الولادة وآلامها كيف تكون

اختي قلوب بصراحة موضوعك حلو وبنف الوقت رجع لي ذكريات قبل اربع سنوات كانت ولادتي الأولى وطبعا بكر وغبية ماأعرف شئ كانت ولادتي تأخرت اسبوعين عن موعد الدكتورة وقالوا طبيعي وتعبت نفسيتي خلاص الوقت يمشي والإختبارات ماعاد باقي عليها شئ واختكم تبي الفكة وفي نفس الوقت خايفة أولد بنص الإختبارات (( تبي تتخرج )) جاء يوم الإربعاء ورجعت من الجامعة حاسة بألم اسفل ظهري زي الم الدورة قبل لا تنزل بس أقوى طبعا هذا الألم يروح ويجي علي طول التاسع قلت في نفسي اكيد زي باقي الأيام شوي ويروح بس انة صار يتكرر كل ساعة والثانية بعد العشاء طلعت امشي وزودت الوقت لساعتين ونص مشي ولا حظت رجولي تنفخت ةالثقل كلة نازل على تحت كأن شئ بيطيح مني ورحت البيت تعشيت ورحت أبي انام كلها ربع ساعة او أكثر شوي صحيت عندي مغص ثم اسهال متكرر وكل شوي وانا بالحمام (( وانتوا بكرامة )) غريبة ياربي وش ذا والم اسفل البطن والظهر مع بعض
وكل ما حاولت اتمدد شوي قمت اكمل مناوبة في الحمام بس أخيرا على الفجر قلت يمكن فيني ولادة خليني افر الغرفة مشي وصحيت زوجي من كثر الحركة خاف ياللة المستشفى قلت لا امي تقول لا تروحين بدري حتى تنزل عليك موية ودم وأنا ولا شئ طبعا الغريبة كان يوم الخميس عندي مراجعة قلت بستنى الموعد وروح مرة وحدة والساعة سبعة الصبح زاد الألم وصار ورى بعض خفت ورحت الطوارئ وقالت (( حتولدي النهار ده الرحم مفتوح4 سم ودخول )) طلعت ابكي عند زوجي فرحانة اني بولد وخايفة من الألم لايزيد
طبعا كل هذا صار لي وانا في بيت اهل زوجي تعبت وخرجت من عندهم من غير ماأحد يحس مسوية مستحية ولا مريت بيت اهلي آخذ اغراضي حتى جاء الظهر وولدت

(( من ابرز علامات الطلق عندي الإسهال غريبة ما جاني طوال حملي بس ذيك الليلة وهو عادة يجيني قبل لا تنزل الدورة ))
(( ما خرجت لي اي علامة ولادة لا ماء ولا دم حتى فتح الدكتور الماء بنفسة بعد اربع ساعات من دخولي ))
(( الم متواصل في اسفل بطني وتوسع في المهبل بسبب اقتراب خروج الطفل مع الم في الظهر ))
(( احساس شديد بالتعب والرغبة في الصراخ بصوت عالي )) بس ما سويتها
((لم اتناول اي شئ للشرب اوالأكل طوال الليل )) ماأعرف وماأحد قالي وش اسوي
******** (( بس في حملي هاذا راح ارتب اموري من بدري علشان ماني عارفة كيف بيكون وضعي


