصالح

هي استشارية وموجوده عيادتها مع الدكتور حسن العبدالله