تعالو اوريكم وش شريت كبرنامج العنايه ببشرتي وجسمي قبل الزواج

اريام
حبيبتي انا بعد لما رحت ابي كريم السوليلت عطاني واحد للشد وواحد يوخره ،، بس الكريم اللي خذتيه هذا مو للسلوليت ،،
شوفي Total Body Lift هذا للسلوليت
و Renew-Plus Body Serum هذا اللي قالي خذيه لشد الجسم والخطوط البيضاء .. بس بعدني ماشريته لانه خطوه ثانيه عقب كريم السيلوليت ..
اما بخصوص الكريم اللي شريتيه فهو Body Shap Cream ?? صح !!
فإذا هذا هو فهذا ما اخذته لكن قريت عنه انه لشد منطقة البطن ويرطب المنطقه ويوخر التجاعيد اللي بالبطن .. وتستخدمينه بطريقة مساج بحركة بأتجاة عقارب الساعه ..

فإنتي شوفي وش مطلوبك بالضبط .. ان كان السيلوليت عندك بالبطن فهذا يناسبك بس اذا كان عندك بالارداف فرجعيه لهم وخذي الاول اللي انا شريته ،،

وعلى فكره شكل هالكريم مطلوب عندكم وايد لان توني رجعت من ابوظبي ورحت لباريس غاليري اللي بابوظبي مول ورحت للي في مارينا مول وفي الثنين الكريم حق السيلوليت مخلص :)

المهم اختي الحين تأكدي من كريمك وموفقه يارب :) وبشريني عن النتايج ..

دلوعة بوخليفه

ايه غناتي ابتدي من الحين ومابتخسرين شي ابد بالعكس بتستفيدين :)
ولا تقولين من وين ابدا ،، بصراحه كل شي صرت اسويه ما خططت له بس اللهم اني عزمت وشريت واستخدمتهم وهذاني اشوف النتايج سواء زينه او شينه ،،
فتوكلي على ربك :)

عذب القوافي
ربي يبارك فيك اختي ويسلمك :)


عروس السماء
العفو اختي العزيزه وربي يبارك فيك ان شاء الله :)

نجي للجد الحين :cool2:

بالنسبه لكريمات شانيل

عندي نصيحه للبنات اللي يبون يستخدمونها ،، لاتصيرون مثلي وخذوا عينات قبل استخدامها .. والسبب طال عمركم ..
ان كريمات شانيل عطتني مفعول حلو والله ،، تو استخدمتها من فتره كلش قريبه ،، احس انورت بوجهي وبصراحه في الوقت اللي استخدمتها شقول لكم .. بشرتي كانت معدومه ،، انواع الجفاف اللي مو طبيعي ،، وبنفس الوقت بشره دهنيه:confused:
صج تحيرت مع هالبشره ،، المهم اللي صار .. ان بشرتي صارت احلى من ناحيه ان المناطق الجافه صارت مخمل نااااااااااااااااااااااااااااااااااااااعمه حيل اللهم لك الحمد ،، بشرتي توردت ومنوره اكثر .. لكن للأسف المنطقه الدهنيه ببشرتي زادت دهونها قليل بحيث ان بشرتي صارت تطلع فيها حبوب بيضاء والله العظيم قد النقط الصغيره يعني بهالحجم (.) << تخيلوا ثنتين او ثلاث نقط جنب بعض كيف بيكون حجمهم !! كذا حجم الحبوب اللي ببشرتي طلعت عند الانف واللحيه يعني بالمنطقه الدهنيه ...

فنصيـــــــــــــــحه ،، شانيل روعه والله لكن اتوقع تناسب اما البشرات الجافه اكثر ،، لان مثل ماقلت لكم ناسبت المناطق الجافه ببشرتي بطريقه خياليه ،، او انها راح تناسب لبشرات اللي مو حساسه مثل بشرتي ..

