هل ازاله المنطقه الحساسه حرام؟؟

:o

الله يعين

الله يساعدج حبيبتي حاولي تتعودين على الحلاوه او الاله يعني كل يوم شيليلج منطقه صغيره

معقوله عادي عندكم وحده تشيلكم با الحلاوه...؟
معقوله ما تقدرون تشيلونها انتو ... ؟
ما اتخيل وحده تشوف العوره لمجرد بس تشيل با الحلاوه ...
حرااااااااااااااااااام اصلا قبل ما تقول حرام الوحده تستحي ...
وعن دكتورة النساء والولاده الوحده غصبا عليها ما تشوف الا اذا كان فيها شي ...

عزيزتي الوهم و كل من رد باستنكار و اتهم الاخريات بعدم وجود الحياء....

كان السؤال اذا الموضوع حرام دينيا ...ومن ناحيه الحياء فكل انسان يختلف عن الثاني عزيزتي...والبعض لايستطيعون ازاله الشعر بالحلاوه لوحدهن لاسباب عده...و يكونون بين نارين...نار الحياء من الزوج عندما سيرى المنطقه مزاله بالموس و سينفر منها من اول ليله في حياتهم الزوجيه و نار الحياء من انسانه تثق بها وقد تكون امها او احد خواتها او حتى شخص اخر يساعدها في تلك المهمه...قبل الهجوم فكروا انه اكيد الوحده لن تلجأ لهذا الشئ الا لانه الحل الاخير...الحمد لله انني تعودت على الحلاوه من زمان و لكن غيري لا...فبدل ما اهاجمها حاولت معرفه الحكم دينيا ...
على كل حال اشكر الجميع على المشاركه

فعلا حرام عليكم ...

البنت ما قالت شي غلط جزاها الله خير اختنا Angel Eyes

تتخبر عن دينها وتسأل اذا هالشي حلال ولا حرام ..

والله يا اختي انا عندي نفس مشكلتج.. هب عارفه شو اسوي اريد اتعود ع طريقه سهله ونظيفه غير الموس .. لكن مالقيت..

بس الظاهر اني بستخدم المكينه..

ومره ثانيه اقولج اختي Angel Eyes

ماعليج من اي وحده هاجمتج بالرمسه.. وربي يجزيج الف خير.. ع طرحج هالموضوع.. لأنه احيانا الوحده فينا اذا كانت خايفه ع دينها وفي قلبها شك م اللي
اتسويه اتحب تاخذ الفتوى الصحيحه .. عشان تجنب الحرام..

تحيـــاتي وسلامي لج..

*جـــوليت & رامبـــــــو*

juliet&rambo

مشكوره حبيبتي...و كلامج صحيح..لكن للأسف لاحظت وايد في هالمنتدى ان معظم البنات يحبون الهجوم !!! يعني الواحد يسأل عن شي وبدال ما يردون على السؤال يهاجمونه !!! الله كريم

شلون حرام .. طيب البنت لما تولد اكيد بنت بتولدها دكتوره

كان ذا حرام ...


ما اعتقد والله العالم ..

ترانيم...

لازم نسأل مفتي لانه وايدين يقولون حرام.....بس ابغي اعرف السبب لانه مثل ما الوحده تكون مضطره في الولاده تكون مضطره تشيل بالحلاوه عشان الزوج لما تتزوج...و على فكره في الولاده مو بس الدكتوره تشوف....ترا اللي رايح واللي جاي يشوف ..الله اعلم

انزين يا بنات اكيد هو حرام بس للضرورة أحكام ولا شو رايكم ..............


يعني الحرمة في غرفة الولادة احياناً يتكشف عليها دكتور ريال !!!

ومليون سستر تدخل وتطلع وتتكشف على عورت الحرمة ولا شو رايكم ؟؟؟؟

حبيباتي .... الموضوع مو موضوع كيف ترضين على نفسك ...

