زوجي بيسافر وهددته ، ،

نودو عزيزتي

الحمد لله إنك رجعتي أولا علشان نطمئن علكي

والحمد لله إنك اعترفتي بغلطك

إن بعض الظن إثم وكفاية شكوك وأوهام مش راح تجيبلك إلا المشاكل

ومن متى يا الغالية نحط إذننا للشغالات تراهم ما يتمنون لنا الخير في كثير من الأحيان

تتركين زوجك وتحرقين أعصابك علشان كلام الشغالة

وهاذي اللي طابعتلك بوسه على قميصة .. حسبي الله ونعم الوكيل فيها

وتراها لو إنها زينة ما سوت هالعمل لو إنه صحيح فعلا

والواضح إنهم يريدون إنكم تتمون بمشاكل وهواش

وطبعا بتكونين حليوة معاهم علشان تبين تعرفين منهم آخر المستجدات

اعقلي حبيبتي وحافظي على حياتك ويا زوجك واتركي الأوهام

يعني كل كلامك السابق أوهام × أوهام وشكوك × شكوك وظنون × ظنون

الله يسامحك

وخليتينا نشيل في قلوبنا من زوجك واللي نصحتك بالطلاق .. كل هذا انبنى على شكوكك وأوهامك

تعوذي من الشيطان .. وديري بالك على حالك وعلى بيتك وزوجك وبنتك

تقربي من الله أكثر وادعيه بقلب خاشع إنه يشيل من قلبك الوساوس ويهديكم ويصلح حالكم

وربنا يوفقكم ويسعدكم .. واستقبليه بشخصية مختلفة تماما عن السابقة

والله يصلح بينكم

انا تعبت من كثر ما اشوفه يتأخر علي وما ينام معاي كثير وكلام الخدم والسائق اللي دزيته ليراقبه طبعاً قال ان شاف سيارته عند شقتها بس هو مش من بقية اهلي يمكن قلبه مش علي يعنى يريد يخرب بيتى علشان يمكن على باله انا استسلم له ، وهاذي السكرتيرة الحقيرة اللي عنده كانت بالفلبين وهو قبل ما يسافر اجبرها انها ترجع الديرة علشان قلبي يرتاح وعقلي ما يودي ويجيب وهي كانت بإجازة وكان المفروض تجلس هناك الى آخر مايو لكن هو لزم عليها انها ترجع ليلة قبل وصوله للفلبين علشان انا اطمئن وانا بالفعل اتصلت وتأكدت انها بالديرة هنا...............

بس لا تلومونى يمكن هو من كثرة المشاكل والضغوط بالعمل ما يكون له نفس للمعاشرة وانا اتهمه بالخيانه ... يمكن يكون بارد ...... والله بعد اصدقاء السوء هم اللي يلفون باله بس اتمنى والله من كل قلبي انى اكون متوهمه الله يعلم أيش كثر انا عانيت ومازلت اعانى علشان الله يهديه ويسر امورنا دنيا وآخره . وانا ما اتمنى ان يتم بطريق المعاصي هاي اذا هو يروح لأنه ما اتمنى ان يذوق النار والعذاب من الله سبحانه وتعالى اتمنى بس يهتدى ويتوب ويرجع لي ولبنته المسكينه اللي مقصر كثييييير بحقها وحقي ....

بعد اختى ما اقدر اقول انه انسان شريف ، والله انا احس انى مجنونة جننونى هالخدم طبعاً ما في ثقة بينى وبينه مستحيل ترجع الثقة لين اقول له سفر الفلبينية يقول هاذي مصدر رزقي اشلون اسفرها وانا اصغر منها واحلى منها الله لا يوفقها دنيا وآخره لأن اعرف هي تعمل له أعمال وسحر علشان تلهف بيزاته الحقيرة .....................

والله لا تلومونى ولا تزعلون ...... اتمنى هو يرجع ويحس بالتغيير اللي انا فيه.......... علشان هو بعد يتغير.

