كيف اخبرتى زوجك انك حامل ؟؟؟؟

للاسف .. انا يوم عرفت اني حامل .. زوجي كان معاي يوم الدكنورة قالت...

واول ما سمع الخبر ما صدق ... فالسيارة على طول اتصل في امة وقالها ... طبعا انا عصبت ....؟؟

ليش يستعيل .. ؟؟

المهم

اليوم الثاني سرت العياده عند الدكتورة زينب واتاكدت والحمدلله الين الحين اراجع عندها .. ووصلت الثامن

فكرتج حلوة اختي ...
الي صار معاي عادي بس بعد حلو ...

اول ما عرست وزوجي مستعيل يباني احمل دايماً يفكر ويحلم اني حامل واحنا ماكان صار لنا 3 ايام من عرسنا وهو يقول شكلج حامل وانا اضحك عليه .. والله كان تقريبا كل اسبوع اييب لي فحص حمل ومن كثر ماهو مستعيل خلاني استعيل اكثر منه وصرت انا اييب فحوصات الحمل ما كنت ادري متى يبين الحمل :P

ولما اتأخرت الدورة يوم واحد بس قلت له شو رايك اتييب لي فحص حمل ؟؟ قالي لا مافيني كل مرة انييب وما في شي المهم انا كنت بموت ابا فحص وقمت سرت وياه الصيدلية عشان اشجعه واييب الفحص وهو كان يااااائس وماله نفس ويوم وصلنا البيت ...

دخلت انا الحمام ( الله يعزكم) عشان اسوي الفحص وهو طبعا متوقع انه مافي شي نفس كل مرة يالس على الارض ( من كثر اليأس) وانا في الحمام لما شفت النتيجة موجب طرت من مكاني من الفرحة بغيت اصرخ في الحمام ما عرفت شو اسوي ..

طلعت اركض من الحمام واحس انه ريولي طايرة من الارض وهو مبطل عيونه O_O
وعقيت عمري في حظنه ( استحي ) قلتله الحمدلله انا حامل وانا اضحك وشوي وبصيح وهو مب مصدق تم يدور فيني ( فلم هندي والله ) ويقول لي حلفي عطيني اشوف الفحص وشافه ورد يتصل بالصيدلية يسألهم الف مرة كيف اعرف اني حامل رغم انه عارف بس مب مصدق .. الي يشوفه يقول معرسين من سنين وتوني اللا حملت مع اني حملت من اول شهر من العرس

واليوم الثاني سرت سويت فحص دم للتأكيد وطلعت حامل الحمدلله وقام عزم بيتهم كلهم على عشا ..
الحمدلله رب العالمين

انا اول شهر لزواجي ما صار حمل وتاخرت الدورة يومين سرت واشتريت جهاز فحص الحمل وكان زوجي يتوقع اني حامل وشيكت وما في حمل طبعا زعل وايد

والشهر الثاني نفس الشي تاخرت الدورة عندي وقلت ما بستعيل واشتري جهاز فحص الا عقب اسبوع وكان راسي يعورني وايد وريلي يقولي ترا بتيج الدورة عشان جيه راسج يعورج قتله ليش تقول جيه يمكن حامل قالي لا مب حامل لانه كل ما تيج الدورة راسج يعورج فانا زعلت من كلامة وايد ليش يقول جيه سرت واشتريت جهاز وطلعلي خطين الخط الاولي واضح والثاني خفيف سكت ما قلت شي وشكيت اني مب حامل سالني زوجي قالي شو قتله مب حامل جان يقولي قتلج مب حامل ما صدقتيني
وتاخرت الدورة عندي اسبوع وشي قلت بسير اشتري جهاز ثاني واشيك والله وخايفة وادعي وايدي ترتجف ههههههههه وطلعت النتيجة اني حامل وسرت وخذيت الجهاز وخشيته في علبته وقلت بشتري بدله لنونو وحدة بس عشان افاجئة بالخبر الحلو
ثاني يوم قلت حق ريلي انا اشتريت جهاز بسير اشيك قالي اوكي وهو يالس في الحجرة يطالع التيلفزيون وانا سيوت عمري سايره اشيك سرت وطلعت الجهاز ولبس البيبي وشايله اللبس في حضني هههههههههههه اونه شايلة البيبي والجهاز في ايدي اقوله انا مب حامل وهو ما شافني بس سمع جان يقول كنت متوقع يالله الله كريم قتله انزين شوف وانا اضحك جان ينش ويقول شو حامل ولا تجذبين عليه قتله هيه حامل وما تشوفني شايلتنه

