اختلاف الفهم مع اختلاف الجيل!

K

Kewiya

عروس مشاركة

22-03-2005 | 12:19 AM

[CENTER]

[CENTER]باختصار شديد .....

هذي الجملة " انا اكبر من الله "
اختلف فهمها مع اختلاف الاجيال .....

مثلاً..

* امي تقول لما كانوا يسمعونها واهما صغار
" انا اكبر من الله "
تكون ردة فعل الطفل ... انه مندهش ! ويقول : شلووون جذي .. مايصير!!

* احنا جيل الشباب ...
لما كنا صغار ... وكنا نسمع هالجملة...
" انا اكبر من الله "
في البداية كنا نستغرب!
لكن بعد لحظات قصيرة .. نقول ... اهااا ... فهمناها الحين ....

* جيل الاطفال حالياً ...
لنفرض انهم من مواليد الغزو وطالع يعني من سنة الـ 90...
لما يسمعون هالجملة ...
" انا اكبر من الله "
يفهمونها من اول مرة!!!
ويقولون .. اي عادي.. معناتها انا اكبر وانمو من الله

صراحة شي غريب!

مثال ثاني....
لما يقولون لنا ... "اخذو هالمشخال حطو فيه ماي وييبووه!!"
هم يختلف فهم الجملة مع اختلاف الاجيال ..
انا لما قالولي خذيت المشخال وانا بالطريج جان استوعب شلون ؟! ما يصير!!

وجربتها مع بنت خالتي صغيرة .... من اول ما قلت الجملة اضحكت علي...
تقولي هههه من صجج شلون راح يخرر الماي وما يبقى شي!

[grade="008000 32CD32 4B0082 4B0082 00008B"]في اعتقادكم ....
شنو السبب من وراء فهم ونضج الاجيال اليديدة من عمر مبكر ؟؟!
شنو العوامل المساعدة على هالشي ؟!
هل الشي هاذا مستمر ؟
يعني الجيل الياي .. ممكن ان يكون الطفل من اول ما ينولد فاهم كل شي!؟
او انها البيئة اللي حوالي الطفل اهيا المؤثر الاساسي؟[/grade]

بانتظار آراءكم....

أ

أم أنوار

مشرفة سابقة

22-03-2005 | 10:07 AM

:smile:

[CENTER]مرحبا بيكي أخت كيويه تصدقي قرأت موضوعك مرتين لحد ما أستوعبت شو هدفك من طرح هالموضوع:shy:

موضوعك أختي يستحق المناقشة من قبل الأخوه والأخوات لأنه طرح موضوع يمكن صغير باللأمثله اللي حطيتيها لكن كبير في المعنى

وأنا أؤيد كلامك أختي أن البيئة وأختلاف الأكل والعادات خلت اولادنا يكتسبو معرفة احنا أول ما كنا ننتبه لها أو بالصح ما كنا نعرفها وأنا لاحظت هالأشياء ببنتي اللي عمرها 3 سنوات ماشاءالله تسأل أسئلة تحسيها أكبر من سنها. ناهيك عن الأمور اللي تخص البنت لمن تكبر شو يصير لها أنتي مسكي أي بنت عمرها 6 او حتى خمس سنوات وسأليها عن الدورة ومن وين الوحده تولد بتشوفي الوحده ماشاءالله موسوعه أنتي بس سكتي وتعلمي من هالبنت الصغيره بالفعل اختي في مصطلحات وامثله وأفعال أحنا بزمانا واللي قبل زمانا لمن بتجي تقارنيها بالأطفال اللي الحين تحسيهم فاهمين واعين عارفين مو من السهل أنك تضحكي عليهم بأي جواب بس عشان اتسكتيهم.

بعطيك مثال أنا عن نفسي أول لحد ما كنت بالثنوية بعد ما ني عارفة كيف الوحده تحمل وتجيب أولاد ماني مستوعبة وفاهمه كيف؟؟؟؟؟؟؟؟؟؟؟؟؟؟؟؟؟؟؟؟؟؟وكل ما أسل وطبعا كنت أستحي اسأل وأتعمق بالأسئلة بس من أسأل أسمه الجواب من تتزوجي راح تعرفي لحد ما كبرت شوي وفهمت وعرفت والحمد لله لكن الحين تعالي شوفي اصغر بنات أختي أسأليها عن أي سأل بتجيب لك من طق طق لسلام عليكم.

