من منكم استخدمت منتجات كلينيك للعناية بالبشرة ؟

شوفي اختي

اذا للبشره وبالتحديد بتسئلين عن نظامهم ال 3 خطوات .. صابون وتونيك وكريم فلااااااااااااااا تشترينه والله مو شي

على الاقل عن تجربتي مو شي ..

شوفي لك ماركه ثانيه احسن لك ..

شوفي هالموضوع بيفيدك

http://www.3roos.com/forums/showthread.php?p=1336518#post1336518

اختي انا ما استخدم الا هذي الماركه اي ماركه ثانيه حرقت وجهي , و الحمد لله نافعه معي بس انتي لما تروحي المحل طلبي عينات مجانيه و جربيها قبل ما تشتري الكريمات لان قيمتها غاليه شويه و بعد شوفيها اذا بتفيدج و لا لا

و تحياتي لج

اختي انا ما استخدم الا هذي الماركه اي ماركه ثانيه حرقت وجهي , و الحمد لله نافعه معي بس انتي لما تروحي المحل طلبي عينات مجانيه و جربيها قبل ما تشتري الكريمات لان قيمتها غاليه شويه و بعد شوفيها اذا بتفيدج و لا لا

و تحياتي لج

مشكورين خواتي على ردودكم


صراحة كنت استخدم الماء بس لتنظيف بشرتي !!

ومن اسبوعين شريت لي نظام الثلاث خطوات من كلنيك .. وخلال هالاسبوعين ما لاحظت اي تغيير في بشرتي ..

مثل ما كانت ايام استخدام الماء فقط لتنظيفها ..

وخذيت من عندهم بعد كريم واقي من الشمس .. واستخدمته بعد خلال هالاسبوعين ..

وما تغير شي !! .. وبعض اللي حولي لاحظوا اني صرت سمرة شوي خلال هالفترة



قلت يمكن في شي غلط .. خاصة اني كنت دايما اسمع يمدحون هالماركة ..


وكنت افكر اني اشتري Total Turnaround Visible Skin Renewer





و

7 Day Scrub Cream Rinse-Off Formula



قلت يمكن اذا استخدمتهم الاحظ تغيير او شي .. فاللي استخدمتهم ونفعت معاها يا ريت تخبرني ..

حبيبتي انا استخدمتها وحلوة مرة
بس احب اقولك انك ماتستعجلين بنتائج
يعني مو من أول اسبوع
انا ماطلعت نتائجها الى بعد مرور شهر وزيادة




تحيتي
بحب حبيبي

بحب حبيبي ..

مشكورة اختي .. طمنتيني شوي .. يعني في امل انها تفيدني :)

لكن شنو النتايج اللي لاحظتينها ؟ واي المستحضرات اللي استخدمتينها ؟

شوفي هي اذا ماحسست لك او ضرتك من البدايه ماراح تضرك
يعني انا وش سوت فيني
من البدايه كنت احس بشرتي تصير جااااااااااااااااااافه وتتقشر مع ان بشرتي مختلطه
وما احس ان فيها ترطيب ابد واذا حطيت المرطب حقهم صرت احسها دهنيه زياده عن اللزوم
فانتي اذا كنتي استخدمتيها وتمام .. واصلي

[align=right]




[grade="00008B FF6347 008000 4B0082"][CENTER]حبيبتي
أنا كنت أعاني من تغير لون وجهي وظهور الحبوب والبثور السوداء بشكل مخيف
استخدمت جميع المنتجات الخاصة لإزالة الحبوب والبثور منها الهيمالايا اللي والحمد لله أزالها كلها إلا أن لون وجهي ما رجع مثل ما كان
ولما استخدمت هالمنتج المكون من 3 خطوات وهي الصابونة والتونيك واللوشن المرطب رجعت بشرتي والحمد لله أحسن من أول
حتى الدكتورة المعالجة لوجهي نصحتني فيه والحمد لله مرتاحة من النتيجة[/grade]


[align=left]

حياتى انا مجربة كلينك ممتازة واذا ناوية تجربى السكراب ترى ممتاز بس لازم تاخذين السكراب والفورم بعد السكراب استخدمى السكراب مرة الاسبوع يكفى ترى مكتوب علية كل يوم تيعميلية بس ما انصحج مرة فى الاسبوع تكفى واتمنى لج التوفيق

اهلين عزيزتي فله

انا انصحج انج تستخدمين هالماركه لانها طبيه وتنظف البشره

انا عن نفسي استخدم التونك مالها وايد حلو وينظف

ولا تخافين منها لانها طبيه وفيها كل الي تبينه

وحسن اختيار للعنايه بالبشره هي CLINIQUE

واتمنى اكون افدتج ...

fay fay

مشكورة اختي .. لحد الحين ما شفتها ضرت بشرتي .. صدق اني ما حسيت بفايدة لكن ما ضرتني ..