تم يناقز ومستانس وحضني واااااااااااااايد ويدلعني وايد هاليوم وانا ما صدقت قتله هاتلي هذا وسوي هذا اونه حامل وتدلع ههههههههه فلم فلم والله

مساء الانوار
اشكركم على تجاوبكم معاي وهذه خبرات نستفيد منها عموما
بقولكم سالفتى شجعتوني....................
انا نفس الشى حملت اول شهر من زواجي ...............الحمد لله
اشلون عرفت ؟؟؟؟
كنت صارلي كم يوم دووووم مصدعه واحس بخمول ما جاء على بالي شى اخت زوجى قالتلى يمكن حلمل قتلها لا ما اعتقد لانى كان لزواجى 20 يوم
بعدها صادتنى سخونه وارتفعت حرارتى قالت لى خلينا نشترى الجهاز ونشوف قبل لا تاخذين علاج قتلها اوكى وكان هذا الكلام الساعه الواحده ليلا برمضان وما فيها صبر للصبح فقالت لزوجى ودينى الصيدليه ؟؟؟
قالها ليش ؟
قالت ابى اشترى دواء لولدى مريض ؟؟؟
قال اوكى مسكين زوجى على نياته فديته ......
المهم راحوا وما شاف ايش جابت لانه فى هذا الوقت طالب عشاء اقصد سحور
(وعند البطون تعمى العيون)
المهم قبل لا اكل قتله بروح الحمام اغسل يدى وعملت التحليل ورجعت له بسرعه بدون ما انتظر النتيجه
وجلست اكل عادى بس قلبى معلق فى الحمام
خلصت اكل بسرعه بحجه انى ما اقدر اكل لانى تعبانه
ورحت الحمام وانا افتح العلبه كنت بموت اول ما عرفت انى حامل كأنى مجنونه اطالع نفسى بالمنظره وأضحك وعينى ادمع
المهم طلعت وخوات زوجى ينتظرون اشاره فعلا غمزت لهم عرفوا انى حامل
وكنت انا اتفقت معاهم لو كنت حامل ياخذون العلبه ويغلفونها كأنها هديه وعليها شريطه وحطوها بالدرج فى غرفتى
كنا فى هذا اليوم جايبين البوم العرس وهو بعد العشاء اخذ الالبوم وطلعنا الغرفه وجلس يشوف الالبوم على راحته وانا ميته واقولها ليش بطئ خلص يقولى ليش اقول عادى صور ليش ادقق
المهم بعد ما خلص قتله جبت لك هديه اليوم لما طلعت
قال شنهى ؟؟؟
رحت وعطيتها قتله خمن ؟
قال هذا شى خفيف ؟؟؟
ما خله شى ما قاله قتله افتح الورق
فتح
شاف العلبه
ما فهم ؟؟؟؟
مت من القهر ؟؟
قال شريتى الجهاز اخيرا بتجربين(لانه كان يقول بجيبه لج قتله لا انتظر لما تتأخر الدوره اسبوع)
قتله اقرأ التعليمات
اذا خط غير حامل
واذا خطين حامل
قال اوكى قتله فهمت التعليمات
قال
اى
قتله افتح العلبه لما فتح شاف خطين صار مثل المجنون يشوف الجهاز والعلبه ويقارن قال حامل ورمى العلبه
وصار الفيلم الهندى انا اصيح وهو مثلى وعلطول نزل بشر امه واحلى شى انها سوت نفسها ماتدرى وهى جاها الخبر من البنات
والحمد لله انا الحين حامل بالسادس واهم ما فى الموضوع الدلع اللى نشوووووووفه بأول حمل .......