K

Kewiya

عروس مشاركة

22-03-2005 | 05:11 PM

نعم هذا ما قصدته بالضبط ..

صحيح اختي .. الآن اتانا جيل فاهم كل شي من وهو بعمر صغير..

وممكن نقول ان السبب الرئيسي هو البيئة المحيطة ..

وانا في رايي ان التلفااز له دوور كبير ..

كثيرا ما اسمع ام تسال طفلها من وين سمعت هالكلام.... من وين تعلمت هالاطباع... و..و...

والجواب يكون ... بالمسلسل الفلاني.. وبالفلم الفلاني....

يعني مثلا في وحده بالعايلة بنتها صغيرونه واكثر من مره يصير لها موقف جدامي..

تسال والدتها عن شغلات معينة واللي تحصل للبنت مثل ما ذكرتي...

والام محتاره معاها ... يعني البنت ما تعرف الا مقتطفات هههه

وتلقين الام فجاة تزفها وتقولها بصوت عالي من وين تعلمتي هالكلام ... وو..و...

وانا اعتقد ان غلط نتخذ معاهم هالاسلوب ... صحيح ان ما لازم تعرف بهالسن...

لكن ما نبين لهم ان هالشي غلط... لانها مجرد تساؤلات ...

وياما تسالنا لما كنا اصغار ...

شكراً اختي على الرد

ن

نجوم الليل

عروس رائعة

22-03-2005 | 07:07 PM

الف شكر لك خيتو على الموضوع الحلو والمهم وسبحان الله ان اغلب الاحيان افكر في هذا الشي

انا اعتقد ان تطور الحياة ووسائل المعرفة والتكنلوجيا تساعد على نمو تفكير الاطفال وخصوصا ان الحين الكثير من الامهات تفتحوا وادركوا اهمية تدريس الطفل منذ صغره او من عام سنتين وكذلك ادركوا اهمية ادخاله الروضة في سن مبكرة
فمثلا على ايامنا ما كانت فيه العاب تعليمية تنمي مدارك الطفل وحواسه لكن الحين هذي الالعاب منتشرة بشكل كبير وفي كل المحلات وتتوافر من سن سنة وما فوق فتوعت الامهات لاهمية هذي الالعاب في تنمية مفاهيم الاطفال وصاروا ما يشترون لهم اي العاب مثل سيارة او دمية بل اصبحوا مهتمات بشراء الالعاب التعليمية والترفيهية في وقت واحد

فصار الطفل يستوعب كل شي بسرعة لان مخه صار اكبر من سنه لان العقل والمخ يكبر بفعل المعلومات اللي داخله

فمثلا على ايام زمان يشترون للطفل السبورة إذا دخل الروضة او المدرسة لكن الحين العلماء ينصحون بشراءه للطفل من عمر سنة او حتى 9 شهور لان اذا تعلم الكتابة عليها او حتى الشخابيط راح تنمي مداركه

وكذلك الام في هذا الزمان والعصر صارت اكثر ثقافة ومعرفة بكيفية التصرف والنقاش مع طفلها بفعل برامج التوعية لها او المجلات المختصة بالتربية والانترنت اللي يحتوي على العديد من المواقع المهمة والمفيدة فهذا كله يسهم في تربية الطفل بشكل فعال ويسهم ايضا في تنمية حواسه

K

Kewiya

عروس مشاركة

23-03-2005 | 04:55 PM

نعم صحيح نجوم الليل ..

اختلفت ثقافات الامهات عن قبل ..

وصارو الامهات متعلمات واغلبهم شهاده جامعية ... يعني غير عن قبل..

وهذا اكيد له تاثير كبير.. صارت الام تربي ولدها بتفهم اكثر وتدور المدرسه الاقوى لودها علشان يطلع افضل..

وايضاً لاحظت شغلة مثل اللي انذكر .. ان الطفل صارو يشترون له شغلات تساعده على التعليم من عمر اصغر .. نفس السبورة..

ومرات اكون بالمكتبة .. واشوف طفل يشتري قصة .. هالمنظر كان نادر نشوفه قبل ..

او احنا لما كنا صغار ما كنا نعطي القراءة هالاهمية كلها ..

فـ اعتقد هذا ايضاً من الاسباب المساعدة لتعلم الطفل بعمر مبكر..