[CENTER]اختي

انه وايد متأثرة عشانك

تبين ترتاحين

اولا عالجي روحك ترى انتي عندك انهيار عصبي وواضح من تصرفاتك

اشتركي في اي نادي صحي ومارسي الرياضة كل يوم واهتمي بجسمك وابتعدي عن القيل والقال

هذا اول شي

لين حسيتي ان نفسيتك تعدلت وصرت انسانه واثقة من نفسها بدلي حياتك الزوجية من الجذووور

ترى الحل بيدك مو بيد احد خلي الحل ينبع من داخلك مو نصيحة عابرة من هنى وهناك

سلالالالالالالالالالام:flower::flower::flower:

الله لا يذوقكم طعم الخيانه حتى الشك واللأوهام تراها تدمر الوحدة وتجننها ، اللى فيها غير واللي ذايقة غير حياتها تكون حتى اذا مش متأكدة ومتوهمه ............

لا حول ولا قوة إلا بالله

الله يكون في عونج ويفرجها عليج ....

وضعج صعب جدا ... بس حرام بعد أهنت كرامتج بما فيه الكفايه ...

لا تتطلقين منه ... انفصلوا لفتره شهر شهرين ثلاثه ... ابتعدوا البعد راحه لج انتي بالدرجه الأولى ولأعصابج بعد ...

استغلي فتره غيابه بإعادة ترتيب أوراق حياتج المبعثره ... فكري في حياتج وكيف كانت وكيف صارت وكيف تريدينها ....

وادعي ربج واتقربي منه .. واكثري من الصلاة والاستغفار .... واذا حسيتي برغبه في البكاء ابكي عشان ترتاحين ....

لا تشتكين لأمج عشان ما تأثر عليج بكلامها اللي ينبع من حرصها وخوفها وقهرها على وضعج المأساوي ...

في فتره البعد عنه ... عشان توصلين وتتخذين قرارج بنفسج بعيد عن تأثير أحد عليج .....

بعدين اذا فكرتي في بنتج لا تنسين نفسج .. وبنتج ما أعتقد أن هالأب بيكون مصدر فخر لها بيوم من الأيام ... الله يهديه بس ...

يعني صح تفكرين في بنتج ومستقبلها بس مب على حسابج انتي لالالالالا ... واحمدي ربج ان امج وابوج في صفج

يعني حتى لو صار الطلاق لا سمح الله ...

انتي لحالج فكري وبتوصلين لقرار ... واستخيري ... وما خاب من استخار الله تعالى .....

في شي ثاني ....

وهو صحتج .... لا تنسينها ... في وضعج هذا وحالتج أكيد صحتج بتتعب .... ونفسيتج ... وجمالج ... وشبابج ....

حرام الله يسامحه ريلج بعدج صغيره والدنيا قدامج .... بس هذا ابتلاء وحاولي تكونين قد الابتلاء والاختبار اللي انوضعتي فيه ...

دعواتنا لج .... والله يعينج ويفرجها عليح ....

:(

يا اختي نودو لا تسمعين كلام الخدم ولا كلام احد

وترى الريال مايحب الحكرة ولا يحب المرة اللي تحن على مخه وكل يوم تسأله وتردله بالمواضيع

الريال يحب ان المرة تكون ناسية كل اللي فات، وان تكلمتي بأي موضوع صار صدقيني يعاند ويسوي شغلات تشككج غصب لانه متنرفز منج.

حملي مثل ماقلتي لانه المسؤولية بتزيد عليه وبيحس انه لازم يلتزم اكثر.

وتبين نصيجة مجربة 100%

بس تطبقينها ..

مو بس حقج انتي، حقكم كلكم ..

لا تصير حياتكم روتينية، لازم تبتعدون عن بعض شوي تغيرون الروتين.

يعني يوم الاربعا والخميس مثلا روحي نامي عند اهلج. وان حسيتي ان الوضع عادي بعد هم ردو ناموا يوم السبت، راح تحسون بتغير من ناحية الزواج، بيوله عليج وبيحس بمكانج، واذا رديتي البيت بتشوفين ولهان عليج وزين متحمل هالـ 3 ايام :)

قعدي باجي الاسبوع وقبل لا ترد الحياة روتينية وتبرد المشاعر بينكم هم ردي نامي برة، او العكس خليه اهو يروح ينام عند الشباب بالمخيم ولا بالشاليه ولا بأي مكان.