ولاحظت ان واقي الشمس ما تتشربه بشرتي بسرعة ..

وصراحة من شفت موضوعش اللي فيه مجموعة شانيل اللي شريتيها .. حبيتها من اول نظرة :) قلت ياريتني شريت مثل fay fay من شانيل .. لكن خلني الحين على كلينيك وان شاء الله مع الايام تفيدني ..

ام الوله
مشكورة ام الوله .. الحمدلله انها جابت لش نتيجة حلوة .. وعقبالي .. واني اعاني من نفس المشكلة اللي تعانينها وهي عدم توحد لون البشرة :( وبعد فيني آثار حبوب قديمة :( .. يارب تفيدني ويتصير بشرتي صاااااااااااافية وتجنن ..

سهورر
مشكورة سهورر .. وشجعتيني على شراء السكراب .. كنت مقررة اني اشتريه بداية الشهر .. اذا طلع المصروف :) .. والخبيرة قالت لي استخدمه كل يوم لمدة اسبوع .. وبعدين استخدمه مرة وحدة بس في الاسبوع .. لكن شنو هو الفورم ؟ وشنو فايدته ؟ وكم قيمته ؟

مهرة
مشكورة اختي على الرد ... ان شاء الله تفيدني مثل ما فادتكم .. :)

[CENTER]اهلين اختي فلة..

بالنسبه لي كلينك من احسن المركات الي استخدمتها ..
مشكلها أنها غااليه شويء بس تستاهل ..
جربت مستحضرات كثيره منها بس افضلها الكريم الصباحي و هو عباره عن مرطب و مغذي وواقي مررره فضيع و حسيت ان بشرتي تغيرت معاه ..

هلا طل القمر .. مشكورة اختي على ردش ...

الكريم اللي استخدمتيه مكتوب عليه superdefense ؟ او اللي تقصدينه واحد غير ؟

هل من آراء أخرى ؟!! :)

مشكورة سهورر .. وشجعتيني على شراء السكراب .. كنت مقررة اني اشتريه بداية الشهر .. اذا طلع المصروف .. والخبيرة قالت لي استخدمه كل يوم لمدة اسبوع .. وبعدين استخدمه مرة وحدة بس في الاسبوع .. لكن شنو هو الفورم ؟ وشنو فايدته ؟ وكم قيمته ؟

اجاوبك على اسئلتج حياتى شوفى السكراب لا تمشين على طريقة الخبيرة ترى راح تتأثر بشرتج هذا عن خبرتى سكفى استعملينة مرة فى الاسبوع وراح تدعى لى لانة المدة اللى مخليتها الشركة للسكراب وايد صعبة على بشرات الخليجيات وبذات الجو الحار اللى عندنا لما تاخذين السكراب راح تراويج الفورم هذا عبارة عن كريم بعد ما تسوين السكراب حق البشرة الجلد الميت يتغير صح هذا الكريم يغذى البشرة بعد السكراب واعتقد انة النوعين من الكريم سعرهم 18 دينار انا اخذتة من دبنهامز فى مجمع السيف بس بصراحة هذى هى طريقتى ما مشيت على طريقة الخبيرة واتمنى تستفيدى من برنامج العناية للشركة اى سؤال تحتاجين انا حاضرة لج

[movek=d[frame="1 80"]own] محــــــــد استخدمه[/movek][/frame]

سييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييي

مرحبا خواتي


انا استخدمت الاسكراب والكريم المجدد
(CLINIQUE exfoliating scrub & CLINIQUE total turnaround visvble skin renewer)

الاسكراب استخدمته تقريبا كل 4 ايام مرة والكريم المجدد يوميا بالليل قبل ما انام..

والكل لاحظ نضارة بشرتي بعد حوالي اسبوعين مع انه بشرتي سمرا داكنة..

بس فعلا كان مريح ليه.. واتغير مظهرها وكانت بشرتي دهنية وخفف الدهون مرة..


صراحة منتج رائع..

بالنسبة للعناية اليومية الصراحة ما اشتريتها لأني اعرف نفسي ملولة وما راح استمر..


اتمنى التوفيق للجميع..


$~:. ربى .:~$