لكن أنا اظن ان هذي مش ضرورة قصوى .... يعني الله يهديك يا angel eyes الحين شل الشعر بالحلاوة مثل الولادة؟

الظروف تختلف .... لكن في اكثر من طريقة لازالة الشعر من هذي المنطقة مع ان السنة مثل ما قالوا البنات نتف الابط و حلق العانة.

لكن نصيحتي لج ... اسألي شيخ في هالموضوع و إذا قال لك أنه مو حرام ... اسألي زوجك إذا هالشي يرضيه و الا لا ... لان فعلا مثل ما قالت احدى الاخوات ... ممكن لا سمح الله تصير حالة طلاق ... الله يبعدها عنك و السامعات ...

ما في رجل يسمح لزوجته بالتكشف امام امرأة عشان تشيل لها الشعر بالحلاوة

و بنات بليز ... شوي شوي عليها تراها بس تسأل :-)

و الله يا أختي يا engle eyes
عورني قلبي عليج ....... بس أنا رأيي انه الخطأ بصراحة في بعض عادات امهاتنا جزاهم الله كل خير ، يعني احنا لازم نتلافى هالخطأ بمتابعه بناتنا من الصغر و تعليمهن الطرق الصحيحة للتنظف من سن معقوله مثل 15 أو 16 أنا ما أفتي ,أستغفر الله إذا قلت شي خطأ بس اعتقد انه الأم ممكن تشيل حق بنتها أول مرة أو مرتين بغرض التعليم و هي صغير بعدين البنت بتتعود و ما بتلاقي صعوبة يوم تتزوج و هي في العشرينات ، ترى هذه من الثقافات الجنسية ( في رأيي) إللي لازم الأم تعلم بنتها عنها و تفهمها كيف تشيل بالطريقة الصحيحة و كيف و هي بنت تبتعد عن الاماكن ( البعيدة لكي لا تؤذي نفسها )

بس الحين بعد ما كبرت البنت و هذا مشكلة جيلنا إحنا اعتقد انها تحاول تلجأ حق امها او اختها أو عمتها في اول مرة بعدين هي لازم تتعود لما بتروح بيت الريل ما بتحصل حد يشيللها و الزوج بعد فترة من الزواج لن يتحمل أهمال زوجته و ما بتحصل حد فاضي يشيللها و من غير اللياقة انها تظل تعتمد على وحدة ثانية

انشاء الله بعد 15 سنه ما بنلاقي هالمشكلة لأننا بنكون واعيات و نفهم و نعلم بناتنا

اللهم ارزق جميع بنات المنتدى بنات و يبلغهن تعليم بناتهن و تزويجهن
قولوا آمين :)

عجبني كلامج ريم 81

ماشااءالله عليج

عزيزاتي :

السلام عليكم ورحمة الله وبركاته

يسعدني اني اشارك معاكم في هالموضوع الحساس جدا

عزيزاتي السؤال المطروح ماله الا جواب واااااااااااااااااااااااااااااااااااااااااااااااااحد وهو

حرااااااااااااااااااااااااااااااااااااااااااااااااااااااااااااااااااااااااااااااااااااااااااااام

كشف العورة على اي اجنبية والمقصود هنا اللي تشيل الشعر والاجنبية عنج لابها مب اختج ولا امج علشان تكشفين عورتج قدامها لان المراة عورها من راسها لاصابع رجيلها ، واذا قدام المراه اللي نفسها عورتها من الصدر للركبة ومابين الصدر والركبة يتمركز التحريم

وبالنسبة للولاده فعند الضرورات تباح المحظورات لكن ازالة الشعر مش من الضرورات لان هناك بديل واذا ما تبون البديل فعندج امج او اختج