[CENTER]

ضحكتوني والله يابنات ... احسب نفسي اول وحده تسوي هالحركه طلعت اخر وحده ...


انا طال عمركم كنت مركبه لولب لفتره سنتين تقريباً .. شلت اللولب بدون لايدري زوجي وقدر الله ان يصير حمل .. وصادف تحليل الحمل مع يوم الحب 14/2 وكنت مفلسه ماعندي دينار اشتري له شي .. وجت في وقتها .. شريت علبه وربطت التحليل بشريط احمر وحطيته بالعلبه .. طبعا ً جاني اخينا بالله يد قدام ويد ورى ولا متذكر انه يوم الحب ولا شي ... شاف الهديه وتغليف احمر طارت عيونه .. طالعني بنظرة الفاهم يعني وقال هاه سويتيها وشريتيلي موبايل ... اللي يدل لكم انه مو طاري على باله ابد ... قلت له افتح الصندوق واترك عنك التخمينات .. لانه احرجني بصراحه يوم قال موبايل خخخخخ


المهم طلع التحليل وانا انتظر الحين ردت الفعل ... الاخ يطالع ويحسب مسويه فيه مقلب يقال انه مايطوفه شي .. واقعد احلف واعلمه اني شلت اللولب وكذا لين استوعب وفرح طبعاً لانه من مده يحاول فيني اشيل اللولب وانا رافضه بعد تجربتي من الولاده الاولى الله لايوريكم ...



الله يتمم عليكم حملكم خواتي ويسهل ولاداتكم انشاء الله

افكاركم كلششششش حلوه ناويه اطبق وحده منها على الطفل الثالث ههههههههه يعني عندي طفليين . اول حمل كان زوجي وياي عند الدكتوره وعرفنا مع بعض اني حامل , الفرحه الكبيره بحملي الثاني والقصه كالاتي


بعد ولادتي ببنتي الاولى والعذاب اللي شفته كرهت الحمل واستعملت لولب لمده اربع سنيين , وبعد مارفعت اللولب ما صار حمل مباشرتا وقلقنا انا وزوجي خصوصا ان الموضوع طول لمدة سنه , وبيوم كانت الدورة متاخره 13 يوم كالعادة من الحاله النفسيه اللي كنت بيه , كنت في المدرسه << طالبه وكنت دايخه فاتصلت عليه وقلته تعال اخذني صار عندي هبوط من الرجيم وقله الاكل ولا على بالي او باله الحمل, طلب نروح للدكتور بسسس للتاكيد وافقت ... وكانت المفاجئه لما خبرونا بالحمل والله نزلت دموعه من الفرحه وحضني وظل يبوس بيه عند الطبيبه وطوووول الحمل دلع عيني دلع وسلامتكم.

صح مافي موقف عملته بس حبيت اشترك معاكم .

انا اول ماتاخرت علي الدوره اسبوع رحت شريت جهاز التحليل ... وسويت التحليل وانا كنت توني راجعة من الدوام .. وعرفت اني حامل واهو رجع بعدي .. حطيت الجهاز بعد مابين اني حامل على المراية في الحمام وبجانبها العلبة توضح اذا خط مافي حمل واذا خطين يعني حامل وكان طالع معي خطين ... دخل اهو وناداني شنو هذا شنو يعني قلت له اكيد قريت وعرفت وفرح واااااااااااااااااااايد ..