فعشان ماتخسرون فلوسكم جربوا تاخذون عينات قبل :)

الحين انا حولت الخط تبعي لمجموعه جيرلان الجديده وهي نفس القديمه بس مطوره شوي عنها ،، تو شريتها من ابوظبي ومانزلت غير في باريس غاليري
والموظفه هناك قالت لي ماخذ كل المجموعه ،،


اخذت الرغوه

^
^
رووووووووعه في حبيبات صغيره تقشر البشره ،، يعني مابتحتاجين سكراب وناعم مره ..


والتونيك

ريحته خياليه ^_^

السيروم


كريم نهار ووقايته كبيره مره

ماحبيته لان شكله ماعجبني بس لازم استخدمه

كريم الليل وهذا ثقيل نوعا ما بس بسرعه تشربه البشره :)


اما بخصوص كريم العين فنصحتني ماشتريه لانه ينفع للي فيهم بقع لونيه حول عيونهم اما انا فقالت لي استخدم كريم اللي تبع هابي لوجي


وسلامتكم ^_^

بس تدرون اكتشفت شي
ان باريس غاليري غااااااااااااااااالي .. محلاتنا بالسعوديه حيل ارخص ،، يكفيكم السيروم سعره بالامارات 300 وفوقها شوي وعندنا وربي بـ بميتين وشويه تقريباً غير كريمات الليل والنهار .. عندنا ارخص وكريم العين عندنا 180 وعندهم 215 ........ يعني فرق كبير بين المحلات العاديه وباريس غاليري ،،

موفقين

السلام عليكم

هلا اختيfay fay
يا ليت تنصحيني بالكريمات لمناسبة

وأنا بشرتي دهنية بس في أماكن جافة وايد مثل حولين الفم وبعد ويهي وايد شاحب

فيا ليت إذا عندج حل ومضمون تقوليلي لاني تعبت ولا لقيت الحل له

بنات عساكم على القوة

والله نفعتوني

ومبرووووووك يا عرايس
وعقبال الآنسات
والله يهنيكم يالمتزوجات

تحياتي
مرايم السعودية

أول شي الف الف الف مبروووووووووووووووووووووك

ثاني شي مضووووووووووعج روووووووووووووووووووووعه


وانا متابعه :)

[CENTER]حبيببتي وغاليتي

انا اشتريت شانيييييييل وببدى فيهم يوم السبت

وبشرتي عاديه لاهي دهنيه ولاهي جاااااااااافه

وسألت البنانيه وشافت بشرتي قالت راح تفييييييدك كثير

وانا الحمدالله مافي لا حبوب ولا حبوب سودا ولا شي

بس زي ماقلتي ابيها تكون مورده واحس ان وجهي مشششششششششرق مثل الشمس هع

وراح اقول لك على النتائج بس بسألك عمري

الحين تستخدمين شانيل وتستخدمين من جيرلان

ماتتلخبطين ولا كيف تستخدمينهم ؟؟؟

ولا خلصتي من شانيل وبديتي بـ جيرلان

وبعدين انا مافيني تشققات بجسمي الحمدالله

بس ابي اشد بعض المناطق بجسمي

تنصحيني اخذ Renew-Plus Body Serum


ومع رياضه لاني بديت امشي واسوي رياضه

وانا الحين تخيلي جالسه ادور على اي شي على اساس اني اوخر الحبوب السودا الي كانت محببه

في بعض منها بيديني وابيها تروح رحت لدكتوره قبل فتره ولا فادني علاجها
وانصحوني هنا بالمنتدى بصابونه ولا فادني برضو :(