اما الولاده فما اعتقد ان الوحدة اللي تولد مستانسة انها متكشفة قدام اللي رايح واللي جاي على قولتكم بالعكس ودها انها تولد بدون ماتبين عورتها لاحد وما فيه حل ثاني او بديل حق التكشف اثناء الولاده ولااااااااااااااااااااااااااااااااااااااااااااااااااااااااااااااااااااااااااااا يقاس ازلة الشعر على الولاده لانه ما فيه وجه تشابه بين الاثنين


واتمنى لكم التوفيق والسعادة في حياتكن الزوجية

العورة يا أختي من السرة للركبة و ليست من الصدر

و اسمحيلي الغالية

حراااام لان راح تجوف عورتج خصوصا اذا كانت اجنبيه
بس لو تكون اختج اعتقد افضل

حرااااااااااام كشف العوره بغرض إزالة الشعر ...

لأن هناك عدة طرق تستطيع المرأه ان تتبعها في إزالة الشعر .. إما بالنتف أو بالحلق ..

وعورة المرأه على المرأه من السره إلى الركبه ....


أما في حالة الولاده ... هذي حاله استثنائيه لا خيار فيها ... !!

وبالنسبه للنتف بالحلاوه .. أعتقد عندها الوقت الكافي للازاله ..

قبل ماتباشر إزالة الشعر تخدر المنطقه الحساسه بمخطر موضعي وتتركه 10 الى ربع ساعه

وبعدها تبدا بالنتف .. وشوي شوي لين ماتخلص منطقه معينه ..

وترتاح وعقب تكمل ...... كلنا فالبداية تخوفنا وتألمنا .. لكن مع التعود بيصير عندها شي عادي ..





والله يهديكم ويصلحكم ..

شكرا أختي ريامي على النصيحة

وع

عزيزاتي بنات عروس..
رغبه مني في توضيح امر للاسف منتشر بكثره في مجتمعنا حيث نجد الكثير من بنات البلد يذهبون الى الصالون لازاله المنطقه او حتى يأتون بأحد الى البيت ليزيل لهم المنطقه بالحلاوه لقبل العرس او حتى من غير عرس من الناحيه الدينيه و ان كان حلال او حرام لتعم الفائده ويتعلم اللي ما كان عارف...ما شاءالله اجد الهجوم كانني قلتلكم اني سويت هالشي!!! ووصفني البعض بانني بلا حياء و غيره و غيره..
شكرا لكل البنات اللي شاركن في موضوعي في حدود الادب والعلم والرغبه في المشاركه مهما كان الرأي....واحترم راي كل وحده فيكم و رمستكم عالعين و الراس...لكن انه تدخل وحده من الاعضاء و تقول


وع


فالصراحه ادبي و اخلاقي يمنعانني من الرد...فيا اختي ان لم تقل خيرا فاصمت....وان كان الموضوع من عايبنج فمحد جبرج تدخلين...ومثل ما الواحد يحترمج ويحترم مواضيعج احترميه لان الانسان يذكر باخلاقه...

angel eyes
قولي لصديقتج تبدي خطوة خطوة .. مو لازم اتخلص بيوم واحد
اول يوم بتحس بألم لكن راح يخف مع الوقت ان شالله .. و على فكرة حتى الشعر راح يخف و بعد جم شهر بتشوف ان في اماكن ما قام يطلع فيها شعر اصلا .. و اهم شي انها تشيل بسرررررعه لا تحط الحلاوة و تنطر او انها تشيلها شوي شوي لان العوار بيزيد
انا مو متزوجة لكن الحمدلله بديت اعود نفسي على الحلاوة بعد ما كنت استخدم الموس و سودلي المنطقة و صارت مبقعه بسبب نمو الشعر تحت الجلد .. الحين الحمدلله الوضع وايد احسن :)
اي صح تذكرت .. اول مره قوليلها اتجرب الشمع لانه يبرد على طول و يجمد بمكانه غير عن الحلاوة اللي كل ما طولتي بتذوب و بتأذيج .. بعدها خلاص تستمر على الحلاوة عادي