آســـــــــــــــــــــــــــــفة على الإطــــــــــــــــــــــالة

بالنسبه لي انا كان باقيلي اسبوع على موعد ولادتي وللمعلوميه انا من اول مادخلت التاسع وزوجي الله يحفظه يمشيني لاوالله مايمشيني إلا يخلي أركض والله احيان كنت شوي وابكي من الألم إلي احسه بالحوض وبرجولي وكل شوي اقول لزوجي الله يخليك بس شوي ارتاح خلينا نمشي والله مو زين للحامل تركض يقولي"إلحين تشوفين نفسك يوم تمشين تزحفين زحف "اقعد اضحك والله من الموقف احس نفسي احلم والله تعذبت معاه يسويلي عقوبات يخليني امشي في البيت كل يوم ساعه ونص غير إلي برا
وللمعلوميه قالتلي الدكتورة خذي ملعقة زيت خروع مع عصير او مع قرفة في اليوم مرتين وقالت الرحم مفتوح سانتي ونص والجنين نازل بالحوض وبإذن الله تولدين الليلة او بكرا ......................... ويمر اسبوع وماجاني الطلق "ومازال زوجي مستمر على الركض " المهم يجيني بعد ماخذ الخروع الم بسيط مثل الضغط مو مثل الام الدورة للعلم اللام الدورة عندي شديدة جداً .. وكانت ماما تقولي ايش تحسي يوم اقولها ضغط في بطني تقولي لا هذامو طلق .. بعد الأسبوع رحت للدكتوره مراجعه عاديه وليلتها كان ينزل مني وسخ بني وفيه شويت دم ... يوم شافتني الدكتوره وقرأت الملف قالتلي انتي لسه ماولدتيش ضحكت قلت لا بس انا تعبانه ومامعايا طلق تكشف عليا الدكتوره وتقولي خلاص انتي ولاده .......... فرحت وخفت نفس الوقت وقلتلها بس انا مامعايا طلق قالت تحمدي ربنا انو مامعاكيش طلق ...................خفت زياده قلتلها بس انا مابي طلق صناعي قالت لا ماراح نحتاج "مع العلم ان امي ماتولد الا بطلق صناعي" يودوني الحين غرفت المخاض وزوجي معاي وتعطيني الممرضه الروب وزوجي يلبسني ومستانس واحسه خايف ومتوتر وانا عادي اصلاً موحاسه بمغص ابد ................ يرقدوني عالسرير ويعطوني المغذي وماتمر ربع ساعه إلا والطق يجيني وتجي امي وابوي .... وانا تعبانه ................... وتقولي امي يابنتي ياحبيبتي وتبكي وليش تخليهم يولوديكي الحين حطولك طلق صناعي ............. ويزيد الطلق واخاف زياده وبعدين تجيني الممرضه ومعاه شئ مثل العود الي ياكلون فيه الصينين وتفقع الكيس وتنزل المويات ..............وقسم بالله جاني الم ماانساه في حياتي طلق جامد موت مووت موووووووووت وابكي وزوجي وابوي يقولوي اقرأي قرآن سبحي قولي الحمدلله وانا اصارخ واقول ما اقدر وامي تبكي وتجري على الممرضات وتقولهم بصوت عالي "اعطوها ابره يهديهااااا حرام عليكم بنتي تبي تموت من الوجع" وتجري الممرضه وخذ الإبره ويخف الألم وادوخ وبعدها اهستر واقول كلام ماينقال وامي تبكي تحسبني راح اموت ومن ضمن الكلام اني ماصليت الفجر لأن شفت وسخ عالكوليت ومامداني اتحمم على شان زوجي مستعجل والحين الله مايسامحني وابكي والله يعلم بهذاك اليوم ايش قلت ........................... المهم بعد وقت حان وقت الولاده وتمسكني القابلة والممرضات وياخذوني على غرفة الولادة وانا اقولهم"الله يخليكم لا تألموني والله انا احبكم والله ماأضايقكم أنا آسفه علشان وسخت السرير بالمويا والله مااقصد"وكله هذا من الإبرا إلي هسترتني والممرضات حزنو عليا ويقولولي لا تخافي والله الولاده ماتخوف الحين تجيبي بيبي حلو وتصيري ام ... قسم بالله ماأنسا هالمواقف ........... والحمدلله دخل زوجي ودخلت امي معاي وانا اولد امي ماسكه الكمامه وزوجي يمسك كتفي ويهديني .....................المهم ولدة بعد التعب ... ومن اسعد المواقف يوم رفص البيبي وهو طالع أذن صلاة العصر ويوم طلع قعدت اكبر وانا ماادري عن نفسي ...الله اكبر الله اكبر لاااا إله إلا الله ...مع الأذان بعدها نمت مع الكمامه لكن فتحت عيني وشفت زوجي مبتسم وهو ماسك الكاميرا وهذي لمدة ثاني وماانساه ابتسمت لأني حسيت بفرحته ودخت

والحمدلله انا حامل الحين برغبت زوجي طبعاً لأن انا بعد هذي الولاده جاني خوف ومااتخيل نفسي اولد مرا ثانيه ....وانا ماخبي عليكم انا بعد الولاده بشهرين جاني اكتئاب وخوف من الموت مع الوسوسه وكنت اطالع ولدي واحزن عليه لأنه راح يكون يتيم وبعد فترة اتحسن وضعي والحمدلله ..............وإلا الآن مااعرف سبب هذا المرض
وآسفه على الإطاله بس حبيت تعرفون معلومات يمكن ماتصير مع الكل

قصصكم حلوة عن الولادة احس ان فيها شوية مغامرات ...

بس شي جميل .. وان شاء الله اجرب هاي اللحظات عقب شهرين ... ادعولي انها تكون سهلة وسريعة ...

الله والله احساس حلو بس يخوف والله :( انا باقي لي 3 شهور ان شالله واولد وبخبركم بكل شي ان شالله .. ادعوا لي الله يرضى عليكم دوم احلم اني ولدت وانا بعدني في السابع اللحين ...

الله يسهل على الجميع

السلام عليكم و رحمة الله و بركاته

كيف حالكم يا أحلى حوامـــــــــــــــل...

يا هلا يا هلا يا حوامل

إن شاء الله مستعدّين للحدث الجميل

شوفوا...راح أقول لكم من تجربتي في الولادة

طول الشهر التاسع...بالذات بعد ما أمشي...تصيبني آلام رهيبة أسفل البطن..و في الظهر كمان...و مرة كنت خلاص رايحة المستشفى..بس الوالدة قالت لي هذه إسمها تفاسيح...مش ولادة...

لمّا كنت أرجع من المشي و أرتاح...ألاقي هذه الآلام خفّت...لحد ما تروح...ساعات تستمر 3 ساعات...و بعدين تروح...

و ما كانت تزيد...بل تظل في معدّل ثابت...


لكن يوم ما جاء الطلق...حسّيت طريقة الألم إختلفت...سبحان الله شيء بداخلك يقول لك إنه الطلق...برضه كنت راجعة من المشي...و بدأ الألم من الظهر...بعدين يسحب للبطن من أسفل...بعدين للفخوذ...يستمر دقيقة و بعدين يروح...

لما إرتحت و نمت ما راح الألم...بل بالعكس...كل مرة يزيد عن اللي قبلها شدة الألم..

بعدين لقيت الوقت صار يتقارب...و الألم صار أكثر...و بدأ الطلق...و رحت المستشفى لما كان الفرق بين كل طلقة و طلقة 5 دقايق...مش قبلها علشان ما يلعبوا فيه كثير...و هم قالوا لي هذا الوقت المناسب...

أقولكم الصدق...فرحت من قلبي وقتها...لسببين :

1. أخيرا كلها كام ساعة و أشوف جنيني اللي في بطني من 9 شهور

2. الحالة النفسية تأثر بشدة على الولادة...لذلك كنت أحاول أبتسم و أضحك علشان أكون ريلاكس

الله يتمم لكم على خير و يقومكم بالسلامة إن شاء الله