وخالاتي والماما يقولون انتي موسوسه ولا فيك شي

:(

فاذا تعرفين كريم يبيض الجسم وتنصحيني فيه حتى لو يكون غااالي
قوليلي

باقي ثلاث اشهور

واخاف مايصير شييييييييييي بجسمي

انتظرك حبوبه

ريم العين
اختي انا بشرتي مثل بشرتك تقريبا ،، منطقه التي زون دهنيه نوعا ما والخد وحول الشفايف وعند العين وفوق الحاجب تقريبا جافه حيييييييييل ..
وعيوني انا مابقدر انصحك تعرفين ليش .. لان لكل بشره احتياجها واشياء تتحسس منها ..
مثلا شوفي مستحضرات شانيل .. جربت نوعين وهم الايج ديلاي ونوعيه الوايتنغ .. وكلهم مفعولهم والله حلو ويبان من اول شي لكن مشكلتهم انهم يسببون لي حسايه او مدري شسالفتهم لان المناطق بوجهي تصير دهنيه بشكل كبير وتطلع لي حبوب ..

فالافضل لك عزيزتي تروحين المحل واسئلي الخبير او الخبيره وهي بتعلمك بماركات حلوه انتي بس لاتغفلين عن موضوع مهم .. قولي لهم ابي تسترررررر ومستحيل اشتري الا لما اجرب .. لاتخسرين فلوسك على الفاضي ترا اسعارهم مي رخيصه .. فخذي التستر وهو كفيل بان يعلمك هل هو يناسب بشرتك او لا لان اغلب الماركات الفرنسيه مستحضراتها ماشاء الله من اول يوم تبان نتايجها ..

موفقه عيوني ..

مرايم

الحمد لله اختي ان الموضوع فادك :)
اجمل تحيه


البدر
تسلمين يالغاليه لحضورك الحلو
والله يبارك فيك حبيبتي :)
وتسرني متابعتك : )

المهره
عيوني اول شي عليك بالعافيه وتتهنين فيهم يارب وان شاء الله مفعولهم يكون حلو عليك

بالنسبه لنوعيه البشره فمجموعه التبييض ماراح تأثر فيها نوعيه بشرتك .. هالكلام قالوه لي في كذا محل ان التبييض سواء استخدمت على اي نوع من البشرات بتناسب لانها خاصه للتبيض اكثر شي ..

وانتظر ردك بخصوص النتايج عليك .. ويارب بتكون حلوه ان شاء الله :)

بخصوص اللي استخدمهم الحين .. فعيوني انا الحين استخدم جيرلان وضابطه معي الحمد لله واااااااااااايد مرتاحه عليها احسها مناسبتني :) وشانيل وقفت استخدامه عقب ماشريت جيرلان بيومين تقريباً لان عن جد قامت تطلع فيني حبوب بس تدرين صرت احس اني تعجلت .. لان اصلا هالوقت هو وقت الدوره ومعروف ان البشره يزيد فيها افراز الدهون هع هع ..

يالله على كل حال انا الحين شريت جيرلان وشانيل عطيته لاختي بشرتها جافه ويمكن تناسبها اكثر مني ..

بالنسبه لكريم الشد عمري مابقولك انصحك فيه عشان مجرد تشترينه لاني انا صالا ماجربته ،، بس هالكلام سمعته من الخبير تبع كلارنس وكثير مجلات قريت عنه فحابه اشتريه ولان كلارنس اصلا كعنايه بالجسم حلوه :)

بالنسبه للحبوب السودا عيوني توكلي على الله واشتري مقشر كلينك تراه يجنن وبيزيل اي سواد بجسمك ويوحد لونه تقريبا.. عن جد عجيييب

واذا ماراح يمكن تحتاجين تقشير اعتقد كريستالي عند الدكتور .. بنت اختي سوته وضبط معها الحمد لله ..

واخيرا .. صدقيني ياعيوني ان والله حتى لو كان في جسمك اي عيب فهذا الشي احنا الحريم نهتم فيه والرجال ترا ماياخذون بالهم فلاتوسوسين حيل .. اللي تقدرين عليه سويه والباقي على الله ^_^

ربي يوفقك عيوني ..