اختي نودو السفر هذا يمكن يكون خيرة لج، بيرد ولهان عليج وانتي بتكونين ولهانة عليه. واهم شي انسي كل شي سواه ولا تكلمينه عن اي شي فاااات ..

كيفك اختي نودو...........انا متابعه الموضوع من على بعد...شفتي ان كلامي بمحله...وان زوجك مايسوي شيء كل اللي تقولينه نسج من خيالك اضفتي لها بعض المؤثرات والبهارات وصدقتية واللي ساعدك فيها طرفين...الاول :الخدم طمعا في الكسب المادي..
والثاني:زوجك لانه حاب يخليك تتعذبي بوساوسك وعنادك...لاتخربي حياتك يانودو..وتري للعلم يبيلك علاج انشاء الله مايكون طويل الأمد...علمي نفسك تطولين بالك..وما تسوين من توافه الامور مشاكل كبيره..

وتبين الصراحه كل مره ادخل الموضوع وشوف تمسكك باخطاءك الفادحة ووساوسك المريبة افضل ابتعد واترك الموضوع للاخوات...
اتمنى من الله يهديك ويهدي سرك ويصلح بينك وبين زوجك..

كلامج عين العقل
الرجال مايحبون المراه النكديه بالعكس
تلطفي معاه وتكشخي وحسسيه انج احسن من الفلبينيه وطبعا انتي احلا منها
جننيه جننيه بس مو بالنكد والصراخ لا بالدلع والغنج واللبس وياربي يالله يوفقج مع زوجج ويسخره لج ان شاء الله

[CENTER]
الله يعينتج حبيبتي نودو على هذي الحاله...والله ماتوقعت انه توصل لهذي الدرجه...سامحيني الغاليه بس والله ريلتج الي ينقال عنه ريال مايستاهل كل الي سويتيه على شانه ...هذا من اسواء انواع البشر ...الله ياجرتج على صبرتج وطول بالتج عليه كل هذي المده ...بس كل شي له حدود...مساله الضرب والسخره والتهرب من المصاريف مب من شيم الريايل....اذا كان اصلا يعتبر نفسه ريال...الغاليه الله ما يرضى بالذل والاهانه.. انتي استخيري ربتج وانا اقولتج بالعريض روحه وموته ان شالله وبلا رده ...يعل الطياره الي بتشيله ما ماترده ابد ..انتي شو ضمنتج انه ما منصاب بالبلاوي والامراض المعديه...الله يعينتج ونصيحه اسمعي كلام الوالده والوالد وخلي الريايل يتفاهمون ..الله يهدي سرتج ويحفظ بنتج ان شالله

صدق شر البلية مايضحك ؟!! نودو اسمحيلي بس ماعرف شقول لج .. لانج انتي بروحج مب عارفة شو هو وضعج بالضبط .. وصلتي لمرحلة تميتي تتهمين عمرج بكل شي ..!!! وين كلامج قبل ؟!! ليش ماقلتي من البداية ان الخدم هم الي كانوا يواشون على ريلج ؟!! ليش خليتينا نعيش معاج ماساة كلها من نسج خيالج وشكوكج وتاليفج ؟!!
نودو اسمحيلي .. بس نصيحة مني دوري على طبيبة نفسانيه ابرك لج قبل لاتحملين لاتفكرين ان الحمل هو الحل ولاتفكرين انج بكثرة العيال بتربطين الريال هذا تفكير وحدة جاهلة.. ترا لو ماتغير الوضع بيكثرون الضحايا وانتي المسؤولة!!
غريبة انتي نودو الله يكون في عونج .. ويساعدج واسمحيلي مرة ثانية

السلام عليكم ورحمة الله وبركاته

بنات...

مش من حقنا نقعد نلوم أختنا نودو...

هي فضفضت لنا بكل احوالها...كل شكوكها و مخاوفها

حتى لما حسّت إنها غلطانة قالت لنا...

بالراحة عليها و شويه شويه...

الله يهدي لها زوجها و يجمعهم على الفرحة يا رب

nodoo صندوق الرسائل لديه ممتلئ و لن يمكنه استقبال رسائل جديدة قبل حذفه عدداً من الرسائل المحفوظة لديه .

:( :(