انا الدورة كانت متأخرة علي 5 ايام وقلت له خلني احلل وما رضى يقول لي يمكن مو حامل وتصدمين روحج
بعدين لما طلع رحت شريت التحلليل وطلعت النتيجة اني حامل
ف على طول اتصلت فيه وقلت له اني حامل
اهو كان يكلمني مستغرب مو مصدق


ولكن في حملي الثاني تأخرت الدورة عليي 4 ايام او 3 واصر زوجي احلل وانا كنت خايفة انصدم
ولما اصر رحت معاه المتشفى اخذوا مني عينة دم
وقعدنا ننتظر النتيجة وكل واحد خايف تقريباً نص ساعة
وبعدين طلعت النتيجة والدكتورة ما قالت زوجي اخذ الورة ومشى وما شاف داخلها
ولما صولنا قريب من السلم شاف الورقة وقال لي مبروك حامل
ومن فرحتي قمت اصيح
والكل يشوفني وانا اصيح
وهو الابتسامة كانت شاقة فمة من فرحتة
والله يتمم لنا على خير

انا قصتي اني كنت اتعالج بالحبوب والابر
المهم تميت اول 7 شهور احاول بالطرق الطبيعيه وما صار حمل
المهم كنت كل شهر اروح اسوي الفحص وننصدم ويصيدنا الاحباط واليأس
المهم بعد العلاج بالحبوب والابر والمتابعات من الدكتورة قالت لي بعد اسبوعين اذا ما يتج الدورة شيكي
وانا كنت خااااااااااااايفه
عموما هالمره قلت ما بخسر فلوسي مثل كل مره
بسوي التحليل بالمستشفى ببلاش
سويته يوم الثلاثاء
والنتيجة الاربعا
طبعا على اخر الدوام صديقتي كل شوي تقول لي بتشيك وانا اقول لها لا من الخوف
المهم طلعت النتيجه وطلعت حامل طرت من الفرح مو عارفه شنو اسوي
بس اللي مو حلو بالموضوع اني مو انا اللي خبرته
صديقتي احرجتني انها تخبره هي بنفسها
بس لما رجعت البيت كنا فرحانين وسوينا فيلم هندي مثلكم طبعا
وهو يالس عند الكمبيوتر وويه يضحك مو قادر يسيطر على ابتسامته اللي ما فارقته ذاك اليوم
وان شاء الله الحمل الثاني بخبركم كيف القصة

تحياتي

هههههههههههههه

يحليلكم والله يابنات ... يؤيؤيؤيؤ قصدي ياحريم ويا أمهات :)

موافقكم و أفكاركم حلووه بالحيل ^____^ الله يسعدكم ويصلح لكم الذريه الصالحه يارب

ههههههههههههههههههه

كنا عند الدكتور وهو يقول اكيييد مو حامل<<<<كان لنا ساعتين ننطر النتيجه

الا الدكتور يقول لا امل انا خفت على طول واهو حلجه وصل لين اذنه من الفرحه هههههههههههههههههههههههههههه

مبروووووووووووووكمبوجا......الله يثبته انشاء الله ...........ويعوضج بتوم عن حملش الأولي........

الف الف مبروووووووووووك واتحملي بروحج:smile:

انا تأخرت عني الدورة و مر اسبوع و انا انتظر الدورة و ما في شي قلت بشتري الجهاز و زوجي مستانس و كان مصر اني حامل

بس الفحص طلع سلبي مب حامل خط واحد و سرت و قلت له مب حامل بطل عيونه و سوا حركه انه اغمى عليه و طاح من الكنبه وهو مصدوم و انا اضحك عليه :D2
بعدها بسبوع انا انتظر الدورة وما يات قلت له خلاص اشتر مرة ثانيه الفحص و جربت طلع خط خفيف قلت له اكيد غلط
و جربنا اكثر عن مرة و اخر شي قالي طبي السالفه خلاص و هو سار يشوف مبارة و انا عندي جهاز بعدني
قلت بجربه و بخليه
و جربته و خليته و سرت اشوف التلفزيون يوم رجعت حصلت خطين بس خفاف اتصلت فيه و هو مخه مب معاي قلت له انا حامل قالي زين مع السلامة
بعدها بدقيقه اتصل قال شو قلتي :D2:think: وين مخك ابو الشباب انا حامل قالي لا تفرين الجهاز مع السلامة