الف مبرووووووووووك

وانا اشتريت مجموعة شيسيدو للعنايه

صح انها كثيره

انا لي يومين استخدمها

بخبركم بالنتايج

خذت كريمات شانيل و من يومين باديه فيهم... و انشالله استمر عليهم و بنشوف النتايج
خذت كريم السيلولايت بس بعدني ما استخدمته و خذت كريم يشد الصدر من ايف سان لوران..وايد مدحوه في مجلة shape و emirates woman ..و بعد بخبركم بنتايجه.

[CENTER]
أهلين عزيزتي اختيfay fay

أنا أشتريت مجموعة شانيل



وبدأت من فتره يمكن من أسبوع تقريباً

بصراحه ما أحس بفرق واضح

بس ملمسها خفيف وناعم على البشرة

وترطيبها حلو

بس أنا خفت أنها تسبب لي حبوب زي ما قلتي

خصوصاً أن بشرتي جداً حساسه

فبصراحه ما أستخدم الكريمات بشكل كثيف أثناء النوم

مع أني ماخده كريم الليل

بس أستخدمه لما أكون في البيت لحد قبل النوم

أغسل وجهي بالغسول

بعدها أحط مسحه خفيفه من السيروم

وبعدها مسحه خفيفه جداً من كريم الليل

على عكس كريم النهار إللي أستخدمه بشكل مكثف على بشرتي

مع التركيز على المناطق الجافه في بشرتي

علماً بأن بشرتي مختلطه بس تميل للجفاف أكثر


وعلى فكره قبل كذا كنت أستخدم أيسميا من غيرلان



وغسول غيرلان بصراحه عجبني أكثر من غسول شانيل

خصوصاً لما يكون فيه ميك أب في الوجه


بس طبعاً ما راح نقدر نحكم على المستحضرات

إللي نستخدمها الأن من أول أسبوع

لازم نستخدمها لفترة لا تقل عن 28 يوم

عشان نحكم

صح؟

لحظه وداع

عليج بالعاااااااااااااافيه حبيبتي ويارب نتايجه تكون حلوه عليك :) وننتظر ردك باذن الله عشان الكل يستفيد ..

اختي fay fay
ممكن سؤال:
شو الفرق بين كريم السليوليت و كريم البطن والخصر و كريم شد الجسم؟
بصراحه تلخبطت
ما عرفت الفرق!!

يا ريت توصحيلي
ومشكوره

اختي hey maaayel ممكن لو سمحتي اسم الكريم اللي استخدمتيه من سان لوران وهل هو كريم ولا بخاخ للصدر والف شكر

اختي fay fay الف شكر لكي على موضوعك الرائع وباين عليكي حبوبه وتحبين الخير الله يوفقك

همايل

موفقه يارب وننتظر نتيجه استخدامك لها وعسا نفعتك يارب :)



كيم
بالفعل كلامك صح اختي :)

بس ان شاء الله يكون حظك احسن من حظي وتفيدك
انا اللي مشت معي تمام هي غيرلان .. حتى الحين تقريبا بخلص المجموعه وشريت مجموعه الهبي لوجي من غيرلان بعد
صرت حيل اوثق فيها :)

موفقه الغاليه

اختي fay fay حبيت اسألج عن السكراب اللي من CLINIQUE
ياب معاج تنيجه ؟!

انا عندي الاكواع و الركب لونهم غامق ممكن هالكريم ينفعني ؟؟!!

اختي fay fay حبيت اسألج عن محموعة جيرلان بجم سعرها إذا كنتي شريتيها من باريس غاليري .. وفي السعودية وين راح احصلها بمكة او المدينة لان راح اسيرها عن جريب
واحب اقولج حبيبتي انا بشرتي ووايد حساسة يمكن شرات بشرتج فتنصيحيني بشانيل ولا جيرلان ؟؟

والله يعطيج العافية على موضوعج الحلو ..