و شافه ما صدق و رجع اشترا جهاز و اشترا غيره و ما صدق وخذاه حق اللي تشتغل في الصيدليه و قالها شو يعني هذا قالت له حمل
رجع قالها عطيني بعد جهاز ههههههههههههههههههههههه

و الحينه انا داخله في الشهر الثامن و لو اقوله شو رايك اجرب الجهاز بيقولي يلا عدنا واحد مب مستخدم ههههههههههه و هو مب مصدق اني حامل

حتة موضوع انما تحفة

حلووووووووووو موووووت

واسلوبكم في المفاجات جميل


ام الزين تسلمي ع الموضوع التحفة ده فعلا فكرته جميلة

أنا تأخرت الدورة يوم واحد بس .. وكنت بالدوام ومستعجلة على رجعة البيت حتى أشيك .. وأول ماوصلت دخلت دورة المياه وطلعت جهاز اختبار الحمل وسويت التحليل مابين شي .. تضايقت وحطيت الجهاز على جنب وغسلت يدي ونشفتها ولما جيت أرمي الجهاز وإلا أشوف خط خفييييف :rolleyes: .. ماصدقت .. وانتظرت حتى العصر واتصل زوجي وقال رح أتأخر شوي بالدوام .. قلت حلوووووووووووو .. وطلبت السواق ورحت للمستوصف وعملت تحليل دم ورجعت البيت .. بعد نص ساعة اتصلت عليهم وسألت عن النتيجة وقالت مبروك فيه حمل ..
أول ماعرفت الخبر جلست ألف بالبيت من الفرحة ما ادري وشس أسوي .. وبعدها رحت أخذت دبدوب صغير عندي وعلقت بيده بلونه وكتبت عليها ( ألف مبروك يا بابا) وحطيته عند مدخل البيت ( على الطاولة ) .. وأول ماسمعته يفتح الباب صرت أنتفض .. ودخل عادي وماشفت أي تعبير على وجهه .. وسلم وبعدين التفت وراه ورجع للدبوب ومسكه وقرأ اللي مكتوب على البلونه .. ودخل وهو مندهش .. قال ايش معنى هالكلام .. قلت انت وش تشوف ؟؟ قال انتي حامل ؟؟ قلت ايه :o
من الفحة حضني وهو يبكي وأنا بكيت معاه ..
طبعاً أنا جلست سنة وبعدين حملت ..

السلام عليكم ورحمة الله وبركاته انا ضيفه جديدة هذا اول مو ضوع لي حبيت اشاركم فية اناطبعاً حملت على طول ولمن ظهرت النتيجة كان زوجي مش معاي ولمن طلعنا من المستشفى قلت نفسي اروح السوق ورحت وشريت لبس نونو بدلة وطربو ش وجزمة وقلت لصاحب الهدايا البسه عروسة دمية وحطة في تغليفةماينشاف الي جوا وقدمت لة الهديا لمن رجعنا وشغلت شموع وجالس اخمن قلت انا له خايفة ايصير مش مقاسك وهو ولا طرا على بالة الحمل ولمن فتح الهديه بصعوبة فهم وحطمني قال بدري ليش استعجلتي حتى مبروك ماقال الا لمن شافني زعلت

تسلمون على مشاركتكم الحلوه
مصراويه نورتى بمشاركتج ووحشتيني مووووت

[CENTER][CENTER]السلااام عليكم

،،

شكراًً أم الزين على المووضووع الحلووووووو



--------------------------------

حلووووووووين طرقكم يا حريم ههههههههههههه

اناا ان شاء الله اذا عرست وحملت ، راح اخبركم بالقصة

سلااام

a witch

وااايد حلوه القصص تسلمون
الموضوع قمة في الروعه